مەملەكەتتىك ۇگىت ٴبولىمى باستىقتارى ٴماجىلىسى بەيجيڭدە اشىلدى
ساي چي قاتىناستى ٴارى ٴسوز سويلەدى
شينحۋا اگەنتتىگىنىڭ 1 ـ ايدىڭ 4 ـ كۇنى بەيجيڭنەن بەرگەن حابارى. مەملەكەتتىك ۇگىت ٴبولىمى باستىقتارى ٴماجىلىسى 1 ـ ايدىڭ 3 ـ كۇنىنەن 4 ـ كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاسامپاز نازارياسىمەن كۇش سالا زەيىن ـ زەردە ۇيىستىرىپ، رۋح سومداپ، نەگىزگى اعىمدىق يدەيالىق قوعامدىق پىكىردى كۇش سالا بەكەمدەپ، زورايتىپ، سوتسياليستىك وزەكتى قۇن كوزقاراسىن كۇش سالا اسقاقتاتىپ، مادەنيەت ٴتۇزىلىس ـ مەحانيزم رەفورماسىن كۇش سالا تەرەڭدەتىپ، اناعۇرلىم ٴونىمدى، قۋاتتى حالىقارالىق تاراتۋ جۇيەسىن كۇش سالا ورناتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى يدەيالىق كەپىل، قۋاتتى رۋحاني كۇش، پايدالى مادەنيەت شارت ـ جاعدايىن ازىرلەۋ كەرەك.
ساي چي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مادەنيەت قۇرىلىسىن ەل باسقارۋدا كورنەكتى ورىنعا قويۋعا تاباندى بولىپ، نازاريادا، امالياتتا، تۇزىمدە ٴبىر قىدىرۋ ىزدەنىس جاساپ، جاڭالىق اشىپ، ايرىقشا باي، تاتىمدى كەلەلى جەتىستىكتەرگە قول جەتكىزدى. ەڭ ماڭىزدىسى، شي جينپيڭ مادەنيەت يدەياسىن قالىپتاستىرىپ، جاڭا داۋىردەگى پارتيانىڭ مادەنيەت تۋىن ورناتتى. وسى ماڭىزدى يدەيا جاڭا داۋىردە قانداي جۇڭگوشا سوتسياليستىك مادەنيەتكە تاباندى بولۋ جانە ونى دامىتۋ، جۇڭگوشا سوتسياليستىك مادەنيەتكە قالاي تاباندى بولۋ جانە ونى دامىتۋ سىندى كەلەلى تاقىرىپقا جۇيەلى جاۋاپ بەردى، بۇل جاڭا داۋىردە ۇگىت، يدەيا، مادەنيەت قىزمەتىن ويداعىداي ىستەۋدىڭ عىلمي باعدارناماسى جانە ٴتۇبىرلى بويسۇنۋ ولشەمى. شي جينپيڭ مادەنيەت يدەياسىن اناعۇرلىم سانالى ۇيرەنىپ، دايەكتىلەندىرىپ، جاڭا داۋىردەگى مادەنيەت بورىشىن اناعۇرلىم ويداعىداي ارقالاۋ كەرەك.
ساي چي بىلاي دەپ باسا دارىپتەدى: ۇيرەنۋ ارقىلى رۋحتى سومداۋدىڭ، ۇيرەنۋ ارقىلى پاراساتتى ارتتىرۋدىڭ، ۇيرەنۋ ارقىلى ستيلدى دۇرىستاۋدىڭ، ۇيرەنۋ ارقىلى ىستەۋدى جەبەۋدىڭ ۇزاق ٴونىمدى مەحانيزمىن تياناقتاندىرىپ، قىزمەت جۇيەسىن اقاۋسىزداندىرىپ، تاسىلدە، ادىستە جاڭالىق اشىپ، پارتيانىڭ جاسامپاز نازارياسىمەن قارۋلانۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. دۇرىس قوعامدىق پىكىر بەتالىسىنا تاباندى بولىپ، ەكونوميكالىق ۇگىت پەن مەجە جەتەكشىلىگىن كۇشەيتىپ، قوعامدىق جاعدايعا جاۋاپ بەرۋ قابىلەتىن جوعارىلاتىپ، ىنتىماقتاسا ەكپىندەي ىلگەرىلەيتىن نەگىزگى قوعامدىق پىكىر قالىپتاستىرۋ كەرەك. مۇرات ـ سەنىم تاربيەسىنىڭ ۇدايىلانۋىن، تۇزىمدەنۋىن ىلگەرىلەتىپ، يدەيا ـ ساياسي قىزمەتىن كۇشەيتۋ جانە جاقسارتۋ كەرەك. مادەنيەت بويىنشا قىزمەت وتەۋ جانە مادەنيەت ونىمدەرىمەن قامداۋ قابىلەتىن جوعارىلاتىپ، ادەبيەت ـ كوركەمونەر جاسامپازدىعىنىڭ، ٴوندىرىسىنىڭ ومىرشەڭ كۇشىن تاسقىنداتىپ، مادەني مۇرالاردى جۇيەلى قورعاۋدى ىلگەرىلەتىپ، ساياحات كاسىبىنىڭ جوعارى ساپالى دامۋىن جەبەۋ كەرەك. جۇڭگو حيكاياسىن ويداعىداي بايانداپ، وركەنيەتتەر اۋىس ـ كۇيىسىن، ٴوزارا ۇلگى الۋىن كەڭەيتە، تەرەڭدەتە بەرۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، يدەولوگيا قىزمەتى جاۋاپكەرشىلىك ٴتۇزىمىن تياناقتاندىرىپ، قوسىن جانە ستيل قۇرىلىسىن كۇشەيتىپ، ۇگىت، يدەيا، مادەنيەت قىزمەتىنىڭ جاڭا جاعدايىن ۇزدىكسىز اشۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي قىزمەت ورنالاستىرۋىن جاساپ بىلاي دەپ باسا دارىپتەدى: شي جينپيڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، پارتيانىڭ جاسامپاز نازارياسىن جۇيەلى، عىلمي قاعيدالى زەرتتەۋدى، ٴتۇسىندىرۋدى تەرەڭدەتىپ، ەكونوميكالىق ۇگىت جانە قوعامدىق پىكىرگە جەتەكشىلىك ەتۋ دەڭگەيىن جوعارىلاتىپ، مادەنيەت ٴتۇزىلىس ـ مەحانيزم رەفورماسى مىندەتتەرىن جاپپاي تياناقتاندىرىپ، يدەيا ـ ساياسي قىزمەتىنىڭ ناقتى ونىمدىلىگىن كۇشەيتىپ، تاماشا مادەنيەت ورتاسىن قالىپتاستىرىپ، مادەنيەت مۇرالارىن جۇيەلى قورعاۋدى كۇشەيتىپ، قالا وركەنيەت قۇرىلىسىن جانە وركەنيەتتى اۋىل سالتى قۇرىلىسىن ىلگەرىلەتىپ، جۇڭگوشا فيلوسوفيالىق ـ قوعامدىق عىلىم دەربەس ٴبىلىم جۇيەسىن قالىپتاستىرىپ، حالىقارالىق تاراتۋدىڭ ونىمدىلىگىن شىنايى جوعارىلاتىپ، نەگىزگى ساتى قىزمەتىندە جاڭالىق اشۋدى زور كۇشپەن ىلگەرىلەتىپ، جوعارى دەڭگەيدەگى ساياسي سانالىلىقپەن ٴتۇرلى مىندەتتەردى ناقتى تياناقتاندىرۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى تيە نيڭ ماجىلىسكە قاتىناستى.
