شي جينپيڭ شيزاڭنىڭ رىكازى قالاسى ديڭرى اۋدانىندا 6.8 بال جەر سىلكىنىسى تۋىلعاندىعىنا بايلانىستى ماڭىزدى نۇسقاۋ بەرىپ، بىلاي دەپ باسا دارىپتەدى
ىزدەۋ ـ قۇتقارۋ قىزمەتىن بار كۇشپەن ورىستەتىپ، ٴولىم ـ ٴجىتىمدى ەڭ جوعارى شەكتە ازايتىپ، اپاتقا ۇشىراعان بۇقارانى ۇيلەسىمدى ورنالاستىرىپ، ولاردىڭ قىستان حاۋىپسىز، جىلى وتۋىنە شىنايى كەپىلدىك ەتۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 1 ـ ايدىڭ 7 ـ كۇنى بەيجيڭنەن بەرگەن حابارى. بەيجيڭ ۋاقىتى 1 ـ ايدىڭ 7 ـ كۇنى ساعات 9 دان 5 مينۋت وتكەندە شيزاڭنىڭ رىكازى قالاسى ديڭرى اۋدانىندا 6.8 بال جەر سىلكىنىسى تۋىلىپ، اۋىر ٴولىم ـ ٴجىتىم بولدى، قىرۋار ۇيلەر قۇلادى.
جەر سىلكىنىسى تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ايرىقشا ٴمان بەردى ٴارى ماڭىزدى نۇسقاۋ بەرىپ بىلاي دەپ اتاپ كورسەتتى: شيزاڭنىڭ رىكازى قالاسى ديڭرى اۋدانىندا 6.8 بال جەر سىلكىنىسى تۋىلىپ، اۋىر ٴولىم ـ ٴجىتىم بولدى. ىزدەۋ ـ قۇتقارۋ قىزمەتىن بار كۇشپەن ورىستەتىپ، جارالانعانداردى بار كۇشپەن قۇتقارىپ ـ ەمدەپ، ٴولىم ـ ٴجىتىمدى ەڭ جوعارى شەكتە ازايتىپ، قوسالقى اپاتتىڭ تۋىلۋىنان ساقتانىپ، اپاتقا ۇشىراعان بۇقارانى ۇيلەسىمدى ورنالاستىرىپ، سوڭعى جۇمىستاردى ىڭعايلاستىرۋ سياقتى قىزمەتتەردى جاقسى ىستەۋ كەرەك. جەر سىلكىنىسى جاعدايىن باقىلاۋ ـ ولشەۋدى، الدىن الا ساقتاندىرۋدى كۇشەيتىپ، قاتەردەن اراشالاۋ، قۇتقارۋ ـ كومەكتەسۋ زاتتىق ماتەريالدارىن دەر كەزىندە ورنالاستىرىپ، بۇلىنگەن نەگىزدىك قۇرىلعىلاردى ۋاقىتتى مىقتى يگەرىپ شۇعىل جوندەپ، بۇقارانىڭ نەگىزگى تۇرمىسىن ويداعىداي ورنالاستىرىپ، قىستان حاۋىپسىز، جىلى وتۋىنە شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: اپات جاعدايى مەن ٴولىم ـ ٴجىتىم جاعدايىن جىلدام انىقتاپ، قاتەردەن اراشالاۋ، قۇتقارۋ ـ كومەكتەسۋ قىزمەتىن بار كۇشپەن ۇيىمداستىرۋ ٴارى جەر سىلكىنىسى جاعدايىن باقىلاۋ ـ ولشەۋدى كۇشەيتىپ، ٴتۇرلى قوسالقى اپاتتاردان ساقتانىپ، ٴولىم ـ ٴجىتىمدى ازايتۋعا بارىنشا قۇلشىنۋ كەرەك. جەر سىلكىنىسى اپاتى تۋىلعان رايون ۇستىرتتەگى ەرەكشە سۋىق ٴوڭىر، قازىر ٴدال قىس ماۋسىمى، اپاتقا ۇشىراعان رايونداعى بۇقارانىڭ نەگىزگى تۇرمىسى مەن قىستان جىلى ٴوتۋىن مۇمكىندىكتىڭ بارىنشا قامتاماسىز ەتۋ كەرەك.
شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ قاتىستى تاراۋلاردىڭ جاۋاپتى جولداستارىن باستاپ جەر سىلكىنگەن ورىنعا بارىپ قۇتقارۋ ـ كومەكتەسۋ، ٴبىر جاقتى ەتۋ قىزمەتىنە جەتەكشىلىك ەتتى، مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك جەر سىلكىنىسى 3 ـ دارەجەلى شۇعىل جاعدايعا توتەپ بەرۋ شاراسىن ىسكە قوستى، شيزاڭ اۆتونوميالى رايونى كۇش ۇيىمداستىرىپ، قاتەردەن اراشالاپ، اپاتتان قۇتقارۋدى بار كۇشپەن ورىستەتىپ، اپاتقا ۇشىراعان بۇقارانى ۇيلەسىمدى ورنالاستىردى. جەر سىلكىنىسىنە قارسى اتتانىپ، اپاتتان قۇتقارۋدىڭ ٴتۇرلى قىزمەتتەرى شۇعىل ٴارى ٴتارتىپتى جۇرگىزىلۋدە.
