ما شيڭرۇي، ەركىن تۇنياز ٴۇرىمجى قالاسى دابانچىڭ رايونىندا بايلىقتى بارلاۋ، اشۋ، پايدالانۋ قىزمەتىن ىلگەرىلەتۋ جونىندە تەكسەرۋ ـ زەرتتەۋ جۇرگىزدى
يدەيانى ازات ەتىپ، كوزقاراستا بۇرىلىس جاساپ، قايراتتانا العا ۇمتىلىپ، جاۋاپكەرشىلىك ارقالاپ ىسكەرلىك كورسەتىپ، باسىمدىققا يە بايلىقتى كادەگە جاراتۋدى جەدەلدەتىپ، جوعارى ساپالى دامۋدىڭ جاڭا جاعدايىن اشۋ كەرەك
جاڭ جۋ تەكسەرۋ ـ زەرتتەۋگە قاتىناستى
1 ـ ايدىڭ 7 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز ٴۇرىمجى قالاسى دابانچىڭ رايونىنا بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي، ەركىن تۇنياز ٴۇرىمجى قالاسى ساياپىل ويىعىنىڭ سولتۇستىك جيەگىندەگى شينچايدي _ 1 ۇڭعىماسىندا گەولوگيالىق بارلاۋ اياق الىسىن تەكسەرىپ، وڭىردەگى مۇناي ـ گاز بايلىعىنىڭ ورنالاسۋى جانە بارلاۋ جەتىستىگى جونىندەگى تانىستىرۋدى تىڭداۋدا.
□ سۋرەتتى انار بۇلت \شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 7 ـ كۇنى ۇرىمجىدەن حابارلايدى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ جانە ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارىنىڭ تياناقتانۋىن، ناقتىلانۋىن ىلگەرىلەتۋ ٴۇشىن، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 1 ـ ايدىڭ 7 ـ كۇنى ٴۇرىمجى قالاسى دابانچىڭ رايونىنا بارىپ، مۇناي ـ گاز جانە كەن بايلىعىن بارلاۋ، اشۋ، پايدالانۋ قىزمەتى جونىندە ىشكەرىلەي تەكسەرۋ ـ زەرتتەۋ جۇرگىزىپ، اۆتونوميالى رايوننىڭ قاتىستى مەڭگەرمە، مەكەمەلەرىندەگى جانە ٴۇرىمجىنىڭ قالا، رايون ەكى دارەجەلى ورىندارىنداعى جاۋاپتى جولداستارمەن بىرگە جۇمىس باسىندا ماسەلەلەردى شەشۋدى اقىلداسىپ، ٴتۇيىندى قىزمەتتەردى ىلگەرىلەتتى. ما شيڭرۇي بىلاي دەپ باسا دارىپتەدى: جاۋاپكەرشىلىك سەزىم مەن بورىشتىلىق سەزىمدى ونان ارى كۇشەيتىپ، اناعۇرلىم كۇشتى ىرىقتىلىق رۋحپەن جوعارى ساپالى دامۋدى ىلگەرىلەتۋ قىزمەتىن اقىلداسىپ، يدەيانى ازات ەتىپ، كوزقاراستا بۇرىلىس جاساپ، قايراتتانا العا ۇمتىلىپ، جاۋاپكەرشىلىك ارقالاپ ىسكەرلىك كورسەتىپ، باسىمدىققا يە بايلىقتى كادەگە جاراتۋدى ىلگەرىلەتۋدە جىلدامدىقتى ارتتىرىپ، ونىمدىلىكتى جوعارىلاتىپ، ٴتۇيىندى قىزمەتتەردى تياناقتاندىرۋدى كۇشەيتۋدە كۇش سالا ناتيجە جاراتىپ، قىزمەت قابىلەتىن ـ ونەرىن جوعارىلاتۋدا قىسىمدى ارتتىرا ەكپىندەي ىلگەرىلەپ، ٴتۇرلى قىزمەتتە جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، جوعارى ساپالى دامۋدا جاڭا دا اناعۇرلىم زور قادام تاستاۋدى ىلگەرىلەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ تەكسەرۋ ـ زەرتتەۋگە قاتىناستى.
ٴۇرىمجى قالاسى ساياپىل ويىعىنىڭ سولتۇستىك جيەگىندەگى مۇناي ـ گاز بايلىعى كومەسكى كۇشىن باعالاۋ نىسانى بەلسەندى ىلگەرىلەتىلۋدە. ما شيڭرۇي، ەركىن تۇنياز شينچايدي _ 1 ۇڭعىماسىنا بارىپ، گەولوگيالىق بارلاۋ اياق الىسىن سول ورىندا تەكسەرىپ كورىپ، وڭىردەگى مۇناي ـ گاز بايلىعىنىڭ ورنالاسۋى جانە بارلاۋ جەتىستىگى جونىندەگى تانىستىرۋدى تىڭداپ، گەولوگيالىق قۇرىلىم، تەحنولوگيالىق ٴادىس سياقتىلاردى ەگجەي ـ تەگجەيلى ۇعىسىپ، قاتىستى جولداستارمەن الداعى قىزمەتتەر جونىندە ىشكەرىلەي پىكىر اۋىستىردى. ما شيڭرۇي بىلاي دەپ باسا دارىپتەدى: ستراتەگيالىق شالىمدىلىقتى كۇشەيتىپ، كەلەلى جاعداي تانىمىن ورناتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدى ارقاۋ ەتىپ، ٴوڭىردىڭ جوعارى ساپالى دامۋ قاجەتىمەن تىعىز بايلانىستىرىپ، مۇناي ـ گاز بارلاۋ، اشۋ جانە قورىن مولايتىپ، ٴونىم مولشەرىن ارتتىرۋ جاعىندا اناعۇرلىم ىرىقتى تۇردە جاۋاپكەرشىلىك ارقالاپ ىسكەرلىك كورسەتىپ، سەرپىلىس جاساۋعا ۇمتىلۋ كەرەك. عىلمي دالەلدەپ، ۇڭعىما ورنىن بەلگىلەۋ، بارلاۋ سەرپىنىن ورنىقتى ارتتىرىپ، سوڭعى بۋىنداعى قىزمەتتەردى تىڭعىلىقتى ىلگەرىلەتىپ، جاڭا ىلگەرىلەۋشىلىكتەردى جۇزەگە اسىرۋعا قۇلشىنىپ، وڭىرلىك دامۋدىڭ جاڭا ارتۋ ٴتۇيىنىن تۇلعالاۋ كەرەك.
ٴۇرىمجى جيۋگاڭ كەن شارۋاشىلىعىندا ما شيڭرۇي، ەركىن تۇنياز كاسىپورىننىڭ شارۋاشىلىق، دامۋ جاعدايى جونىندەگى تانىستىرۋدى تىڭداپ، كاسىپورىننىڭ ۇسىنىلىمدى ارتتىرىپ، مىس كەنى نىسانىنىڭ تەز ارادا سالىنىپ، وندىرىسكە قوسىلۋىن ىلگەرىلەتۋدى ٴۇمىت ەتتى. ما شيڭرۇي بىلاي دەپ باسا دارىپتەدى: جاڭا كەزەكتى كەن ىزدەۋدەن قامال الۋ ستراتەگيالىق ارەكەتىن بەلسەنە اتقارىپ، ٴتۇيىندى كەن بايلىعىن جەدەل تەكسەرۋ ـ بارلاۋدى، اشۋدى، پايدالانۋدى ٴۇرتىس ىلگەرىلەتىپ، كەلەلى كەن شارۋاشىلىعى نىساندارى قۇرىلىسىن بار كۇشپەن ىلگەرىلەتىپ، كەن شارۋاشىلىعىنداعى باستاماشى كاسىپورىنداردىڭ زورايۋىنا، كۇشەيۋىنە قولداۋ كورسەتىپ، شينجياڭ كەن شارۋاشىلىعىنىڭ جوعارى ساپالى دامۋدا ۇزدىكسىز جاڭا ونىمدىلىكتەرگە قول جەتكىزۋىن ىلگەرىلەتۋ كەرەك.
ما شيڭرۇي تەكسەرۋ ـ زەرتتەۋدە بىلاي دەپ باسا دارىپتەدى: جاڭا جىل، جاڭا اۋقىمدا جاڭا جاۋاپكەرشىلىكتى، جاڭا ىسكەرلىكتى ايگىلەۋ كەرەك. جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، ەرەكشەلىككە، باسىمدىققا يە كاسىپ سالالارىن جەتىلدىرۋدى، زورايتۋدى نەگىزگى كۇش سالۋ بەتالىسى ەتۋگە تاباندى بولىپ، بايلىق ارتىقشىلىعى، دامۋ شارت ـ جاعدايى، سالىستىرمالى باسىمدىق سياقتى ٴىس جۇزىندىك جاعدايدى تياناق ەتىپ، شينجياڭنىڭ ”ون ٴىرى كاسىپ سالاسى شوعىرى“ قۇرىلىسىمەن بەلسەنە توعىسىپ، ماڭىزدى ەنەرگيا جانە ستراتەگيالىق كەن بايلىقتارىن بارلاۋ، اشۋدى جانە كادەگە جاراتىپ پايدالانۋدى جەدەلدەتىپ، ٴتۇيىندى كاسىپ سالالارىنىڭ تىزبەكتى ۇزارتۋىن، تىزبەكتى تولىقتاۋىن، ساپالىلانۋىن، دارەجەسىنىڭ جوعارىلاۋىن ٴۇرتىس ىلگەرىلەتىپ، وسىزاماندانعان كاسىپ سالاسى جۇيەسىن قۇرۋدا تىڭ قادام تاستاۋ كەرەك. جەر ـ جەر، تاراۋلار ٴونىمدى قارجى قوسۋدى كەڭەيتۋدى نەگىزگى تۇتقا ەتۋگە تاباندى بولىپ، تىرەكتىك رولى زور، باستاماشىلدىق قابىلەتى كۇشتى، كاسىپ سالاسىنىڭ دامۋى ٴزارۋ بولعان ٴبىر توپ كەلەلى نىساندى بەلسەندى جوسپارلاپ جانە ىلگەرىلەتىپ، ٴار بۋىنداعى قىزمەت تەبىنىن كۇشەيتىپ، نىسانداردىڭ ەرتەرەك سالىنىپ ٴبىتۋىن، ەرتەرەك وندىرىسكە قوسىلۋىن، ەرتەرەك ونىمدىلىككە قول جەتكىزۋىن قۇلشىنا ىلگەرىلەتىپ، ەكونوميكانىڭ جوعارى ساپالى دامۋىنا ۇزدىكسىز جاڭا قوزعالىس قۋاتىن توپتاۋى كەرەك.
ما شيڭرۇي بىلاي دەپ باسا دارىپتەدى: ٴار دارەجەلى باسشى كادرلار قابىلەتتى، دەڭگەيدى جوعارىلاتۋدا ٴۇرتىس كۇش سالىپ، بيىلعى ٴتۇرلى قىزمەتتە تىڭ دامۋدى جۇزەگە اسىرۋدى ىلگەرىلەتۋى كەرەك. يدەيانى ازات ەتۋگە، داعدىلى كۇيدى بۇزۋعا باتىل بولىپ، يدەيا ـ كوزقاراستاعى بۇعاۋدى جانە وي تۇساۋىن ۇزدىكسىز بۇزىپ، ماسەلەنى رەفورما جاساپ، جاڭالىق اشۋ ويىمەن جانە ادىسىمەن شەشۋگە شەبەر بولىپ، جۇرەكتىلىكپەن اتويلاپ، جۇرەكتىلىكپەن سىناپ كورىپ، ٴساتتى باستاپ، ٴساتتى اياقتاتىپ، ٴتۇرلى قىزمەتتى زاڭ بويىنشا، ەرەجە بويىنشا ىلگەرىلەتىپ، ىستەر دامۋىنىڭ جاڭا ٴورىسىن اشۋى كەرەك. اسىرەسە، ٴار دارەجەلى ورىندارداعى نەگىزگى جاۋاپتى جولداستار قىزمەتتەردى زەرتتەۋ، قيىن ماسەلەلەردى شەشۋ ەرەن ونەرىن، ناقتى قابىلەتىن ۇزدىكسىز شىڭداپ، ماسەلەلەردى زەرتتەۋدى، تالداۋ جاساۋدى شىن مانىندە كۇندەلىكتى داعدى جانە بولۋعا ٴتيىستى جەتىلىم ەتىپ، شوگەلدىكپەن وي جۇگىرتىپ، وي جۇگىرتۋگە شەبەر بولىپ، عىلمي تۇجىرىم جاساۋ نەگىزىندە ماسەلەنى شەشۋدىڭ وي جەلىسى مەن جارامدى ٴادىسىن تاۋىپ، كوز جەتكەندەرىن تىڭعىلىقتى ىستەپ، قانشالىقتى كوپ ىستەي السا سونشالىقتى كوپ ىستەپ، ٴتۇرلى قىزمەتتە تىڭ جاعداي اشۋدى ىلگەرىلەتۋى كەرەك.
ما شيڭرۇي بىلاي دەپ باسا دارىپتەدى: جەر ـ جەر، تاراۋلار ”ٴاردايىم قام جەپ تۇراتىن“ جاۋاپكەرشىلىك سەزىمدى اناعۇرلىم كۇشەيتىپ، ٴوندىرىس حاۋىپسىزدىگى قىزمەتىن تيتتەي دە بوساڭسىماي مىقتى يگەرىپ، ٴتۇيىندى سالالارداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋ، وڭاۋدى ىشكەرىلەي ىلگەرىلەتىپ، جەر سىلكىنىسى، قارلى بوران، قىسقى ٴورت اپاتى سياقتى ٴتۇرلى اپاتتاردان قاتاڭ ساقتانىپ، شۇعىل جاعدايلاردى ٴبىر جاقتى ەتۋ جانە قۇتقارۋ ـ كومەكتەسۋ دايىندىعىن كۇشەيتىپ، ەلەۋلى حاۋىپ ـ قاتەرلەردەن ساقتانۋ ـ تىزگىندەۋ تومەنگى شەگىن شىن مانىندە باتىل ساقتاپ، قوعام ورنىقتىلىعىن جانە ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن باتىل قورعاۋى كەرەك.
چىن ۋيجۇن، ٴيۇسۇپجان مامەت، قادەن كابەن، جين جىجىن تەكسەرۋ ـ زەرتتەۋگە قاتىناستى.
