— اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
جاڭا جىل كەلىپ، بارشا الاپ جاڭا تۇسكە ەندى. اۆتونوميالى رايوندىق 10 ـ كەزەكتى پارتكومنىڭ ون ٴۇشىنشى جالپى ٴماجىلىسى نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، بيىلعى شينجياڭ قىزمەتىنىڭ ٴبىر قىدىرۋ ٴتۇيىندى مىندەتتەرىن ورنالاستىردى، بۇل ٴتۇرلى قىزمەتتە جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋدە كەلەلى ٴمان الادى. ٴبىز ساياسي جاۋاپكەرشىلىك سەزىمدى جانە تاريحي بورىشتىلىق سەزىمدى شىن مانىندە كۇشەيتىپ، جالپى ٴماجىلىس رۋحىن مۇقيات ۇيرەنۋدى، دايەكتىلەندىرۋدى، تياناقتاندىرۋدى ماڭىزدى ساياسي مىندەت ەتىپ، جالپى ٴماجىلىس رۋحىن ٴىس تىندىرىپ ناتيجە شىعارۋدىڭ پارمەندى قوزعاۋشى كۇشىنە اينالدىرۋعا قۇلشىنىپ، ىستەر دامۋىنىڭ جاڭا ٴورىسىن قۇلشىنا اشۋىمىز كەرەك.
ىستەر دامۋىنىڭ جاڭا ٴورىسىن قۇلشىنا اشۋدا، ٴسوز جوق، يدەيانى ازات ەتىپ، كوزقاراستا بۇرىلىس جاساۋىمىز كەرەك. اماليات دامۋىنىڭ ماڭگى شەگى بولمايدى، يدەيانى ازات ەتۋدىڭ ماڭگى شەگى بولمايدى. بيىل _ ”14 ـ بەسجىلدىق“ جوبا اياقتالاتىن جىل ٴارى ”15 ـ بەسجىلدىق“ جوبا جونىندە جوسپار قۇرىلىپ ورنالاستىرۋ جاسالاتىن جىل، رەفورمانى يگەرۋدىڭ، دامۋدى جەبەۋدىڭ، ورنىقتىلىقتى ساقتاۋدىڭ مىندەتى جاپالى دا اۋىر. جاڭا جاعدايعا، جاڭا تالاپقا، جاڭا ورايعا، جاڭا سىن ـ سايىسقا مەڭزەس، مەيلى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋ بولسىن، الدە جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بولسىن، ٴسوز جوق، قاتىپ ـ سەمگەن يدەيانى باتىل تالقانداپ، جالپى ٴماجىلىس ايقىنداعان ٴتۇيىندى مىندەتتەردى شىنايى تياناقتاندىرۋىمىز كەرەك. شىندىقتى ٴىس جۇزىنەن ىزدەۋگە تاباندى بولىپ، داعدىلى كۇيدى بۇزۋعا باتىل بولىپ، كوزقاراستاعى بۇعاۋدى جانە وي تۇساۋىن ۇزدىكسىز بۇزىپ، ماسەلەنى رەفورما جاساپ، جاڭالىق اشۋ ويىمەن جانە ادىسىمەن شەشۋگە شەبەر بولىپ، جۇرەكتىلىكپەن اتويلاپ، جۇرەكتىلىكپەن سىناپ كورىپ، ٴساتتى باستاپ، ٴساتتى اياقتاتىپ، ٴتۇرلى قىزمەتتى زاڭ بويىنشا، ەرەجە بويىنشا ىلگەرىلەتىپ، ”جوبا كارتاسىن“، ”جول كارتاسىن“ ”قۇرىلىس كارتاسىنا“، ”ناقتى سىزبا كارتاسىنا“ اينالدىرۋعا قۇلشىنۋىمىز كەرەك. قىزمەتتەردى زەرتتەۋ، قيىن ماسەلەلەردى شەشۋ ەرەن ونەرىن، ناقتى قابىلەتىن ۇزدىكسىز شىڭداپ، ماسەلەلەردى زەرتتەۋدى، تالداۋ جاساۋدى شىن مانىندە كۇندەلىكتى داعدى جانە بولۋعا ٴتيىستى جەتىلىم ەتىپ، شوگەلدىكپەن وي جۇگىرتىپ، وي جۇگىرتۋگە شەبەر بولىپ، عىلمي تۇجىرىم جاساۋ نەگىزىندە ماسەلەنى شەشۋدىڭ وي جەلىسى مەن جارامدى ٴادىسىن تاۋىپ، كوز جەتكەندەرىن تىڭعىلىقتى ىستەپ، قانشالىقتى كوپ ىستەي الساق سونشالىقتى كوپ ىستەۋىمىز كەرەك.
ىستەر دامۋىنىڭ جاڭا ٴورىسىن قۇلشىنا اشۋدا، ٴسوزسىز، قايراتتانا العا باسىپ، جاۋاپكەرشىلىك ارقالاپ ىسكەرلىك كورسەتۋىمىز كەرەك. يدەيانى ازات ەتكەندە عانا ٴداۋىردى يگەرۋگە، داۋىرگە جەتەكشىلىك ەتۋگە بولادى، شىنايى يگەرىپ ناقتى ىستەگەندە عانا ورايدى مىقتاپ يگەرىپ، بولاشاق جاراتۋعا بولادى. جاۋاپكەرشىلىك ارقالاۋدى كۇشەيتىپ، باسىمدىققا يە بايلىقتى كادەگە جاراتۋدى ىلگەرىلەتۋدە جىلدامدىقتى ارتتىرىپ، ونىمدىلىكتى جوعارىلاتىپ، ٴتۇيىندى قىزمەتتەردى تياناقتاندىرۋدى كۇشەيتۋدە كۇش سالا ناتيجە جاراتىپ، قىزمەت قابىلەتىن ـ ونەرىن جوعارىلاتۋدا قىسىمدى ارتتىرا ەكپىندەي ىلگەرىلەپ، جوعارى ساپالى دامۋدى ىلگەرىلەتۋدە جاڭا دا اناعۇرلىم زور قادام تاستاۋىمىز كەرەك. ماسەلە تانىمىن كۇشەيتىپ، ماسەلەنى باعدار ەتۋدى كورنەكتىلەندىرىپ، دامۋ قاجەتىن ارقاۋ ەتىپ، حالىقتىڭ كوكسەگەن ارمانىنا قاراي بەيىمدەلىپ، جوعارى ساپالى دامۋعا تەجەۋ بولاتىن بوگەتتىك ماسەلەلەردى، قوعامدىق ادىلدىك پەن ادىلەتتىلىككە ىقپال جاسايتىن قولامتالى ماسەلەلەردى، حالىق تۇرمىسى جاعىنداعى قيىن ماسەلەلەردى، پارتيا قۇرىلىسىنداعى كورنەكتى ماسەلەنى، ٴارقايسى سالاداعى حاۋىپ ـ قاتەر ماسەلەسىن كۇش سالا شەشۋىمىز كەرەك. حالىق ٴۇشىن باقىت جاراتۋ ناتيجە كوزقاراسىن بەرىك ورناتىپ، ىلعي دا جوعارىنىڭ ەمەۋرىنىنە قاراۋ، ٴىس جۇزىندىك جاعدايمەن ساناسپاۋ، كوز الداعى پايدا مەن مۇددەنى عانا كوزدەۋ، بۇگىندى عانا ويلاپ، ەرتەڭمەن ساناسپاۋ سياقتى ماسەلەلەردى باتىل جويىپ، جوعارىعا جاقسى كورىنۋگە بوي ۇراتىن، تومەنگە جاۋاپتى بولمايتىن، ناقتى ونىمدىلىكتى ويلاستىرمايتىن فورماشىلدىقتى، تورەشىلدىكتى باتىل تۇزەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن اقاۋسىزداندىرىپ، رەفورما جاساۋدىڭ، جاڭالىق اشۋدىڭ، قايراتتانا العا باسۋدىڭ جاڭا سالتىن، دۇرىس ستيلىن قالىپتاستىرۋىمىز كەرەك.
اقيقات جولى قاراپايىم بولادى، ناقتى ىستەۋ بارىنەن ماڭىزدى؛ نىسانا ايقىن، ماڭىزدىسى تياناقتاندىرۋدا. ٴبىز ”ٴاردايىم قام جەپ تۇراتىن“ جاۋاپكەرشىلىك سەزىمدى جانە ”بارلىق ىستە كوڭىلدە سان بولاتىن“ ارەكەت كۇشىن كۇشەيتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ ويداعىداي ارەكەت جاساۋشىسى، ىسكەرى بولۋعا قۇلشىنىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارىن ارقاۋ ەتىپ، ٴىس جۇزىندىكتى شىعار ٴتۇيىن ەتىپ ىستەردى جانە قىزمەتتى جوسپارلاپ، ٴىس تىندىرۋدى ماڭداي الدى ورىنعا قويۋعا تاباندى بولىپ، سەنىمدى كۇشەيتىپ، قيىندىققا قارسى اتتانىپ، قايراتتانا ىسكەرلىك كورسەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرىپ، ۇزدىك ناتيجەمەن اۆتونوميالى رايون قۇرىلعاندىعىنىڭ 70 جىلدىعىن قارسى الۋىمىز كەرەك.
