(جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە 2025 ـ جىلى 1 ـ ايدىڭ 8 ـ كۇنى ماقۇلداندى)
جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ٴماجىلىسى 2025 ـ جىلى 1 ـ ايدىڭ 6 ـ كۇنىنەن 8 ـ كۇنىنە دەيىن بەيجيڭدە وتكىزىلدى. بۇل جولعى جالپى ماجىلىسكە ورتالىق ٴتارتىپ تەكسەرۋ كوميتەتىنىڭ 131 مۇشەسى قاتىناستى، 247 ادام سىرتتاي قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جالپى ماجىلىسكە قاتىناستى ٴارى ماڭىزدى ٴسوز سويلەدى. لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلى پارتيا مەن مەملەكەت باسشىلارى ماجىلىسكە قاتىناستى.
جالپى ٴماجىلىستى ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، 2024 ـ جىلعى ٴتارتىپ تەكسەرۋ، باقىلاۋ ـ تەكسەرۋ قىزمەتىن قورىتىندىلادى، 2025 ـ جىلعى مىندەتتەردى ورنالاستىردى، لي شي جولداستىڭ ورتالىق ٴتارتىپ تەكسەرۋ كوميتەتى تۇراقتى كوميتەتى اتىنان جاساعان «پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەيىك» دەگەن قىزمەت بايانداماسىن قاراپ ماقۇلدادى.
جالپى ٴماجىلىس باس شۋجي شي جينپيڭنىڭ ماڭىزدى ٴسوزىن مۇقيات ۇيرەندى، تەرەڭ ٴتۇسىندى. ٴماجىلىس ٴبىر اۋىزدان بىلاي دەپ قارادى: سوزدە وتكەن ٴبىر جىلدا پارتيانى جاپپاي قاتاڭ باسقارۋدا قول جەتكەن جاڭا ىلگەرىلەۋشىلىكتەر، جاڭا ونىمدىلىكتەر تولىق تۇراقتاندىرىلدى، جاڭا ٴداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋ ستراتەگيالىق بيىگىنەن، شىرىكتەسۋگە قارسى كۇرەستىڭ نەگىزگى زاڭدىلىعى اسقان تاريحي شالىمدىلىقپەن تەرەڭ يگەرىلىپ، كەزەكتەگى شىرىكتەسۋگە قارسى كۇرەستىڭ جاعدايىنا ىشكەرىلەي تالداۋ جاسالىپ، تۋى ايقىن تۇردە قاتە تانىمدار اداقتالىپ، يدەيا تۇمانى سەيىلتىلدى، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ جونىندە ايقىن تالاپ قويىلىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋ جونىندە ستراتەگيالىق ورنالاستىرۋ جاسالىپ، ٴتارتىپ تەكسەرۋ، باقىلاۋ ـ تەكسەرۋ كادرلار قوسىنىنا ىقىلاستى ٴۇمىت ارتىلدى. ٴسوزدىڭ ورەسى بيىك، يدەياسى تەرەڭ، ماسەلەگە بەتپە ـ بەت كەلگەن، تەرەڭ وي سالىپ، سانانى سەرگىتەدى، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، پارتيانى جاپپاي قاتاڭ باسقارۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتۋگە العا باسۋ بەتالىسىن كورسەتىپ، ماڭىزدى بويسۇنۋ ولشەمىن ازىرلەدى. ٴماجىلىس ٴبىر اۋىزدان مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن جەتەكشى ەتىپ، سەنىمدى بەكەمدەپ، باتىلدىقپەن كۇرەس جۇرگىزىپ، باقىلاۋ جاۋاپكەرشىلىگىن، تياناقتاندىرۋدى ىلگەرىلەتۋ نەگىزگى تۇلعالىق جاۋاپكەرشىلىگىن باتىل ارقالاپ، نازاردى ”مەملەكەتتىڭ زور ىسىنە شوعىرلاندىرا“ وتىرىپ ساياسي باقىلاۋدى كۇشەيتىپ، بۇلجىماس تاباندىلىقپەن ستيل دۇرىستاپ، ٴتارتىپتى قاتايتىپ، شىرىكتەسۋگە قارسى كۇرەستى ماڭگى جالعاستىراتىن توزىمدىلىكپەن، تاباندىلىقپەن ىشكەرىلەي ىلگەرىلەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن كۇش سالا جويامىز. يمەنۋ سەزىمىن باستان ـ اياق ساقتاپ، ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇشەيتىپ، ادال، كىرشىكسىز بولۋدى، جاۋاپكەرشىلىك ارقالاۋدى، باتىلدىقپەن، شەبەرلىكپەن كۇرەس جۇرگىزۋدى شىن مانىندە ورىندايمىز.
جالپى ٴماجىلىس مىنالاردى اتاپ كورسەتتى: 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ وزىنە ـ ٴوزى توڭكەرىس جاساۋى ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولىپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، زەيىن ـ زەردەنى، كۇش ـ قۋاتتى ۇيىستىرىپ، قيىندىقتاردان قامال الىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستادى. ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جانە ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، پارتيا مەن مەملەكەتتىڭ وزەكتى مىندەتىن ارقاۋ ەتىپ، ساياسي باقىلاۋدى، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ٴۇرتىس ىشكەرىلەي كۇشەيتىپ، پارتيانى جاپپاي قاتاڭ باسقارۋ جۇيەسىنىڭ اقاۋسىزدانۋىن، پارتيا مەن مەملەكەتتىڭ باقىلاۋ جۇيەسىنىڭ كەمەلدەنۋىن ىلگەرىلەتىپ، نەگىزگى تاقىرىپتىق تاربيە مەن تاربيەلەۋ، رەتتەۋ جەتىستىكتەرىن بەكەمدەپ جانە كەڭەيتىپ، جاڭا ٴداۋىردىڭ جاڭا جورىعىندا ٴتارتىپ تەكسەرۋ، باقىلاۋ ـ تەكسەرۋ قىزمەتىن جوعارى ساپالى دامىتۋدا تىڭ ونىمدىلىكتەرگە قول جەتكىزۋدى ىلگەرىلەتتى. ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن ۇيرەنۋدى، دايەكتىلەندىرۋدى تۇتاس جىل بويى ساباقتاستىرىلاتىن نەگىزگى تاقىرىپ، نەگىزگى جەلى ەتىپ، تۇتاس جۇيەدەگىلەردى پارتيانىڭ جاسامپاز نازارياسىن ىشكەرىلەي ۇيرەنىپ، ەگجەي ـ تەگجەيلى تۇسىنۋگە باستاپ، ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ دۇرىس بەتالىسىن بەكەمدەدى. ساياسي باقىلاۋدىڭ ناقتىلانۋ، دالمە ـ ٴدال بولۋ، ۇدايىلانۋ مەحانيزمىن اقاۋسىزداندىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى ورنالاستىرۋلارىن ارقاۋ ەتە وتىرىپ ساياسي باقىلاۋدى ىشكەرىلەي جوسپارلاپ، ناقتى ىستەپ، پارتيا ورتالىق كوميتەتىنىڭ كەلەلى باعىت ـ ساياساتتارىنىڭ تياناقتانىپ ونىمدىلىك كورسەتۋىن ىلگەرىلەتتى. پارتيا ٴتارتىبىن ۇيرەنۋ تاربيەسىندە ”ٴبىرىنشى شارشى توپتا“ قۇلشىنا ويداعىداي ٴجۇرىپ، باس شۋجي شي جينپيڭنىڭ پارتيانىڭ ٴتارتىپ قۇرىلىسىن جاپپاي كۇشەيتۋ جونىندەگى ماڭىزدى بايىمداۋىن مۇقيات ۇيرەنىپ، ٴتۇسىنىپ، ”التى تارتىپپەن“ تىعىز بايلانىستىرا وتىرىپ ٴبىر ـ بىردەن ۇيرەنىپ، ىشكەرىلەي زەرتتەۋ ـ تالقى جۇرگىزىپ، تۇتاس جۇيەدەگىلەردى ٴبىر ساتى تەرەڭدەي ۇيرەنىپ، قانىق ٴبىلىپ، ودان شەبەرلىكپەن پايدالانۋعا جەتەكتەپ، بۇكىل پارتيانىڭ ٴتارتىپتى ۇيرەنۋىن، ٴتارتىپتى ٴبىلۋىن، ٴتارتىپتى ايقىنداۋىن، تارتىپكە بويسۇنۋىن ىلگەرىلەتتى. راقاتقۇمارلىق، استا ـ توك ىسىراپشىلدىق ستيلىن ٴۇرتىس قاتاڭ تيىپ، فورماشىلدىقتى، تورەشىلدىكتى قاتاڭ وڭاپ، ۇدايىلاندىرا، باياندى وڭاۋ ارقىلى ورتالىقتىڭ سەگىز ٴتۇرلى بەلگىلەمەسى رۋحىن دايەكتىلەندىرۋدىڭ، تياناقتاندىرۋدىڭ تەرەڭدەۋىنە، ناقتىلانۋىنا شىنايى كەپىلدىك ەتتى. شىرىكتەسۋگە قارسى كۇرەستى ىشكەرىلەي ىلگەرىلەتىپ، فينانس، مەملەكەت مەنشىگىندەگى كاسىپورىن، ەنەرگيا، تەمەكى، ەمدەۋ، ٴدارى ـ دارمەك، دەنە تاربيە، نەگىزگى قۇرىلىس ينجەنەرياسى جانە مەردىگەر شاقىرۋ، مەردىگەرلىككە مالىمدەلۋ سياقتى ٴتۇيىندى سالالارداعى شىرىكتەسۋگە قارسى تۇرۋدى تەرەڭدەتىپ، كەڭەيتىپ، ۇكىمەت پەن ساۋداگەرلەر استاساتىن شىرىكتەسۋدى قاتاڭ تەكسەرىپ ٴبىر جاقتى ەتىپ، جاڭاشا شىرىكتەسۋ مەن كومەسكى شىرىكتەسۋدى ىشكەرىلەي تەكسەرىپ ٴبىر جاقتى ەتىپ، پارا الۋ مەن پارا بەرۋدى بىرگە تەكسەرۋگە تاباندى بولىپ، دەلو ارقىلى تۇزەتۋدى جەبەۋدى، جونگە سالۋدى جەبەۋدى تەرەڭدەتىپ، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن پارمەندى جويدى. بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاپ، ەرەن شارالارمەن ”جەمقور شىبىن، شىرىكتەسكەن قۇمىرىسقالاردى“ جازالاپ، بۇقارانىڭ مۇددەسىن باتىل قورعاپ، پارتيانىڭ بيلىك جۇرگىزۋ نەگىزىن بەكەمدەدى. ساياسي شارلاۋدى تەرەڭدەتىپ، 68 تاراۋعا، ورىنعا داعدىلى شارلاۋ جۇرگىزىپ، فينانس سالاسىنا تۇڭعىش رەت بىرلەسكەن شارلاۋ جۇرگىزىپ، ايماق دارەجەلى قالالارعا دارەجەسىن جوعارىلاتىپ شارلاۋ جۇرگىزىپ، ٴبىر جاعىنان شارلاپ، ٴبىر جاعىنان تەكسەرۋدى، تاباندا اتقارۋدى، تاباندا تۇزەتۋدى ناقتىلاندىرىپ، شارلاۋدىڭ، شارلاپ تەكسەرۋدىڭ، جالپىلىق باقىلاۋ رولىن اناعۇرلىم ايگىلەدى. ٴتارتىپ تەكسەرۋ، باقىلاۋ ـ تەكسەرۋ ٴتۇزىلىس ـ مەحانيزمىن جانە زاڭ ەرەجە، ٴتۇزىم جۇيەسىن كەمەلدەندىرىپ، مەملەكەتتىك حالىق قۇرىلتايى تۇراقتى كوميتەتىنىڭ باقىلاۋ ـ تەكسەرۋ زاڭىنا وزگەرىس ەنگىزۋ قىزمەتىن ويداعىداي ىستەۋىنە سايكەسىپ، سيفرلى ٴتارتىپ تەكسەرۋ، باقىلاۋ ـ تەكسەرۋ جۇيەسى قۇرىلىسىن جاپپاي ىلگەرىلەتىپ، ٴتۇزىم ارتىقشىلىعىنىڭ ستيل دۇرىستاۋ، ٴتارتىپتى قاتايتۋ، شىرىكتەسۋگە قارسى تۇرۋ ونىمدىلىگىنە اناعۇرلىم ويداعىداي اينالۋىن جەبەدى. ناتيجەلەردى تۇراقتاندىرۋمەن بىرگە، ٴتارتىپ تەكسەرۋ، باقىلاۋ ـ تەكسەرۋ قىزمەتىندە جانە كادرلار قوسىنى قۇرىلىسىندا ورىن تەپكەن ماسەلەلەرگە شىندىقتى ٴىس جۇزىنەن ىزدەي وتىرىپ تالداۋ جاساپ، باسا ٴمان بەرىپ، شىن مانىندە شەشۋدى تالاپ ەتتى.
جالپى ٴماجىلىس مىنالاردى باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ شىرىكتەسۋگە قارسى كۇرەسكە جاڭا اناعۇرلىم جوعارى تالاپتار قويدى. ٴتارتىپ تەكسەرۋ، باقىلاۋ ـ تەكسەرۋ ورگاندارى يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاعداي جونىندەگى دالمە ـ ٴدال تۇجىرىمىمەن، مىندەت جونىندەگى عىلمي ورنالاستىرۋىمەن شىن مانىندە بىرلىككە كەلتىرىپ، جاڭا داۋىردەگى شىرىكتەسۋگە قارسى كۇرەستە قول جەتكەن تاريحي تابىستاردى تەرەڭ يگەرىپ، شىرىكتەسۋگە قارسى تۇرۋ سىندى وسى قامال الۋ شايقاسىندا، ٴسوزسىز، جەڭىسكە جەتۋ سەنىمىن بەكەمدەۋى؛ قازىرگى شىرىكتەسۋگە قارسى كۇرەستىڭ ٴالى دە قاتاڭ دا كۇردەلى بولۋ جاعدايىن تەرەڭ يگەرىپ، شىرىكتەسۋگە قارسى تۇرۋ سىندى ۇزاققا سوزىلاتىن شايقاستا جەڭىسكە جەتۋ اينىماس سەنىمىن بەكەمدەۋى؛ شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋ باعىتىن، جالپى جوباسىن تەرەڭ يگەرىپ، شىرىكتەسۋگە قارسى تۇرۋ سىندى وسى جالپى تۇلعالىق شايقاستا جەڭىسكە جەتۋ بەرىك سەنىمىن بەكەمدەۋى كەرەك.
جالپى ٴماجىلىس مىنالاردى العا قويدى: 2025 ـ جىل _ ”14 ـ بەسجىلدىق“ جوبا اياقتالاتىن جىل. بيىلعى قىزمەتتەردى ويداعىداي ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، رەفورما جاساۋ رۋحىمەن جانە قاتاڭ بولۋ ولشەمىمەن پارتيانى باسقارۋعا، پارتيانى جونگە سالۋعا تاباندى بولىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىنىڭ تياناقتانۋىن ىلگەرىلەتىپ، پارتيانى جاپپاي قاتاڭ باسقارۋ جۇيەسىنىڭ اقاۋسىزدانۋىن ىلگەرىلەتىپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى تەرەڭدەي ىلگەرىلەتىپ، جاڭا ٴداۋىردىڭ جاڭا جورىعىندا ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ٴۇرتىس ىلگەرىلەتىپ، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەۋ كەرەك.
ٴبىرىنشى، پارتيا 20 ـ كەزەكتى ورتالىق كوميتەتى ٴۇشىنشى جالپى ماجىلىسىندەگى كەلەلى ورنالاستىرۋلاردى ارقاۋ ەتە وتىرىپ ساياسي باقىلاۋدى كۇشەيتىپ، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ نىق قاداممەن الىسقا جەتۋىن كۇش سالا ىلگەرىلەتۋ كەرەك. پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋگە ورتالىقتانعان ٴبىر تۇتاس باسشىلىعىن باتىل قورعاپ، رەفورما باس نىساناسىن جانە ”نازاردى جەتىگە شوعىرلاندىرۋدىڭ“، 13 تارماق سالاداعى نىسانانى جۇزەگە اسىرۋدىڭ اياق الىسى جاعدايىن تىعىز ارقاۋ ەتىپ، باقىلاۋ مازمۇنىن ەگجەي ـ تەگجەيلىلەندىرىپ، ناقتىلاندىرىپ، ٴار دارەجەلى پارتيا ۇيىمدارىنىڭ كۇش ـ قۋاتتى ۇيىستىرىپ رەفورما جاساۋىن، تياناقتاندىرۋدى مىقتى يگەرۋىن ىلگەرىلەتۋ كەرەك.
ەكىنشى، پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، قاعيداعا، تارتىپكە بويسۇنۋ، ٴىس تىندىرىپ ناتيجە شىعارۋ تاماشا رايىنىڭ قالىپتاسۋىن كۇش سالا ىلگەرىلەتۋ كەرەك. پارتيا ٴتارتىبىن ۇيرەنۋ تاربيەسىن ناقتى يگەرۋدى بەكەمدەپ، تەرەڭدەتىپ، ٴتۇيىندى مازمۇنداردى، ٴتۇيىندى وبيەكتىلەردى كورنەكتىلەندىرىپ، ٴتارتىپ تاربيەسى تاسىلىندە جاڭالىق اشۋدى ىلگەرىلەتىپ، پارتيا مۇشەلەرى مەن كادرلاردى ٴتارتىپتى وي ـ ساناعا ۇيالاتىپ، ارەكەتتە ايگىلەۋگە جەتەكتەۋ كەرەك. ٴتارتىپتى قاتاڭ اتقارۋدى بەكەمدەپ، تەرەڭدەتىپ، تارتىپكە قايشى ماسەلەلەر بايقالسا بولعانى دەرەۋ تەكسەرىپ ٴبىر جاقتى ەتىپ، ٴتارتىپتىڭ بەرىكتىگىن، قاتاڭدىعىن شىنايى قورعاۋ كەرەك. ”ٴتورت ٴتۇرلى فورماتسيانى“ دالمە ـ ٴدال قولدانۋدى بەكەمدەپ، تەرەڭدەتىپ، وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ ادامدى قۇتقارۋ باعىتىن دايەكتىلەندىرىپ، ساتىلار بويىنشا قورعانىس جاساۋ رولىن ساۋلەلەندىرۋ كەرەك.
ٴۇشىنشى، بۇرىس ستيلدەر مەن شىرىكتەسۋ ماسەلەسىن بىرگە تەكسەرۋ، بىرگە جونگە سالۋ مەحانيزمىن اقاۋسىزداندىرىپ، ستيلدى دۇرىستاۋ مەن شىرىكتەسۋگە قارسى تۇرۋدى ٴبىر تۇلعالى تەرەڭدەتۋدى كۇش سالا ىلگەرىلەتۋ كەرەك. ”بىرگە تەكسەرۋ“ ارقىلى بۇرىس ستيل مەن شىرىكتەسۋ قاباتتاسقان ماسەلەلەردى قاتاڭ جازالاپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن قاجىماي ـ تالماي تياناقتاندىرىپ، ”ٴتورت بۇرىس ستيلدى“ سوڭىنا دەيىن قاتاڭ تۇزەتىپ ـ جونگە سالىپ، نازاردى تارتىپكە قاسارىسا قايشىلىق جاساۋ، كومەسكىلەنىپ وزگەرۋ، بازار تارتىبىنە اۋىر ىقپال كورسەتۋ، نەگىزگى ساتىنىڭ اۋىرتپالىعىن كۇشەيتۋ سياقتى ماسەلەلەرگە شوعىرلاندىرىپ، باقىلاۋدى كۇشەيتۋ، جونگە سالۋدى تەرەڭدەتۋ؛ شىرىكتەسۋدى جازالاۋدى ٴبىر ٴسات تە توقتاتپاي، ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىن قاتاڭ تەكسەرىپ، فينانس، مەملەكەت مەنشىگىندەگى كاسىپورىندار، ەنەرگيا، ٴورت ٴسوندىرۋ، ورتتەن ساقتانۋ، تەمەكى، ەمدەۋ، ٴدارى ـ دارمەك، جوعارى مەكتەپ، دەنە تاربيە، اشۋ رايونى، ينجەنەريا قۇرىلىسى جانە مەردىگەر شاقىرۋ، مەردىگەرلىككە مالىمدەلۋ سياقتى سالالاردى جۇيەلى رەتتەۋ ـ وڭاۋدى ويداعىداي يگەرۋگە باسا ٴمان بەرىپ، جاڭاشا شىرىكتەسۋدى جانە كومەسكى شىرىكتەسۋدى بايقاۋ، دالەل ـ ىسپات الۋ، سيپاتىن تۇراقتاندىرۋ سىندى قيىن ماسەلەلەردى كۇش سالا شەشۋ، قىزمەت ۇقىعىنان بەتالدى پايدالانىپ، قىزمەتتە سەلقوستىق ىستەپ، بەلگىلەمەگە قايشى شەشىم جاساپ مەملەكەت مەنشىگىندەگى مال ـ مۇلىككە اۋىر زيان سالۋ ماسەلەلەرىن قاتاڭ تەكسەرىپ ٴبىر جاقتى ەتۋ، ۇنەمى كادرلاردى ازدىرىپ، ٴبىر وڭىرگە زيان سالاتىن پارا بەرۋشىلەردى باتىل تەكسەرىپ ٴبىر جاقتى ەتۋ، شەكارا اتتاعان شىرىكتەسۋدى جونگە سالۋ سەرپىنىن ارتتىرۋ كەرەك. ”بىرگە جونگە سالۋ“ ارقىلى بۇرىس ستيل مەن شىرىكتەسۋدىڭ ورتاق ٴتۇپ قاينارىن ادا ـ كۇدە جويىپ، باسشى كادرلاردىڭ جۇبايلارىنىڭ، پەرزەنتتەرىنىڭ جانە ولاردىڭ جۇبايلارىنىڭ بەلگىلەمەگە قايشى ساۋدامەن شۇعىلدانىپ كاسىپورىن قۇرۋى سياقتى جاعدايلارعا مەڭزەس دەر كەزىندە ساقتاندىرىپ باقىلاۋدى كۇشەيتىپ، پارتكوم ٴبىر تۇتاس باسشىلىق ەتەتىن، ٴتارتىپ تەكسەرۋ كوميتەتى ۇيىمداستىرىپ سايكەستىرەتىن، قاتىستى تاراۋلار سايكەسە بىرلەسىپ ارەكەتتەنەتىن ساياسي ەكولوگياعا تالداۋ، تۇجىرىم جاساۋ مەحانيزمىن ورناتۋدى ىلگەرىلەتىپ، ٴتۇيىندى پارا بەرۋشىلەردى بىرلەسىپ جازالاپ ساقتاندىرۋ مەحانيزمىن كەمەلدەندىرىپ، جاڭا داۋىردەگى پاكتىك مادەنيەت قۇرىلىسى 3 جىلدىق ارەكەت جوسپارىن (2025 ـ جىلدان 2027 ـ جىلعا دەيىن) جاساپ، جۇڭگونىڭ شىرىكتەسۋگە قارسى تۇرۋ حيكاياسىن ويداعىداي بايانداۋ كەرەك. ”تەكسەرۋدى“، ”جونگە سالۋدى“ ساباقتاستىرۋ ارقىلى بۇرىس ستيلدەر مەن شىرىكتەسۋدىڭ وزگەرىپ دامۋىن بوگەپ، بۇرىس ستيلدەر مەن شىرىكتەسۋ ماسەلەسىن بىرگە تەكسەرۋدى، بىرگە جونگە سالۋدى ىلگەرىلەتۋ جونىندەگى پىكىردى جاساپ، ۇلكەن ساندى مالىمەت، ينفورماتسيالاندىرۋ ارقىلى ستيلدى دۇرىستاۋ مەن شىرىكتەسۋگە قارسى تۇرۋعا قۋات ۇستەۋ كەرەك.
ٴتورتىنشى، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ ـ وڭاۋدى ٴۇرتىس تەرەڭدەتىپ، قالىڭ حالىق بۇقاراسىن رەفورما، دامۋ جەتىستىكتەرىنەن اناعۇرلىم ويداعىداي، اناعۇرلىم ٴادىل يگىلىكتەندىرۋدى كۇش سالا ىلگەرىلەتۋ كەرەك. ”جەمقور شىبىن، شىرىكتەسكەن قۇمىرىسقالاردى“ جازالاۋعا ٴۇرتىس كۇش سالىپ، نازاردى اۋداننان تومەنگى شەشۋشى بۋىندارعا، ٴالسىز بۋىندارعا شوعىرلاندىرىپ ٴۇرتىس يگەرۋ كەرەك. ”مەكتەپ تاماعى“، اۋىل ـ قىستاق كوللەكتيۆ قارجىسىن، بايلىعىن، مال ـ مۇلكىن باسقارۋ، اۋىل ـ قىستاقتى گۇلدەندىرۋ قارجىسىن پايدالانۋدى باقىلاۋ ـ باسقارۋ، ەمدەۋ قامسىزداندىرۋى قورىن باسقارۋ، قارتتاردى كۇتىمدەۋ قىزمەت وتەۋى سياقتى جاقتارداعى كورنەكتى ماسەلەلەردى جونگە سالۋدى تەرەڭدەتىپ، جەرلەۋ سالاسىنداعى شىرىكتەسۋ بىلىقپالىقتارىن رەتتەۋ ـ وڭاۋ ارناۋلى ارەكەتىن تىڭعىلىقتى ىلگەرىلەتۋ كەرەك. جەر ـ جەردىڭ حالىق تۇرمىسىنداعى ۇرىمتال، قيىن تۇيىندەردى تاڭداپ جەرگىلىكتى جاعدايعا قاراي رەتتەۋ ـ وڭاۋ جۇرگىزۋىنە جەتەكشىلىك ەتىپ، بۇقارانىڭ سەزىپ بىلە الۋىنا مۇمكىندىك جاساۋ كەرەك.
بەسىنشى، ساياسي شارلاۋ ورنىنان جازباي، شارلاۋدىڭ ماسەلەنى اناعۇرلىم دالمە ـ ٴدال بايقاۋىن، ماسەلەنى ٴونىمدى شەشۋىن كۇش سالا ىلگەرىلەتۋ كەرەك. ساياسي شارلاۋدى ناقتىلاندىرىپ، جوعارى ساپالى دامۋعا ىقپال جاسايتىن نەگىزگى قايشىلىقتاردى، رەفورما ورنالاستىرۋىن تياناقتاندىرۋداعى ەلەۋلى پارىقتاردى ىشكەرىلەي تەكسەرىپ تابۋ كەرەك. داعدىلى شارلاۋدى، ارناۋلى شارلاۋدى، جىلجىمالى شارلاۋدى جانە شارلاۋ بويىنشا ”قايىرىلا قاراۋدى“ عىلمي ٴبىر تۇتاس جوسپارلاپ، دارەجەسى وسىرىلگەن شارلاۋدى يكەمدى ورىستەتۋ كەرەك. ورتالىقتاعى ورىنداردىڭ ىشكى جاعىنداعى شارلاۋ مەن ٴتارتىپ تەكسەرۋ، باقىلاۋ ـ تەكسەرۋ باقىلاۋىن ساباقتاستىرۋ، سايكەستىرۋ مەحانيزمىن ورناتىپ، اقاۋسىزداندىرىپ، قىستاقتى شارلاپ تەكسەرۋ قىزمەتىن ىشكەرىلەي ىلگەرىلەتۋ كەرەك. رەتتەۋ ـ تۇزەتۋ نەگىزگى تۇلعالىق جاۋاپكەرشىلىگىن ونان ارى ناقتىلاندىرىپ، رەتتەۋ ـ تۇزەتۋ بويىنشا قۋزاۋ مەحانيزمىن كەمەلدەندىرىپ، رەتتەۋ ـ تۇزەتۋدىڭ باعىتتامالىلىعىن، ناقتى ونىمدىلىگىن كۇشەيتۋ كەرەك.
التىنشى، ٴتارتىپ تەكسەرۋ، باقىلاۋ ـ تەكسەرۋ ٴتۇزىلىسى رەفورماسى مىندەتىن ىشكەرىلەي تياناقتاندىرىپ، پارتيانىڭ وزىنە ـ ٴوزى توڭكەرىس جاساۋى جونىندەگى ٴتۇزىم ـ ولشەمدەر جۇيەسىنىڭ كەمەلدەنۋىن كۇش سالا ىلگەرىلەتۋ كەرەك. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ٴتارتىپ تەكسەرۋ، باقىلاۋ ـ تەكسەرۋ ٴتۇزىلىس رەفورماسى جونىندەگى ستراتەگيالىق ورنالاستىرۋىن ىشكەرىلەي تياناقتاندىرىپ، ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورگاندارىنىڭ ىشكى قۇرىلىمدارى، وكىلەتتى قۇرىلىمدارى رەفورماسىن تەرەڭدەتىپ، ورتالىق باسقاراتىن كاسىپورىندارعا ٴتارتىپ تەكسەرۋ، باقىلاۋ ـ تەكسەرۋ گرۋپپاسىن جاپپاي جىبەرۋدى ورىنداپ، قاتىستى وكىلەتتى قۇرىلىمداردىڭ وزدەرى تۇراتىن ورىنداردان ٴبىر دارەجە تومەن ورىندارعا، مينيسترلىكتەرگە قاراستى جوعارى مەكتەپتەرگە جانە باسشىلىق القاسىن مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى باسقاراتىن ورتالىق كاسىپورىندارىنا ”تاعى جىبەرۋىن“ ىلگەرىلەتۋ كەرەك. پارتيا ورتالىق كوميتەتىنىڭ پارتكومنىڭ (پارتيا باسشىلىق گرۋپپاسى) تومەن دارەجەلى ”ٴبىرىنشى باسشىلارعا“ باقىلاۋ بويىنشا سويلەسۋ قىزمەت ٴادىسىن جاساۋىنا، شەكارا اتتاعان شىرىكتەسۋگە قارسى تۇرۋ زاڭىن دايىنداۋىنا كومەكتەسۋ كەرەك. پارتيانىڭ ىشكى باقىلاۋىن جەتەكشى، ارناۋلى مىندەتتەگى باقىلاۋىن سۇيەنىش، نەگىزگى ساتى باقىلاۋىن تىرەك، ٴتۇرلى باقىلاۋدى ساباقتاستىرۋدى، سايكەستىرۋدى قامتاماسىزدىق ەتىپ، پارتيا مەن مەملەكەت باقىلاۋ جۇيەسىنىڭ كەمەلدەنۋىن ىلگەرىلەتۋ كەرەك.
جەتىنشى، پارتيانى جاپپاي قاتاڭ باسقارۋ ساياسي جاۋاپكەرشىلىگىن كۇشەيتىپ، قاتاڭدىق جالپى ارناسىن سوڭىنا دەيىن دايەكتىلەندىرۋدى كۇش سالا ىلگەرىلەتۋ كەرەك. ”ەكى جاۋاپكەرشىلىكپەن“ ماڭىزدى بۋىنداردى يگەرۋ ارقىلى قوسالقى بۋىنداردى جەتەكتەپ، پارتكومنىڭ (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىگىنىڭ، فۋنكتسيالىق تاراۋلاردىڭ باقىلاۋ ـ باسقارۋ جاۋاپكەرشىلىگىنىڭ، ٴتارتىپ تەكسەرۋ كوميتەتىنىڭ (ٴتارتىپ تەكسەرۋ گرۋپپاسى) باقىلاۋ جاۋاپكەرشىلىگىنىڭ ٴبىر باعىتتا كۇش سالۋىن ىلگەرىلەتىپ، اركىم ٴوز جاۋاپكەرشىلىگىن ارقالايتىن، ٴبىر تۇتاس سايكەسەتىن پارتيانى باسقارۋ، پارتيانى جونگە سالۋ جاۋاپكەرشىلىك جاعدايىن اقاۋسىزداندىرۋ كەرەك. ٴار دارەجەلى پارتيا ۇيىمدارىن جۇيەلىك وي، عىلمي ٴادىس ارقىلى پارتيانى باسقارۋدى، پارتيانى جونگە سالۋدى ىلگەرىلەتىپ، پارتيانى جاپپاي قاتاڭ باسقارۋ جۇيەسىن ونان ارى اقاۋسىزداندىرۋعا قۋزاۋ كەرەك.
سەگىزىنشى، ”ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، كەمەلدەندىرۋ قۇرىلىسى جىلى“ ارەكەتىن ورىستەتىپ، ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنى قۇرىلىسىنىڭ تاعى دا تىڭ ساتىعا كوتەرىلۋىن كۇش سالا ىلگەرىلەتۋ كەرەك. ساياسي قۇرىلىستى كۇشەيتىپ، سەنىمگە قۇرمەت ەتىپ، ۇيىمنان يمەنىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرۋدان ەشقاشان اينىماي، ”ەكىنى تۇراقتاندىرۋدى“ تاباندىلىقپەن قولداۋدان، ”ەكىنى قورعاۋدى“ باتىل ورىنداۋدان ەشقاشان اينىماي، ”مەملەكەتتىڭ زور ٴىسىن“ كوڭىلدە ساقتاۋدان ەشقاشان اينىماي، قىزمەتتى سانالى تۇردە پارتيا مەن مەملەكەتتىڭ كەلەلى جاعدايىنا قويىپ جوسپارلاپ ىلگەرىلەتۋ كەرەك. قابىلەت قۇرىلىسىن كۇشەيتىپ، جاۋاپكەرشىلىكتەن يمەنىپ، بورىشتان يمەنىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، شىندىقتى ٴىس جۇزىنەن ىزدەۋ جان تامىرىنان جازباي، قاعيداعا، تارتىپكە، زاڭعا قاتاڭ بويسۇنىپ، ساياسات ـ تاكتيكالاردى دۇرىس يگەرىپ، دالمە ـ ٴدال سيپاتىن تۇراقتاندىرىپ، جازا ولشەپ، زاڭ اتقارىپ، ۇيىمدىق قۇرىلىستى كۇشەيتۋدىڭ 3 جىلدىق ارەكەت جوسپارىن اتقارىپ، كادرلاردى تاڭداۋ، جەتىلدىرۋ، باسقارۋ، ىستەتۋ مەحانيزمىن ساپالىلاندىرۋ كەرەك. ستيل قۇرىلىسىن كۇشەيتىپ، ۇقىقتان يمەنىپ، حالىقتان يمەنىپ، كۇرەسكەرلىك رۋحتى، جاۋاپكەرشىلىك ارقالاۋ رۋحىن، زاڭمەن باسقارۋ رۋحىن اسقاقتاتىپ، كەلەلى ساياسي پرينسيپ جانە ۇلكەن دۇرىس، ۇلكەن بۇرىس ماسەلەسىندە باتىلدىقپەن ايقاسىپ، جۇرەكتىلىكپەن ايقىن پوزيتسيا ٴبىلدىرىپ، پارتيا مەن حالىق بەرگەن ۇقىقتى بەتالدى پايدالانباۋعا شىنايى كەپىلدىك ەتۋ كەرەك. پاكتىك قۇرىلىسىن كۇشەيتىپ، تارتىپتەن يمەنىپ، زاڭنان يمەنىپ، قاتاڭ باسقارۋ ارقىلى تەجەمدى كۇشەيتىپ، قاتاڭ جازالاۋ ارقىلى سەسكەندىرۋدى كۇشەيتىپ، ەرەكشە قامقورلىق ارقىلى جۇرت جۇرەگىن جىلىتىپ، كۇندەلىكتى باسقارۋدى، باقىلاۋدى كۇشەيتىپ، شىرىق بۇزۋشىلاردى باتىل الاستاپ، اناعۇرلىم جوعارى ولشەممەن، اناعۇرلىم قاتاڭ تالاپپەن ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل، شەبەر ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاۋ كەرەك.
جالپى ٴماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن ـ زەردە مەن كۇش ـ قۋاتتى ۇيىستىرىپ، جىگەرلەنە العا ىلگەرىلەپ، ماڭگى بويكۇيەزدىككە سالىنبايتىن رۋحاني كۇيمەن جاڭا داۋىردەگى جاڭا جورىقتا ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى قامتاماسىزدىق ازىرلەيىك.
(شينحۋا اگەنتتىگىنىڭ 1 ـ ايدىڭ 8 ـ كۇنى بەيجيڭنەن بەرگەن حابارى)
