مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزىن بەكەمدەدى
— 2024 - جىلى ۇگىت، يدەيا، مادەنيەت ىستەرىندە جاڭا بەينە ايگىلەندى
شينحۋا اگەنتتىگىنىڭ تىلشىلەرى
مادەنيەت − ءبىر ەلدىڭ، ءبىر ۇلتتىڭ جانى.
جۇڭگو ۇلگىسىندەگى وسىزامانداندىرۋدى ىلگەرىلەتۋ ۇردىسىندە تەك مادەنيەتتە وزىنە سەنىپ، ءوزىن الۋەتتەندىرگەندە عانا، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە قۋاتتى رۋحاني كۇش ۇستەۋگە بولادى.
”قۇدىرەتتى يدەيالىق جەتەكشىلىك ەتۋ قۋاتىنا، رۋحاني ۇيىستىرۋ قۋاتىنا، قۇندىلىق باۋراۋ قۋاتىنا، حالىقارالىق ىقپالعا يە جاڭا داۋىردەگى جۇڭگوشا سوتسياليستىك مادەنيەتتى ۇزدىكسىز دامىتىپ، حالىقتىڭ رۋحاني كۇشىن ۇزدىكسىز نىعايتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزىن بەكەمدەۋ كەرەك“. 20 - كەزەكتى ورتالىق كوميتەت ساياسي بيۋروسىنىڭ 17 - رەتكى توپتىق ۇيرەنۋىن باسقارعان كەزدە باس شۋجي شي جينپيڭ وسىلاي دەپ تەرەڭ اتاپ كورسەتتى.
ءبىر جىلدان بەرى، شي جينپيڭ مادەنيەت يدەياسىنىڭ جەتەكشىلىگىندە، ۇگىت، يدەيا، مادەنيەت شەبى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ستراتەگيالىق بيىگىن كوزدە ۇستاپ، جاڭا داۋىردەگى مادەنيەت بورىشىن مىقتاپ يگەرىپ، جۇڭحۋا مادەنيەت تامىرىن جالعاستىرىپ، مادەنيەتتىڭ گۇلدەنىپ - كوركەيۋىن ىلگەرىلەتىپ، نەگىزگى اعىمدىق قۇندى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى دامىتىپ، زورايتىپ، ۇگىت، يدەيا، مادەنيەت ىستەرىندە جاڭا جاعداي اشۋدى، جاڭا بەينە ايگىلەۋدى ىلگەرىلەتتى.
نازاريا قۇرىلىسىن كۇشەيتىپ، يدەيالىق نەگىزدى بەكەمدەدى
2024 - جىلى 11 - ايدىڭ 29 - كۇنى ماركسيزم نازارياسىن زەرتتەۋ جانە كەمەلدەندىرۋ ينجەنەرياسى قىزمەتى ءماجىلىسى بەيجيڭدە اشىلدى، ماجىلىستە باس شۋجي شي جينپيڭنىڭ ماڭىزدى نۇسقاۋى جەتكىزىلدى.
”تۋراشىلدىقتان اينىماي جاڭالىق اشۋعا تاباندى بولىپ، نازاردى جاڭا داۋىردەگى جۇڭگوشا سوتسياليزم يدەياسىن ۇيرەنۋگە، ۇگىتتەۋگە، دايەكتىلەندىرۋگە شوعىرلاندىرىپ، جۇيەلىلەنگەن، عىلمي قاعيدالى زەرتتەۋدى، ءتۇسىندىرۋدى كۇش سالا تەرەڭدەتىپ، ۇيرەنۋدىڭ، ۇگىتتەۋدىڭ باعىتتامالىلىعىن، ناقتى ونىمدىلىگىن كۇش سالا كۇشەيتىپ، پارتيانىڭ جاسامپاز نازارياسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتۋ كەرەك“.
باس شۋجي شي جينپيڭنىڭ ماڭىزدى نۇسقاۋى ينجەنەريانىڭ ىشكەرىلەي اتقارىلۋىنا ماڭىزدى بويسۇنۋ ولشەمىن ازىرلەپ قانا قويماي، پارتيانىڭ يدەيا - نازاريا قۇرىلىسىن كۇشەيتۋگە دە العا ىلگەرىلەۋ بەتالىسىن ايقىن كورسەتتى.
ۇگىت، يدەيا، مادەنيەت شەبى نازاردى كۇش - قۋاتتى ۇيىستىرا وتىرىپ پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ سىندى ماڭداي الدى ساياسي مىندەتكە شوعىرلاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، زەرتتەۋدى، ۇگىتتەۋدى قاجىماي - تالماي ىلگەرىلەتىپ، ۇزدىكسىز تەرەڭدەتتى، ناقتىلاندىردى.
نازاريا زەرتتەۋدى تەرەڭدەتىپ، جۇيەلىلەنۋ، عىلمي قاعيدالانۋ قۇرىلىسىن ىلگەرىلەتۋ − پارتيانىڭ نازاريامەن قارۋلانۋىن كۇشەيتۋدىڭ نەگىزگى العى شارتى.
بەيجيڭ كىتاپ سارايىنا كىرگەندە، 1 - قاباتتاعى ۇلكەن زالدا وقىرماندار قولدارىنا تاياۋدا عانا باسپادان شىققان «شي جينپيڭ مادەنيەت يدەياسىن ۇيرەنۋ باعدارلاماسىن» الىپ، تاپجىلماي وقۋدا.
70 مىڭعا جۋىق ارىپتەن تۇراتىن وسى قۇزىرلى كومەكشى وقۋلىق شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مادەنيەت سالاسىنداعى ءتول جاسامپازدىق سيپاتتى ۇلەسىن جان - جاقتى بەينەلەگەن. شي جينپيڭ مادەنيەت يدەياسىندا قامتىلعان عىلمي اقيقات قۇنى، قۋاتتى رۋحاني كۇش، ۇشان - تەڭىز مادەنيەت سۇيىسپەنشىلىگى، ايقىن اماليات قاسيەتى كىتاپ بەتتەرىندە ايگىلەنگەن.
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي زەرتتەپ، وندا قامتىلعان قيسىندى، عىلمي قاعيدانى، فيلوسوفيالىق قاعيدانى تاپتەشتەي ءتۇسىندىرىپ، جوعارى ساپالى زەرتتەۋ جەتىستىگىن ۇسىنۋ − ۇگىت، يدەيا، مادەنيەت شەبىنىڭ ارقالاعان اۋىر مىندەتى.
ءبىر جىلدان بەرى، شي جينپيڭ جولداستىڭ «وقۋ - اعارتۋ جونىندە»، «حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندە» جانە «شي جينپيڭنىڭ پارتيانىڭ ءتارتىپ قۇرىلىسىن جاپپاي كۇشەيتۋ جونىندەگى بايىمداۋلارىنان ۇزىندىلەر» قاتارلى شىعارمالارى باسپادان شىعىپ تاراتىلىپ، نازاريالىق زەرتتەۋگە قاتىستى سۇبەلى شىعارمالار ارت - ارتىنان جارىق كوردى...
ءبىر قىدىرۋ نازاريا جەتىستىكتەرى تۇرلىشە كوز ايا، تۇرلىشە تۇرعىدان شي جينپيڭ جاڭا ءداۋىر جۇڭگوشا سوتسياليزم يدەياسىن جۇيەلىلەنگەن، عىلمي قاعيدالى زەرتتەۋدى، ءتۇسىندىرۋدى كەڭەيتىپ، پارتيانىڭ جاسامپاز نازارياسىمەن قارۋلانۋدى تەرەڭدەتۋگە ماڭىزدى تىرەك ازىرلەدى.
عىلمي قاعيدالى ءتۇسىندىرۋ جاعىندا دا تەرەڭ زەرتتەپ، جۇرتشىلىققا بەيىمدەپ ۇگىت لەكسيا جاساۋ جاعىندا دا كۇش سالىپ، جاندى يدەيانى جاندى باياندادى.
ءبىر ميكروفون − ءبىر نازاريا ءتۇسىندىرۋشى. جىجياڭنىڭ حاڭجوۋىندا ”جاستاردى سويلەۋگە ۇسىنىس ەتۋ · نازاريا اشىق ميكروفونى نەگىزگى ساتى نازاريا زەرتتەۋ لەكسياسى“ قيمىلى ورنىندا جاستار ”پارتيانىڭ جاسامپاز نازارياسىن مەن ۇگىتتەيىن“ نەگىزگى تاقىرىبىن ارقاۋ ەتە وتىرىپ، اشىق ميكروفوندا اقتارىلا سويلەپ، رايى ايرىقشا دۋماندى بولدى.
”اشىق ميكروفون“ فورماسى − 2024 - جىلعى جىجياڭنىڭ نازاريا ۇگىت لەكسيا جاعىنداعى ولكەلىك دەڭگەيدەگى جاڭا ىزدەنىسى، جاستاردىڭ ۇناتاتىن شەشەندىك فورماسىن نازاريا تاراتۋ بارىسىنا پايدالانىپ، پارتيانىڭ جاسامپاز نازارياسىن ”قاراپايىم بۇقارا وتباسىنا جەتكىزۋدى“ ىلگەرىلەتتى.
جاناسىمدى، جاندى، باۋراۋ قۋاتىنا، تارتىمدىلىق قۋاتىنا باي بۇقارالىق سوزدەن پايدالانعاندا عانا، عىلمي نازاريانى بۇقاراعا جەتكىزۋدىڭ كوپىرىن سالۋعا بولادى.
ءدال باس شۋجي شي جينپيڭ اتاپ كورسەتكەندەي، پارتيانىڭ نازاريادا جاڭالىق اشۋى مەن امالياتتا جاڭالىق اشۋى توتەنشە جاندى بولدى، ءبىزدىڭ ۇيرەنۋىمىز دە جاندى بولۋعا ءتيىس.
ءبىر جىلدان بەرى، بۇقارا تۇرعىسى، بۇقارا ءتىلى، بۇقارانىڭ سۇيىسپەنشىلىگى ارقىلى نازاريانىڭ بۇقارامەن ”تىكە جاناسۋىن“، ”بەتپە - بەت“ كەلۋىن ىلگەرىلەتىپ، ۇگىت، يدەيا، مادەنيەت شەبى پارتيانىڭ جاسامپاز نازارياسىنىڭ بۇقارانىڭ جانىنا جەتكىزىلۋىن، بۇقارانىڭ جۇرەگىنە ۇيالاۋىن ىلگەرىلەتتى.
ورتالىقتىڭ نەگىزگى اقپارات مەديالارى ”شاعىن اپپارات كوزى“، ”ءبىرىنشى باقىلاۋ·جۇمىس باسى“ سياقتى توعىسپالى مەديا ونىمدەرىن جاسامپازدىقپەن تۇلعالاپ، «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» (ءۇشىنشى بولىگى) سياقتى تەلە قويىلىمىن ازىرلەپ، ۇلكەندى - كىشىلى ەكران ارقىلى نازاريانى جالپىلاستىرۋدىڭ اياسىن ۇزدىكسىز كەڭەيتتى.
”ۇيرەنۋدە قۋاتتى ەل“ ۇيرەنۋ تۇعىرى نازاريا شەبى كەڭىستىگىن ۇزدىكسىز كەڭەيتىپ، ”جالپى حالىقتىڭ ات سالىسۋىنا، جالپى حالىقتىڭ ۇيرەنۋىنە“ دەم بەردى؛ ”اۋلاداعى شاعىن ساباقحانا“، ”الەۋمەتتىك اۋماق شاعىن ساباقحاناسى“ اۋىل - قىستاق كوشەلەرىنە ىشكەرىلەي ەنىپ ”جاڭا يدەيانى“ جەتكىزە جىرلادى، نازاريا ۇيرەنۋ دانەكەرى كۇن سايىن مولايىپ، فورماسىندا ۇزدىكسىز جاڭالىق اشىلدى.
يدەيانىڭ شۇعىلاسى الداعى جولدى نۇرلاندىرىپ، نازاريا ۇيرەنۋ جۇرەككە تىكە جول تارتتى.
پارتيا مۇشەلەرى مەن كادرلار اناعۇرلىم سانالىلىقپەن ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى ءتۇسىندى، ۇلكەن يدەيا - ساياسي ساباعىندا ”جاستار جاستارعا ساباق سويلەدى“، نازاريا ۇيرەنۋ كومەكشى وقۋلىعى ءوتىمدى كىتاپ تىزىمىنەن ورىن الدى، شي جينپيڭ جاڭا ءداۋىر جۇڭگوشا سوتسياليزم يدەياسي حالىق شىنايى مويىندايتىن، حالىققا تيەسىلى نازارياعا اينالدى.
ىنتىماقتىلىققا، ورنىقتىلىققا جىگەرلەندىرىپ، رۋحاني كۇش ۇيىستىردى
ۇلتتىڭ گۇلدەنۋى قۇن جەتەكشىلىگىنەن ايرىلا المايدى، الىس ساپار رۋحاني تىرەكتى اسا قاجەت ەتەدى.
”جۇڭگو رۋحىن، جۇڭگو قۇنىن، جۇڭگو كۇشىن ۇزدىكسىز ورناتىپ، نەگىزگى اعىمدىق قۇندى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى دامىتۋ، زورايتۋ كەرەك“. باس شۋجي شي جينپيڭ ۇگىت، يدەيا، مادەنيەت شەبىنە ايقىن بەتالىس نۇسقادى.
كەلەلى جاعدايدى كوكەيدە ساقتاپ، اۋقىمدى يگەرىپ، ءىرى ىستەرگە كوز جىبەردى، ءبىر جىلدان بەرى، ۇگىت، يدەيا، مادەنيەت شەبى نەگىزگى اۋەندى اسقاقتاتىپ، وڭ ەنەرگيانى ساۋلەلەندىرىپ، بۇكىل پارتيانىڭ، بۇكىل ەل حالقىنىڭ جىگەرىن تاسقىنداتىپ، رۋحىن سەرپىلتىپ، پارتيا ورتالىق كوميتەتى بەلگىلەگەن ايبىندى نىساناعا قاراي ءبىر نيەتپەن ىنتىماقتاسىپ العا ىلگەرىلەدى.
بۇل بارعان سايىن تولىسقان وتانعا تەرەڭ ماحاببات −
2024 - جىلى 9 - ايدىڭ 29 - كۇنى حالىق سارايىنىڭ جينسى زالىندا شىراقتار جارقىراپ تۇر. «وتان قاھارماندارىنا قۇرمەت» مۋزيكاسىنىڭ ايبىندى دا اسقاق اۋەنىنە ىلەسە، باس شۋجي شي جينپيڭ مەملەكەت وردەنىنە جانە مەملەكەت داڭق اتاعىنا يە بولعاندارعا وردەندى، مەدالدى ءوز قولىمەن تابىس ەتتى.
وردەندەر، مەدالدار وشپەس ەڭبەكتى ەستە ساقتاۋدا. مەديا جانە ينتەرنەت ارقىلى قاھارمانداردىڭ ىزگى ىستەرى بۇكىل ەلگە كەڭىنەن تارالىپ، ميلليارد حالىقتىڭ وتانعا ماحابباتىن جانە ۇلى ىستەر جونىندەگى اسقاق جىگەرىن تاسقىنداتتى.
وتانشىلدىق − جۇڭحۋا ۇلتىنىڭ ۇلت تىلەگى، ۇلت رۋحى، ءبىزدىڭ ۇلت رۋحىمىزدىڭ ۇيتقىسى.
”وتانشىلدىقتى ءاربىر جۇڭگولىقتىڭ بەرىك سەنىمىنە جانە رۋحاني تىرەگىنە اينالدىرۋ كەرەك“ − باس شۋجي شي جينپيڭنىڭ ءتالىمى جۇڭحۋا پەرزەنتتەرىنىڭ جۇرەك قالاۋىن، كوڭىل تياناعىن ايتتى.
2024 - جىل − جاڭا جۇڭگو قۇرىلعاندىعىنىڭ 75 جىلدىعى، ماڭىزدى ءتۇيىندى وراي ەتىپ، ۇگىت، يدەيا، مادەنيەت شەبى وتانشىلدىق ۇلى تۋىن بيىك ۇستاپ، جاڭا جۇڭگونى جىرلاۋ، جاڭا جورىقتا ەكپىندەي ىلگەرىلەۋ نەگىزگى اۋەنىن اسقاقتاتا شىرقادى؛
تالاي - تالاي ساحنالارداعى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ مۋزيكا كەشىنىڭ جان تەبىرەنتەر اۋەنى تىڭدارمانداردىڭ وزگەشە بارىس جونىندەگى شىنايى ەستەمەلەرىن وياتىپ، جاڭا جۇڭگو قۇرىلعاندىعىنىڭ 75 جىلدىعىن قۇتتىقتاۋ تاڭداۋلى ءان - كۇي كونسەرتتەرى ءداستۇر مەن وسى زاماندى توعىستىرا ورىندالىپ قويىلىپ، ءداۋىر كەلبەتىن ايگىلەدى؛
كوگىلدىر ەكراندا ”داۋىرمەن ساپارلاس، حالىقپەن نيەتتەس بولۋ“ تاقىرىبىنداعى تەلەفيلمدەر تاراتىلىپ، «باتىس وڭتۇستىككە ساپار»، «تاۋ گۇلى اشىلعان ساتتە» سياقتى تاڭداۋلى تۋىندىلار ارت - ارتىنان قويىلدى، كينو «ەرىكتىلەر ارمياسى: ءومىر مەن ءولىم شايقاسى»، «قۇپيالىعىن شەشۋ» داڭقتى جىلداردى قايتالاي ەسكە سالىپ، قىزىل قان تامىردى جالعاستىردى؛
كورمە زالدارىندا، كورمە سارايلارىندا ”جەلبىرەگەن قىزىل تۋ بەينە سۋرەت سياقتى − سارايدا ساقتالعان قىزىل كلاسسيك مادەني ەسكەرتكىشتەر كورمەسى“، ”’مەملەكەت اگەنتتىگى ايناسى· عاسىر بەينەسى‘ اقپارات سۋرەت كورمەسى“ سياقتىلار كورەرمەندەردىڭ جۇرەگىنىڭ تەرەڭ قاتپارىنداعى، ەڭ باياندى وتانشىلدىق سەزىمىن تاسقىنداتتى؛
.....
ۇگىت، يدەيا، مادەنيەت شەبى تۇرمىسقا ىشكەرىلەي ەنىپ، حالىققا تامىر تارتىپ، جۇڭحۋا ۇلتىنىڭ مىڭ جىلدىق وراسان زور وزگەرىسىن سۇيىسپەنشىلىكپەن بايانداپ، 100 جىلدىق جۇڭگونىڭ دۇرىس ءومىر جولىن اشىپ كورسەتتى، وتانشىلدىق قىزۋ سۇيىسپەنشىلىك 100 ميلليونداعان جۇڭحۋا پەرزەنتتەرىنىڭ جۇرەگىندە تۋلادى.
بۇل بارعان سايىن تاسقىنداعان رەفورما كۇشى −
”قالاي ىستەگەندە سىرتتان كەلەتىن دارىندىلاردى باۋراپ، جەرگىلىكتى دارىندىلاردى الىپ قالىپ، ءتىپتى دە كوپ تاڭداۋلى جاستاردىڭ اۋىلعا قايتىپ شارۋاشىلىق قۇرۋىنا مۇمكىندىك جاساۋعا بولادى“؟ يۇننان ولكەسى چىڭجياڭ قالاسى يوۋسو قالاشىقتىق پارتكومىنىڭ شۋجيى ليۋ يۇنبين شىن ىقىلاسپەن سۇراق قويدى.
جالپى ءماجىلىستىڭ «قاۋلىسىنداعى» قالا مەن اۋىلدىڭ توعىسا دامۋ ءتۇزىلىس - مەحانيزمىن كەمەلدەندىرۋدەن باستاپ بايانداعان ورتالىق ۇگىت لەكسيا ۇيىرمەسىنىڭ مۇشەسى دارىندىلاردى ەنگىزۋدىڭ، دارىندىلاردى تاربيەلەۋدىڭ، دارىندىلاردى الىپ قالۋدىڭ، دارىندىلاردى پايدالانۋدىڭ ءارقايسى بۋىندارىندا قالاي ۇزدىكسىز كۇش سالۋ سياقتى جاقتاردان سۇراۋعا جاۋاپ بەردى، سول جەردە ءجيى - ءجيى ىقپالداسۋ بولىپ، شاپالاق ءۇنى دۇركىن - دۇركىن كوتەرىلدى.
بۇل پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسى مۇشەلەرىنىڭ يۇنناننىڭ قىستاق، قالاشىقتارىن ىشكەرىلەي ارالاپ ۇگىت لەكسيا جاساعان كەزدەگى كورىنىسى.
2024 - جىلى 7 - ايدىڭ سوڭعى شەنىنەن بەرى، ورتالىق كوميتەت ۇگىت ءبولىمى قاتىستى تاراۋلارمەن بىرگە ورتالىق ۇگىت لەكسيا ۇيىرمەسىن قۇرىپ، ءبىر ايدان استام ۋاقىتتا بۇكىل ەلدىڭ جەر - جەرىندە جيىنى 52 رەت بايانداما جاساپ، ءتۇرلى فورماداعى 57 رەت ءوزارا ىقپالداسۋ، پىكىر اۋىستىرۋ قيمىلىن وتكىزدى، تىكە تىڭداعان ادام 980 مىڭعا جۋىق بولىپ، تەلەۆيزيادا تىكە تاراتۋ، ينتەرنەتتە جالعاپ تاراتۋ سياقتى ارنالارمەن تىڭداعان، كورگەندەر سانى 20 ميلليون ادامنان استى.
پارتيا 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ايبىندى جوباسىن كەسكىندەدى. باس شۋجي شي جينپيڭ بىلاي دەپ اتاپ كورسەتتى: ”كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ رەفورمانى ءساتتى ىلگەرىلەتۋدە ايرىقشا ماڭىزدى“.
نەگىزگى ساتىعا جانە بۇقاراعا باعىتتالعان ۇگىتتەۋدى، ءتۇسىندىرۋدى كۇشەيتىپ، دەر كەزىندە كۇدىك - كۇماننان ارىلتىپ، قوعام ءجىتى قاداعالاپ وتىرعان ىستەرگە جاۋاپ قايتارۋ بۇكىل پارتيا، بۇكىل قوعام رەفورمانى بىرگە يگەرۋدىڭ يدەيالىق نەگىزىن، بۇقارالىق نەگىزىن بەكەمدەۋگە پايدالى.
اقپارات مەديالارى ”وسىزامانداندىرۋدى كوزدەپ، رەفورمانى تاعى دا تەرەڭدەتەيىك“ سياقتى ايدارلار اشىپ، «رەفورما جاساۋدىڭ، ەسىك اشۋدىڭ جاڭا تاراۋى» اتتى ەرەكشە حابارلار ۇسىنىپ، قالىڭ ءتىلشى، رەداكتورلار رەفورمانىڭ ءبىرىنشى شەبىندەگى دۋماندى امالياتتى ەستەلىككە الدى؛
باسپا سالاسى «جاڭالىق اشۋدىڭ بيىك بەلەسى: شىنجىن جاڭالىق اشۋ تولعانىسى»، «حاينان ەركىن ساۋدا پورتىنىڭ قىزۋ تۇيىندەرىن ءتۇسىندىرۋ» سياقتى سارا كىتاپتاردى شىعارىپ، رەفورما بيىك بەلەسىنىڭ قۇرىلىس جەتىستىگىن ايگىلەپ، ايرىقشا قۇندى تاجىريبە تولعانىسىن قورىتتى...
جالپى ءماجىلىس رۋحىن ىشكەرىلەي ۇگىتتەۋ، تانىستىرۋ، رەفورما شارالارىن ۇزدىكسىز حابارلاۋ، رەفورما حيكايالارىن تولىق ويداعىداي بايانداۋ ارقىلى بۇكىل پارتيا، بۇكىل ەلدەگى ءار ۇلت حالقىنىڭ رەفورما ورتاق تانىمى تولىق ۇيىستىرىلىپ، اقىل - پاراساتى، كۇش - قۋاتى ۇزدىكسىز توپتالدى.
ءارى رەفورما ءۇشىن دابىل قاعىپ، ۇندەۋ تاستادى، ءارى جالپى ءماجىلىستىڭ مادەنيەت سالاسىنا قويعان رەفورما مىندەتىن جاپپاي ويداعىداي تياناقتاندىردى.
ۇگىت، يدەيا، مادەنيەت شەبى يدەولوگيا قىزمەتى جاۋاپكەرشىلىك ءتۇزىمىن كەمەلدەندىرۋ، مادەنيەتتىك قىزمەت وتەۋىن جانە مادەنيەت ونىمدەرىن ۇسىنۋ مەحانيزمىن ساپالىلاندىرۋ، توراپتى جان - جاقتى باسقارۋ جۇيەسىن اقاۋسىزداندىرۋ، اناعۇرلىم ونىمدىلىككە يە حالىقارالىق تاراتۋ جۇيەسىن ورناتۋ سياقتى جاقتاردى مىقتاپ ارقاۋ ەتە وتىرىپ، زەرتتەۋدى، جوسپارلاۋدى كۇشەيتىپ، ناقتى جوبالاردى جاساپ، مادەنيەت ءتۇزىلىس - مەحانيزم رەفورماسىنىڭ تەز قارقىنمەن ورنىقتى، ىشكەرىلەي ىلگەرىلەۋىن جەبەدى.
بۇل بارعان سايىن بەكەمدەلە تۇسكەن دامۋ سەنىمى −
2024 - جىلى 9 - ايدىڭ 26 - كۇنى ورتالىق كوميتەت ساياسي بيۋروسى ءماجىلىس اشىپ، كەزەكتەگى ەكونوميكالىق جاعدايعا تالداۋ جاساپ، اقىلداسىپ، كەلەسى قادامداعى ەكونوميكالىق قىزمەتتى ورنالاستىردى. باس شۋجي شي جينپيڭ ءماجىلىستى باسقاردى.
ءماجىلىس اشىلعاننان كەيىن، ۇگىت، يدەيا، مادەنيەت شەبى، اسىرەسە، اقپارات مەديالارى ءماجىلىس رۋحىن جان - جاقتى ىشكەرىلەي ءتۇسىندىرىپ، ءماجىلىستىڭ شەشىمدەرىن، ورنالاستىرۋلارىن تەرەڭ ۇعىندىرىپ، قايراتتانا العا ىلگەرىلەۋ سەنىمىن كۇشەيتىپ، ءىس تىندىرىپ ناتيجە شىعارۋ ىنتاسىن قاۋلاتتى.
”تەك سەنىم كۇيرەمەسە، ءادىس قالايدا قيىندىقتان كوپ“. 2024 - جىلعى ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ ”سەنىم“ دەگەن ءسوزدى باسا دارىپتەدى.
ءبىر جىلدان بەرى، ۇگىت، يدەيا، مادەنيەت شەبى ەكونوميكالىق ۇگىت پەن قوعامدىق پىكىر جەتەكشىلىگىن ۇزدىكسىز كۇشەيتىپ، تىزە قوسا وتىرىپ ”سەنىمدى كۇشەيتۋ“ نەگىزگى اۋەنىن اسقاقتاتتى.
نازاردى يدەيالىق جاقتان جەتەكتەۋگە شوعىرلاندىرىپ، ورتالىق مەديالارى ءبىر توپ نازاريالىق ءتۇسىندىرۋ ماقالالارىن جانە جاندى اماليات مىسالدارىن جاريالاپ، شي جينپيڭ ەكونوميكا يدەياسىنىڭ عىلمي جۇيەسىن، قالىپتاسۋ جۇلگەسىن جانە دۇنيە جۇزىلىك ءمانىن ىشكەرىلەي ۇعىندىرىپ، جاڭاشا وندىرگىش كۇشتەردى دامىتۋ، قالا مەن اۋىلدىڭ توعىسپالى دامۋىن جەبەۋ سياقتى كەلەلى شەشىمدەردى، ورنالاستىرۋلاردى ءتۇسىندىردى.
ساياساتتىق ءتۇسىندىرۋدى ويداعىداي ىستەپ، مەملەكەتتىك كەڭەس اقپارات كەڭسەسىنىڭ اقپار جاريالاۋ ءماجىلىسى ەكونوميكا سالاسىنداعى قۇزىرلى تاراۋلاردى تىڭنان قوسىلعان ساياساتتاردى تۇسىندىرۋگە ۇسىنىس ەتىپ، ءارقايسى مەديالار زور كولەمدە جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ سياقتى ساياساتتاردى ارقاۋ ەتىپ، جەلىلەس حابار جاريالاپ، ءبىر قىدىرۋ ساياساتتىق كەشەندى شارالاردىڭ ”قانداي ماسەلەنى شەشەتىندىگىن“، ”ماسەلەنى قالاي شەشەتىندىگىن“، ”ماسەلەنى شەشۋىنىڭ ءمانىن“ انىق ءتۇسىندىرىپ، قوعام جۇرتشىلىعىنىڭ ساياساتتى ءتۇسىنۋ دەڭگەيىن، مويىنداۋ دەڭگەيىن شىن مانىندە كۇشەيتتى.
ەكونوميكالىق جاعدايدى سارالاپ، جەلىلەس تەرەڭدەي باياندالعان شولۋ ماقالالارىن ماۋسىمدىق، ايلىق ەكونوميكا ساندى مالىمەتتەرىنىڭ جاريالانۋىمەن ۇشتاستىرىپ، ديالەكتيكالىق تۇرعىدان بايىپتىلىقپەن تالداۋ جاساپ، ەكونوميكالىق اينالىم ورنىقتىلىق بارىسىندا ىلگەرىلەگەن، كورسەتكىشتەر كورنەكتى قايتا ورلەگەن بەلسەندى جاعدايدى جانە ەلىمىز ەكونوميكاسىنىڭ ۇزاق ۋاقىت جاقسارۋ سىندى نەگىزگى جاعدايىن انىق، ابدەن ءتۇسىندىرىپ، ەكونوميكا دامۋىنىڭ ۇزاق ۋاقىت جاقسارعان مەجەسىن ورنىقتىردى.
دامۋ تابىستارىن ايگىلەگەن ءتىلشى - رەداكتورلار ”وسىزاماندانعان كاسىپ سالاسى جۇيەسى قۇرىلىسىن ىلگەرىلەتۋ“، ”جاسىل، تومەن كومىر قىشقىل گازدى دامۋدى ىلگەرىلەتۋ“، ”اۋىل - قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋ“ سياقتى نەگىزگى تاقىرىپتاردى ارقاۋ ەتىپ، ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ نەگىزگى تاقىرىبىنداعى تىلشىلىك قيمىلىنا بەلسەنە ات سالىسىپ، جەر - جەردەگى تيپتىك مىسالداردى جانە تاجىريبە - ادىستەردى تولىق اشىپ، حابارلادى. ءارقايسى مەديالار تاعى 7 - كەزەكتى يمپورت كورمەسى سياقتى كورمە - ماجىلىستەردى باقىلاۋ تەرەزەسى ەتىپ، جۇڭگونىڭ ءار سالاداعى جوعارى ساپالى دامۋ تابىستارىن جان - جاقتى حابارلادى.
ۇگىت، يدەيا، مادەنيەت شەبى ءارى ەكونوميكانىڭ دامۋ ”اۋقىمىن“ ماكرولىق تۇرعىدان ويداعىداي بايانداپ، ءارى بازار وزگەرىسى ”جاعدايىن“ ورتالىق تۇرعىدان يگەرىپ، سان مىڭ ءۇيدىڭ شامى جارقىراعان ”شىندىقتى“ ميكرولىق تۇرعىدان كورسەتىپ، جۇڭگو ەكونوميكاسىنىڭ قۋاتتى سەرپىمدىلىگى مەن وراسان زور كومەسكى كۇشىن جاندى بەينەلەپ، قوعامدىق مەجەنىڭ ۇزدىكسىز جاقسارۋىن، سەنىمنىڭ ۇزدىكسىز كۇشەيۋىن ىلگەرىلەتتى.
بۇل بارعان سايىن اسقاقتاعان ءداۋىردىڭ قۋاتتى ءۇنى −
AI تەحنيكاسى ارقىلى كونە سۋرەتتەرگە ”جان“ ءبىتىرىپ، دىبىس بەدەرىمەن كلونداۋ، زەردەلى اۋدارۋ، ەرىن ءپىشىنىن سايكەستىرۋ سياقتى تەحنيكالاردان پايدالانىپ، ءبىر تۇيمەشىكپەن 10 نەشە ءتۇرلى شەت ءتىلدى بەينەجازبانى اۋدارىپ جاسادى...
ينتەرنەت وي جەلىسىمەن بايلىقتى ۇلەستىرۋگە جەتەكشىلىك ەتتى، بۇل نەگىزگى اعىمدىق مەديانىڭ ينفورماتسيالاندىرۋ شارت - جاعدايىندا اقپاراتتىق قوعامدىق پىكىردىڭ جەتەكتەۋ قۋاتىن جوعارىلاتۋىنداعى، جۇيەلىك وزگەرىستى ىلگەرىلەتۋىندەگى تابيعي تالاپ بولىپ تابىلادى.
قوعامدىق پىكىر − قوعامنىڭ دامۋىنا ىقپال جاسايتىن ماڭىزدى كۇش. جاقسى قوعامدىق پىكىر دامۋدىڭ ”ىلگەرىلەتكىشىنە“، حالىق رايىنىڭ ”بارومەترىنە“، قوعامنىڭ ”ۇيىستىرعىشىنا“، ءمورالدىڭ ”باعدارلاۋىشىنا“ اينالادى.
باس شۋجي شي جينپيڭ: ”ادام قايدا بولسا، ۇگىت - يدەيا قىزمەتىنىڭ ءتۇيىنى سول جەردە بولۋى كەرەك“، - دەپ اتاپ كورسەتتى.
قازىر ەلىمىزدەگى ينتەرنەت پايدالانۋشىلار ءبىر ميلليارد 100 ميلليونعا تاياۋ بولىپ، بۇكىل الەمدەگى ەڭ زور، جاندى دا جالىندى سيفرلى قوعامدى قالىپتاستىردى. كىم ينتەرنەتتى يگەرسە، سول ءداۋىردىڭ ىرىقتىلىق ۇقىعىن يگەرەدى.
2024 - جىلعى جۇڭگو ينتەرنەت وركەنيەتى جينالىسىن، 2024 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىن وتكىزدى، ”توردى تازارتۋ“ جەلىلەس ارناۋلى قيمىلى ارقىلى ”وزمەديا جاعىنداعى“ تومەنگى شەكپەن ساناسپاي اعىن مولشەرىنە ۇمتىلۋدى، ينتەرنەتتىك تىكە تاراتۋ سالاسىنداعى جالعاندىق جانە تۇرپايىلىق جايتتەرىن وڭادى... العا باسۋعا، ىزگىلىككە ۇمتىلاتىن ينتەرنەت مادەنيەتى كۇن سايىن ۇلعايدى، ستيلى پاك، سالتى دۇرىس ينتەرنەت كەڭىستىگى ۇزدىكسىز قالىپتاستى.
قوعامدىق پىكىر جەتەكشىلىك ۇقىعىن مىقتى يگەرىپ، ينتەرنەت سىندى ەڭ ۇلكەن اينىمالى شامانىڭ ىستەر دامۋىنىڭ ەڭ زور ارتۋ شاماسىنا اينالۋىن ىلگەرىلەتىپ، 100 ميلليونداعان ينتەرنەت پايدالانۋشىنىڭ ورتاق رۋحاني مەكەنىندە ”زور اعىمدى“ ”وڭ ەنەرگيانى“ ۇزدىكسىز تاسقىنداتتى.
ۇگىت، يدەيا، مادەنيەت شەبى سوتسياليستىك وزەكتى قۇن كوزقاراسىن جەتەكشى ەتىپ، نەگىزگى اعىمدىق قۇندىلىقتى اسقاقتاتىپ، حالىق ءۇشىن ىستەۋ اۋەلگى ماقساتىن امالياتتا ايگىلەدى.
9 - كەزەكتى مەملەكەتتىك ءمورال ۇلگىسى كانديداتتارىن اشىق جاريالاپ، ”ءداۋىر ونەگەلەرىن“، ”جۇڭگوداعى ىزگى جانداردى“، ”ەڭ ارداقتى ادامداردى“، ”جاڭا داۋىردەگى جاقسى ورەندەردى“ جاريالاپ، وركەنيەتتى قالا، وركەنيەتتى قىستاق - قالاشىق، وركەنيەتتى ورىن، وركەنيەتتى وتباسى، وركەنيەتتى مەكتەپ اۋلاسىن قۇرۋدى جاقسارتىپ، وندا جاڭالىق اشتى، ۇلگىلەردىڭ ۇلگى كورسەتۋ رولى بارعان سايىن كورنەكتىلەنە ءتۇستى؛
كينوشىلار داۋىرگە نازار اۋدارىپ، ومىرگە جاناسىپ، تەحنيكادا جانە بەينەلەۋ تاسىلىندە جاڭالىق اشىپ، تاقىرىبى كوپ نەگىزدى، ءتۇرى مول ونىمدەردى ۇسىنىپ، كورەرمەندەردىڭ الۋان تۇرلىلەنگەن كينو كورۋ قاجەتىن قاناعاتتاندىردى، 2024 - جىلعى بۇكىل ەل بويىنشا كينو جاعىندا حالىققا تيىمدىلىك جەتكىزۋ تۇتىنۋ ماۋسىمى قيمىلى ورىستەتىلىپ، بۇكىل ەلدەگى كورەرمەندەردى يگىلىككە كەنەلتتى؛
”كلاسسيك تۋىندىلاردى ەسكە الۋ“ تەلەۆيزيا ارناسى اشىلىپ، ”ءبىر مەڭگەرگىشپەن تەلەۆيزور كورۋ“، قوناق ۇيلەردەگى تەلەۆيزوردى مەڭگەرۋ كۇردەلى بولۋدى ارناۋلى جونگە سالۋ سياقتى شارالار ”تەلەۆيزور كورۋ قيىندىعىن“ شەشتى، راديو - تەلەۆيزيا سالاسىندا پايدالانۋشىلاردىڭ سەزىنۋ جانە ريزا بولۋ دەڭگەيى ۇزدىكسىز جوعارىلادى...
ناقتى شارالار تىڭعىلىقتى دا پارمەندى بولىپ، حالىق بۇقاراسىنىڭ مادەنيەت تابىس سەزىمى ونان ارى كۇشەيىپ، نەگىزگى اۋەن اناعۇرلىم اسقاقتاي ءتۇستى.
مادەنيەت سەنىمىن بەكەمدەپ، جاڭالىق اشۋ ومىرشەڭ كۇشىن قاۋلاتتى
2024 - جىلى 9 - ايدىڭ 10 - كۇنى باس شۋجي شي جينپيڭ شانشيدىڭ باۋجيىندەگى قولا بۇيىمدار مۇراجايىنا كەلىپ قىزمەت تەكسەردى. مۇراجاي اسىلى حىزۇن توعاسىنىڭ الدىندا كوپ ايالداعان باس شۋجي شي جينپيڭ ۇزاق ويعا شومىپ، بايىرعىنى ەسكە تۇسىرە بۇگىنگىنى تىلگە تيەك ەتىپ بىلاي دەدى:
”جۇڭحۋانىڭ 5000 جىلدىق وركەنيەتىن ونان ارى اشىپ، ىشكەرىلەي زەرتتەپ، ونىڭ ءمانى مەن رۋحىن ءتۇسىندىرىپ، وندا قامتىلعان ۇلى اقىل - پاراساتتى ويداعىداي ۇگىتتەۋ، سول ارقىلى كوپشىلىكتىڭ اناعۇرلىم قاستەرلەپ، قىزۋ سۇيۋىنە، جۇڭحۋا وركەنيەتى جونىندەگى ماقتانىش سەزىمىن كۇشەيتۋىنە مۇمكىندىك جاساۋ كەرەك“.
بايتاق جۇڭحۋانىڭ تاريحى قانشاما ۇزاق، وركەنيەتى قانشاما ۇشان - تەڭىز، بۇل ءبىزدىڭ سەنىمىمىزدىڭ نەگىزى، كۇش - قايراتىمىزدىڭ سارقىلماس قاينارى.
ءبىر جىلدان بەرى، ۇگىت، يدەيا، مادەنيەت شەبى مادەنيەت سەنىمىن بەكەمدەپ، مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن ۇزدىكسىز قاۋلاتتى. جۇڭحۋا مادەنيەتىنىڭ ”شالقار ايدىنى“ جاندانىپ، جۇڭحۋانىڭ بايتاق دالاسىندا باي مازمۇندى، الۋان ءتۇرلى گۇلدەنگەن بەينە جارىققا شىقتى.
ءتۇپ تامىردى ساقتاپ، رۋحاني مەكەندى قورعادى −
بەيجيڭ ورتا ءوس سىزىعى، ”مادەنيەت جوتاسى“ ۋاقىت وتكەن سايىن جاڭاردى. وسىناۋ 13 - عاسىردا باستاپ سالىنعان، بەيجيڭ كونە قالاسىن وڭتۇستىكتەن سولتۇستىككە قاراي بويلاي وتەتىن دۇنيە جۇزىندەگى ەڭ ۇزىن قالا ءوس سىزىعى جۇڭگونىڭ ءداستۇرلى قالا جوباسى نازارياسى مەن ”ادىلدىك“، ”بەرەكە“ سىندى فيلوسوفيالىق يدەياسىن ايگىلەپ، جۇڭحۋا وركەنيەتىنىڭ كورنەكتى ەرەكشەلىگىن بەينەلەيتىن ماڭىزدى بەلگىگە اينالدى.
2024 - جىلى 7 - ايدا بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ 46 - كەزەكتى دۇنيە جۇزىلىك مۇرالار جينالىسى قارار ماقۇلداپ، ”بەيجيڭ ورتا ءوس سىزىعى − جۇڭگو ارمانداعىداي استانا ءتارتىبىنىڭ تاماشا تۋىندىسىن“ «دۇنيە جۇزىلىك مۇرالار تىزىمىنە» ەنگىزدى.
”وسى رەتكى بەيزاتتىق مادەنيەت مۇراسىنا ءوتىنىش ەتۋدىڭ تابىستى بولعاندىعىن وراي ەتىپ، مادەنيەت مۇرالارىن جانە جاراتىلىستىق مۇرالاردى تۇتاس تۇلعالىق، جۇيەلى قورعاۋدى ونان ارى كۇشەيتىپ، مۇرالاردى قورعاۋ قابىلەتى مەن دەڭگەيىن شىنايى جوعارىلاتىپ، جۇڭحۋا ۇلتىنىڭ مادەنيەت جاۋھارى مەن جاراتىلىستىق اسىلدارىن ويداعىداي قورعاۋ كەرەك“. باس شۋجي شي جينپيڭ جاڭا تالاپتار قويدى.
مادەنيەت مۇرالارى جۇڭحۋا ۇلتىنىڭ گەنىن جانە قان تامىرىن جالعاپ جاتىر، جۇڭگو حالقىنىڭ ۇلى جاسامپازدىعىن، ۇزدىك اقىل - پاراساتىن جانە ورتاق ەستەمەلەرىن قامتىعان.
مادەنيەت مۇرالارىن ويداعىداي قورعاۋدىڭ، ويداعىداي جالعاستىرۋدىڭ ەڭبەگى بۇگىنگە سىڭەدى، يگىلىگىن كەيىنگىلەر كورەدى، ول سوتسياليستىك مادەنيەتتە قۋاتتى ەل قۇرۋدىڭ تيەسىلى ءمانى ءارى ءبىزدىڭ تاريحي جاۋاپكەرشىلىگىمىز جانە مادەنيەت بورىشىمىز.
ءبىر جىلدان بەرى، ەلىمىزدىڭ مادەني ەسكەرتكىشتەردى جانە مادەنيەت مۇرالارىن قورعاۋ، جالعاستىرۋ امالياتىندا جاڭا لەپ بايقالىپ، جۇڭحۋا وركەنيەتى ۇزدىكسىز جالعاستى.
”كوكتەم مەرەكەسىن“ بەيزاتتىق مادەنيەت مۇراسىنا ءوتىنىش ەتۋ ءساتتى بولدى، ”چياڭنيان“ سياقتى 3 مادەنيەت مۇرا نىسانى ادامزاتتىڭ بەيزاتتىق مادەنيەت مۇراسى ۋاكىلدىك تۋىندىلارى تىزىمىنە ەنگىزىلىپ، ”بەيزاتتىق مادەنيەت مۇرالارىن“ جۇيەلى قورعاۋ كەڭ كولەمدى مويىنداۋعا يە بولدى؛ فىڭشيڭشۋ داڭعاراسى سياقتى مادەني ەسكەرتكىشتەر قايتارىپ اكەلىندى، ۋۋاڭدۇن قابىرى سياقتى ”ارحەولوگيالىق جۇڭگو“ كەلەلى نىساندارى جاڭا ىلگەرىلەۋشىلىككە قول جەتكىزىپ، بايىرعى وركەنيەتتىڭ بەت - بەينەسى ونان ارى ايقىندالدى؛ 4 - رەتكى مەملەكەتتىك مادەني ەسكەرتكىشتەردى جاپپاي تەكسەرۋ ورىستەتىلىپ، مادەني ەسكەرتكىشتەردى قورعاۋ زاڭىنا وزگەرىس ەنگىزىلىپ، مادەنيەت مۇرالارىن قورعاۋ حاۋىپسىزدىك قالتقىسى ۇزدىكسىز بەكەمدەلدى.
ءتۇپ تامىردى قورعاپ، وركەنيەتتى جالعاستىرىپ، وقىتۋ ارقىلى ادام تاربيەلەپ، ۇرپاقتان - ۇرپاققا جالعاستىردى.
ءبىر قىدىرۋ كەلەلى شارالار ۇگىت، يدەيا، مادەنيەت شەبىنىڭ مادەنيەت تامىرىن قاستەرلەۋىن جانە بولاشاق جونىندەگى كورەگەندىگىن ايگىلەپ، جۇڭحۋا مادەنيەتىنىڭ ماڭگىلىك تارتىمدىلىعىن جانە ءداۋىر كەلبەتىن ايگىلەۋىنە مۇمكىندىك جاسادى.
جانداندىرىپ پايدالانىپ، جاڭالىق اشا دامۋعا جەتەكشىلىك ەتتى −
”ساتىپ الدىم، توتەنشە ادەمى ەكەن“! مەملەكەت مۇراجايىندا جاڭا عانا ساتىپ العان ەكى ”سامۇرىق ءتاجى توڭازىتقىش جاپسىرماسىن“ ۇستاعان كورەرمەن شياۋيۋان قۋانىشىن جاسىرا المادى.
بۇل مادەنيەت جاسامپازدىعى ءونىمى مەملەكەت مۇراجايىندا ساقتالعان ”ميڭ داۋىرىندەگى شياۋدۋان پاتشايىمنىڭ توعىز ايداعار، توعىز سامۇرىق ءتاجىن“ جوبالاۋ ۇلگىسى ەتكەن، بازارعا سالىنىسىمەن - اق دەرەۋ قۇبىلىستىق ”ءوتىمدى بۇيىمعا“ اينالىپ، كوپتەگەن ساياحاتشىنى تالاسا جيناۋعا باۋرادى.
بايىرعى مادەنيەت تامىرى ۇزىلمەي جالعاستى ءارى داۋىرمەن بىرگە ىلگەرىلەپ، ءورىس اشا جاڭالىق اشىپ، ءداۋىر دامۋى مەن حالىق قاجەتىنە اناعۇرلىم ويداعىداي ۇيلەستى.
جاسامپازدىق سيپاتتى كادەگە جاراتۋ، جاڭالىق اشا دامىتۋ بارىسىندا جۇڭحۋانىڭ تاڭداۋلى ءداستۇرلى مادەنيەتى اناعۇرلىم جاندى تاسىلمەن تۇرمىسقا ەنىپ، اناعۇرلىم كوپ جاستىڭ قارسى الۋىنا يە بولدى.
اقپارات شەبى ”مادەنيەت جۇڭگو ساپارى“ نەگىزگى تاقىرىپتىق ۇگىتىن ىشكەرىلەي ورىستەتىپ، ”كورىكتى جۇڭگونى ارالاۋ“، ”ومىردەگى جاقسى مەزگىل“، ”جاڭا مادەنيەت جاستاردى ’گۇلدەندىردى‘“، ”جاڭا ۇرپاق بەيزاتتىق مادەنيەت مۇرا جالعاستىرۋشىلارى“، ”چاڭجياڭ جىرى“، ”ءداستۇرلى قىستاقتىڭ گۋمانيتارلىق سۋرەت - كەسكىن شەجىرەسى“، ”جۇڭحۋا مادەنيەتى جان كۇيەرلەرىنىڭ جينالۋ ەستەلىگى“، ”دەمالىستا كورمە ارالاۋ ءادىسى“، ” مەملەكەت اسىلى سۋرەتتەرى ماڭىزدى تۇيىندەرى“، ”دانچيڭ جۇڭحۋا“ سياقتى ءبىر توپ جاڭاشا مازمۇنعا، ەستەتيكاعا، كۇشتى ءوزارا ىقپالداستىققا يە توعىسپالى حابارلاردى جوبالاپ جاريالاپ، 240تان استام تاقىرىپ ۋيبودا قىزۋ تالقى تاقىرىبى تىزىمىنەن ورىن الىپ، وقىلۋ مولشەرى 11 ميلليارد 700 ميلليوننان اسىپ، جاڭا ءداۋىردىڭ جاڭا جورىعىنداعى مادەنيەت تابىسىن جانە مادەنيەت رايىن جاندى بەينەلەپ، تۇتاس قوعامنىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن ونان ارى قاۋلاتتى.
جاڭادان قۇراستىرىلعان يۋەجۇي تەاترى «شينلۇڭمىن كەرۋەن سارايى» ۇزدىكسىز قىزۋ قارسى الۋعا بولەنىپ، كورەرمەندەر ”ءارى كوركەم، ءارى جالىندى“ دەپ القادى؛ حىناننىڭ انياڭىنداعى يىنشۇي مۇراجايى سيفرلى تەحنولوگيادان پايدالانىپ ساياحاتشىلاردىڭ كوپ ولشەمدى سەزىنۋ تۇيسىگى ارقىلى ەلىتە سەزىنۋىنە مۇمكىندىك جاسادى؛ ەلىتۋ سيپاتىنداعى وتباسىلىق مۋزيكا تەاترى «لۋدۋان» تۇراقتى ورىندا ويىن قويۋ ۇلگىسى ارقىلى گۋگۇڭ مادەني ەسكەرتكىشتەرىنە جان ءبىتىردى...
بۇگىنگى جۇڭگودا ”مادەني ەسكەرتكىش جانە مۇراجاي ورلەۋى“ ۇزدىكسىز كوتەرىلىپ، ”مادەنيەت جاسامپازدىعى ونىمدەرى“ ۇزدىكسىز كۇسەت ساتىلدى، بايتاق دالادا تىزىلگەن مۇرالارعا، بايىرعى كىتاپتاردا جازىلعان ارىپتەرگە جان ءبىتىپ، جۇڭحۋانىڭ تاڭداۋلى ءداستۇرلى مادەنيەتى جاسامپازدىق جاراتۋ، جاڭالىق اشۋ سەبەپتى تاسقىنداعان تىرشىلىك تىنىسىن، جاسامپازدىق قابىلەتىن، ىقپال كۇشىن ايگىلەدى.
مادەنيەت پەن ساياحات توعىسىپ، ءداستۇرلى مەن وسى زامانعى تۇتاستىرىلدى −
”ساياحات كاسىبىنىڭ اناعۇرلىم ويداعىداي تاماشا تۇرمىسقا قىزمەت ەتۋىنە، ەكونوميكالىق دامۋدى جەبەۋىنە، رۋحاني مەكەن قۇرۋعا، جۇڭگو وبرازىن ايگىلەۋىنە، وركەنيەتتەردىڭ ءوزارا ۇلگى الۋىن كۇشەيتۋىنە مۇمكىندىك جاسايىق“.
2024 - جىلى 5 - ايدىڭ 17 - كۇنى مەملەكەتتىك ساياحاتتى دامىتۋ جينالىسى اشىلدى. باس شۋجي شي جينپيڭ ساياحات قىزمەتى جونىندە ماڭىزدى نۇسقاۋ بەرىپ، ”ارمان القابىنىڭ“ كوركەم كارتيناسىن كەسكىندەدى.
مادەنيەت ارقىلى ساياحاتتى جەبەپ، ساياحات ارقىلى مادەنيەتتى ايگىلەدى. ءبىر جىلدان بەرى، ”ارمان القابى“ جان تەبىرەنتەرلىك جاڭا كارتينا اشتى.
جاز باسى، ءتۇس اۋعان مەزگىل، التاي تاۋى جاپ - جاسىل تۇسكە ەنگەن، شينجياڭنىڭ قابا اۋدانى شىبار قالاشىعىنىڭ جيلين جاڭا قىستاعىندا قالىڭ ادام قايشالىسادى، توڭىرەكتىڭ ءتورت بۇرىشىنان كەلگەن ساياحاتشىلار «التايىم» اتتى ءوتىمدى تەلەفيلم تۇسىرىلگەن جەرگە ات باسىن بۇردى، ءبىر تەلەفيلم ءبىر قالانىڭ اتاعىن اسپانداتتى.
دۇنحۋاڭدا 10 مىڭ ادامدىق جۇلدىزدى اسپان كونسەرتى يۋەياچۋاننىڭ تۇنگى كورىنىسىن نۇرلاندىرىپ، قيالداعىداي كوركەم تۇسكە بولەدى؛ شي - انداعى داتاڭ كەش بولماس قالاسىندا ”بايىرعى سۋرەتتەگى“ بيكەشتەر بۇرالا بيگە باسىپ، ساياحاتشىلار ”تاريحقا قادام باسقانداي“ تامساندى...
تاريحي مادەنيەت پەن وسى زامانعى مادەنيەت ساياحات ەكونوميكاسىنىڭ دامۋىمەن توعىسىپ، ساياحات شۇعىلالى مادەنيەت پەن وسىزامانداندىرۋ قۇرىلىسى تابىسىن ۇگىتتەيتىن ماڭىزدى تەرەزەگە اينالدى.
ساندى مالىمەتتەردە كورسەتىلۋىنشە، 2024 - جىلى الدىڭعى ءۇش ماۋسىمدا ەل ءىشى ساياحاتشىلارى 4 ميلليارد 237 ميلليونعا (رەت) جەتىپ، سايكەس مەزگىلدەگىدەن ％3. 15 ارتقان؛ 2024 - جىلى 1 - ايدان 11 - ايعا دەيىن شەتەلدەن 29 ميلليون 218 مىڭ ادام (رەت) جۇڭگوعا كەلگەن، ”China Travel“ دۇنيە جۇزىنە بەت الدى.
ۇگىت، يدەيا، مادەنيەت شەبى مادەنيەتتە ”جاڭالىق اشۋ“ مەن ساياحاتتا ”جۇرتقا تانىمال بولۋدىڭ“ ءوزارا توعىسۋىن ىلگەرىلەتىپ، قالىڭ حالىق بۇقاراسى كورىكتى تاۋ - وزەندى تاماشالاۋ بارىسىندا قويۋ وركەنيەتتى سەزىنىپ، ءماندى دە ءساندى تۇرمىستان ءلاززاتتاندى.
جۇڭگو وبرازىن ايگىلەپ، وركەنيەتتەردىڭ تىلدەسۋىن ىلگەرىلەتتى
ءجۇرىپ بارا جاتقان قىزىل التىن ايداعار اينىتپاي بەينەلەنگەن، تۇيەگە ءمىنىپ، كۇي تارتىپ بارا جاتقان الەمىش قۋىرشاق تاماشا سۋرەتتەلگەن، بيريۋزامەن ناقىشتالعان التىن سامۇرىق اشەكەي بۇيىمى نازىك شەبەرلىكپەن جاسالعان...
فرانسيا گۇيمەت مەملەكەتتىك ازيا كوركەمونەر مۇراجايىنىڭ جەر استى 1 - قاباتىنداعى كورمە زالىنا كىرگەندە، ”جۇڭگو· تاڭ − كوپ نەگىزدى اشىق پاتشالىق ءداۋىر (7 - عاسىردان 10 - عاسىرعا دەيىن)“ كورمەسىندەگى شىعىستىڭ ەجەلگى سارىنىنا تولى كورمە بۇيىمدارىن كورگەن شەتەلدىك كورەرمەندەر ”ادەمى دە ايباتتى ەكەن“ دەپ ءسۇيىندى.
كورمە اشىلۋ قارساڭىندا جۇڭگو، فرانسيا ەكى ەلدىڭ مەملەكەت باسشىلارى جەكە - جەكە كىرىس ءسوز جازدى. باس شۋجي شي جينپيڭ كىرىس سوزىندە بىلاي دەپ تەرەڭ اتاپ كورسەتتى: ”ءبىز تاريحي مادەنيەتتەن شابىت الىپ، وي قابىلداپ، گۋمانيتارلىق سالاداعى اۋىس - كۇيىستى، ءوزارا ۇلگى الۋدى جانە مادەنيەت مۇرالارىن قورعاۋ سەلبەستىگىن تەرەڭدەتۋىمىز، ءوز كوركەمدىگىمىزدى ايگىلەپ، كوركەمدىكتەن بىرگە يگىلىكتەنۋىمىز كەرەك“.
”ءوز كوركەمدىگىن ايگىلەپ، كوركەمدىكتەن بىرگە يگىلىكتەنۋ“ جۇڭگو كوممۋنيستەرىنىڭ اشىق، سيىسىمدى، كەڭ پەيىل سالاۋاتىن ايگىلەدى، تەرەزەسى تەڭ بولۋ، ءوزارا ۇلگى الۋ، تىلدەسۋ، سيىسىمدى بولۋ سىندى وركەنيەت كوزقاراسىن ءتۇسىندىردى.
وسى وركەنيەت كوزقاراسىنان باستان - اياق جازبادى، ۇگىت، يدەيا، مادەنيەت شەبى گۋمانيتارلىق اۋىس - كۇيىستى، مادەنيەتتەردىڭ توعىسۋىن، حالىق تىلەگىنىڭ ۇشتاسۋىن ۇزدىكسىز ىلگەرىلەتىپ، حالىقارالىق تاراتۋ ونىمدىلىگىن جاپپاي جوعارىلاتتى.
مادەنيەت ارقىلى دوستاستى، جۇڭحۋا مادەنيەتى دۇنيە ءجۇزى ساحناسىن نۇرلاندىردى −
”جۇڭگونىڭ «تاۋ - تەڭىز سۇيىسپەنشىلىگى» اتتى تەلەفيلمىنىڭ تاياۋدا كومورودا قىزۋ قويىلىپ جاتقاندىعىن ەستىدىم“، - دەدى 2024 - جىلى 9 - ايدىڭ 2 - كۇنى باس شۋجي شي جينپيڭ بەيجيڭدە كومورو زۇڭتۇڭى ازاليمەن كەزدەسكەندە قۋانىشتى بەينەمەن.
تاۋ - تەڭىزدى باسىپ وتكەن ۇندەستىك تاماشا تۇرمىسقا ورتاق تالپىنىستان باستاۋ العان. مەيىرگە تولى جۇڭگو حيكاياسى دۇنيە جۇزىمەن ”ورتاق سۇيىسپەنشىلىك، ورتاق تەبىرەنىس“ قالىپتاستىرۋدا.
بۇكىل الەمدەگى ويىنشىلار «قارا ميف: ۋ كۇڭ» ويىن الەمىنە ەلىتتى، ميفتىك ءتامسىل، ءداستۇرلى حالىقتىق مۋزيكا سياقتى مادەنيەت فاكتورلارى دا حالىقارالىق قوعامنىڭ نازارىن اۋداردى؛ جۇڭگونىڭ ادەبيەت تۋىندىلارى ۇلى بريتانيا كىتاپحاناسىندا ساقتالدى، وزگەشە ۇلگىدەگى شىعىس مادەنيەتى شەتەلدە ۇزدىكسىز ”جان كۇيەر توپتادى“... ءبىر جىلدان بەرى، جۇڭگو ەرەكشەلىگىنە يە، جۇڭگو رۋحىن ايگىلەيتىن، جۇڭگو اقىل - پاراساتى سىڭىرىلگەن اناعۇرلىم كوپ تاڭداۋلى مادەنيەت دۇنيە جۇزىنە ۇزدىكسىز بەت الدى ءارى جۇڭگو وبرازىنىڭ اناعۇرلىم باۋرامدى بولۋىنا، بارعان سايىن جالىندى بولۋىنا مۇمكىندىك جاسادى.
تۇسىنىكتى ارتتىردى، جۇڭگو اقىل - پاراساتى دۇنيە جۇزىنە ىقپال جاسادى −
”جۇڭگونى تۇسىنۋدە رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى ءتۇسىنۋ قاجەت“.
2024 - جىلى 12 - ايدىڭ 3 - كۇنى 2024 - جىلعى ”جۇڭگونى ءتۇسىنۋ“ حالىقارالىق ءماجىلىسى گۋاڭجوۋدا وتكىزىلدى. قۇتتىقتاۋ حاتىندا باس شۋجي شي جينپيڭ ”جۇڭگونى ءتۇسىنۋدىڭ“ ماڭىزدى قۇپياسىن ناقتاپ ءتۇسىندىردى.
بۇگىنگى جۇڭگو جۇڭگونىڭ عانا جۇڭگوسى ەمەس، ازيانىڭ دا جۇڭگوسى، دۇنيە ءجۇزىنىڭ دە جۇڭگوسى.
جۇڭگو مادەنيەتىندە قامتىلعان يدەيالىق كوزقاراس، گۋمانيتارلىق رۋح، ءمورالدىق ولشەم جۇڭگولىقتاردىڭ يدەياسى مەن رۋحىنىڭ مايەگى عانا ەمەس، ادامزات ماسەلەسىن شەشۋدە دە ماڭىزدى قۇنعا يە.
ءبىر جىلدان بەرى، ۇگىت، يدەيا، مادەنيەت شەبى اناعۇرلىم اشىق بەينەمەن دۇنيە جۇزىمەن قاۋىشىپ، اناعۇرلىم ومىرشەڭ كۇشكە تولى وركەنيەت تابىسىمەن دۇنيە جۇزىنە ۇلەس قوستى.
الەمدىك وركەنيەت باستاماسى جاپپاي قارسى الۋعا بولەندى، شەتەل ساياسي قايراتكەرلەرى ”بۇل دۇنيە ءجۇزىنىڭ بەيبىتشىلىكتى جۇزەگە اسىرۋىن ىلگەرىلەتۋ جولى“ ەكەندىگىن ايتتى؛ كوپ تىلدە باسىلعان «شي جينپيڭ ەل باسقارۋ جونىندە» تاماشا باعا الدى، شەتەلدىك قوناقتار جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىگى اناعۇرلىم تەرەڭدەگەندىگىن اشىق ايتتى؛ ”جۇڭگو جولىن ءتۇسىنۋ“ ۇلاسپالى كىتابىنىڭ اعىلشىن تىلىندەگى باسىلىمى سياقتىلار جاريالاندى، شەتەلدىك ساۋداگەرلەر: كىتاپ ارقىلى جۇڭگو اقىل - پاراساتى ءتۇسىندىرىلىپ، دۇنيە ءجۇزىن ۇمىتكە بولەدى“، - دەپ ءسۇيىندى.
جۇڭگو داستۇرىنە مۇراگەرلىك ەتكەن ءارى ءداۋىر رۋحىن اسقاقتاتقان، ءوز جەرىنىڭ ءىس جۇزىندىگىنە تامىر تارتقان ءارى دۇنيە ءجۇزى اعىمىنا سايكەسكەن جۇڭگو ۇستانىمىن تاراتتى، حالىقارالىق قوعام ”دۇنيە ءجۇزىنىڭ جۇڭگوسى“ جونىندە اناعۇرلىم تەرەڭ ۇستانىم جاعىنداعى شىنايى مويىنداۋدى، سۇيىسپەنشىلىك جاعىنداعى شىنايى مويىنداۋدى قالىپتاستىردى.
اشىق، سيىسىمدى بولۋ، كوركەمدىكتەن بىرگە يگىلىكتەنۋ وركەنيەت شۇعىلاسىن توپتادى −
2024 - جىلى 11 - ايدىڭ 7 - كۇنى بەيجيڭ يانچيحۋ حالىقارالىق كورمە - ءماجىلىس ورتالىعى توڭىرەكتىڭ ءتورت بۇرىشىنان كەلگەن سيلى قوناقتاردى قارسى الدى، تۇڭعىش كەزەكتى دۇنيە ءجۇزى كلاسسيكالار جينالىسى وسى ارادا شىمىلدىعىن اشتى.
30 نەشە مەملەكەتتەن كەلگەن 400دەن استام مامان، وقىمىستى زەرتتەۋ - تالقى بارىسىندا يدەيانىڭ توركىنىنە قايتا بويلاپ، تاريحي اقىل - پاراساتتى قورىتىندىلاپ، وركەنيەت ءداستۇرىن اشىپ، كلاسسيكالىق وركەنيەتتەن ءنار الىپ، زامانىمىزداعى ماسەلەلەردى شەشۋ جولى جونىندە بىرگە ىزدەنىس جاسادى.
وركەنيەت اۋىس - كۇيىس ارقىلى الۋان ءتۇرلى بولادى، وركەنيەت ءوزارا ۇلگى الۋ ارقىلى باييدى.
ءبىر جىلدان بەرى، جۇڭگو بار الەمدى بويىنا سيدىراتىن كەڭ پەيىلمەن مادەنيەت اۋىس - كۇيىسىندەگى قامالداردى تالقانداپ، بارلىعىن تۇگەل قامتۋ پوزيتسياسىمەن باسقا دا وركەنيەتتەردىڭ ءنارىن قابىلداپ، ءار ەل وركەنيەتىنىڭ پارىقتاردى تاستاپ ورتاقتىقتا ۇمتىلۋىن، ارتىقشىلىقتى قابىلداپ كەمشىلىكتەردى تولىقتاۋىن جەبەدى.
مەديالاردى دانەكەر ەتىپ، ادالدىقپەن دوستاستى، الەمدەگى نەگىزگى مەديا جاۋاپتىلارى 6 - كەزەكتى دۇنيە ءجۇزى مەديا باسشىلار ماجىلىسىندە باس قوسىپ، دۇنيە ءجۇزىنىڭ وسىزامانداندىرۋ قۇرىلىسى حيكاياسىن قايتكەندە ويداعىداي بايانداپ، الەمدىك ورتاق دامۋدى ىلگەرىلەتۋگە بولاتىندىعىن بىرگە اقىلداستى؛
ولەڭ ارقىلى دوستاسىپ، بولاشاقتى بىرگە اڭگىمەلەدى، بريكس ەلدەرىنەن كەلگەن اقىندار حالىقارالىق جاستىق كوكتەم جىر مۇشايراسىندا باس قوسىپ، ادەبيەتتى دانەكەر ەتىپ، رۋحتىڭ تەرەڭ تۇكپىرىنە بىرگە بويلاپ، ادامزات تاعدىرىنا كوڭىل ءبولدى؛
مۋزيكا ارقىلى سۇيىسپەنشىلىكتى جەتكىزىپ، كوركەمونەر ارقىلى جۇرەكتەردى توعىستىردى، فرانسيانىڭ ەليسەي سارايىندا جۇڭگونىڭ حالىق ءانى «موليحۋا» ورىندالدى، جۇڭگو مەملەكەتتىك تەاترحاناسىندا يتاليانىڭ ايگىلى مۋزيكاسى «ۇيقىسىز ءتۇن» شىرقالدى، شىعىس، باتىس مۋزيكانتتارى ورىنداعان كلاسسيكالىق اۋەندەر تۇرلىشە وركەنيەتتەردىڭ ەستەمەسىن ءوزارا توعىستىردى؛
...
جۇڭحۋا وركەنيەتى باسقا وركەنيەتتەرمەن ءوزارا كەزدەسىپ، ءبىر - ءبىرىن تابىسقا جەتەلەپ، جاراسىمدى بىرگە ءومىر ءسۇرۋدىڭ شۇعىلالى تاراۋىن جازۋدا.
2025 - جىلدىڭ ۇلكەن شىمىلدىعى بىرتىندەپ اشىلدى. جىل اۋىسقانىمەن، كۇرەسكەرلەردىڭ تۇلعاسى قاي - قاشان دا وزگەرمەيدى؛ تارتىمدى تاراۋ جاڭالانعانىمەن، العا باسۋشىلاردىڭ اياق الىسى قاي - قاشان دا ايشىقتى بولادى.
شي جينپيڭ مادەنيەت يدەياسىنىڭ عىلمي جەتەكشىلىگىندە، مادەنيەت ءتۇزىلىس - مەحانيزمى رەفورماسىن تەرەڭگە بويلاتقان ۇگىت، يدەيا، مادەنيەت شەبى مادەنيەت سەنىمىن بەكەمدەپ، اشىق، سيىسىمدى بولۋدان جازباي، تۋراشىلدىقتان اينىماي جاڭالىق اشۋعا تاباندى بولىپ، اسقاق سەزىممەن جاڭا ساپارعا قادام تاستادى.
(شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى)
