— باس شۋجي شي جينپيڭنىڭ 20 ـ كەزەكتى ورتالىق ٴتارتىپ تەكسەرۋ كوميتەتى ٴتورتىنشى جالپى ماجىلىسىندە سويلەگەن ماڭىزدى ٴسوزىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”شىرىكتەسۋ _ پارتيامىز ٴدوپ كەلگەن ەڭ ۇلكەن حاۋىپ، شىرىكتەسۋگە قارسى تۇرۋ _ ەڭ تۇبەگەيلى وزىنە ـ ٴوزى توڭكەرىس جاساۋ.“ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە باس شۋجي شي جينپيڭ جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ ستراتەگيالىق بيىك دەڭگەيى تۇرعىسىنان جاڭا داۋىردەن بەرگى پارتيانى جاپپاي قاتاڭ باسقارۋدا جانە شىرىكتەسۋگە قارسى كۇرەستە قول جەتكىزگەن تابىستاردى تولىق تۇراقتاندىرىپ، كەزەكتەگى شىرىكتەسۋگە قارسى كۇرەس جاعدايىنا تەرەڭ تالداۋ جاساپ، بىلاي دەپ باسا دارىپتەدى: ”ٴار ٴتۇرلى قاتە تانىمداردى باتىلدىقپەن اداقتاپ، يدەيا تۇمانىن سەيىلتىپ، شىرىكتەسۋگە قارسى كۇرەستەگى بەكىمدى جانە سەنىمدى ونان ارى بەكەمدەۋ كەرەك“.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وزىنە ـ ٴوزى توڭكەرىس جاساۋ وسكەلەڭ سانالىلىعىمەن، ”مىڭداعان ادامعا جەك كورىنىشتى بولىپ، ٴبىر ميلليارد 400 ميلليون حالىقتىڭ ٴۇمىتىن اقتاۋ“ سىندى بورىش ارقالاۋمەن بۇكىل پارتيانى باستاپ، پارتيانى جاپپاي قاتاڭ باسقارۋدى جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، شىرىكتەسۋگە، ٴسوز جوق، قارسى تۇرۋعا، قياناتشىلدىقتى، ٴسوز جوق، جويۋعا تاباندى بولدى، بۇنىڭ سەرپىنى بۇرىن بولىپ كورىلمەگەن دەڭگەيدە بولدى، مۇنىڭ ونىمدىلىگى كوپكە ٴمالىم. وتكەن ٴبىر جىلدا ”جولبارىس سوعۋدا“ سوقپاي وتەتىن ٴوڭىر بولمادى، سونىمەن بىرگە ”جەمقور شىبىن ـ شىركەيلەردى“دە جازالاپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ بويىنشا 700 مىڭنان استام ماسەلە تەكسەرىلىپ ٴبىر جاقتى ەتىلدى. جاڭا داۋىردەن بەرى، پارتيا تىلەگى، ارميا تىلەگى، حالىق تىلەگى بۇرىن بولىپ كورمەگەن دارەجەدە ۇيىسىپ، سەرپىلدى، مۇنداعى ماڭىزدى سەبەپ پارتيامىزدىڭ باستان ـ اياق استە راقىم ەتپەۋ پوزيتسياسىمەن شىرىكتەسۋدى جازالاعاندىعىندا. باس شۋجي شي جينپيڭ ماڭىزدى سوزىندە ”ەكى تاريحي ىرىقتىلىققا“ قول جەتكىزدىك دەگەن سوزدەن پايدالانا وتىرىپ بىلايشا جوعارى دەڭگەيدە جيناقتادى: ”پارتيانىڭ سيپاتىنىڭ وزگەرمەۋىنە، ٴتۇسىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتۋ سىندى تاريحي ىرىقتىلىققا قول جەتكىزدىك، پارتيانىڭ جالپى حالىقتى ىنتىماقتاستىرىپ جانە باستاپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى ٴۇشىن بىرگە كۇرەس جاساۋى سىندى تاريحي ىرىقتىلىققا قول جەتكىزدىك“.
سونىمەن بىرگە مىنانى دا سەرگەكتىكپەن كورە ٴبىلۋىمىز كەرەك: شىرىكتەسۋگە قارسى كۇرەس جاعدايى ٴالى دە قاتاڭ دا كۇردەلى، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى اۋەلگىدەي جاپالى دا اۋىر بولىپ وتىر. رەال جاعدايدان قاراعاندا، شىرىكتەسۋدىڭ قالدىعى ٴالى جويىلعان جوق، مولشەرىنىڭ ارتۋى ٴالى دە تىنباي تۋىلۋدا. ال يدەيالىق تانىمنان قاراعاندا، جاعداي جونىندە كەيبىر قاتە تۇجىرىمدار مەن تانىمدار دا بار. تەك ٴار ٴتۇرلى قاتە تانىمداردى باتىلدىقپەن اداقتاپ، يدەيا تۇمانىن سەيىلتكەندە عانا، ورتاق تانىمدى ونان ارى ۇيىستىرۋعا، ارەكەت سانالىلىعىن كۇشەيتۋگە بولادى.
شىرىكتەسۋ مەن ۇقىقتىڭ كوبىندە قوسانجار كەلەتىندىگىن كورە ٴبىلۋىمىز كەرەك، بۇل شىرىكتەسۋگە قارسى كۇرەستىڭ ۇزاق ۋاقىتتىق تاريحي بارىس بولاتىندىعىن بەلگىلەدى. شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايى ٴالى دە ٴومىر سۇرەدى ەكەن، شىرىكتەسۋگە قارسى كۇرەس تە ماڭگى جالعاسادى. پارتيا 20 ـ قۇرىلتايىنان بەرى تەكسەرىلىپ ٴبىر جاقتى ەتىلگەن شىرىكتەسكەن ەلەمەنتتەرگە ىشكەرىلەي تالداۋ جاسايتىن بولساق، ونىڭ ىشىندە باسىم كوپ ادامنىڭ تارتىپكە، زاڭعا قايشى ارەكەتتەرى پارتيا 18 ـ قۇرىلتايىنان ىلگەرى كەزدەن باستاپ پارتيا 20 ـ قۇرىلتايىنان كەيىنگى ۋاقىتقا دەيىن جالعاسقان، بۇل ٴارى ارتقان مولشەر، ٴارى قالدىق مولشەر. شىرىكتەسۋگە قارسى تۇرۋدىڭ جاڭا تەحنيكاسى، ٴتاسىلى، ٴادىسى سياقتىلار الدىندا شىرىكتەسكەن ەلەمەنتتەردىڭ بارعان سايىن بارار جەر، باسار تاۋى قالمادى. شىرىكتەسۋ ادىلدىك پەن ادىلەتتىلىككە زيان جەتكىزىپ، شارۋاشىلىق ـ ساۋدا ورتاسىن ٴبۇلدىرىپ، ەكونوميكالىق ٴتارتىپتى بىلىقتىردى. تەك وسى ۋلى وسپەنى باتىل جويعاندا عانا، قالىڭ كادرلاردىڭ كىرشىكسىزىكپەن جۇمىس ىستەۋىنە، باتىلدىقپەن جۇمىس ىستەۋىنە، ٴتۇرلى شارۋاشىلىق نەگىزگى تۇلعالارىنىڭ الاڭسىز شارۋاشىلىق قۇرۋىنا مۇمكىندىك جاساۋعا بولادى.
باس شۋجي شي جينپيڭ بىلاي دەپ باسا دارىپتەدى: ”شىرىكتەسۋگە قارسى كۇرەستى تانۋ ٴۇشىن، ٴسوزسىز، تاريحي شالىمدىلىق، ستراتەگيالىق بيىك دەڭگەي بولۋى، پارتيانىڭ بورىشىن، مىندەتىن جۇزەگە اسىرۋدى كوزدەۋ كەرەك“. تاريحي شالىمدىلىق دەگەن نە؟ مۇنداعى شەشۋشى ٴتۇيىن تاريحتان ساباق الۋعا شەبەر بولىپ، پارتيامىزدىڭ 100 جىلدىق كۇرەسىنەن قۇن ماقساتىن يگەرىپ، پارتيامىزدىڭ اۋەلگى ماقساتتان، بورىشتان باستان ـ اياق جازباۋىن، ٴسوز جوق، شىرىكتەسۋ سىندى ەڭ ۇلكەن حاۋىپتى جويۋى كەرەكتىگىن تانۋىمىز كەرەك. ستراتەگيالىق بيىك دەڭگەيدەن قاراعاندا، قازىر جۇڭگو ۇلگىسىندەگى وسىزامانداندىرۋ قۇرىلىسى شەشۋشى كەزەڭدە تۇر، ەل ٴىشى ـ سىرتىنداعى ورتادا توتەنشە كەڭ ٴارى تەرەڭ وزگەرىستەر تۋىلۋدا، تەك شىرىكتەسۋگە قارسى تۇرۋدان جازباي، پارتيانىڭ اقاۋسىز تۇلعاسىن، العاباسارلىعىن، كىرشىكسىزدىگىن ماڭگى ساقتاعاندا عانا، جۇڭگوشا سوتسياليزم جولىمەن ورنىقتى ٴجۇرىپ، ويداعىداي ٴجۇرىپ، 100 جىلدا بولماعان زور وزگەرىس بارىسىندا باستان ـ اياق جەڭىلمەس ورىندا تۇرا الامىز. پارتيالى كادرلار جونىنەن العاندا، ٴتۇرلى ازعىرۋ، قورشاپ شىرعاعا ٴتۇسىرۋ الدىندا، پارتيامىزدىڭ وسى ىستەر ٴۇشىن كۇرەس جۇرگىزگەن توڭكەرىستىك مۇراتىن كوبىرەك ويلاۋ، باسىن ٴباي تىگىپ قان توككەن سانسىزداعان توڭكەرىستىك اعا بۋىنداردى كوبىرەك ويلاۋ، پارتيا مەن حالىقتىڭ ٴوز كوڭىلىندەگى سالماعىن كوبىرەك ويلاۋ، قياناتشىلدىقتىڭ، شىرىكتەسۋدىڭ زاردابى مەن زيانىن كوبىرەك ويلاۋ، دۇنيە جۇزىندەگى ماركسيزمدىك ساياسي پارتيانىڭ تۇرلىشە تاعدىرىن كوبىرەك ويلاۋ كەرەك. يدەيالىق جاقتان توركىنىن تۇزەپ، قاينارىن تازارتىپ، جاقسى ـ جامانىن ايىرعاندا عانا، شىنايى تۇرعىدان مىزعىماۋعا، تومەنگى شەكتى ساقتاۋعا بولادى، كوممۋنيستەردىڭ ساياسي قاسيەتىن باستان ـ اياق ساقتاۋعا بولادى.
شىرىكتەسۋگە قارسى كۇرەس جاعدايى جونىندە ەرەكشە سەرگەك بولۋ، پوزيتسيادا ەرەكشە باتىل بولۋ، استە بوساڭسىماۋ، استە كوڭىلشەكتىك ىستەمەۋ كەرەك. ٴسوز جوق، ستراتەگيالىق تاباندىلىق پەن تەگەۋرىندى كۇيدى ساقتاپ، ٴبىر قادام دا ايالداماي، جارتى قادام دا جول بەرمەي، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرىپ، جۇيەلى وڭاۋ كەرەك. حالىقتىڭ قۇپتاۋ ـ قۇپتاماۋىنا، بولاشاق تاعدىرىنا ساياتىن وسى كەلەلى ماسەلەدە ٴبىز جاڭا داۋىردەگى شىرىكتەسۋگە قارسى كۇرەستە قول جەتكىزگەن تاريحي تابىستاردى تەرەڭ يگەرىپ، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن ويداعىداي جۇرگىزۋدەگى بەرىك بەكىمىمىز بەن ٴسوزسىز جەڭىسكە جەتۋ سەنىمىمىزدى بەكەمدەۋىمىز كەرەك.
(شينحۋا اگەنتتىگىنىڭ 1 ـ ايدىڭ 7 ـ كۇنى بەيجيڭنەن بەرگەن حابارى)
