شينحۋا اگەنتتىگىنىڭ 1 ـ ايدىڭ 1 ـ كۇنى بەيجيڭنەن بەرگەن حابارى (ٴتىلشى جياڭ لين). «مەملەكەتتىك حالىق قۇرىلتايى تۇراقتى كوميتەتىنىڭ زاڭدا بەلگىلەنگەن زەينەتكە شىعۋ جاسىن بىرتىندەپ كەشەۋىلدەتۋدى اتقارۋ جونىندەگى قاۋلىسىن» دايەكتىلەندىرۋ، تياناقتاندىرۋ ٴۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، ورتالىق كوميتەت ۇيىمداستىرۋ ٴبولىمى، قازىنا مينيسترلىگى قاتارلى 3 تاراۋ 1 ـ ايدىڭ 1 ـ كۇنى «يكەمدى زەينەتكە شىعۋ ٴتۇزىمىن اتقارۋ ۋاقىتشا ٴادىسىن» جاريالاپ، يكەمدى زەينەتكە شىعۋدى ٴبىتىرۋدىڭ ٴتارتىبى، نەگىزگى زەينەتاقىنى الۋ سياقتى مازمۇنداردى ايقىندادى.
قاۋلىعا ساي، 2025 ـ جىلى 1 ـ ايدىڭ 1 ـ كۇنىنەن باستاپ، ەلىمىز 15 جىل ۋاقىت جۇمساپ، ەر جۇمىسشى ـ قىزمەتكەرلەردىڭ زاڭدا بەلگىلەنگەن زەينەتكە شىعۋ جاسىن بۇرىنعى 60 جاستان بىرتىندەپ 63 جاسقا كەشەۋىلدەتەدى، ايەل جۇمىسشى ـ قىزمەتكەرلەردىڭ زاڭدا بەلگىلەنگەن زەينەتكە شىعۋ جاسىن بۇرىنعى 50 جاستان، 55 جاستان جەكە ـ جەكە 55 جاسقا، 58 جاسقا كەشەۋىلدەتەدى.
«يكەمدى زەينەتكە شىعۋ ٴتۇزىمىن اتقارۋ ۋاقىتشا ادىسىندە» مىنالار العا قويىلدى: 2025 ـ جىلى 1 ـ ايدىڭ 1 ـ كۇنىنەن باستاپ، جۇمىسشى ـ قىزمەتكەرلەر مەملەكەت بەلگىلەگەن اي سايىن الاتىن نەگىزگى زەينەتاقىسىنىڭ ەڭ تومەنگى اقى تاپسىرۋ جىل شەگىنە جەتكەننەن كەيىن الدىن الا زەينەتكە شىعۋعا ٴوز ەركىمەن يكەمدى تاڭداۋ جاساۋىنا بولادى، الدىن الا زەينەتكە شىعۋ ۋاقىتى مەن زاڭدا بەلگىلەنگەن زەينەتكە شىعۋ جاسىنىڭ ارالىعى ەڭ كوپ بولعاندا 3 جىلدان اسپاۋى، سونداي ـ اق زەينەتكە شىعاتىنداردىڭ جاسى ايەل جۇمىسشى ـ قىزمەتكەرلەر 50 جاستان، 55 جاستان، ەر جۇمىسشى ـ قىزمەتكەرلەر 60 جاستان تومەن بولماۋ سىندى اۋەلگى زاڭدا بەلگىلەنگەن زەينەتكە شىعۋ جاسىنان تومەن بولماۋى كەرەك.
ٴوز ەركىمەن يكەمدى الدىن الا زەينەتكە شىعۋدى تاڭداعان جۇمىسشى ـ قىزمەتكەرلەر ٴوزى تاڭداعان زەينەتكە شىعۋ ۋاقىتىنان، از دەگەندە، 3 اي بۇرىن ٴوزى تۇرعان مەكەمە ـ ورىنعا جازباشا تاسىلمەن ايتۋى كەرەك.
جۇمىسشى ـ قىزمەتكەرلەر زاڭدا بەلگىلەنگەن زەينەتكە شىعۋ جاسىنا جەتكەن كەزدە، ٴوزى تۇرعان مەكەمە ـ ورىن مەن سول جۇمىسشى ـ قىزمەتكەر اقىلداسىپ پىكىر بىرلىگىنە كەلسە، زەينەتكە شىعۋدى يكەمدى كەشەۋىلدەتۋىنە بولادى، كەشەۋىلدەتۋ ۋاقىتى مەن زاڭدا بەلگىلەنگەن زەينەتكە شىعۋ جاسىنىڭ ارالىعى ەڭ كوپ بولعاندا 3 جىلدان اسپاۋى، ٴوزى تۇرعان مەكەمە ـ ورىن مەن سول جۇمىسشى ـ قىزمەتكەر كەشىگىپ زەينەتكە شىعاتىن ۋاقىتى قاتارلى ىستەردى ٴبىر اي بۇرىن جازباشا تاسىلمەن ايقىنداۋى كەرەك.
زەينەتكە شىعۋدى يكەمدى كەشەۋىلدەتكەن مەزگىلدە ٴوزى تۇرعان مەكەمە ـ ورىن مەن سول جۇمىسشى ـ قىزمەتكەر اقىلداسىپ پىكىر بىرلىگىنە كەلگەننەن كەيىن زەينەتكە شىعۋدى يكەمدى كەشەۋىلدەتۋدى توقتاتىپ، بەلگىلەمە بويىنشا زەينەتكە شىعۋ راسمياتتارىن بىتىرۋىنە بولادى.
ۇعىسۋعا قاراعاندا، قاۋلى جاريالانعاننان بەرى، جەر ـ جەر، تاراۋلار جۇمىستانۋدى جەبەۋ، قارتتاردى كۇتىمدەۋ، باعىپ ـ قاعۋعا اماناتتاۋ قىزمەت وتەۋىن اقاۋسىزداندىرۋ، جاسى ۇلكەن جۇمىسسىز قالعانداردى قامتاماسىزداندىرۋدى كۇشەيتۋ سياقتى ٴبىر قىدىرۋ ساياسات ـ شارالاردى ىركەس ـ تىركەس شىعارىپ، جاسقا سايكەس كەلەتىن كاسىپتىك تولىمدىلىق، كۋالىك سياقتى ىستەردى اقىلداسىپ رەتكە سالىپ، زەينەتكە شىعۋدى كەشەۋىلدەتۋ رەفورماسىن اتقارۋدىڭ ٴتۇرلى دايىندىق قىزمەتتەرىن ويداعىداي ىستەگەن.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى تاراۋلار كەلەسى قادامدا قاۋلىنىڭ رۋحىن مۇقيات تياناقتاندىرىپ، يكەمدى زەينەتكە شىعۋ ٴتۇزىمىن ويداعىداي اتقارىپ، ەرىكتى، يكەمدى بولۋ پرينسيبىن تولىق ايگىلەپ، جۇمىسشى ـ قىزمەتكەرلەردىڭ زاڭدى ۇقىق ـ مۇددەسىن شىنايى قامتاماسىز ەتىپ، ادام كۇشى بايلىعىن اشۋدى جانە ودان پايدالانۋدى جەبەيتىندىكتەرىن ٴبىلدىردى.
