اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 17 ـ ٴماجىلىسى وتكىزىلدى
اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسىن 1 ـ ايدىڭ 19 ـ كۇنى اشۋ ۇيعارىلدى
انار بۇلت \ شينجياڭ گازەتىنىڭ ٴتىلشىسى جاڭ لەي 1 ـ ايدىڭ 4 ـ كۇنى ۇرىمجىدەن حابارلايدى. 1 ـ ايدىڭ 4 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 17 ـ ٴماجىلىسى وتكىزىلدى. ٴماجىلىس اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسىن 1 ـ ايدىڭ 19 ـ كۇنى ۇرىمجىدە اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى.
تۇراقتى كوميتەت قۇرامىنداعىلاردان 57 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ «شينجياڭ ۇيعۇر اۆتونوميالى رايونىنىڭ ‹جۇڭحۋا حالىق رەسپۋبليكاسىنىڭ مىندەتتى وقۋ ـ اعارتۋ زاڭىن> اتقارۋ ٴادىسىن»، «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ۇيلەنۋ زاڭىن ونان ارى دايەكتىلەندىرۋ، اتقارۋ تۋرالى قارارىن»، «شينجياڭ ۇيعۇر اۆتونوميالى رايونىنىڭ اۋىل ـ قىستاقتاردا كەدەيلەردى سۇيەمەلدەۋ ـ وركەندەتۋ ەرەجەسىن» كۇشىنەن قالدىرۋ جونىندەگى قاۋلىسىن داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسىن اشۋ ۋاقىتى جونىندەگى قاۋلىسىن داۋىسقا سالىپ ماقۇلدادى؛ اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ كەڭەستىك تارتىپتەرىن (جوبا) داۋىسقا سالىپ ماقۇلداپ، اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسى دايىندىق جيىنىنىڭ قاراۋىنا ۇسىنۋدى ۇيعاردى؛ اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى ٴتوراعالار القاسىنداعىلاردىڭ جانە باس حاتشىنىڭ ەسىمدىگىن (جوبا) داۋىسقا سالىپ ماقۇلداپ، اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسى دايىندىق جيىنىنىڭ سايلاۋىنا ۇسىنۋدى ۇيعاردى؛ اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىنە سىرتتاي قاتىناساتىنداردىڭ ەسىمدىگىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن (نۇسقاسى)، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.
ٴماجىلىس «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ سۇن حۇڭمەيدىڭ اۆتونوميالى رايوندىق حالىق ۇكىمەتىنىڭ ورىنباسار ٴتوراعاسى مىندەتىنەن بوساۋ ٴوتىنىشىن قابىلداۋ جونىندەگى قاۋلىسىن» جانە كادرلاردى مىندەتكە تاعايىنداۋ، مىندەتتەن قالدىرۋ ىستەرىن داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ٴارى نەگىزگى زاڭ الدىندا سەرت بەرۋ سالتى وتكىزىلدى.
ٴماجىلىس مىنالاردى باسا دارىپتەدى: جاقىندا اشىلاتىن اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى ٴار ۇلت كادرلارى مەن بۇقاراسىنىڭ ساياسي تۇرمىسىنداعى ٴىرى ٴىس. ساياسي دەڭگەيدى جوعارىلاتىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرىپ، ٴماجىلىستىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە قول جەتكىزگەن وراسان زور تابىستاردى تولىق ايگىلەۋىنە كەپىلدىك ەتۋ كەرەك. جالپى بارىستىق حالىق دەموكراتياسىن امالياتتا ايگىلەپ، حالىقتىڭ تىلەگىن، حالىقتىڭ اقىل ـ پاراساتىن قاراۋ، ٴسوز سويلەۋ جانە كەڭەستىك جوبا، ۇسىنىستاردى بەرۋ بارىسىندا بەينەلەۋ كەرەك. شينجياڭنىڭ رەفورما، دامۋ، ورنىقتىلىق سىندى ٴتۇيىندى قىزمەتتەرىن ٴجىتى قاداعالاپ، جوعارى ساپالى كەڭەستىك جوبالاردى، ۇسىنىستاردى ورتاعا قويۋ كەرەك. تاماشا ٴماجىلىس سالتىن بەلسەنە قالىپتاستىرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر ماجىلىسكە قاتىناستى.
اۆتونوميالى رايوننىڭ ورىنباسار ٴتوراعالارى مۇقيات جارمۇقامەت، قايسار ابدۇكەرىم، اۆتونوميالى رايوندىق حالىق پروكۋراتۋراسىنىڭ باس پروكۋرورى گاۋ جيميڭ، اۆتونوميالى رايوندىق باقىلاۋ ـ تەكسەرۋ كوميتەتىندەگى، اۆتونوميالى رايوندىق جوعارى حالىق سوتى مەكەمەسىندەگى قاتىستى جاۋاپتى جولداستار قاتارلىلار ماجىلىسكە سىرتتاي قاتىناستى.
سول كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ 45 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ماجىلىسىندە داۋىسقا سالۋعا تاپسىرىلاتىن كەڭەستىك جوبالاردى بەكىتتى.
