شي جينپيڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە ماڭىزدى ٴسوز سويلەپ، بىلاي دەپ باسا دارىپتەدى
رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ كەرەك
لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى، لي شي ٴماجىلىستى باسقاردى
1 ـ ايدىڭ 6 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
شينحۋا اگەنتتىگىنىڭ 1 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 1 ـ ايدىڭ 6 ـ كۇنى تۇستەن بۇرىن جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە ماڭىزدى ٴسوز سويلەدى. ول بىلاي دەپ باسا دارىپتەدى: جاڭا داۋىردەن بەرى، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىلگەرىلەتۋ سەرپىنى بۇرىن بولىپ كورىلمەگەن دەڭگەيدە بولدى، ونىمدىلىگى كوپكە ٴمالىم. شىرىكتەسۋگە قارسى تۇرۋدى ماڭگى جالعاستىراتىن توزىمدىلىكتى، تاباندىلىقتى باستان ـ اياق ساقتاپ، ستراتەگيالىق تاباندىلىق پەن تەگەۋرىندى كۇيدى ساقتاپ، ٴبىر قادام دا ايالداماي، جارتى قادام دا جول بەرمەي، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىلدىقپەن ويداعىداي جۇرگىزۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى لي شي ٴماجىلىستى باسقاردى.
شي جينپيڭ بىلاي دەپ اتاپ كورسەتتى: 2024 ـ جىلى پارتيا ورتالىق كوميتەتى پارتيانىڭ وزىنە ـ ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، تىڭ ىلگەرىلەۋشىلىككە جانە ونىمدىلىككە قول جەتكىزدى. بۇكىل پارتيانىڭ وزىنە ـ ٴوزى توڭكەرىس جاساۋ سىندى كەلەلى ماسەلەدەگى تانىمى اناعۇرلىم سەرگەك، ارەكەتى اناعۇرلىم باتىل بولدى؛ پارتيا ٴتارتىبىن ۇيرەنۋ تاربيەسى تىڭعىلىقتى ورىستەتىلىپ، بۇكىل پارتياداعى جولداستاردىڭ قاعيداعا، تارتىپكە بويسۇنۋ تانىمى كورنەكتى كۇشەيدى؛ شىرىكتەسۋگە قارسى تۇرۋ سەرپىنى ۇزدىكسىز ارتتىرىلىپ، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايى جويىلدى؛ بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى رەتتەۋ ـ جونگە سالۋ ىشكەرىلەي ورىستەتىلىپ، بۇقارانىڭ اڭىسى كۇشتى بولعان ٴبىر قىدىرۋ كورنەكتى ماسەلە شەشىلدى؛ پارتيانى ٴتۇزىم ارقىلى باسقارۋ، پارتيانى قاعيدا بويىنشا باسقارۋ تەرەڭدەتىلىپ، پارتيانىڭ شىرىكتەسۋگە قارسى تۇرۋ كۇرەسىنە باسشىلىق ەتۋ، پارتيانى جاپپاي قاتاڭ باسقارۋدى ىلگەرىلەتۋ قابىلەتى ونان ارى جوعارىلاتىلدى.
شي جينپيڭ بىلاي دەپ باسا دارىپتەدى: شىرىكتەسۋ _ پارتيامىز ٴدوپ كەلگەن ەڭ ۇلكەن حاۋىپ، شىرىكتەسۋگە قارسى تۇرۋ _ ەڭ تۇبەگەيلى وزىنە ـ ٴوزى توڭكەرىس جاساۋ. جاڭا داۋىرگە قادام تاستاعان سوڭ، پارتيا ىشىندەگى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىندەگى كورنەكتى ماسەلەلەر الدىندا، ٴبىز شىرىكتەسۋگە، ٴسوز جوق، قارسى تۇرۋعا، قياناتشىلدىقتى، ٴسوز جوق، جويۋعا تاباندى بولىپ، كادرلار قوسىنىن ۇزدىكسىز كىرشىكسىزدەندىرىپ، پارتيانىڭ وبرازىن قورعاپ، قىزىل بيلىكتى بەكەمدەپ، پارتيانىڭ سيپاتىنىڭ وزگەرمەۋىنە، ٴتۇسىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتۋ سىندى تاريحي ىرىقتىلىققا قول جەتكىزدىك، پارتيانىڭ جالپى حالىقتى ىنتىماقتاستىرىپ، باستاپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى ٴۇشىن بىرگە كۇرەس جاساۋى سىندى تاريحي ىرىقتىلىققا قول جەتكىزدىك.
شي جينپيڭ بىلاي دەپ اتاپ كورسەتتى: كەزەكتە شىرىكتەسۋگە قارسى تۇرۋ كۇرەسىنىڭ جاعدايى ٴالى قاتاڭ دا كۇردەلى. شىرىكتەسۋدىڭ قالدىعى ٴالى جويىلعان جوق، ارتقان مولشەر ٴالى دە ۇزدىكسىز تۋىلۋدا، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى اۋەلگىدەي جاپالى دا اۋىر بولىپ وتىر. شىرىكتەسۋگە قارسى تۇرۋ كۇرەسىن تانۋ ٴۇشىن، ٴسوزسىز، تاريحي كوز ايا، ستراتەگيالىق بيىك دەڭگەي بولۋى، پارتيانىڭ بورىشىن، مىندەتىن جۇزەگە اسىرۋدى كوزدەۋ كەرەك. شىرىكتەسۋگە قارسى تۇرۋ كۇرەسىندە، ٴسوز جوق، بۇلجىماۋ كەرەك، ٴارقانداي ەكى ۇداي بولۋ، اۋىتقۋ، بوساڭسۋ، اياۋشىلىق ىستەۋ نەمەسە اياقسىز قالدىرۋ ٴبارى اۋدارۋ سيپاتتى قاتەلىك تۋدىرادى. ٴار ٴتۇرلى قاتە تانىمداردى باتىلدىقپەن ايقىنداپ، يدەيا تۇمانىن سەيىلتىپ، شىرىكتەسۋگە قارسى تۇرۋ كۇرەسىندەگى بەكىم مەن سەنىمدى ونان ارى بەكەمدەۋ كەرەك.
شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا، ٴسوز جوق، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، اناعۇرلىم زور ونىمدىلىككە قۇلشىنا قول جەتكىزىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ ورنالاستىرۋلارىنىڭ تياناقتانۋىنا، ناقتىلانۋىنا شىنايى كەپىلدىك ەتىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: ساياسي باقىلاۋدىڭ ناقتىلانۋىن، دالمە ـ ٴدال بولۋىن، ۇدايىلانۋىن ىلگەرىلەتۋ كەرەك. پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋدا، ٴسوز جوق، ايتقانىن ىستەۋ كەرەك. يدەيالىق جاقتا، پارتيانىڭ جاسامپاز نازارياسىمەن قارۋلانۋدى قاجىماي ـ تالماي كۇشەيتىپ، پارتيا ورتالىق كوميتەتىنىڭ سول ٴوڭىردىڭ، سول تاراۋدىڭ، سول سالانىڭ رەفورماسى، دامۋى جونىندەگى نىساناسىن، ورىن تۇراقتاندىرۋىن جانە ورنالاستىرۋلارىن، تالاپتارىن دالمە ـ ٴدال يگەرىپ، يدەيانىڭ ٴبىر تۇتاس، بەتالىستىڭ بىردەي بولۋىنا شىنايى كەپىلدىك ەتۋ كەرەك. ساياسي جاقتا، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، ساياسي ٴتارتىپ پەن ساياسي قاعيدانى قاتايتىپ، ”جەتى ٴتۇرلى نىسايدىڭ“ بوي كورسەتۋىنە استە جول بەرمەي، ٴسوزى مەن ارەكەتى بىردەي بولۋعا، بۇيرىقتى بۇلجىتپاي ورىنداۋعا، تيىم سالىنعان ٴىستى ىستەمەۋگە شىنايى كەپىلدىك ەتۋ كەرەك. ارەكەت جاعىندا، پارتيا ورتالىق كوميتەتىنىڭ ٴتۇرلى شەشىمدەرىنىڭ، ورنالاستىرۋلارىنىڭ تياناقتاندىرىلۋ جاعدايىن ساياسي باقىلاۋدىڭ ٴتۇيىنى ەتۋگە تاباندى بولىپ، كۇش بىرىكتىرە رەفورمادان قامال الۋدى ىلگەرىلەتۋ، جوعارى ساپالى دامۋدى جەبەۋ كەرەك.
شي جينپيڭ بىلاي دەپ باسا دارىپتەدى: پارتيانىڭ ٴتارتىپ قۇرىلىسىن كۇشەيتۋ ۇنەمىلىك قىزمەت، پارتيا مۇشەلەرىن، كادرلاردى وزگەنىڭ تەجەۋىن وزىندىك تەجەۋگە اينالدىرىپ، كۇندەلىكتى تۇرمىستا اڭداۋسىز ـ اق قولدانىلا بەرەتىن ٴسوز ـ ارەكەت ولشەمى ەتىپ وي ساناعا ۇيالاتۋعا جەتەكتەۋ كەرەك. ۇدايىلانعان، ۇزاق ٴونىمدى ٴتارتىپ تاربيەسى مەحانيزمىن ورناتىپ، ٴتارتىپ تاربيەسىن كادرلاردىڭ جەتىلۋىنىڭ تۇتاس پەريودىنا ٴسىڭىرۋ، ۇيىمدىق باسقارۋدىڭ جالپى بارىسىمەن توعىستىرۋ كەرەك. پارتيا ٴتارتىبىن قاتاڭ اتقارىپ، ”ٴتورت ٴتۇرلى فورماتسيانى“ دالمە ـ ٴدال قولدانىپ، شىندىقتى ٴىس جۇزىنەن ىزدەپ، جازىقسىزداردى وبالدى قىلماي، جامان ادامداردى ەركىنە جىبەرمەي، ەرتە باستان، بولماشى ىستەن باستاپ يگەرىپ، بايقالعان زامان تيىم سالىپ، قاتاڭ باسقارۋ ـ باقىلاۋ مەن جاۋاپكەرشىلىك ارقالاپ ىسكەرلىك كورسەتۋگە جىگەرلەندىرۋدى بىرلىككە كەلتىرىپ، كادرلاردىڭ قاعيداعا، تارتىپكە بويسۇنۋ بارىسىندا رەفورما جاساپ، جاڭالىق اشۋىنا، ٴىس تىندىرىپ ناتيجە شىعارۋىنا مۇمكىندىك جاساۋ كەرەك.
شي جينپيڭ بىلاي دەپ اتاپ كورسەتتى: بۇرىس ستيلدەر مەن شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ كەرەك. نولدىك توزىمدىلىككە باستان ـ اياق تاباندى بولىپ، ورتالىقتىڭ سەگىز ٴتۇرلى بەلگىلەمەسىن قۇرىشتاي قاعيدا، بەرىك ولشەم ەتىپ، قاسارىسا تارتىپكە قايشىلىق جاساۋ، كومەسكىلەنگەن، وزگەرگەن ”ٴتورت ٴتۇرلى بۇرىس ستيل“ ماسەلەسىن قاتاڭ تەكسەرىپ ٴبىر جاقتى ەتىپ، پارتيا مۇشەلەرىن، كادرلاردى ەرەكشە ۇقىق يدەياسىنا جانە ەرەكشە ۇقىق جايتتەرىنە باتىل قارسى تۇرىپ، دۇرىس ۇقىق كوزقاراسىن، ناتيجە كوزقاراسىن، ٴىس كوزقاراسىن بەرىك ورناتۋعا قۋزاۋ كەرەك. شىرىكتەسۋگە قارسى تۇرۋدىڭ تەگەۋرىندى كۇيىن باستان ـ اياق ساقتاپ، ٴتۇيىندى ماسەلەلەردى، ٴتۇيىندى سالالاردى، ٴتۇيىندى وبيەكتىلەردى مىقتى يگەرىپ، كۇش سالا تەكسەرىپ، پارا الۋ مەن پارا بەرۋدى بىرگە تەكسەرۋدى تەرەڭدەتىپ، جۇيەلى شىرىكتەسۋ حاۋىپ ـ قاتەرلەرىن، كومەسكى كىناراتتارىن باتىل جويۋ كەرەك. دەلو ارقىلى تۇزەتۋدى جەبەۋدىڭ، جونگە سالۋدى جەبەۋدىڭ ناقتى ونىمدىلىگىن كۇشەيتىپ، ۇقىق ورنالاسىمىن، اينالىمىن تەجەۋ جانە باقىلاۋ مەحانيزمىنىڭ كەمەلدەنۋىن ىلگەرىلەتىپ، جاڭاشا شىرىكتەسۋدەن جانە كومەسكى شىرىكتەسۋدەن ساقتانۋدىڭ جانە جويۋدىڭ ٴونىمدى ادىستەرىن بايىتۋ كەرەك. ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، ”بىرگە تەكسەرۋ“ ارقىلى بۇرىس ستيل مەن شىرىكتەسۋ قاباتتاسقان ماسەلەلەردى قاتاڭ جازالاپ، ”بىرگە جونگە سالۋ“ ارقىلى بۇرىس ستيل مەن شىرىكتەسۋدىڭ ورتاق ٴتۇپ قاينارىن جويۋ كەرەك.
شي جينپيڭ بىلاي دەپ باسا دارىپتەدى: پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىكتى جانە باقىلاۋ جاۋاپكەرشىلىگىن كۇشەيتۋ كەرەك. پارتكوم ىرىقتىلىقپەن يگەرىپ، ىرىقتىلىقپەن باسقارۋى، ٴتارتىپ تەكسەرۋ كوميتەتى ارناۋلى باقىلاۋ جاۋاپكەرشىلىگىن ويداعىداي اتقارىپ، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى، ٴارقايسى جاۋاپكەرشىلىك نەگىزگى تۇلعالارى جاۋاپكەرشىلىكتى ٴبىلۋى، جاۋاپكەرشىلىكتى ارقالاۋى، جاۋاپكەرشىلىكتى اتقارۋى كەرەك. جاۋاپكەرشىلىكتى تياناقتاندىرۋدى باعالاۋ مەحانيزمىن ساپالىلاندىرىپ، قىزمەتىن وتەمەگەندەردى، جاۋاپكەرسىزدىك ىستەگەندەردى دالمە ـ ٴدال، عىلمي جاۋاپقا تارتۋ كەرەك.
شي جينپيڭ بىلاي دەپ اتاپ كورسەتتى: پارتيانى جاپپاي قاتاڭ باسقارۋدىڭ نەگىزگى ساتىعا كەڭەيۋىن ۇزدىكسىز ىلگەرىلەتۋ كەرەك. ٴار دارەجەلى پارتكومدار، اسىرەسە، قالالىق، اۋداندىق پارتكومدار بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن وڭاۋدى ماڭىزدى مىندەت رەتىندە ۇدايىلاندىرا يگەرىپ، بۇقارانىڭ سەزىپ بىلە الۋىنا مۇمكىندىك جاساۋى كەرەك. نەگىزگى ساتى باقىلاۋ ٴتۇزىلىس ـ مەحانيزمى رەفورماسىن تەرەڭدەتىپ، ٴتارتىپ تەكسەرۋدى، باقىلاۋ ـ تەكسەرۋدى نەگىزگى ساتىنى شارلاپ تەكسەرۋمەن ۇشتاستىرۋ، ٴارقايسى جاقتىڭ باقىلاۋىن ٴبىر تۇتاس جوسپارلاۋ كەرەك. فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن تياناقتاندىرىپ، قالىڭ نەگىزگى ساتى كادرلارىنىڭ اناعۇرلىم كوپ زەيىن ـ زەردەمەن تياناقتاندىرۋدى يگەرۋىنە مۇمكىندىك جاساۋ كەرەك.
شي جينپيڭ بىلاي دەپ باسا دارىپتەدى: ٴتارتىپ تەكسەرۋ، باقىلاۋ ـ تەكسەرۋ ورگاندارى _ پارتيانىڭ وزىنە ـ ٴوزى توڭكەرىس جاساۋىن ىلگەرىلەتەتىن ماڭىزدى كۇش، پارتيا مەن حالىق بۇل قوسىنعا تولىق سەنىم ارتادى، كوپ ٴۇمىت كۇتەدى. ٴتارتىپ تەكسەرۋ، باقىلاۋ ـ تەكسەرۋ ٴتۇزىلىسى رەفورماسىن تەرەڭدەتىپ، ۇقىق بەرۋ مەن ۇقىقتى مەڭگەرۋدى ۇشتاستىرۋعا تاباندى بولىپ، ۇقىقتى ٴتۇزىم قاپاسىندا ۇستاۋ كەرەك. ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇش سالا نىعايتىپ، ستيلدى دۇرىستاۋ، ٴتارتىپتى قاتايتۋ، شىرىكتەسۋگە قارسى تۇرۋ قابىلەتىن ۇزدىكسىز جوعارىلاتۋ كەرەك. نەگىزگى تاقىرىپتىق تاربيە جانە تاربيەلەۋ، رەتتەۋ جەتىستىكتەرىن بەكەمدەپ، كەڭەيتىپ، تەمىر سوقساڭ قۇرىش بول دەگەنگە تاباندى بولىپ، قاتاڭ باسقارۋدى، باقىلاۋدى كۇشەيتىپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جاسايتىن ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاۋ كەرەك.
لي شي ٴماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە وتكەن ٴبىر جىلداعى پارتيانى جاپپاي قاتاڭ باسقارۋدىڭ تىڭ ىلگەرىلەۋشىلىكتەرىن، جاڭا ونىمدىلىكتەرىن تولىق تۇراقتاندىرىپ، شىرىكتەسۋگە قارسى تۇرۋ كۇرەسىنىڭ نەگىزگى زاڭدىلىعىن كورەگەن تاريحى كوز ايامەن تەرەڭ يگەرىپ، كەزەكتەگى شىرىكتەسۋگە قارسى تۇرۋ كۇرەسىنىڭ جاعدايىنا تەرەڭ تالداۋ جاساپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ جونىندە ايقىن تالاپ قويىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى. ٴسوزدىڭ ورەسى بيىك، يدەياسى تەرەڭ، ماسەلەگە بەتپە ـ بەت كەلگەن، تەرەڭ وي سالىپ، سانانى سەرگىتىپ، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ماڭىزدى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، باتىلدىقپەن كۇرەس جۇرگىزىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، شىرىكتەسۋگە قارسى تۇرۋ كۇرەسىن بۇلجىماي ىشكەرىلەي ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ورتالىق ٴتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ ٴارقايسى تاراۋلارىنداعى، ٴارقايسى حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىندا وتكىزىلدى، ٴارقايسى ولكە، اۆتونوميالى رايون، توتە قاراستى قالادا جانە شينجياڭ ٴوندىرىس ـ قۇرىلىس بيڭتۋانىندا، سونداي ـ اق ارميانىڭ قاتىستى ورىندارىندا بولىمشە ٴماجىلىس ورنى ورنالاستىرىلدى.
جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ٴماجىلىسى 1 ـ ايدىڭ 6 ـ كۇنى بەيجيڭدە اشىلدى. ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى ٴماجىلىستى باسقاردى. 1 ـ ايدىڭ 6 ـ كۇنى تۇستەن كەيىن لي شي ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ تىڭ ونىمدىلىكتەرى ارقىلى جۇڭگو ۇلگىسىندەگى وسىزاماندانۋدى ىلگەرىلەتۋگە پارمەندى قامتاماسىزدىق ازىرلەيىك» دەگەن تاقىرىپتا قىزمەت بايانداماسىن جاسادى.
