— 20 ـ كەزەكتى ورتالىق ٴتارتىپ تەكسەرۋ كوميتەتى ٴتورتىنشى جالپى ٴماجىلىسىنىڭ اشىلۋى قارساڭىندا
شينحۋا اگەنتتىگىنىڭ ٴتىلشىسى
جۇرت نازارىن اۋدارعان 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ٴماجىلىسى 1 ـ ايدىڭ 6 ـ كۇنىنەن 8 ـ كۇنىنە دەيىن بەيجيڭدە اشىلادى، بۇل جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ ٴوز قۇرىلىسىن جوسپارلاپ ىلگەرىلەتۋدەگى تاعى ٴبىر ماڭىزدى ٴماجىلىسى.
”پارتيا مەن حالىق ىستەرى دامىپ قاي ساتىعا جەتسە، پارتيانى جاپپاي قاتاڭ باسقارۋ دا سول ساتىعا جەتۋى كەرەك“.
بۇگىنگى تاڭداعى جۇڭگو مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شەشۋشى كەزەڭىندە تۇر. عاسىرلىق ٴىرى پارتيا ۇزاق جىل ۇلى ىستەر تىندىردى، الايدا ەمتيحان تاپسىرۋ ٴالى اياقتاعانى جوق.
جاڭا داۋىردەگى جۇڭگو كوممۋنيستەرى جۇڭگو ۇلگىسىندەگى وسىزامانداندىرۋ سىندى بۇرىنعىلار ىستەپ كورمەگەن ۇلى ىسكە كۇش سالۋدا؛ جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسى دا بۇرىن بولىپ كورمەگەن جاڭا جاعدايعا، جاڭا ماسەلەگە، جاڭا سايىسقا ٴدوپ كەلۋدە.
اساۋ تولقىن وركەشتەنە جوڭكىلىپ، كىرمە زاتتاردى قاشاندا جۋىپ ـ شايىپ تاستاپ وتىرادى. داۋىرگە جەتەكشىلىك ەتۋدە، ٴسوز جوق، ٴوز ـ وزىنەن اسىپ ٴتۇسۋ كەرەك.
باس شۋجي شي جينپيڭ اسقاق ۇنمەن: ”ٴبىز تەك وزىنە ـ ٴوزى توڭكەرىس جاساۋعا باتىل بولعاندا عانا، تاريحتىڭ ىرىقتىلىعىنا قول جەتكىزە الامىز“، ”ٴبىزدىڭ پارتيامىز وزىندىك قۇرىلىستى ويداعىداي جۇرگىزىپ، دۇنيە جۇزىندەگى ەڭ قۇدىرەتتى ساياسي پارتياعا شىن مانىندە اينالۋى كەرەك“، ـ دەپ جاريالادى.
بۇل پارتيامىزدىڭ 100 جىلدىق كۇرەس جۇرگىزۋ، اسىرەسە، جاڭا داۋىردەگى پارتيانى جاپپاي قاتاڭ باسقارۋ ۇلى امالياتى بارىسىندا ىزدەنىس جاساپ شىققان جەڭىسكە جەتۋ جولى، پارتيامىزدىڭ تاريح پەريودىنان ٴساتتى اتتاپ شىعىپ، ۇزاق ۋاقىت بيلىك جۇرگىزۋىن جۇزەگە اسىرۋدا، ٴسوزسىز، باسىپ وتەتىن جول.
(1) پارتيانىڭ وزىنە ـ ٴوزى توڭكەرىس جاساۋى نەلىكتەن ماڭگى جالعاسادى
”ٴىرى پارتياعا عانا ٴتان قيىن ماسەلەلەردى شەشۋ، ارينە، ۇزاق ۋاقىتتىق ٴارى جاپالى بارىس“
دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتيا رەتىندە، پارتيامىز وزگەشە ابزالدىلىققا يە بولۋمەن بىرگە، ەرەكشە قيىن ماسەلەلەرگە دە ٴدوپ كەلىپ وتىر. ٴىرى پارتياعا عانا ٴتان قيىن ماسەلەنى، تۇپتەپ كەلگەندە، ٴىرى پارتيانىڭ ٴوز كۇشىنە سۇيەنىپ شەشۋىنە تۋرا كەلەدى.
شىرىكتەسۋگە قارسى تۇرۋ _ ەڭ تۇبەگەيلى وزىنە ـ ٴوزى توڭكەرىس جاساۋ.
ەندى عانا وتكەن 2024 ـ جىلدا جۇڭگو كوممۋنيستىك پارتياسىنىڭ شىرىكتەسۋگە سىلەيتە سوققى بەرۋ سەرپىنى دۇنيە ٴجۇزىن تاعى ٴبىر رەت ٴدۇر سىلكىندىردى.
ساناققا قاراعاندا، 2024 ـ جىلى ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى سايتىندا ورتالىق كوميتەت باسقاراتىن كادردان 58 ادامنىڭ اتتان قۇلاعانى اشىق جاريالانعان. مەيلى ”ولكەنىڭ باس ۇلىقتارى“ بولسىن، الدە ”مينيسترلىكتەر مەن كوميتەتتەردىڭ بيلىگىن ۇستاعاندار“ بولسىن، جوعارى مارتەبەلى كوپتەگەن ”ٴبىرىنشى باسشىلار“ مىندەتتەگى كەزدەرىندە تەكسەرۋگە الىنىپ، قۇرىشتاي فاكتتەر ارقىلى باس شۋجي شي جينپيڭنىڭ 10 نەشە جىلدىڭ الدىندا قاداپ تۇرىپ كەسەتە ايتقان سول ٴبىر ٴسوزىن تاعى ٴبىر رەت دالەلدەدى _
”ٴبىز ايتىپ وتىرعان مەيلى قانداي ادام بولسىن، مەيلى ونىڭ قىزمەت مىندەتى قانشالىق جوعارى بولسىن، تەك پارتيا تارتىبىنە، مەملەكەت زاڭىنا قايشىلىق جاسايدى ەكەن، تۇگەلدەي قاتاڭ قۋزاستىرىلادى جانە قاتاڭ جازالانادى دەگەن بۇل ٴسوز استە بوس ٴسوز ەمەس“.
جاڭا داۋىردەگى شىرىكتەسۋگە قارسى تۇرۋ كۇرەسى 13 ـ جىلعا قادام تاستادى، پارتيا ورتالىق كوميتەتىنىڭ جاعداي جونىندەگى تۇجىرىمى: ”ٴالى دە قاتاڭ، كۇردەلى“. ۇزدىكسىز شىرىكتەسۋگە قارسى تۇرۋدىڭ تەگەۋرىندى جاعدايى الدىندا، يمەنبەيتىن ادامدار دا، الۋان ايلامەن قاشقالاقتايتىن ادامدار دا، كورنەۋدە قۇپتاعانسىپ، كومەسكىدە باسقاشا ويدا بولاتىن ادامدار دا بار.
2024 ـ جىلدىڭ باسىنداعى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴۇشىنشى جالپى ماجىلىسىندە باس شۋجي شي جينپيڭنىڭ بۇكىل پارتياعا: ”شىرىكتەسۋگە قارسى تۇرۋدا شەگىنۋگە، بوساڭسۋعا، جان اشىرلىق بىلدىرۋگە استە بولمايدى، ٴسوز جوق، اتوي دابىلىن ماڭگى قاعۋ كەرەك“، ”جاڭا جورىقتاعى شىرىكتەسۋگە قارسى تۇرۋ كۇرەسىندە، ٴسوز جوق، شىرىكتەسۋ ماسەلەسىن تۋدىراتىن ورتا مەن شارت ـ جاعدايدى الاستاۋعا ۇزدىكسىز كۇش سالۋ، ونى ىشكەرىلەي ىلگەرىلەتۋ كەرەك“ دەپ ەسكەرتكەنى جۇرتتىڭ ٴالى انىق ەسىندە.
2024 ـ جىلدىڭ سوڭىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىندا باس شۋجي شي جينپيڭ تاعى دا باتىل ٴۇن قاتىپ: ”شىرىكتەسۋگە قارسى تۇرۋ كۇرەسىنىڭ جاعدايى جونىندە ەرەكشە سەرگەك بولۋ، پوزيتسيادا ەرەكشە باتىل بولۋ، استە بوساڭسىماۋ، استە كوڭىلشەكتىك ىستەمەۋ كەرەك“، ـ دەدى.
بەكەم ەرىك ـ جىگەر تەرەڭ تاۋقىمەت تانىمىنان كەلەدى.
جۇڭگو كوممۋنيستىك پارتياسى _ دۇنيە جۇزىندەگى ەڭ ٴىرى ساياسي پارتيا. ٴىرى پارتيانىڭ ”ٴىرى“ بولۋى استە ادام سانىنىڭ مولدىعىنان عانا ەمەس، قايتا يدەياسىنىڭ ۇلىلىعىندا، دارقان پەيىلىندە، تۇلعاسىنىڭ مىعىمدىعىندا.
پارتيانىڭ 100 جىلدىق مەرەيتويى وتكەننەن كەيىنگى بىرنەشە ايدا، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ ەكىنشى جالپى جيىنىندا پارتيا ىشىندەگى ”شەشۋشى ازشىلىق“ الدىندا باس شۋجي شي جينپيڭ قاتاڭ تۇردە بىلاي دەدى:
”پارتيا قۇرىلعاندىعىنا 100 جىل بولعان ساتتە، ٴبىز امانشىلىقتا جامانشىلىقتىڭ بولارىن ويلاۋىمىز، ٴبىزدىڭ 100 جىلدىق ٴىرى پارتيامىزدىڭ كارىلىك قاۋساتقان دارمەنسىزگە، اۋرۋ مەڭدەتكەن ٴالجۋازعا اينالىپ قالۋىنان ٴاردايىم قىراعى بولۋىمىز كەرەك. پارتيا تاريحىندا باسىپ وتكەن بۇراڭ جولداردى، باستان كەشكەن بۇراڭدىقتاردى ۇمىتۋعا بولمايدى، جۇڭگو مەن شەتەلدىڭ ساياسي تاريحىنداعى قازىرگىگە قاناعات ەتۋدەن، راقاتقا بەرىلۋدەن زاۋالعا قاراي بەت العان اشتى ساباقتاردى ۇمىتۋعا بولمايدى؛ ٴوز بويىندا ساقتالعان ماسەلەلەرگە اڭىسى باياۋ بولماۋى، ماسەلەنى ٴبىر جاقتى ەتۋدە ارەكەتى سىلبىر بولماۋى، دارمەنسىز بولماۋى كەرەك، ويتپەگەندە اقىر ـ اياعىندا ادام كەتكەن سوڭ، ساياسات ـ شارالار دا بىرگە اياقتايدى!“
2021 ـ جىلى 11 ـ ايدا پارتيانىڭ ٴۇشىنشى تاريحي قارارىندا ”وزىنە ـ ٴوزى توڭكەرىس جاساۋعا تاباندى بولۋ“ پارتيانىڭ 100 جىلدىق كۇرەسىندەگى 10 ٴتۇرلى تاريحي تاجىريبەنىڭ ٴبىرى ەتىلدى. باس شۋجي شي جينپيڭ تاريح پەريودىنان اتتاپ ٴوتۋدىڭ ەكىنشى جاۋابىن بەردى، ول _ وزىنە ـ ٴوزى توڭكەرىس جاساۋ.
ەڭ قاتتى تەمىردى سوعۋ ٴۇشىن، ٴسوز جوق، قۇرىشتاي بەرىك ادام بولۋ كەرەك. ٴداۋىر وزگەرىسى، تاريحي جاۋاپكەرشىلىك، اماليات سۇراۋى پارتيامىزدان، ٴسوز جوق، تۇبەگەيلى وزىنە ـ ٴوزى توڭكەرىس جاساۋدى تالاپ ەتتى.
”ٴۇش ٴسوزسىزدى“، ”ەكى ماڭگى جالعاسادىنى“ دارىپتەۋدەن ”التى قايتكەندە باستان ـ اياق“ ارقىلى ٴىرى پارتياعا ٴتان قيىن ماسەلەنى ايقىن كورسەتۋگە، ونان ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋ“ سىندى كەلەلى تاقىرىپتى العا قويۋعا جانە ونى تۇسىندىرۋگە دەيىن... پارتيا 20 ـ قۇرىلتايىنان بەرى، باس شۋجي شي جينپيڭ باستان ـ اياق تەرەڭ تولعانىسپەن پارتيانىڭ وزىنە ـ ٴوزى توڭكەرىس جاساۋىن قايتكەندە سوڭىنا دەيىن جۇرگىزۋگە بولاتىنى جونىندە جوسپار قۇرىپ، ورنالاستىرۋ جاسادى.
20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴۇشىنشى جالپى ماجىلىسىندە باس شۋجي شي جينپيڭ پارتيانىڭ وزىنە ـ ٴوزى توڭكەرىس جاساۋ ماڭىزدى يدەياسىن تەرەڭ بايىمداپ، پارتيامىز نە ٴۇشىن وزىنە ـ ٴوزى توڭكەرىس جاساۋى كەرەك، قالايشا وزىنە ـ ٴوزى توڭكەرىس جاساي الادى، وزىنە ـ ٴوزى توڭكەرىس جاساۋدى قالاي ىلگەرىلەتۋ كەرەك سياقتى كەلەلى ماسەلەلەرگە عىلمي جاۋاپ بەردى.
باس شۋجي شي جينپيڭ ”توعىز جاقتاعى“ امالياتتىق تالاپتى ايقىن العا قويدى، مۇنىڭ ىشىندە ٴارى ماكرولىق دەڭگەيدەگى نىسانا ـ مىندەت، جوعارى دەڭگەيدە جوبالاۋ، ٴارى ەگجەي ـ تەگجەيلى تياناقتاندىرۋ، ٴتۇيىندى كورنەكتىلەندىرۋ ٴتاسىلى، ٴادىسى بار، ٴارى تانىم نازارياسى، ٴارى ٴادىسناما بار بولىپ، جاڭا جورىقتا پارتيانىڭ وزىنە ـ ٴوزى توڭكەرىس جاساۋىن ۇزدىكسىز ىلگەرىلەتۋگە قۇدىرەتتى يدەيالىق قارۋ، عىلمي ارەكەت باعدارناماسىن ازىرلەدى.
(2) پارتيانى جاپپاي قاتاڭ باسقارۋ جوعارى ساپالى دامۋعا قالاي قورعان بولا الادى
”پارتيانى جاپپاي قاتاڭ باسقارۋ ٴارى ساياسي كەپىل، ٴارى ساياسي جەتەكشى“
2024 ـ جىلدىڭ سوڭى، بەيجيڭ جيڭشي قوناق ٴۇيى، ورتالىقتىڭ ەكونوميكالىق قىزمەت ٴماجىلىسى ۋاعىندا وتكىزىلدى.
”شىرىكتەسۋدى جازالاۋدان اۋىتقىماۋ“، ”جوعارىعا جاقسى كورىنۋگە بوي ۇرىپ، تومەنگە جاۋاپتى بولمايتىن، ناقتى ونىمدىلىكتى ويلاستىرمايتىن فورماشىلدىققا، تورەشىلدىككە باتىل قارسى تۇرۋ كەرەك“... پارتيا ورتالىق كوميتەتى جۇڭگونىڭ ەكونوميكالىق دامۋىنىڭ ۇلى جوسپارىن جوبالاۋ ماجىلىسىندە پارتيانى جاپپاي قاتاڭ باسقارۋدى باسا دارىپتەدى.
”جۇڭگو“ اتتى الىپ كەمە جۇڭگو ۇلگىسىندەگى وسىزامانداندىرۋدىڭ شەشۋشى كەزەڭىنە جەتكەندە، پارتيانى جاپپاي قاتاڭ باسقارۋ نە ٴۇشىن توتەنشە ماڭىزدى ورىنعا قويىلادى؟ ەكونوميكالىق، قوعامدىق دامۋدىڭ تاماشا جاعدايىن ساقتاۋدا پارتيانى جاپپاي قاتاڭ باسقارۋ قانداي رول اتقارادى؟
بۇگىنگى جۇڭگونى ٴتۇسىنۋ ٴۇشىن، ٴسوز جوق، جۇڭگو كوممۋنيستىك پارتياسىن ٴتۇسىنۋ كەرەك. جاڭا داۋىردەگى جۇڭگونىڭ دامۋ جولىن ٴتۇسىنۋ ٴۇشىن، جاڭا داۋىردەگى پارتيانىڭ وزىنە ـ ٴوزى توڭكەرىس جاساۋ ۇلى امالياتىن ٴتۇسىنۋ كەرەك.
”ەلىمىز ەكونوميكاسى جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاسادى“. پارتيا 19 ـ قۇرىلتايىندا باس شۋجي شي جينپيڭ كەلەلى تۇجىرىم جاسادى. سونىمەن بىرگە باس شۋجي ”پارتيا قۇرىلىسىنىڭ ساپاسىن ۇزدىكسىز جوعارىلاتۋدى“ ايقىن العا قويدى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ەكونوميكالىق ٴتۇزىلىس رەفورماسىن جەتەكشى ەتىپ، ٴار سالا، ٴار جاقتاعى رەفورمانى جاپپاي ورنالاستىرعاندا، ”پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋدىڭ“ رەفورما شارالارىن ٴبىر ۋاقىتتا ورنالاستىردى.
ەكونوميكالىق دامۋدىڭ ”ساپاسىن“ كوزدەۋمەن بىرگە، پارتيانى باسقارۋ، پارتيانى جونگە سالۋدىڭ ”ساپاسىن“ دا باسا دارىپتەدى، باس شۋجي شي جينپيڭنىڭ ورنالاستىرۋى بيىكتە تۇرىپ الىستى بولجاعاندىق سانالادى، جۇڭگو كوممۋنيستەرىنىڭ وبيەكتيۆ دۇنيەنى وزگەرتۋمەن بىرگە، سۋبيەكتيۆ دۇنيەنى دە سانالى تۇردە وزگەرتىپ، سول ارقىلى وبيەكتيۆ دۇنيەنى اناعۇرلىم جاقسى وزگەرتۋدەگى تاريحي ىرىقتىلىق رۋحىن ايگىلەدى.
باس شۋجي شي جينپيڭ مىناداي تاماشا تەڭەۋ ايتقان بولاتىن: ”جاراتىلىستىق ەكولوگيانىڭ تاۋى جاسىل، سۋى تۇنىق بولۋى ٴۇشىن، ساياسي ەكولوگيا دا تاۋى جاسىل، سۋى تۇنىق بولۋى كەرەك“. ”تۇنىق سۋ، جاسىل تاۋدىڭ“ ”باعالى بايلىققا“ اينالعانى سياقتى، ستيلى پاك، سالتى دۇرىس ساياسي ەكولوگيا مەن ٴادىل، ٴتارتىپتى دامۋ ورتاسى ۇنەمى ٴبىرىن ـ ٴبىرى تولىقتاپ وتىرادى.
دامۋ _ پارتيانىڭ بيلىك جۇرگىزىپ، مەملەكەتتى كوركەيتۋدەگى ماڭداي الدى مىندەتى، جوعارى ساپالى دامۋ _ جاڭا داۋىردەگى بۇلجىماس اقيقات.
جۇڭگو كوممۋنيستىك پارتياسى ٴوزىن ـ ٴوزى كىرشىكسىزدەندىرۋ ارقىلى وزىندەگى مەرەزدى جويىپ، ٴوزىن ـ ٴوزى كەمەلدەندىرۋ ارقىلى تۇتاس تۇلعالىق وبرازدى جوعارىلاتا سومداپ، ٴوزىن جاڭالاۋ ارقىلى جاسامپازدىق ومىرشەڭدىگىن جەتىلدىرىپ، ٴوز دەڭگەيىن جوعارىلاتۋ ارقىلى جاۋاپكەرشىلىك ارقالاۋ قابىلەتىن كۇشەيتتى. ”قانداي دامۋدى جۇزەگە اسىرۋ، دامۋدى قالاي جۇزەگە اسىرۋ“ سىندى ٴداۋىر جاۋابى، ٴسوز جوق، اناعۇرلىم تارتىمدى جازىلاتىن بولادى.
پارتيانى جاپپاي قاتاڭ باسقارۋ ستراتەگيالىق باعىتىن جۇڭگوشا سوتسياليزم ىستەرىنىڭ جالپى بارىسىنا جانە پارتيا قۇرىلىسىنىڭ بارلىق جاعىنا ٴسىڭىرىپ، جۇڭگونىڭ ەكونوميكاسى مەن قوعامى ”ساپاسى ٴتىپتى دە جاقسى“، ”كەلبەتى ٴتىپتى دە كوركەم“، ”ومىرشەڭ كۇشى ٴتىپتى دە مىعىم“ بولۋ باعىتىنا قاراي ارشىندى قادام تاستادى.
وتە ـ موتە، نازار اۋدارۋعا ٴتيىستىسى، جوعارى ساپالى دامۋ _ جاڭا، كونە زاتتاردىڭ بۋىن جاڭالاپ ورنىن باسۋ بارىسى، جاڭا كوزقاراس پەن كونە وي، جاڭا ٴتاسىل مەن كونە ٴادىس، جاڭالىق اشۋدا قامال الۋ مەن امال ـ ايلاعا يەك ارتۋدا تابيعي تۇردە تارتىسۋ، تىرەسۋ بارىسى بولادى. ىشكە قاراي نەعۇرلىم تەرەڭدەگەن سايىن، تاپ بولاتىن كەدەرگى كۇش تە سولعۇرلىم زور بولادى، سايىس تا بارعان سايىن شيەلەنىسەدى.
پارتيانى جاپپاي قاتاڭ باسقارۋدىڭ ساياسي جەتەكتەۋ جانە ساياسي جاقتان قامتاماسىز ەتۋ رولىن اناعۇرلىم ويداعىداي ساۋلەلەندىرىپ، ستيل قۇرىلىسى ارقىلى رەفورمادا قامال الۋدى قامتاماسىز ەتىپ، قاتاڭ ٴتارتىپ ارقىلى كادرلاردىڭ جاۋاپكەرشىلىك ارقالاپ ىسكەرلىك كورسەتۋىن جەبەگەندە، شىرىكتەسۋدى قاتاڭ جازالاۋدى رەفورما كەدەرگىلەرىن الاستاۋداعى قورعاۋشى ەتكەندە عانا، بۇكىل پارتيادا جوعارىدان تومەنگە دەيىن قۇدىرەتتى بىرىككەن كۇش ۇيىستىرىپ، قايراڭداپ قالۋ قاتەرىنەن، ورگە ۇمتىلاتىن ماشاقاتتى كەزەڭدەردەن، قامال الاتىن قيىندىقتاردان تايىنباي، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن شىنايى تياناقتاندىرۋعا بولادى.
جۇڭگونى جوعارى ساپالى دامۋ جولىمەن جۇرۋگە باستاعان جۇڭگو كوممۋنيستىك پارتياسى ۇزدىكسىز باتىلدىقپەن جاڭالىق اشاتىن، باتىلدىقپەن قامال الاتىن قان تامىر گەنىن جالعاستىرىپ، رەفورما رۋحىن قاتاڭ ولشەم ەتىپ، جاڭا قوزعالىس قۋاتىن ۇستەپ، پارتيانى جاپپاي قاتاڭ باسقارۋ قىزمەتتەرىندە داۋىرلىك سيپاتتى، زاڭدىلىقتى يگەرۋ سيپاتىن، باي جاسامپازدىق سيپاتتى اناعۇرلىم ويداعىداي ايگىلەدى.
(3) پارتيانى باسقارۋ، پارتيانى جونگە سالۋ جاۋاپكەرشىلىك ارقالاپ ىسكەرلىك كورسەتۋدى قالاي قاۋلاتادى
”كەيبىرەۋلەردىڭ الباتى ىستەۋىنە ىرىق بەرمەۋ، قالىڭ پارتيا مۇشەلەرىنىڭ، كادرلاردىڭ جاۋاپكەرشىلىك ارقالاپ، ىسكەرلىك كورسەتۋىنە، ٴىس تىندىرىپ ناتيجە شىعارۋىنا ىرىق بەرۋ كەرەك“
2024 ـ جىلى جۇڭگو كوممۋنيستىك پارتياسى تۇڭعىش رەت پارتيا ٴتارتىبىن نەگىزگى تاقىرىپ ەتكەن شوعىرلى ۇيرەنۋ تاربيەسىن ورىستەتىپ، بۇكىل پارتيانىڭ ٴتارتىپتى ۇيرەنۋىن، ٴتارتىپتى ٴبىلۋىن، ٴتارتىپتى ايقىنداۋىن، تارتىپكە بويسۇنۋىن ىلگەرىلەتتى.
تاياۋدا اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جينىندا باس شۋجي شي جينپيڭ پارتيا ٴتارتىبىن ۇيرەنۋ تاربيەسىن قورىتىندىلاپ، بىلاي دەپ اتاپ كورسەتتى: ”پارتيا ٴتارتىبىنىڭ ٴارى تاربيەلەۋ، تەجەۋ رولى، ٴارى قامتاماسىز ەتۋ، ىنتالاندىرۋ رولى بار“، ”ٴتارتىپ ٴارى سوقتىعۋعا بولمايتىن تومەنگى شەك پەن شەكارانى ايقىندادى، ٴارى پارتيا مۇشەلەرىنىڭ، كادرلاردىڭ كىرشىكسىز ىستەۋىنە، باتىلدىقپەن ٴىس تىندىرۋىنا ارەكەت ولشەمىن ازىرلەدى“، ”ەرەجەگە، تارتىپكە بويسۇنعاندا، ٴىس تىندىرىپ ناتيجە شىعارۋدىڭ تولىق ەركىندىگى مەن كەڭ ورىسىنە يە بولۋعا بولادى“.
پارتيانى جاپپاي قاتاڭ باسقارۋ مەن جاۋاپكەرشىلىك ارقالاپ، ىسكەرلىك كورسەتۋگە جىگەرلەندىرۋ ىشكى بىرلىككە يە، ٴبىر ـ بىرىنە قاراما ـ قارسى ەمەس. ومىرشەڭ كۇشتى تارتىپكە سىڭىرگەندە، ٴتارتىپتى ومىرشەڭ كۇش نەگىزىندە ورناتقاندا عانا، جاڭا ستيل، جاڭا ىسكەرلىك، جاڭا بەينە ارقىلى رەفورما، دامۋ ىستەرىنىڭ تىڭ ناتيجەگە قول جەتكىزۋىن ىلگەرىلەتۋگە بولادى.
پارتيا 18 ـ قۇرىلتايىنان بەرى، باس شۋجي شي جينپيڭ: ”قاتاڭ باسقارۋ مەن ايرىقشا قامقورلىقتى ۇشتاستىرۋعا، شابىتتاندىرۋ مەن تەجەۋگە تەڭ ٴمان بەرۋگە تاباندى بولۋ كەرەك“، ـ دەپ تالاي رەت باسا دارىپتەدى.
”پارتيانى جاپپاي قاتاڭ باسقارۋداعى ماقسات _ ادامدى تىرپ ەتكىزبەي، ادامدى جالتاقوي، جاسقانشاق، جىگەرسىز، ەشتەڭە تىندىرا المايتىن قاتىپ ـ سەمگەن كۇيگە ٴتۇسىرۋ ەمەس، قايتا بەتالىستى ايقىنداۋ، قاعيدا ورناتۋ، ستيلدى دۇرىستاۋ، قارسىلىق قۋاتتى كۇشەيتۋ ارقىلى بەلسەندى، اقاۋسىز، ٴىس تىندىرىپ ناتيجە شىعاراتىن ساياسي ەكولوگيا مەن تاماشا ورتا جاراتۋ“.
باس شۋجي شي جينپيڭ كادرلار قوسىنىنداعى كەيبىر ۇنامسىز نىسايلاردى تىلگە تيەك ەتىپ بىلاي دەگەن ەدى: ”قانشا كوپ شىنى جۋعان سايىن، شىنىنى شاعىپ الۋ مۇمكىندىگىنىڭ سونشا كوپ بولۋىنان“ ۋايىمدايدى، ”وزگەنىڭ كوڭىلىن جىقپاۋ، قيىنشىلىققا جولىقسا قول ۇشىن بەرمەۋدى“، ”ماسەلە تۋدىرماۋ ٴۇشىن، مۇمكىندىكتىڭ بارىنشا ٴىس ىستەمەۋدى“ ۇستانادى...
بەت الىستى دۇرىستاپ، قويۋ تۇماندى سەيىلتتى، باس شۋجي شي جينپيڭ تۋى ايقىن تۇردە: ”ىزدەنىس بولسا اعاتتىق تۋىلۋى مۇمكىندىگىن، ٴىس ىستەگەندە قاتەلىك بولۋى مۇمكىندىگىن“ ايتىپ، اعاتتىقتىڭ سيپاتى مەن ىقپالىن دۇرىس يگەرۋدى تالاپ ەتىپ، ”كادرلاردىڭ ٴىس تىندىرىپ ناتيجە شىعارۋ بەلسەندىلىگىن شىن مانىندە قورعاۋدى“ ايتتى.
2016 ـ جىلى 1 ـ ايدا ولكە ـ مينيسترلىك دارەجەلى نەگىزگى باسشى كادرلاردىڭ پارتيا 18 ـ كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ ـ تالقى كۋرسىنىڭ وقۋ باستاۋ سالتىندا باس شۋجي شي جينپيڭ ”ٴۇشتى پارىقتاۋدى“ تۇڭعىش رەت العا قويدى.
2023 ـ جىلى 1 ـ ايدا 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ ”ٴۇشتى پارىقتاۋعا“ تاباندى بولۋدى تاعى دا باسا دارىپتەپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي قاۋلاتىپ، جاڭا جورىقتا ەكپىندەي ىلگەرىلەۋدىڭ، جاڭا داۋىردە ۇلەس قوسۋدىڭ قويۋ رايى مەن جاندى جاعدايىن قالىپتاستىردى.
ادام ىستەتۋگە شەبەر ادام، ٴسوزسىز، دارىندى ادامداردىڭ ٴوز قابىلەتىن ساۋلەلەندىرۋىنە، ٴبىلىمدى ادامداردىڭ ٴوز پاراساتىن ساۋلەلەندىرۋىنە مۇمكىندىك بەرەدى. باتىلدىقپەن مىندەت ارقالايتىندار ٴۇشىن جاۋاپكەرشىلىك ارقالاپ، باتىلدىقپەن جاۋاپكەرشىلىك ارقالايتىندار ٴۇشىن جاۋاپتى بولىپ، قابىلەتتىلەردى شىعاراتىن، ۇزدىكتەردى سيلايتىن، ناشارلاردى تۇسىرەتىن، جارامسىزداردى قالدىراتىن تاماشا جاعداي قالىپتاستىرۋدى جەبەدى.
2024 ـ جىلى 3 ـ ايدا حۋناننىڭ چاڭدى ديڭچىڭ رايونى شيەجياپۋ قالاشىعى گاڭجۇڭپيڭ قىستاعىندا قىستاق پارتيا ياچەيكاسىنىڭ شۋجيى دۋان دىشي باس شۋجي شي جينپيڭگە مالىمەت بەردى: ”قىستاقتا، ەڭ كوپ بولعاندا، 38 ماڭدايشالىق بولعان، قازىر 12 ماڭدايشالىق عانا بار“.
ماڭدايشالىقتىڭ ازايۋىنىڭ استارىندا نەگىزگى ساتى جاۋاپكەرشىلىك ٴتىزىمىنىڭ كۇن سايىن ايقىندالعان ولشەمى جاتىر.
”پارتيا ورتالىق كوميتەتى نەگىزگى ساتىنىڭ اۋىرتپالىعىن جەڭىلدەتۋدى ايقىن تالاپ ەتتى، فورماشىلدىق، تورەشىلدىك ماسەلەلەرىن باتىل تۇزەتىپ، قوسىندى سۇرىپتاپ، اكىمشىلىك قۇرىلىمدى ىقشامداۋ، وسى قىزمەتتى تاباندىلىقپەن مىقتى يگەرۋ كەرەك“، ـ دەدى باس شۋجي.
2024 ـ جىلدان بەرى، مەيلى ماڭىزدى ماجىلىسكە قاتىناسسىن، الدە جەرگىلىكتى ورىنداردى ىشكەرىلەي ارالاپ تەكسەرۋ جۇرگىزسىن، باس شۋجي شي جينپيڭ نەگىزگى ساتىنى باسقارۋداعى ”كۇش از، جۇك اۋىر بولۋ“ ماسەلەسىن شەشۋدى تالاي رەت ورنالاستىرىپ، قۋزاپ، نەگىزگى ساتىداعى كادرلاردىڭ اناعۇرلىم كوپ ۋاقىتتى ”دامۋدى ىلگەرىلەتۋگە، بۇقاراعا قىزمەت كورسەتۋگە شوعىرلاندىرۋىنا“ مۇمكىندىك جاساۋدى باسا دارىپتەدى.
2024 ـ جىلى جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمەنى» باسىپ تاراتىپ، تۇڭعىش رەت پارتيا ىشىندەگى زاڭ ـ ەرەجە فورماسىندا نەگىزگى ساتىنىڭ اۋىرتپالىعىن جەڭىلدەتۋدىڭ تۇزىمدىك ولشەمىن جاسادى.
كادرلار ٴۇشىن ”ىستەۋ“ ماڭداي الدى ورىندا تۇرادى. ىستەۋ مەن ىستەمەۋدىڭ بەينەلەيتىنى پارتيالىلىق، ستيل بولىپ تابىلادى. باس شۋجي شي جينپيڭ بىلاي دەپ باسا دارىپتەدى: ”ٴمانساپتىلاردىڭ جاۋاپكەرشىلىكتەن قاشۋى ومىرلىك نامىس“.
20 مىڭ ارىپتەن اساتىن پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «قاۋلىسىن» اشساق، 60 تارماعىنىڭ ىشىندەگى ەڭ سوڭعى تارماعىندا ”رەفورمانى تياناقتاندىرۋدى شەگە قاعۋ رۋحىمەن ويداعىداي يگەرۋ“ كورنەكتى باسا دارىپتەلگەن.
تاريح پەن رەالدىق مىنانى تولىق بەينەلەدى: ٴبىر ساياسي پارتيانىڭ، ٴبىر مەملەكەتتىڭ تاڭداۋلى باسشى دارىندىنى ۇزدىكسىز تاربيەلەي الۋ ـ الماۋى اسا زور دەڭگەيدە وسى ساياسي پارتيانىڭ، وسى مەملەكەتتىڭ كوركەيۋى مەن قۇلدىراۋىن، ٴومىر ٴسۇرۋى مەن قۇرىپ ـ جوعالۋىن بەلگىلەيدى.
(4) پارتيانىڭ وزىنە ـ ٴوزى توڭكەرىس جاساۋى نەلىكتەن حالىق بۇقاراسىمەن تىعىز قاتىستى بولادى
”ٴبىر ساياسي پارتيانىڭ، ٴبىر اكىمياتتىڭ بولاشاعى مەن تاعدىرىن، تۇپتەپ كەلگەندە، حالىقتىڭ قالاۋ ـ قالاماۋى بەلگىلەيدى“
”ورتالىقتىڭ سەگىز ٴتۇرلى بەلگىلەمەسىن جاساپ اتقارۋ _ پارتيامىزدىڭ جاڭا داۋىردەگى تيپ ورناتىپ، سەنىمگە يە بولۋ شاراسى. ٴسوز جوق، قاجىماي ـ تالماي ۇنەمى يگەرىپ، ۇزاق ۋاقىت ەڭبەكتەنىپ، ناعىز سالتقا اينالدىرىپ، تاماشا پارتيا سالتىمەن قوعامدىق سالتقا، حالىقتىق سالتقا جەتەكشىلىك ەتۋ كەرەك“.
2023 ـ جىلى 1 ـ ايدا 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ ستيل قۇرىلىسىن سوڭىنا دەيىن جۇرگىزۋ سىندى ايقىن سيگنالدى تاراتتى.
پارتيا 18 ـ قۇرىلتايىنان كەيىن، ورتالىقتىڭ سەگىز ٴتۇرلى بەلگىلەمەسىنىڭ جاسالىپ شىعارىلۋى پارتيانى باسقارۋداعى، پارتيانى جونگە سالۋداعى نىسانا وتە ۇلكەن بولۋ، قاي جەردەن كىرىسۋدى بىلمەۋ ماسەلەسىن شەشىپ، بۇقارا ايرىقشا القاعان ستيل قۇرىلىسىنداعى ”التىن تانىسقىعا“ اينالدى.
سول كەزدە بۇل حۇجاتتىڭ اتىن قالاي تۇراقتاندىرۋ كەرەك؟ باس شۋجي شي جينپيڭ سالماقتى تۇردە بىلاي دەپ اتاپ كورسەتتى: بەلگىلەمە دەگەن بەلگىلەمە، ”سىناق رەتىندە اتقارىلادى“ دەگەن ٴسوزدى قوسپاۋ كەرەك.
”سىناق رەتىندە اتقارىلادى“ دەگەن ٴسوزدى قوسپاۋ، ايتقان سوڭ بوسقا ايتىلمايتىندىعىن، ايتىلعان سوڭ ٴسوزسىز ورىنداۋ كەرەكتىگىن اڭعارتتى. سەگىز ٴتۇرلى بەلگىلەمە 5 جىلدىق، 10 جىلدىق بەلگىلەمە ەمەس، قايتا ۇزاق ۋاقىت جارامدى قۇرىشتاي قاعيدا، بۇلجىماس ولشەم.
حالىق بۇقاراسى بۇرىس سالتتى جەك كورەدى، شىرىكتەسۋ جايتتەرىنە قاتتى كەكتەنەدى، ستيلى پاك، سالتى دۇرىس بولۋ ارقىلى پارتيانىڭ بەكىمىن، حالىقتىڭ تىلەگىن ۇيىستىرۋعا سەرت بەرۋ كەرەك. ” ’تەمىر سوقساڭ قۇرىش بول‘، بۇل پارتيامىزدىڭ ايبىندى سەرتى، پارتيانى جاپپاي قاتاڭ باسقارۋ پارتيامىز بەرگەن اسكەري سەرت بولىپ تابىلادى“.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاۋدا جولبارىس بار ەكەندىگىن بىلە تۇرا تاۋعا قاراي ۇمتىلۋعا باتىل بولۋىنىڭ سەبەبى ٴدال ”ٴوزىن مۇلدە ويلامايتىن“ پەيىلدەن باستاۋ العان، ٴدال ”حالىقتىڭ ٴۇمىتىن اقتايتىن“ جاۋاپكەرشىلىك ارقالاۋدان باستاۋ العان.
”بۇرىن دا، قازىر دە، جۇڭگودا، شەتەلدە بۇل جاعىنداعى ساباق وتە كوپ! «جىرنامادا» ’ۇلكەن تىشقان تارىمدى جەمە‘ دەگەن سويلەم بار“. باس شۋجي شي جينپيڭ مەملەكەت استىق قامباسىندا تۋىلعان دەلونى تىلگە تيەك ەتىپ، ” ’قاپتەسەرلەردىڭ‘ ويرانداۋىنا استە جول بەرمەۋ كەرەك“ دەگەن بولاتىن.
2024 ـ جىلى ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورتا، باستاۋىش مەكتەپتەردىڭ ”مەكتەپ تاماعى“، اۋىل ـ قىستاق كوللەكتيۆىنىڭ ”ٴۇش مال ـ مۇلكىن“ باسقارۋ سىندى كورنەكتى ماسەلەلەر بويىنشا مەملەكەتتىك 2 ارناۋلى رەتتەۋ ـ جونگە سالۋدى تىكەلەي يگەرىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ ـ جونگە سالۋ قىزمەتىن ۇزدىكسىز كۇش سالا ويداعىداي ىستەدى، شوعىرلى رەتتەۋ ـ جونگە سالۋ ورىستەتىلگەننەن بەرى، بۇكىل ەلدەگى ٴتارتىپ تەكسەرۋ، باقىلاۋ ـ تەكسەرۋ ورگاندارى بۇقارانىڭ جانىنداعى جيىنى 566 مىڭ بۇرىس ستيل مەن شىرىكتەسۋ ماسەلەسىن تەكسەرىپ ٴبىر جاقتى ەتىپ، 433 مىڭ ادامعا جازا بەردى. ”تەمىردەي تەگەۋرىن“ ارقىلى ”بولماۋشى شىرىكتەسۋدى“ جازالاپ، ”كىشكەنتاي كىرىسۋ ٴتۇيىنى“ ارقىلى ”ۇلكەن حالىق تۇرمىسىن“ جەتەلەپ، حالىق بۇقاراسىنا ستيل دۇرىستاۋ، شىرىكتەسۋگە قارسى تۇرۋ سەرپىنىنىڭ كۇشەيگەندىگىن، پاك ستيل، دۇرىس سالتتىڭ قاستارىندا ەكەندىگىن شىنايى سەزىندىردى.
اۋىزدان ـ اۋىزعا تارالعان القاۋلار كىرشىكسىز پاك ساياسي بەدەلگە جالعاستى؛ وتباسىلاردىڭ شاعىن ەسەبى جينالا كەلىپ حالىق تىلەگىنىڭ ۇلكەن ەسەبى بولدى. حالىقپەن تىلەۋلەس بولعاندار جۇرتتىڭ القاۋىنا بولەنىپ، تەڭىزگە قۇيىلعان سانسىز بۇلاقتاي بوگەۋ بەرمەس اعىنعا اينالدى.
19 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە باس شۋجي شي جينپيڭ كوكىرەك تولى تاريحي سەنىممەن بىلاي دەپ اتاپ كورسەتتى:
”100 جىلدان بەرى، پارتيا سىرتقى جاقتا حالىق دەموكراتياسىن دامىتۋعا، حالىقتىڭ باقىلاۋىن قابىلداۋعا سۇيەنىپ، ىشكى جاقتا پارتيانى جاپپاي قاتاڭ باسقارۋعا، وزىنە ـ ٴوزى توڭكەرىس جاساۋدى ىلگەرىلەتۋگە سۇيەنىپ، جۇرەكتىلىكپەن اقيقاتقا تاباندى بولىپ، قاتەلىكتەردى تۇزەتىپ، جۇرەكتىلىكپەن پىشاق ٴدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، پارتيانىڭ باياندى كوركەيۋىنە، ۇزدىكسىز دامۋىنا، زورايۋىنا كەپىلدىك ەتتى“.
تاريح مىنانى تەرەڭدەي كورسەتتى: ٴبىر ساياسي پارتيانىڭ قانشالىقتى زور ىسكەرلىك كورسەتە الۋى، تۇپتەپ كەلگەندە، وسى ساياسي پارتيانىڭ حالىق بۇقاراسىنىڭ تاريحي نەگىزگى تۇلعالىق رولىن قانشالىقتى دەڭگەيدە ساۋلەلەندىرە العاندىعىنا بايلانىستى بولادى.
2024 ـ جىلى كۇز، فۋجيان ولكەسى دۇڭشان اۋدانىنداعى گۋ ۋىنچاڭ ەسكەرتكىش سارايىندا ٴبىر توپ ٴمۇسىن گۋ ۋىنچاڭ جولداستىڭ دۇڭشان حالقىن باستاپ قىلشا اعاشىن ەككەن كورىنىسىن ايگىلەپ تۇر. پارتيا مۇشەلەرى، كادرلار جانە حالىق بۇقاراسى بىرگە ويلاپ، بىرگە ىستەپ، بالىق پەن سۋداي ەتەنە بولدى.
ٴمۇسىن الدىندا باس شۋجي شي جينپيڭ كادرلار مەن بۇقاراعا بىلاي دەدى: ” ’الدىمەن گۋ اقساقالعا، ونان سوڭ اتا ـ بابامىزعا تاعزىم ەتەمىز‘، مىنە بۇل _ بۇقارانىڭ شىن كوڭىلىنەن شىققان قۇرمەت. حالىقتىڭ كوڭىلىندە ٴوز ەسەبى بار، اناداي ماداق، مىناداي ماراپاتتىڭ بارلىعى بۇقارانىڭ القاۋىنا جەتپەيدى“.
” ’قاي جەردە ٴمانساپتى بولىپ قىزمەت ىستەسەڭ، سول جەردى باقىتقا كەنەلت‘، تەك وسى جول عانا ومىردەگى دۇرىس جول“.
(5) جۇڭگو كوممۋنيستىك پارتياسىنىڭ وزىندىك قۇرىلىسى دۇنيە جۇزىندەگى ساياسي پارتيالار قۇرىلىسىنا قانداي شابىت سيلادى
”جۇڭگو كوممۋنيستىك پارتياسى _ دۇنيە جۇزىندەگى ەڭ ۇلكەن ساياسي پارتيا. ۇلكەننىڭ ۇلكەنگە ٴتان بەينەسى بولۋ كەرەك“
9 مەملەكەت باسشىسى، 8 ۇكىمەت جەتەكشىسى، 100دەن استام مەملەكەتتىڭ جۇڭگودا تۇراتىن ەلشىسى جانە حالىقارالىق ۇيىمداردىڭ جۇڭگودا تۇراتىن ۋاكىلدەرى... ساراي اشىلعان 3 جىلدان استام ۋاقىتتان بەرى، كوپتەگەن شەتەلدىڭ ساياسي قايراتكەرلەرى جانە جۇڭگودا تۇراتىن ۋاكىلدەرى جۇڭگو كوممۋنيستىك پارتياسى تاريحى كورمە سارايىنا ارنايى بارىپ، قازىرگى دۇنيە جۇزىندەگى ەڭ ۇلكەن ماركسيزمدىك بيلىك باسىنداعى پارتيانىڭ جۇڭحۋانىڭ بايتاق دالاسىندا وراسان زور وزگەرىستەر تۋدىرىپ، ٴوزىن شىڭداعان كۇرەس تاريحىن ىشكەرىلەي ۇعىندى.
”جۇڭگو كوممۋنيستىك پارتياسىنىڭ باسقارۋى“ ارقىلى ”جۇڭگو باسقارۋىن“ ورىندادى. ٴبىزدىڭ پارتيامىز تولىق ٴتۇزىم سەنىمىنە يە ساياسي پارتيا، مەملەكەتتىڭ ٴتۇزىم قۇرىلىسىندا شەشۋشى رول اتقارادى. جۇڭگو كوممۋنيستىك پارتياسى جۇڭگو حالقىن باستاپ جاڭا جۇڭگونى قۇرىپ، جاڭا جۇڭگونى كوركەيتىپ، رەفورما جاساۋ، ەسىك اشۋ ۇلى ٴىسىن ىلگەرىلەتتى ٴارى بايىرعى جۇڭگونى باستاپ وسىزامانداندىرۋ نىساناسىن جۇزەگە اسىرادى. وسى بارىستا جۇڭگو كوممۋنيستىك پارتياسىنىڭ وزىندىك قۇرىلىسى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدىڭ شەشۋشى باستاۋشىسى جانە ماڭىزدى ىشكى ٴمانى دە بولىپ تابىلادى.
جۇڭگو كوممۋنيستىك پارتياسىنىڭ شىرىكتەسۋگە قارسى تۇرۋى ادامعا قاراپ ٴىس كورەتىن ”بايلىعى مەن بەت ـ بەدەلىنە قاراي مامىلە جاسايتىن دۇكەن“ ەمەس، ۇقىق ـ مۇددەگە تالاساتىن ”قارتا ٴۇيى“ ەمەس، باسى بار، اياعى جوق ”بىتپەي قالعان عيمارات“ تا ەمەس.
”بۇكىل دۇنيە جۇزىنە كوز سالساق، ٴارقانداي ٴبىر ساياسي پارتيا جۇڭگو كوممۋنيستىك پارتياسىنداي وزىندىك قۇرىلىسقا قاتاڭ، مۇقيات مامىلەدە بولعان ەمەس، وسىنداي جوعارى سانالى عىلمي پوزيتسيامەن، جۇيەلىلەنگەن تاسىلمەن وزىنە ـ ٴوزى توڭكەرىس جاساۋدى ىلگەرىلەتكەن ەمەس، بۇل ٴبىزدىڭ پارتيامىزدىڭ كورنەكتى باسىمدىعى ٴارى داۋىرگە جەتەكشىلىك ەتەتىن جەڭىسكە جەتۋ جولى“. باس شۋجي شي جينپيڭنىڭ ٴسوزى كەسەتىمدى بولدى.
جۇڭگو كوممۋنيستىك پارتياسى نە ٴۇشىن ىستەي الادى؟
”كوپشىل ادام بيلىك جۇرگىزە الادى“. ”وزىمشىلدىككە سالىنباعاندا، الەمدە ادىلدىك ورنايدى“.
جۇڭگو كوممۋنيستىك پارتياسى _ جەكە مۇددەنى كوزدەمەيتىن ساياسي پارتيا، سول ٴۇشىن دە تۇبەگەيلى وزىنە ـ ٴوزى توڭكەرىس جاساۋ رۋحىنا يە، ٴتۇبىردى كوزدەي الادى، ۇلكەن مۇددەنى كوزدەي الادى، اقيقاتقا تاباندى بولىپ، قاتەلىكتى تۇزەتە الادى، ٴوزىن تەكسەرۋگە، قاتەلىك تۋرالى ۇنەمى وي جۇگىرتۋگە باتىلدىق ەتە الادى؛ اۋرۋدى جاسىرماي ۋاعىندا ەمدەلىپ، قاتەلىكتى بۇركەمەلەمەي، وزىندە ورىن تەۋىپ وتىرعان ماسەلەلەردى دەر كەزىندە بايقاعاندا جانە شەشكەندە عانا، بارلىق مۇددەلىك توپتاردىڭ، ىقپال كۇش ۇجىمدارىنىڭ، ۇقىقتى جىكتەردىڭ قورشاپ شىرعاعا ٴتۇسىرىپ شىرىتۋىنە پارمەندى قايتارما سوققى بەرە الادى.
2023 ـ جىلى، 3 ـ اي، جۇڭگونىڭ ەكى ٴماجىلىسى جەڭىسپەن جابىلدى، ادامدار مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىنا قادام تاستاعان جۇڭگو دۇنيە جۇزىنە نەلەردى اكەلەتىندىگى جونىندە وي جۇگىرتىپ جاتقاندا، نازاردى ”وسىزامانداندىرۋ جولى: ساياسي پارتيانىڭ جاۋاپكەرشىلىگى“ نەگىزگى تاقىرىبىنا شوعىرلاندىرعان جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى جىكتەگىلەر كەڭەسى بۇعان ەڭ جاڭا جاۋاپ بەردى.
تۇتاس جەر شارىنداعى 150دەن استام مەملەكەتتىڭ 500دەن استام ساياسي پارتيالارىنىڭ جانە ساياسي ۇيىمدارىنىڭ باسشىلارى ”بۇلت تەرمينالىندا“ باس قوسىپ، كەڭەسكە بىرگە قاتىناستى. باس شۋجي شي جينپيڭ وسى كەڭەستە ورتاعا قويعان الەمدىك وركەنيەت باستاماسى حالىقارالىق قوعامدىق پىكىر الاڭىنداعى جاڭا قىزۋ سوزگە اينالدى.
حالىقارادا مىناداي ورتاق تانىم بارعان سايىن كۇشەيدى: جۇڭگو كوممۋنيستىك پارتياسى ايگىلەگەن باسقارۋ قابىلەتى، ۇستانعان ساياسي قاسيەتى ٴار ەلدىڭ ساياسي پارتيا قۇرىلىسىنا جانە دۇنيە جۇزىندەگى ساياسي پارتيالاردىڭ دامۋىنا ”جۇڭگو ۇلگىسىن“ ازىرلەدى.
2024 ـ جىلى 11 ـ ايدىڭ 18 ـ كۇنى وتكىزىلگەن 20 ەل توبى باسشىلارىنىڭ 19 ـ رەتكى باسشىلار ٴماجىلىسىنىڭ 1 ـ كەزەڭدەگى ماجىلىسىندە ٴتوراعا شي جينپيڭ جۇڭگونىڭ الەمنىڭ دامۋىنا قولداۋ كورسەتەتىن 8 ٴتۇرلى ارەكەتىن جاريالادى، مۇنىڭ اراسىندا ”شىرىكتەسۋگە قارسى تۇرۋ ارەكەت جوسپارى“ دا بار.
دۇنيە جۇزىندەگى 100 جىلدا بولماعان زور وزگەرىس بارىسىندا ۇزدىكسىز وزىنە ـ ٴوزى توڭكەرىس جاساپ العا ىلگەرىلەگەن جۇڭگو كوممۋنيستىك پارتياسى مىزعىماس تىرەك ىسپەتتى وزگەرىس پەن بىلىقپالىق قاباتتاسقان دۇنيە جۇزىنە تۇراقتىلىق جانە وڭ ەنەرگيا ۇستەدى.
بۇگىن جاڭا داۋىردەگى جۇڭگو كوممۋنيستەرى سان ميلليونداعان حالىقتى باستاپ، جاڭا ۇلى توڭكەرىس بارىسىندا بىلاي دەپ ٴوزىن تەرەڭ تەكسەرەدى: ”ٴسوز جوق، ٴبىر ٴسات تە بوساڭسىماي وزىمىزدەگى ماسەلەلەردى شەشىپ، باستان ـ اياق ٴداۋىردىڭ، امالياتتىڭ، حالىقتىڭ تالابىنا ىلەسىپ، باتىلدىقپەن وزىنە ـ ٴوزى توڭكەرىس جاساۋ رۋحىمەن ٴوزىمىزدى سومداۋىمىز جانە شىڭداۋىمىز كەرەك“.
وسى نىساناعا جەتۋدى شىنايى ويلاعان ٴارى وسى نىساناعا جەتۋدە كەم بولسا بولمايتىن وزىنە ـ ٴوزى توڭكەرىس جاساۋ رۋحى جانە وزىنە ـ ٴوزى توڭكەرىس جاساۋ قابىلەتى بار ساياسي پارتيا جەڭىلمەيدى.
(شينحۋا اگەنتتىگىنىڭ 1 ـ ايدىڭ 5 ـ كۇنى بەيجيڭنەن بەرگەن حابارى)
