— اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
□ گازەتىمىزدىڭ شولۋشىسى
اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسى وتكەن ٴبىر جىلداعى قىزمەتتەردى جۇيەلى قورىتىندىلاپ، بيىلعى ٴتۇيىندى مىندەتتەردى ورنالاستىرىپ، تۇتاس رايونداعى جوعارىداعىلار مەن تومەندەگىلەردى سەنىمدى بەكەمدەپ، قايراتتى تاسقىنداتىپ، ”14 ـ بەسجىلدىق“ جوبانىڭ نىسانا ـ مىندەتتەرىن قۇلشىنا ورىنداپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋعا جىگەرلەندىردى، جۇمىلدىردى.
ۋاقىت كۇرەسكەرلەردىڭ اياق ٴىزىن ناقىشتاپ قالدىردى. استىق بىرلىك ٴونىمى تۇڭعىش رەت بۇكىل ەل بويىنشا ٴبىرىنشى ورىنعا كوتەرىلدى، سىرتقى ساۋدا يمپورت ـ ەكسپورت جالپى قۇنى 400 ميلليارد يۋاننان استى، جاڭا ەنەرگيا گەنەراتورلار كولەمى 100 ميلليون كيلوۆاتتان استى، جيىنى 300 ميلليوننان استام ساياحاتشى (رەت) قابىلداندى... وتكەن ٴبىر جىلدا شينجياڭنىڭ دامۋ بارىسى اسا وزگەشە بولدى. سىرتقى قىسىم ارتقان، ىشكى قيىندىق كوبەيگەن كۇردەلى دە قاتاڭ جاعداي الدىندا، اۆتونوميالى رايوندىق پارتكوم ٴار ۇلت كادر ـ بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، ەكونوميكانىڭ، قوعامنىڭ جوعارى ساپالى دامۋ ارىنى كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى.
بۇگىنگى شينجياڭنىڭ قوعامدىق كەلەلى جاعدايى ورنىقتىلىقتى ساقتادى، شينجياڭدى مادەنيەتپەن نارلەندىرۋ، ۇلت، ٴدىن قىزمەتى سياقتى نەگىزدىك قىزمەتتەر تىڭعىلىقتى ىلگەرىلەتىلدى، شينجياڭعا ساياتىن سىرتقا قاراتىلعان كۇرەس پارمەندى، ٴونىمدى بولدى، مەملەكەتتىڭ ەنەرگيا، شەشۋشى كەن بايلىعى جانە استىق، ماقتا حاۋىپسىزدىگىن قامتاماسىز ەتۋ قابىلەتى كورنەكتى جوعارىلاپ، جوعارى دەڭگەيدە ىشكە، سىرتقا ەسىك اشۋ ۇزدىكسىز كەڭەيىپ، وقۋ ـ اعارتۋ، عىلىم ـ تەحنولوگيا، دارىندىلار ىستەرىندە جاڭا ونىمدىلىككە قول جەتكىزىلدى، ەكولوگيالىق ورتانى وڭاۋدا ەلەۋلى ىلگەرىلەۋشىلىك جۇزەگە اسىرىلدى، وڭتۇستىك شينجياڭداعى كورنەكتى ماسەلەلەر جەدەل شەشىلدى، حالىق تۇرمىسىن قامتاماسىز ەتۋ ساپاسى اناعۇرلىم جاقسى بولىپ، قالا مەن اۋىلدى توعىستىرا دامىتۋ، اۋىل ـ قىستاقتى گۇلدەندىرۋ دەڭگەيى جاپپاي جوعارىلاپ، بيڭتۋان رەفورماسىن تەرەڭدەتۋدە جانە بيڭتۋان مەن جەرگىلىكتى ورىندى توعىستىرا دامىتۋدا جاڭا ىلگەرىلەۋشىلىككە قول جەتكىزىلىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگى ونان ارى جوعارىلاپ، ۇلكەن بىرلىكساپ قىزمەتى جاعدايى ٴۇرتىس كەمەلدەنىپ، پارتيا قۇرىلىسى ۇزدىكسىز تەرەڭدەتىلدى. ناتيجەلەر وڭاي ـ وسپاق كەلگەن ەمەس، ادامدى جىگەرلەندىرەدى، ٴبىزدىڭ جاڭا جورىقتا ٴتۇرلى قيىنشىلىقتاردى، سىن ـ سايىستاردى جەڭۋ بەكىمىمىزدى ونان ارى نىعايتتى، ٴبىزدىڭ ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە قوسىننان قالماۋعا، قاتاردان قالماۋعا شىنايى كەپىلدىك ەتۋ سەنىمىمىزدى ونان ارى بەكەمدەدى.
اعاش قانشا بيىك بولسا دا تامىرى بولادى، سۋ قانشا تەرەڭ بولسا دا قاينار كوزى بولادى. شينجياڭنىڭ رەفورما، دامۋ، ورنىقتىلىق قىزمەتتەرىندە قول جەتكەن ناتيجەلەر، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ جول باستاۋىنىڭ ارقاسى، تۇپتەپ كەلگەندە، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە تاباندى بولۋىنىڭ ارقاسى.
2025 ـ جىل _ ”14 ـ بەسجىلدىق“ جوبا اياقتالاتىن جىل. العا باسۋ جولىندا رەفورما، دامۋ، ورنىقتىلىق مىندەتتەرى ٴالى دە جاپالى، كوپتەگەن قيىنشىلىقتار مەن سىن ـ سايىستارعا ٴدوپ كەلىپ وتىرمىز، ٴبىراق، وراي مەن اۋقىم ٴبىز جاقتا. باس شۋجي شي جينپيڭنىڭ ايرىقشا كوڭىل ٴبولۋى، قامقورلىعى جانە جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ عىلمي جەتەكشىلىگى _ ٴبىزدىڭ ەڭ ۇلكەن ساياسي ارتىقشىلىعىمىز. پارتيا ورتالىق كوميتەتىنىڭ ٴمان بەرۋ دەڭگەيىنىڭ جوعارى بولۋى، ٴار جاقتىڭ قولداۋ تەبىنىنىڭ زور بولۋى _ ٴبىزدىڭ ەڭ زور سەنىمىمىز. شينجياڭ ەكونوميكاسىنىڭ، قوعامىنىڭ ”ورنىقتىلىق“ نەگىزىنىڭ اناعۇرلىم بەكەمدەلۋى، ”ىلگەرىلەۋ“ قوزعالىس قۋاتىنىڭ كورنەكتى كۇشەيۋى، ”جاڭا بولۋ“ ساپاسى مەن ونىمدىلىگىنىڭ زور مولشەردە جوعارىلاۋى، دامۋ ارىنىنىڭ بارعان سايىن جاقسارۋى _ ٴبىزدىڭ ەڭ پارمەندى تىرەگىمىز. تۇتاس شينجياڭداعى ٴار ۇلت كادر ـ بۇقاراسىنىڭ ٴىس تىندىرىپ ناتيجە شىعارۋ جىگەر ـ قايراتىنىڭ اناعۇرلىم جەتكىلىكتى بولۋى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ سەنىمىنىڭ ەسەلەپ ارتۋى _ ٴبىزدىڭ ەڭ بەرىك سۇيەنىشىمىز. جوعارى ساپالى دامۋدىڭ ماڭىزدى ستراتەگيالىق وراي مەزگىلى ويداعىداي يگەرىلسە، شينجياڭنىڭ دامۋ بولاشاعىنان ٴۇمىت زور.
” ’ەكى كەلەلى‘ نىسانعا قول جەتكىزىپ، ’ەكى جاڭا‘ ساياساتتى اتقارىپ، ’ون ٴىرى كاسىپ سالاسى شوعىرىن‘ جوعارى ساپامەن قۇرۋ“، ”ٴۇرىمجى قالا شەڭبەرىن، قاشقار قالا شەڭبەرىن، تيانشاننىڭ سولتۇستىك بوكتەرىندەگى قالالار شوعىرىن، سولتۇستىك شينجياڭ قالا بەلدەۋىن، تارىم ويپاتىن اينالعان قالا ـ قالاشىق بەلدەۋىن تۇلعالاۋ“، ”وڭتۇستىك شينجياڭ كاسىپ سالاسىنىڭ ’نەگىزگى جۇلگەسىن‘ جەدەل ورناتۋ“... نازاردى قازىرگى جاعدايعا شوعىرلاندىرا وتىرىپ وسى رەتكى جالپى ٴماجىلىس قىرۋار ساياساتتىق تيىمدىلىكتەردى جارىققا شىعاردى. ٴاربىر ساياسات ـ شارالار دامۋداعى كورنەكتى تۇيىنشەكتى ماسەلەگە باعىتتالىپ، تەرەڭ قاتپارلى كەدەرگىلەردى تالقانداپ، نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە تاباندى بولۋدى ايگىلەدى. قيىندىقتى ەڭسەرە العا ىلگەرىلەپ، ناقتى ىستەۋدى ماڭداي الدى ورىنعا قويىپ، ٴماجىلىستىڭ ٴتۇرلى ورنالاستىرۋلارىن شىن مانىندە ناقتى تياناقتاندىرساق، ٴبىز، ٴسوز جوق، ٴار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرىپ، ٴتۇرلى ىستەردىڭ دامۋىندا ۇزدىكسىز جاڭا جاعداي اشا الامىز.
قيىنشىلىق، سىن ـ سايىس جىل سايىن كەزدەسەدى، ايتسە دە ٴبىز ەجەلدەن بوران ـ شاشىندا سىننان ٴوتىپ دامىپ، سىناقتان ٴوتۋ بارىسىندا زورايىپ كەلەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قيىنشىلىققا دۇرىس قاراپ، سەنىمدى بەكەمدەپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، تياناقتاندىرۋدى مىقتى يگەرىپ، جوعارى ساپالى دامۋدىڭ ٴىس جۇزىندىك ونىمدىلىگى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتەيىك.
