حالىق گازەتىنىڭ شولۋشىسى
”جاڭا ٴداۋىردىڭ جاڭا جورىعىندا، ٴسوز جوق، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، اناعۇرلىم زور ونىمدىلىككە قۇلشىنا قول جەتكىزۋ كەرەك“. 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە باس شۋجي شي جينپيڭ جاڭا ٴداۋىردىڭ جاڭا جورىعىنداعى پارتيانىڭ بورىشىن، مىندەتىن جۇزەگە اسىرۋدى كوزدەپ، پارتيانى جاپپاي قاتاڭ باسقارۋدى، ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرۋدى ىشكەرىلەي ىلگەرىلەتۋ سىندى ٴبىر قىدىرۋ ٴتۇبىرلى سيپاتتى، بەتالىس سيپاتتى، جالپى جاعداي سيپاتتى كەلەلى ماسەلەلەردى تەرەڭ بايىمداپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسادى.
پارتيامىز _ ماركسيزمدىك بيلىك باسىنداعى پارتيا، ىستەگەنى بۇرىنعىلار ىستەپ كورمەگەن ۇلى ٴىس، ٴبىر ميلليارد 400 ميلليوننان استام جۇڭگو حالقىن ىنتىماقتاستىرىپ جانە باستاپ، ۇلتتىڭ گۇلدەنۋىن جۇزەگە اسىرۋ سىندى تاريحي اۋىر مىندەت ارقالاپ وتىر، تەك وزىندىك قۇرىلىستى ويداعىداي ىستەگەندە عانا، وزىنە ـ ٴوزى توڭكەرىس جاساۋ ارقىلى قوعامدىق توڭكەرىسكە جەتەكشىلىك ەتە الادى. جاڭا داۋىردەن بەرى، ”تەمىر سوقساڭ قۇرىش بول“ دەگەننەن ”تەمىر سوقساڭ، ٴسوز جوق، قۇرىش بول“ دەگەنگە دەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ وزىندىك قۇرىلىسىن كۇشەيتۋ جونىندە وسكەلەڭ تاريحي سانالىلىقتى ساقتاپ، تانىم جانە اماليات جاعىندا ۇزدىكسىز تەرەڭگە بويلادى. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋدەن پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە تاباندى بولۋعا دەيىن، ودان تاعى پارتيانى جاپپاي قاتاڭ باسقارۋ جۇيەسىن اقاۋسىزداندىرۋعا دەيىن... ٴدال پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ پارتيانى توڭكەرىستىك شىڭدالۋ بارىسىندا اناعۇرلىم قۋاتتى دا پارمەندى ەتىپ وزگەرتىپ، جاڭا داۋىردەگى پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىس تۋدىرۋعا باستادى جانە قامتاماسىز ەتتى.
كەزەكتە جۇڭگو ۇلگىسىندەگى وسىزامانداندىرۋ قۇرىلىسىنىڭ شەشۋشى مەزگىلىندە تۇرعاندا، الدىمىزدا اناعۇرلىم جاپالى دا اۋىر مىندەت تۇر، بۇل اينالىپ وتۋگە، جالتارۋعا كەلمەيتىن ٴتۇرلى حاۋىپ ـ قاتەرلەر، سىن ـ سايىستار. قايتكەندە جۇڭگو ۇلگىسىندەگى وسىزامانداندىرۋ سىندى ايبىندى جوبانى تاماشا رەالدىققا اينالدىرۋعا بولادى؟ قايتكەندە پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋگە بولادى؟ وسىنداي كەلەلى تاقىرىپتارعا ويداعىداي جاۋاپ بەرۋدىڭ تەتىگى رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، پارتيانى جاپپاي قاتاڭ باسقارۋدى تەرەڭدەتىپ، پارتيانىڭ وزىنە ـ ٴوزى توڭكەرىس جاساۋ ۇلى رۋحىن سوڭىنا دەيىن جۇرگىزۋ بولىپ تابىلادى.
تاريح پەن اماليات مىنانى قايتا ـ قايتا دالەلدەدى: پارتيانىڭ ىنتىماعى، بىرلىگى _ پارتيانىڭ جانى، پارتيا ورتالىق كوميتەتىنىڭ قۋاتتى دا پارمەندى باسشىلىعى _ ٴبىزدىڭ قيىنشىلىق جانە حاۋىپ ـ قاتەر اتاۋلىنى جەڭۋىمىزدىڭ ٴتۇبىرلى كەپىلى. باس شۋجي شي جينپيڭ: ”پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋدا، ٴسوز جوق، ايتقاندى ىستەۋ كەرەك“، ـ دەپ باسا دارىپتەدى. بۇل ٴارى پارتيانىڭ ىنتىماعىنا، بىرلىگىنە شىنايى كەپىلدىك ەتۋدىڭ ىشكى تالابى، ٴارى سىن ـ سايىستاردى جەڭۋىمىزدىڭ، ىرىقتىلىققا قول جەتكىزۋىمىزدىڭ كوكەي تەستى قاجەتى. جاڭا ٴداۋىردىڭ جاڭا جورىعىندا شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، ساياسي باقىلاۋدىڭ ناقتى شوعىرلانۋىن، دالمە ـ ٴدال ونىمدىلىكتى قۋزاستىرۋىن، ۇدايى دايەكتىلەندىرىلۋىن ىلگەرىلەتىپ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋىنا شىنايى كەپىلدىك ەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتاندىرىلىپ ونىمدىلىك كورسەتۋىنە شىنايى كەپىلدىك ەتىپ، كۇش بىرىكتىرە رەفورمادان قامال الۋدى ىلگەرىلەتۋ، جوعارى ساپالى دامۋدى جەبەۋ كەرەك.
ٴتارتىپتىڭ قاتاڭدىعى _ پارتيانىڭ داڭقتى ٴداستۇرى جانە وزگەشە باسىمدىعى، سونداي ـ اق پارتيا مەن مەملەكەت ىستەرىنىڭ ۇزدىكسىز جەڭىستەن تىڭ جەڭىسكە بەت الۋىنىڭ ماڭىزدى قامتاماسىزدىعى. وتكەن ٴبىر جىلدا پارتيا ٴتارتىبىن ۇيرەنۋ تاربيەسى تىڭعىلىقتى ورىستەتىلىپ، بۇكىل پارتيانىڭ ٴتارتىپتى ۇيرەنۋىن، ٴتارتىپتى ٴبىلۋىن، ٴتارتىپتى ايقىنداۋىن، تارتىپكە بويسۇنۋىن ىلگەرىلەتىپ، قالىڭ پارتيا مۇشەلەرىنىڭ، كادرلاردىڭ ادال، كىرشىكسىز بولۋدى، جاۋاپكەرشىلىك ارقالاۋدى سانالىلىقپەن ورىنداۋىن ىلگەرىلەتىپ، كورنەكتى ونىمدىلىككە قول جەتتى. سونىمەن بىرگە پارتيانىڭ ٴتارتىپ قۇرىلىسىن كۇشەيتۋ ۇنەمىلىك قىزمەت ەكەندىگىن، ۇدايىلانعان، ۇزاق ٴونىمدى ٴتارتىپ تاربيەسى مەحانيزمىن ورناتىپ، پارتيا ٴتارتىبىن قاتاڭ اتقارىپ، ”ٴتورت ٴتۇرلى فورماتسيانى“ دالمە ـ ٴدال قولدانعاندا عانا، پارتيا مۇشەلەرىن، كادرلاردى وزگەنىڭ تەجەۋىن وزىندىك تەجەۋگە اينالدىرىپ، كۇندەلىكتى تۇرمىستا اڭداۋسىز ـ اق قولدانىلا بەرەتىن ٴسوز ـ ارەكەت ولشەمى ەتىپ وي ـ ساناعا ۇيالاتۋعا جەتەكتەۋگە بولاتىندىعىن تانۋ كەرەك. پارتيا ٴتارتىبى مەن ٴىس تىندىرىپ ناتيجە شىعارۋ ىشكى بىرلىككە يە، پارتيا ٴتارتىبىنىڭ ٴارى تاربيەلەۋ، تەجەۋ رولى، ٴارى قامتاماسىزداندىرۋ، جىگەرلەندىرۋ رولى بار، ٴارى ”قاتاڭ تيىم“، ونان دا ماڭىزدىسى، ”قورعاۋشى“ بولىپ تابىلادى. قاتاڭ باسقارۋ ـ باقىلاۋ مەن جاۋاپكەرشىلىك ارقالاپ ىسكەرلىك كورسەتۋگە جىگەرلەندىرۋدى بىرلىككە كەلتىرىپ، كادرلاردىڭ قاعيداعا، تارتىپكە بويسۇنۋ بارىسىندا رەفورما جاساپ، جاڭالىق اشۋىنا، ٴىس تىندىرىپ ناتيجە شىعارۋىنا مۇمكىندىك جاساۋ كەرەك.
ٴبىر جەردىڭ جانە تاراۋدىڭ پارتيانى جاپپاي قاتاڭ باسقارۋ جاعدايى قانداي بولۋىنىڭ تەتىگى پارتيا ۇيىمدارى مەن باسشى كادرلاردىڭ، اسىرەسە، ٴبىرىنشى باسشىلاردىڭ جاۋاپكەرشىلىكتى ادا ەتۋ ـ ەتپەۋىندە. ٴدال وسىلاي بولعاندىقتان، تەمىر سوقساڭ قۇرىش بول دەيتىن ايبىندى ۋادەنى ورىنداۋ ٴۇشىن، پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىك پەن باقىلاۋ جاۋاپكەرشىلىگىن كۇشەيتۋ كەرەك. پارتكوم ىرىقتىلىقپەن يگەرىپ، ىرىقتىلىقپەن باسقارۋى، ٴتارتىپ تەكسەرۋ كوميتەتى ارناۋلى باقىلاۋ جاۋاپكەرشىلىگىن ويداعىداي اتقارىپ، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى، ٴارقايسى جاۋاپكەرشىلىك نەگىزگى تۇلعالارى جاۋاپكەرشىلىكتى ٴبىلۋى، جاۋاپكەرشىلىكتى ارقالاۋى، جاۋاپكەرشىلىكتى اتقارۋى، جاۋاپكەرشىلىك نەگىزگى تۇلعالارىنىڭ تياناقتاندىرىلۋىنا، جاۋاپكەرشىلىك تالاپتارىنىڭ تياناقتاندىرىلۋىنا، باعالاۋدىڭ، جاۋاپقا تارتۋدىڭ تياناقتاندىرىلۋىنا شىنايى كەپىلدىك ەتىپ، پارتيانى باسقارۋ، پارتيانى جونگە سالۋ جاۋاپكەرشىلىگىنىڭ تىڭعىلىقتى تياناقتاندىرىلۋىن ىلگەرىلەتۋى كەرەك. مۇرات ـ سەنىمدى بەكەمدەۋ ارقىلى نەگىزدى كۇشەيتىپ، تاعاندى بەكەمدەپ، وزىق مادەنيەت ارقىلى سانانى وياتىپ، جۇرەكتى نارلەندىرىپ، وسكەلەڭ ٴمورال ارقىلى قاسيەتتى شىڭداپ، پاكتىك مادەنيەتى قۇرىلىسىنىڭ ناقتىلانۋىن، كۇشەيۋىن ىلگەرىلەتىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتۋگە ماڭىزدى تىرەك ازىرلەۋ كەرەك. ٴتارتىپ تەكسەرۋ، باقىلاۋ ـ تەكسەرۋ ورگاندارى باس شۋجيدىڭ شىنايى تاپسىرماسىن ەستە بەرىك ساقتاپ، پارتيا مەن حالىق جۇكتەگەن قىزمەت جاۋاپكەرشىلىگىن، بورىشتى ارقالاپ، ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن ۇزدىكسىز كۇشەيتىپ، ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن اناعۇرلىم جوعارى ولشەممەن، اناعۇرلىم جوعارى تالاپپەن سومداپ، ادال، كىرشىكسىز بولۋدى، جاۋاپكەرشىلىك ارقالاۋدى، باتىلدىقپەن، شەبەرلىكپەن كۇرەس جۇرگىزۋدى باستان ـ اياق ورىنداۋى كەرەك.
”14 ـ بەسجىلدىق“ جوبانىڭ اياقتالاتىن جىلى رەفورما، دامۋ، ورنىقتىلىق مىندەتى توتەنشە اۋىر، رەفورمانى ونان ارى جاپپاي تەرەڭدەتۋ ٴبىزدى كۇتىپ تۇرمايدى، قالىڭ پارتيا مۇشەلەرىنىڭ، كادرلاردىڭ ناقتى ىستەۋدى ماڭداي الدى ورىنعا قويۋعا، قايراتتانا ٴىس تىندىرۋعا تاباندى بولۋىن قاجەت ەتەدى. تەمىر سوقساڭ قۇرىش بول دەگەندى ەستە بەرىك ساقتاپ، پارتيانى باسقارۋ، پارتيانى جونگە سالۋ بۇرانداسىن مىقتاپ بۇراپ، قاتاڭ اۋەندى، قاتاڭ شارانى، قاتاڭ رايدى سوڭىنا دەيىن جالعاستىرساق، ٴسوزسىز، پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى قامتاماسىزدىق ازىرلەي الامىز.
(شينحۋا اگەنتتىگىنىڭ 1 ـ ايدىڭ 9 ـ كۇنى بەيجيڭنەن بەرگەن حابارى)
