نەشە رەتكى قالىڭ قاردان كەيىنگى ساۋاننىڭ كورىنىسى ٴتىپتى دە كوز جاۋىن الدى، تىنىشتىقتا مۇلگىگەن كورىنىس سۋ بوياۋلى سۋرەت ىسپەتتى كىسىنى وزىنە باۋرايدى.
تاۋ ەتەگىندەگى كيىز ءۇي. سۋرەتتى ما بين تۇسىرگەن
1 - ايدىڭ 1 - كۇنى ساۋان قالاسى بورتۇنكە اۋىلىنا بارعانىمىزدا، الىستاعى اقباس شىڭ مامىق قارمەن ورانىپ، ايبىندى دا ايباتتى كورىنىپ، تاۋ ەتەگى كۇمىس كورپە جامىلىپ، شەكسىز دە شەتسىز كەڭ دالا بولەكشە كورىنىس قالىپتاستىرعانىن كوردىك. وسىناۋ قارلى القاپقا تىگىلگەن جالعىز كيىز ءۇي تىنىشتىقتا مۇلگىپ، تاماشا قار كورىنىسىمەن سايكەسىم تاۋىپ، ەرەكشە كوز تارتتى. بۇل كورىنىس ەرىكسىز ادامدى ويعا باتىرادى، كيىز ۇيدە ەڭبەكشىل مالشىلار بار ما، ولار مەشتىڭ جانىندا وتىرىپ، قىسقى كۇننىڭ مەيىرى مەن تىنىشتىعىننان ءلاززات الدى ما ەكەن؟
مامىق قارمەن قىمتالعان ساحارادان سارعايعان ءشوپتىڭ سۇلباسى كورىنەدى. سۋرەتتى ما بين تۇسىرگەن
قارلى دالادا جايىلعان قويلار. سۋرەتتى ما بين تۇسىرگەن
جايلاۋعا ات باسىن بۇرساڭىز، كوز الدىڭىزداعى كورىنىستەر كوز جاۋىن الادى. اپپاق قار بەينە الىپ كىلەم ىسپەتتى ۇشى - قيىرسىز دالانى قىمتاعان، سارعايىپ قۋراعان شوپتەر جەردەن قىلتيىپ شىعىپ، بەينە ۋاقىتتىڭ ىزدەرى ىسپەتتى بۇل جەردىڭ وتكەن - كەتكەنىن ەستەلىككە الىپ تۇرعانداي. وسى اق كىلەمنىڭ ۇستىندە جايىلعان قويلار الدىنعى اياعىمەن تارپىعاندا ”سىقىر-سىقىر“ ەتكەن دىبىس شىعارادى. الىستان قاراعاندا، ولار كىلەمنىڭ ۇستىنە شاشىلعان قارا مەرۋەتكە ۇقسايدى دا، قىستى كۇنگى ساحارانىڭ تىرشىلىك تىنىسى مەن ومىرشەڭدىك قۋات سيلادى.
اعاش اراسىندا جايىلعان قويلار. سۋرەتتى ما بين تۇسىرگەن
ەڭسەلى اق تەرەكتەردىڭ اراسىندا اتقا ءمىنىپ كەتىپ بارا جاتقان مالشى. سۋرەتتى ما بين تۇسىرگەن
جول بويىنداعى اعاشتاردىڭ اراسىنان قويى تابىنى ءوتىپ بارا جاتىر، اتقا مىنگەن مالشى اياڭعا باستى. اعاشتاردىڭ اراسىنان وتكەن كۇن نۇرى قارمەن شاعىلىسىپ كوزدىڭ جاۋىن الدى.
جىم - جىرتتىققا مۇلگىگەن قىس. سۋرەتتى ما بين تۇسىرگەن
ساۋاننىڭ قىسقى كوركەمدىگى تەك كورىنىس قانا ەمەس، ودان دا كەرەمەتى تىنىشتىق جانە تىرشىلىك تىنىسى. كەلەسى قىستا وسى قارلى دالاعا تاعى ات باسىن بۇرىپ، وزگەشە مەيىر مەن اسەرلى سەزىمنەن ٴلاززات الىڭىزدار.
(ساۋان قالالىق توعىسپالى مەديا ورتالىعىنىڭ تىلشىلەرى ما بين، ۋاڭ يىڭ)
