بەتاشار
بيىل _ ”14 ـ بەسجىلدىق“ جوبا اياقتالاتىن جىل ٴارى اۆتونوميالى رايون قۇرىلعاندىعىنىڭ 70 جىلدىعى. كەزەكتە شينجياڭ باس شۋجي شي جينپيڭ كەسكىندەگەن كوركەم جوبا بويىنشا، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدا. شينجياڭنىڭ بايتاق دالاسىنا كوز جىبەرسەك، جاندى اماليات، اقپاراتتىڭ ٴبىرىنشى شەبى بارلىق جەردەن كوزگە تۇسەدى.
”ٴتورت قابىلەتتى ىشكەرىلەي امالياتتا ايگىلەپ، جازۋ ستيلىن ونان ارى جاقسارتىپ، اقپارات تۋىندىلارىنىڭ اناعۇرلىم تارتىمدىلىق قۋاتقا، اناعۇرلىم ىقپال كۇشكە يە بولۋىنا مۇمكىندىك جاساپ، شينجياڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدەگى جاندى حيكايالارىن جان ـ جاقتى ويداعىداي بايانداۋ ٴۇشىن، گازەتىمىز بۇگىننەن باستاپ ”ٴتورت قابىلەتتى امالياتتا ايگىلەۋ، جازۋ ستيلىن جاقسارتۋ“ ارناۋلى ايدارىن اشىپ، ”جاناسىمدى، ٴنارلى، جالىندى“ اقپارات تۋىندىلارى ارقىلى شينجياڭنىڭ بايتاق دالاسىنداعى جاڭا رايدى، جاڭا كەلبەتتى تولىق بەينەلەيدى.
انار بۇلت \ شينجياڭ گازەتىنىڭ ٴتىلشىسى لي ياڭ
لاۋجۋ جاقىندا كاسىپ اۋىستىردى. لاۋجۋدىڭ تولىق اتى جۋ كايلي، شينجياڭ تيانشان ٴجۇن توقىماشىلىعى جارنا شەكتى سەرىكتەستىگى ٴجۇن توقىماشىلىعى زاۆودىنىڭ ورىنباسار باستىعى، زاۆودقا كىرگەن 30 جىلدان بەرى، ”ىزدەنگىشتىگىمەن“ تانىمال بولعان، ٴوزىنىڭ ۇستالار جاڭالىق اشۋ قىزمەت كەڭسەسى بار. ول بىلتىر ”مەملەكەتتىك 1 ـ مامىر ەڭبەك مەدالىن“ ەنشىلەگەن. 2024 ـ جىلى جاڭا جىلعا قاراعان ٴتۇنى تيانشان ٴجۇن توقىماشىلىعى سەرىكتەستىگى ”كوكتەم مەرەكەسىندە مەرەكەلىك زات ساتىلىم ورلەۋىن جانداندىرۋ“ تىكە تاراتۋ قيمىلىنا قاتىناسىپ، تىكە تاراتۋ ورنىن سەرىكتەستىكتىڭ باس دۇكەنىنە ورنالاستىردى. جۋ كايلي جاقسى زات تانىستىرۋشى بولدى. جۇرگىزۋشىنىڭ جانىندا قاتقان قازىقتاي بولىپ تۇرعان جۋ كايليدىڭ تۇلا بويىن تەر باسىپ، ٴۇنى شىقپاي، ەكرانعا ٴتۇزۋ قاراي الماي، ٴبىر كۇن پىسىقتاعان سوزدەرىنىڭ كوبى ەسىنەن شىعىپ كەتتى.
الدىمەن جاڭا جىلعا تىلەك ايتىلدى، ونان سوڭ زات تانىستىرۋ باسقىشى ٴجۇرىلدى. ”ۇستىمدەگى قىزىل ٴتۇستى ٴتۇبىت پوپايكەگە قاراڭىزدار، ٴوڭى اشىق ٴارى جىلى، جاڭا جىلدا وتباسىنداعىلارعا ۇسىنۋعا توتەنشە ۇيلەسەدى“. جۋ كايلي وسىنى ايتىپ بولعاندا جانىندا تۇرعان جۇرگىزۋشى ۇزدىكسىز باسىن يزەپ، ايتا بەرۋدى يشاراتتادى، الايدا ول ”كىدىرىپ“، جۇرگىزۋشىگە قاراپ كۇلىپ، كومەك وتىنگەندەي بەينە بايقاتتى، باعىنا جاراي ”سيگنالدى“ سەزگەن جۇرگىزۋشى ٴسوزدى جالعاپ، كەسكىندى بۇرىپ اكەتىپ، ”ۇلكەن سىناق“ اياقتادى.
جۋ كايلي بىلاي دەدى: وسى بىرنەشە مينۋت ارەڭ ٴوتتى ـ اۋ!
ايۇپ حالىقتىڭ دا جاعدايى ٴماز ەمەس. ول تيانشان ٴجۇن توقىماشىلىق جارنا شەكتى سەرىكتەستىگى ٴبىز توقىماشىلىعى زاۆودىنىڭ ورىنباسار باستىعى، ول دا ”مەملەكەتتىك 1 ـ مامىر ەڭبەك مەدالىنىڭ“ يەگەرى، جاڭا جىلعا قاراعان ٴتۇنى ٴبىرىنشى رەت تىكە تاراتۋ ارقىلى زات ساتقاندا ول بەيجيڭگە بارىپ سيلىق العانداعىدان ارمان قوبالجىدى.
ەكى ”مىقتىنىڭ“ تىكە تاراتۋداعى تۇڭعىش اسەرى تىم شىركىن ـ اي بولماعانىمەن، قولما ـ قول ناتيجە بەردى.
تىكە تاراتىلعان كۇنى كەشتە توراپتاستار ارت ـ ارتىنان تاپسىرىس بەردى. ەرتەڭىندە ناقتى كۇشىمەن ”اۋقىمعا باستاماشى“ بولدى. 2025 ـ جىلى 1 ـ ايدىڭ 1 ـ كۇنى تيانشان توقىماشىلىق سەرىكتەستىگىنە قاراستى دۇكەندە قاريدارلاردىڭ دۇكەنگە كەلۋ سالىستىرماسى %30 جوعارىلاپ، ساتىلىم كىرىسى 598 مىڭ يۋانعا جەتىپ، ادەتتەگى كەزدەن 200 مىڭ يۋانداي جوعارى بولدى.
اتالعان سەرىكتەستىكتىڭ ورىنباسار باس ديرەكتورى حۋان گۋاڭحۇي سەبەبىن بىلاي دەپ ٴتۇسىندىردى: ”لاۋجۋ مەن ايۇپ ەكەۋىنىڭ بويىنداعى ’مەملەكەت ماركاسى‘ داڭقى ەڭ جاقسى تاڭبا. قاريدارلاردىڭ نازارىن اۋدارعانى دا ۇستالىق ونەر مەن ساپا“.
”وكىنىشكە وراي رولىمدى جاقسى ساۋلەلەندىرە المادىم“، ـ دەدى جۋ كايلي وكىنە.
سول كۇنى ول قالتاسىنا تاق ـ تۇق دوپتىڭ ۇلكەندىگىندەي بويالعان ەكى ٴتۇبىت ورامىن سالىپ العان ەكەن، ٴاسىلى ٴتۇبىت پوپايكەگە پايدالانىلعان قارا عىلىم ـ تەحنولوگيا تۋرالى ايتپاقشى بولعانىمەن، ابىرجىعاندا ٴبارىن ۇمىتىپ قالىپتى.
”بۇرىن شينجياڭدىقتار’تيانشان ٴجۇن توقىماشىلىعىن‘ مويىندايتىن، قازىر كونە ماركانىڭ بۇرىنعى اتاعىنان پايدالانام دەۋگە كەلمەيدى“، ـ دەدى جۋ كايلي.
ادەمى، اقاۋسىز، جەڭىل بولۋ كەرەك... ٴتۇبىت سالاسىندا باسەكە بارعان سايىن كۇشەيىپ، جۋ كايليدىڭ ۇستالىق جاڭالىق اشۋ قىزمەت كەڭسەسى بارعان سايىن قاربالاستاندى.
بىلتىر تيانشان توقىماشىلىق سەرىكتەستىگى شي ـ ان ينجەنەريا داشۋەسى سياقتىلارمەن سەلبەسىپ، كەندىر، لوپنۇر كەندىرى جانە ٴتۇبىت ارالاسپا توقىما ٴونىمى، ساتىلاي بويالعان ٴتۇبىت پوپايكە، تۇتىلگەن ٴتۇبىت پوپايكە سياقتى جاڭا ونىمدەر شىعاردى، ٴتۇبىت پوپايكە اۋقىمعا اينالدى.
سونىمەن قاتار تيانشان توقىماشىلىق سەرىكتەستىگى تاعى تيانماۋ، جيڭدۇڭ، دوۋيىن، شياۋحۇڭشۋ سياقتى تۇعىرلاردا دا تىكە تاراتۋ ەسەپ ٴنومىرىن اشتى.
”بۇرىن سەرىكتەستىكتىڭ تىكە تاراتۋىن كورگەنمىن، جۇرگىزۋشىنىڭ ٴبارى كىشكەنە بويجەتكەن بولاتىن، ٴوزىمنىڭ دە جۇرگىزۋشى بولارىمدى ويلاماعان ەدىم“، ـ دەدى جۋ كايلي.
2024 ـ جىلى تيانشان توقىماشىلىق سەرىكتەستىگىنىڭ تيجارات كىرىسى الدىڭعى جىلداعىدان %55.35 ارتتى.
قىزمەتتەستەرى لاۋجۋدىڭ تۇڭعىش رەتكى زات ساتۋ ٴونىمى كەرەمەت بولدى، سەرىكتەستىكتىڭ تابىسى ٴۇشىن بيىل جۇرگىزۋشىلىك مىندەتتى قوسا ارقالاسا دا بولادى ەكەن دەپ قالجىڭدادى.
”جان كۇيەرلەر جاقتىرسا، بولمايتىن نەسى بار“؟ ـ دەپ كۇلە سويلەدى جۋ كايلي.
ءتىلشى اسەرى
ۇستانىڭ ادالدىعى باعالى
تانىمال توقىماشىلىق كاسىپورنى ”ينتەرنەتكە جاناسىپ“ تىكە تاراتۋ جۇرگىزىپ، ايگىلى ۋيبو كليەنتتەرىن جانە توراپ جۇلدىزدارىن ۇسىنىس ەتپەي، ٴوز ”جۇلدىزدارىن“، ياعني ”مەملەكەتتىك 1 ـ مامىر ەڭبەك مەدالىنىڭ“ ەكى يەگەرىن سالتاناتپەن ورتاعا شىعاردى. اسىرەلەپ تانىستىراتىن ٴسوز ونەرى دە، ايرىقشا تومەن باعانى جەلەۋ ەتكەن ايلاسى دا بولماعانىمەن، زات ساتۋ ٴونىمى باسقا توراپ جۇلدىزدارىنان قالىسپادى. تۇتىنۋشىلاردى ىنتىقتىرعانى ۇستانىڭ ادالدىعى بولدى.
العاشقى تاڭداۋ، جىنتىكتەي تاڭداۋ، ٴتۇبىتتى جۋۋ، ٴتۇبىت تاراۋ، تالشىق جاساۋ، بوياۋ، ٴجىپ ٴيىرۋ، توقۋ... جوعارى دەڭگەيدە ونەركاسىپتەنگەن بۇگىنگى كۇندە ٴبىر ٴتۇبىت كيىم ٴوندىرۋ ٴالى دە تىم وڭاي جۇمىس ەمەس. باسەكە بارعان سايىن شيەلەنىسكەن بازارعا، تۇتىنۋشىلاردىڭ ”ساپالى ٴارى ارزان بولۋ“ سىندى قاتالدىعىنا مەڭزەس، تيانشان توقىماشىلىق سەرىكتەستىگى بۇرىنعى اتاعىنا سۇيەنبەي، جاڭا بەينەمەن وزگەرىسكە ۇيلەسۋدى تاڭدادى. جۋ كايلي تەحنولوگيالىق جۇمىسشىنىڭ كۇش ـ قۋاتى جانە اقىل ـ پاراساتى ارقىلى كاسىپورىن عىلىم ـ تەحنولوگياسىنىڭ العا باسۋىن ۇزدىكسىز جەبەپ، ”تيانشان توقىماشىلىعى“ سىندى وسى سانسىزداعان شينجياڭدىقتىڭ شۋاقتى ەستەمەلەرىن ارقالاعان بايىرعى ماركانىڭ جاڭا كەلبەت ايگىلەۋىنە مۇمكىندىك جاسادى.
ۇستانىڭ كوڭىلىنە قۇرمەت بىلدىرەمىز، ٴاربىر تاباندىلىق پەن باتىلدىققا قۇرمەت بىلدىرەمىز.
