2024 ـ جىلى ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋدىڭ 10 ٴىرى تيپتىك مىسالى جاريالاندى
15 ۇلگى كورسەتەتىن كورىنىس ٴوڭىرى، حالىقتىق سالت ـ سانا مادەنيەت ـ ساياحاتىنداعى 20 تاڭداۋلى ٴتۇيىن دە ٴبىر ۋاقىتتا جاريالاندى
انار بۇلت \ شينجياڭ گازەتىنىڭ ٴتىلشىسى رىن جياڭ 1 ـ ايدىڭ 3 ـ كۇنى ۇرىمجىدەن حابارلايدى. 1 ـ ايدىڭ 2 ـ كۇنى اۆتونوميالى رايوندىق مادەنيەت جانە ساياحات مەڭگەرمەسى 2024 ـ جىلى ساياحات ارقىلى ٴار ۇلتتىڭ ارالاسۋىن، ىشتەسۋىن، توعىسۋىن جەبەۋدىڭ 10 تيپتىك مىسالىن، سونداي ـ اق 15 ۇلگى كورسەتەتىن كورىنىس ٴوڭىرىن، حالىقتىق سالت ـ سانا مادەنيەت ـ ساياحاتىنداعى 20 تاڭداۋلى ٴتۇيىندى جاريالادى.
2024 ـ جىلى اۆتونوميالى رايوندىق مادەنيەت جانە ساياحات مەڭگەرمەسى اۆتونوميالى رايوندىق دامۋ جانە رەفورما كوميتەتىمەن، اۆتونوميالى رايوندىق ۇلت ىستەرى كوميتەتىمەن بىرلەسىپ ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋگە قاتىستى تيپتىك مىسالداردى، ۇلگى كورسەتەتىن كورىنىس وڭىرلەرىن، حالىقتىق سالت ـ سانا مادەنيەت ساياحاتىنداعى تاڭداۋلى تۇيىندەردى تاڭداۋ جانە ۇگىتتەۋ، جالپىلاستىرۋ قىزمەتىن ورىستەتتى. ٴارقايسى ايماق، وبلىس، قالالاردىڭ كورسەتۋى، سول جەردىڭ وزىندە تەكسەرۋ ـ زەرتتەۋ جۇرگىزۋ، مامانداردىڭ باعالاۋى ارقىلى 2024 ـ جىلى اۆتونوميالى رايوننىڭ ساياحات ارقىلى ٴار ۇلتتىڭ ارالاسۋىن، ىشتەسۋىن، توعىسۋىن جەبەۋدەگى تيپتىك مىسالداردىڭ، ۇلگى كورسەتەتىن كورىنىس وڭىرلەرىنىڭ، حالىقتىق سالت ـ سانا مادەنيەت ـ ساياحاتىنداعى تاڭداۋلى تۇيىندەردىڭ ٴتىزىمى شىعارىلدى.
10 ٴىرى تيپتىك مىسال قۇلجا قالاسى التىشۋار كوشەسى كورىنىس ٴوڭىرى، بۋىرشىن اۋدانى جۇڭگو ـ رەسەي كونە كەمەجايى سالت ـ سانا كوشەسى، جەمسارى اۋدانى بەيتيڭ بايىرعى قالاسى مەملەكەتتىك ارحەولوگيالىق جۇرتتار باقشاسى، ٴپىشان اۋدانى تۇيۇق كورىنىس ٴوڭىرى، لوپنۇر اۋدانى شيڭپيڭ قالاشىعى داشي قىستاعى، حوتان تۋانچىڭ كورىنىس ٴوڭىرى، سانجى قالاسىنىڭ كولەمدى بولمە ٴىشى ناقتى كورىنىستىك ٴان ـ ٴبي سالتاناتى _ «باتىس وڭىرگە ورالۋ»، كۇشار قالاسى كۇسان ۋي، جين داۋىرىندەگى بايىرعى قابىر ەسكى جۇرتى مۇراجايى، جاڭاشار اۋدانى جاڭ چيان جىبەك جولى مادەنيەت كورىنىس ٴوڭىرى، حوتان اۋدانى يوتقان بايىرعى قالاسى سياقتىلاردى قامتيدى؛ 15 ۇلگى كورسەتەتىن كورىنىس ٴوڭىرى شينجياڭ حالىقارالىق ۇلكەن بازار كورىنىس ٴوڭىرى، تيانشان بوعدا كولى كورىنىس ٴوڭىرى، جەمەنەي اۋدانى قويتاس كورىنىس ٴوڭىرى، تۇرپان مۇراجايى، شينجياڭ كۇنلۇن تاۋى كورىنىس ٴوڭىرى سياقتىلاردى قامتيدى؛ حالىقتىق سالت ـ سانا مادەنيەت ـ ساياحاتىنداعى 20 تاڭداۋلى ٴتۇيىن بۋىرشىن اۋدانىنىڭ قوم قىستاعى، مايتاۋ رايونى مايتاۋ _ كۇشار تاس جولى مۇراجايى، اۋات اۋدانى دولان تايپاسى كورىنىس ٴوڭىرى سياقتىلاردى قامتيدى.
”ٴبىز جۇڭحۋا ۇلتى ورتاق تۇلعا تانىمىن بەكەمدەۋدى ساياحات كاسىبىن دامىتۋدىڭ ٴار جاعىنا، جالپى بارىسىنا ٴسىڭىرىپ، ساياحات نەگىزدىك الەۋمەتتىك قىزمەت وتەۋ دەڭگەيىن كۇش سالا جوعارىلاتىپ، جۇڭحۋا مادەنيەتىنىڭ قۇن ٴمانىن ىشكەرىلەي اشىپ، نەگىزگى تاقىرىپتىق ەرەكشەلىككە يە ساياحات جەلىلەرىن جوبالاپ، جاڭا كاسىپ كۇيلەرىن، جاڭا ونىمدەردى، جاڭا جەلىلەردى قالىپتاستىرىپ، وسى رەتكى تيپتىك مىسالدار، ۇلگى كورسەتەتىن كورىنىس وڭىرلەرى جانە تاڭداۋلى تۇيىندەردىڭ ٴتىزىمىن شىعاردىق“، ـ دەدى اۆتونوميالى رايوندىق مادەنيەت جانە ساياحات مەڭگەرمەسى بايلىق اشۋ باسقارماسىنىڭ باستىعى دۋان يۇيميڭ تانىستىرىپ.
”بۇدان كەيىن ٴبىز جۇڭحۋا ۇلتى ورتاق تۇلعا قۇرىلىسىن ىلگەرىلەتۋ سىندى وسى نەگىزگى جەلىنى مىقتاپ ارقاۋ ەتىپ، مادەنيەت ارقىلى ساياحاتتى سومداپ، ساياحات ارقىلى مادەنيەتتى ايگىلەپ، كۇنلۇن مادەنيەتى، جۇڭحۋا قاس تاسى مادەنيەتى سياقتىلاردى ويداعىداي ٴتۇسىندىرىپ، ساياحات ارقىلى ارالاسۋدى، ىشتەسۋدى، توعىسۋدى جەبەۋدىڭ ساپاسىن، ونىمدىلىگىن ۇزدىكسىز بەكەمدەپ، جوعارىلاتىپ، ەڭ ۇلكەن سەنترلەس شەڭبەردى ويداعىداي سىزامىز“، ـ دەدى حوتان ايماقتىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسىنىڭ باستىعى تۇرسىنگۇل ٴماتتوحتى.
”ٴبىز ۇتىمدى شارالار قولدانىپ، ساياحاتتىڭ دامۋ نەگىزىن بەكەمدەپ، ۇلتتاردىڭ بارىس ـ كەلىس اياسىن كەڭەيتەمىز؛ ساياحاتتى دامىتۋدىڭ كاسىپ كۇيىندە جاڭالىق اشىپ، ىشتەسۋدىڭ تەرەڭدىگىن، اياسىن كەڭەيتەمىز؛ مادەنيەت پەن ساياحاتتىڭ توعىسۋىن تەرەڭدەتىپ، ۇلتتاردىڭ توعىسۋ نەگىزىن بەكەمدەيمىز“، ـ دەدى سانجى حۇيزۋ اۆتونوميالى وبلىستىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ۋاڭ يانحۋا.
