ما شيڭرۇي حوتان ايماعىندا تەكسەۋ ـ زەرتتەۋ جۇرگىزگەندە بىلاي دەپ باسا دارىپتەدى
نەگىزگى ساتىنى باسقارۋ ونىمدىلىگىن جوعارىلاتىپ، قوعام ورنىقتىلىعىن باتىل قورعاپ، جوعارى ساپالى دامۋدىڭ جانە باياندى تىنىشتىقتىڭ نەگىزىن ۇزدىكسىز بەكەمدەۋ كەرەك
1 ـ ايدىڭ 9 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي حوتان ايماعىنا بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي حوتان قالاسى لاسكۇي قالاشىعى بوستانالدى قىستاعىنداعى جۇمىستانۋ بازاسىنا بارىپ، بۇقارامەن ىستىق ىقىلاسپەن اڭگىمەلەسىپ، كوپشىلىكتىڭ كىرىس، تۇرمىس جاعدايىن دەن قويا سۇراستىرۋدا.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 9 ـ كۇنى حوتاننان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 ـ ايدىڭ 9 ـ كۇنى حوتان ايماعىنا بارىپ، قوعام ورنىقتىلىعىن قورعاۋ، نەگىزگى ساتى قوعامىن باسقارۋ سياقتى قىزمەتتەر جونىندە ىشكەرىلەي تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ قىزمەتى جونىندەگى ىقىلاستى ٴۇمىتىن تەرەڭ ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جىگەردى تاسقىنداتىپ، قايراتتانا ٴىس ٴتىندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارى بويىنشا، قىزمەتتەردى تىڭعىلىقتى ىلگەرىلەتىپ، ورنىقتىلىق نەگىزىنىڭ اناعۇرلىم بەرىك، نەگىزگى ساتىنى باسقارۋدىڭ اناعۇرلىم ٴونىمدى، حالىق تۇرمىسى قۇت ـ ىرىسىنىڭ اناعۇرلىم مول بولۋىن ىلگەرىلەتىپ، جوعارى ساپالى دامۋدىڭ جانە باياندى تىنىشتىقتىڭ نەگىزىن ۇزدىكسىز بەكەمدەۋ كەرەك.
ما شيڭرۇي حوتان قالاسى لاسكۇي قالاشىعى بوستانالدى قىستاعىنا بارىپ، قىستاق تۇرعىندار كوميتەتىنىڭ جۇمىس جۇرگىزۋ جاعدايىن تەكسەرىپ كورىپ، قىستاقتا تۇراتىن قىزمەت اترەتىنىڭ مۇشەلەرىمەن جانە قىستاق كادرلارىمەن اڭگىمەلەسىپ، نەگىزگى ساتىنى باسقارۋ، جۇمىستانۋ، كىرىستى ارتتىرۋ، بۇقاراعا قىزمەت وتەۋ سياقتى قىزمەتتەردىڭ ناتيجەسىن ەگجەي ـ تەگجەيلى ۇعىستى. ول بىلاي دەدى: نەگىزگى ساتىنىڭ ويداعىداي باسقارىلعان ـ باسقارىلماعاندىعىندا، ماڭىزدىسى، پارتيا ۇيىمىنىڭ كۇشتى بولعان ـ بولماعاندىعىنا قاراۋ كەرەك. قىستاق ”ەكى كوميتەت“ القاسىنا ۇزدىكتەردى تاڭداپ، مىقتىلاردى ورنالاستىرىپ، قىستاق دارەجەلى پارتيا ۇيىمىنىڭ ”سۇيەنىش“ رولىن ويداعىداي ساۋلەلەندىرىپ، ٴار ۇلت بۇقاراسىن پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ كەرەك. قىستاقتا تۇراتىن قىزمەت اترەتى جاسامپازدىقپەن ماسەلەنى زەرتتەپ، قىزمەتتى ىلگەرىلەتىپ، نەگىزگى ساتىنى باسقارۋ، حالىق تۇرمىسىن جاقسارتۋ، جۇرت تىلەگىن ۇيىستىرۋدا اناعۇرلىم زور رول ساۋلەلەندىرۋى كەرەك. مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋدى نەگىزدىك سيپاتتى قىزمەت رەتىندە ناقتى يگەرۋگە، ويداعىداي يگەرۋگە باسا ٴمان بەرىپ، بۇقارانى شەبەرلىكپەن ۇيرەنۋگە، قولدانا بىلۋگە، كۇندەلىكتى تۇرمىسقا توعىستىرۋعا جەتەكتەۋ كەرەك. ما شيڭرۇي تاعى قىستاقتاعى جۇمىستانۋ بازاسىنا بارىپ، كورپە ـ جاستىق تىگۋ، قوراپتاۋ سياقتى بۋىنداردى تەكسەرىپ كورىپ، بۇقارامەن ىستىق ىقىلاسپەن اڭگىمەلەسىپ، كوپشىلىكتىڭ كىرىسىن، تۇرمىس جاعدايىن دەن قويا سۇراستىردى. ول بىلاي دەپ باسا دارىپتەدى: ٴتۇرلى ٴادىس ـ امالدار ارقىلى ٴار ۇلت بۇقاراسىنىڭ ورنىقتى جۇمىستانىپ كىرىستى ارتتىرۋىنا شارت ـ جاعداي ازىرلەپ، قىستاق كوللەكتيۆ ەكونوميكاسىن ۇزدىكسىز زورايتىپ، بۇقارانىڭ كىرىسىن مولايتىپ، كوپشىلىكتى تاماشا تۇرمىسقا باستاۋ كەرەك.
حوتان قالالىق قوعام حاۋىپسىزدىگى مەكەمەسىنە بارعاندا ما شيڭرۇي حاۋىپسىزدىك، ورنىقتىلىق قىزمەتى جونىندەگى تانىستىرۋدى تىڭداپ، ورنىقتىلىقتى قورعاۋ مەحانيزم اينالىمى، ساقشى كۇشتەرىنىڭ تومەنگە ٴتۇسۋى سياقتى جاعدايلاردى ەگجەي ـ تەگجەيلى سۇراستىردى. ول بىلاي دەپ باسا دارىپتەدى: بىلتىردان بەرى، ساقشى كۇشتەرىنىڭ تومەنگە ٴتۇسۋىن عىلمي ىلگەرىلەتۋىمىز نەگىزگى ساتىنىڭ نەگىزىن بەكەمدەپ، باسقارۋ ونىمدىلىگىن جوعارىلاتۋ ٴۇشىن بولدى. ۇزدىكسىز ويداعىداي تاباندى بولىپ، ويداعىداي تياناقتاندىرىپ، اناعۇرلىم ورنىقتى اينالىمدى قامتاماسىز ەتۋ مەحانيزمىن زەرتتەپ قالىپتاستىرىپ، ەگجەي ـ تەگجەيلىلەنگەن باسقارۋ قابىلەتىن جوعارىلاتۋ جاعىندا كۇش سالۋ كەرەك. نەگىزگى ساتى قوعام حاۋىپسىزدىگى ورگاندارى مىندەتتى شىنايى ارقالاپ، ىجداعاتتىلىقپەن جەتكىلىكتى كۇش سالىپ، قىزمەتتى مۇقيات ىستەپ، حاۋىپ ـ قاتەردى ٴدال تۇجىرىمداپ، بۇقاراعا ويداعىداي قىزمەت وتەپ، قوعام ورنىقتىلىعىن قورعاۋدىڭ، بۇقارانىڭ اماندىعىن كۇزەتۋدىڭ شىنايى بەرىك قورعاۋشىسى بولۋى كەرەك.
ما شيڭرۇي حوتان ايماقتىق پارتكوم قوعامدىق قىزمەت بولىمىنە بارىپ، قىزمەت شارت ـ جاعدايىن جانە قۇرىلىم ورنالاسىمى جاعدايىن تەكسەرىپ كورىپ، نەگىزگى ساتىداعى كادرلارمەن ىشكەرىلەي اڭگىمەلەسىپ، جەرگىلىكتى ورىننىڭ باتىس بولىك جوسپارى ەرىكتى قىزمەت وتەۋ كۇشتەرىنەن ويداعىداي پايدالانۋ، قوعامدىق قىزمەت قوسىنىن كۇشەيتىپ قۇرۋ، قىزمەت مەحانيزمىندە جاڭالىق اشۋ سياقتى ادىستەرىن تۇراقتاندىردى. ول بىلاي دەپ باسا دارىپتەدى: باس شۋجي شي جينپيڭنىڭ قوعامدىق قىزمەت جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ بۇقارالىق لۋشيانىن امالياتتا ايگىلەپ، يگەرۋ دانەكەرىندە جاڭالىق اشىپ، نەگىزگى ساتىنىڭ ٴبىرىنشى شەبىنە ىشكەرىلەي ارالاسىپ، پارتيا قۇرىلىسى ارقىلى نەگىزگى ساتىنى باسقارۋدىڭ جانە نەگىزگى ساتى بيلىك قۇرىلىسىنا جەتەكشىلىك ەتۋدىڭ ٴونىمدى جولى جونىندە بەلسەندى ىزدەنىس جاساپ، بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى ويداعىداي ىستەپ، قوعام ورنىقتىلىعى مەن باياندى تىنىشتىقتى ىلگەرىلەتۋگە پارمەندى تىرەك ازىرلەۋ كەرەك.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: ”ٴاردايىم قام جەپ تۇراتىن“ جاۋاپكەرشىلىك سەزىمىن شىنايى كۇشەيتىپ، شينجياڭ قىزمەتىنىڭ باس نىساناسىن مىقتاپ يگەرىپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، ٴتۇرلى ٴتۇيىندى قىزمەتتەردىڭ تىڭ ساتىعا كوتەرىلۋىن تىڭعىلىقتى ىلگەرىلەتۋ كەرەك. قوعام ورنىقتىلىعىن قورعاۋ جاۋاپكەرشىلىك ٴتۇزىمىن جاپپاي تياناقتاندىرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتۋ قىزمەتتەرىن ەرتە ىستەپ، ىشكەرىلەي ىستەپ، ناقتى ىستەپ، ەگجەي ـ تەگجەيلى ىستەپ، ٴتۇرلى ەلەۋلى حاۋىپ ـ قاتەرلەر مەن كومەسكى كىناراتتاردان ساقتانۋدى جانە ونى جويۋدى ٴبىر تۇتاس جوسپارلاپ، قوعامدىق كەلەلى جاعدايدىڭ ٴۇرتىس ورنىقتى بولۋىنا شىنايى كەپىلدىك ەتۋ كەرەك. نەگىزگى ساتىنىڭ نەگىزىن كۇشەيتۋدى مىقتى يگەرۋگە تاباندى بولىپ، ۇيىمدىق جۇيەنىڭ جانە قىزمەت كۇشتەرىنىڭ نەگىزگى ساتىعا تىكە جەتۋىن ۇزدىكسىز ىلگەرىلەتىپ، نەگىزگى ساتى پارتيا ۇيىمى قۇرىلىسىن تاباندىلىقپەن كۇشەيتىپ، وڭتۇستىك شينجياڭ نەگىزگى ساتى قوسىنىن كۇشەيتىپ قۇرىپ، نەگىزگى ساتىداعى بۇقارانى شىن مانىندە ويداعىداي ىنتىماقتاستىرۋ، ويداعىداي ۇيىستىرۋ كەرەك. جاڭاشا قالا ـ قالاشىقتاندىرۋدى جانە اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتىپ، اۋدان ورتالىعىن ماڭىزدى دانەكەر ەتكەن قالا ـ قالاشىقتاندىرۋ قۇرىلىسىن ىلگەرىلەتىپ، اۋىل ـ قىستاق قۇرىلىسى ارەكەتىن ىشكەرىلەي اتقارىپ، اۋىل ـ قىستاق بۇقاراسىنىڭ جاقىن ماڭدا جۇمىستانىپ كىرىسىن ارتتىرۋىن جەبەپ، حالىق قالاۋىنان شىعاتىن، حالىق تۇرمىسىنا يگىلىك اكەلەتىن، جۇرت جۇرەگىن جىلىتاتىن ناقتى ىستەردى تىڭعىلىقتى، ويداعىداي ىستەپ، دامۋ بارىسىندا حالىق تۇرمىسىن اناعۇرلىم ويداعىداي قامتاماسىز ەتۋ جانە جاقسارتۋ كەرەك.
ما شيڭرۇي بىلاي دەپ باسا دارىپتەدى: ٴار دارەجەلى باسشى كادرلار، اسىرەسە، نەگىزگى جاۋاپتى جولداستار جاۋاپكەرشىلىكتى شىنايى ارقالاپ، كونە جىلدىڭ سوڭى مەن جاڭا جىلدىڭ باسىنداعى قىزمەتتەردى تىڭعىلىقتى، ويداعىداي ىستەۋى كەرەك. بازار قامتاماسىزدىعىن كۇشەيتىپ، حالىق تۇرمىسى تاۋارلارىمەن تولىق قامداۋدى جانە بازاردى باقىلاۋ ـ باسقارۋدى كۇشەيتۋ كەرەك. ٴوندىرىس حاۋىپسىزدىگىن شىنايى يگەرىپ، ٴتۇرلى شىرعالاڭ كومەسكى كىناراتتارىن رەتتەپ ـ وڭاپ، قايشىلىقتاردى، داۋ ـ شاردى ٴبىر ـ بىردەن تەكسەرۋدى، شەشۋدى ويداعىداي ىستەۋ كەرەك. نەگىزگى ساتىنىڭ اۋىرتپالىعىن جەڭىلدەتۋ قىزمەتىن ويداعىداي يگەرىپ، جىل سوڭىنداعى باعالاۋ، تەكسەرۋ، جەتەكشىلىك ەتۋ، قورىتىندىلاۋ، سارالاۋ سياقتى قىزمەتتەردەگى فورماشىلدىق، تورەشىلدىك ماسەلەلەرىن ىشكەرىلەي وڭاۋ كەرەك.
قادەن كابەن تەكسەرۋ ـ زەرتتەۋگە قاتىناستى.
