انار بۇلت \ شينجياڭ گازەتىنىڭ ٴتىلشىسى شى شين 1 ـ ايدىڭ 9 ـ كۇنى ۇرىمجىدەن حابارلايدى. 1 ـ ايدىڭ 9 ـ كۇنى اۆتونوميالى رايون دامۋ جانە رەفورما قىزمەتى ٴماجىلىسىن اشىپ، 2024 ـ جىلعى دامۋ، رەفورما قىزمەتىن قورىتىندىلادى جانە وعان قايىرىلا قارادى، 2025 ـ جىلعى ٴتۇيىندى قىزمەت مىندەتتەرىن جۇيەلى ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: 2024 ـ جىلى تۇتاس رايوننىڭ دامۋ، رەفورما جۇيەسى ماكرولىق ەكونوميكانىڭ ارتۋىن ورنىقتىرۋ ساياسي جاۋاپكەرشىلىگىن باتىل ارقالاپ، جاڭا ٴداۋىردىڭ جاڭا جورىعىندا دامۋدىڭ، رەفورمانىڭ وزەكتى قىزمەتىن ارقاۋ ەتىپ، جوعارى دەڭگەيدە ٴبىر تۇتاس جوسپارلاپ، جوعارى ورەدە جوسپارلاپ، جوعارى ساپالى تياناقتاندىرىپ، ”ون ٴىرى كاسىپ سالاسى شوعىرى“، نەگىزدىك قۇرىلعى ”ون تورى“ سياقتى ٴبىر توپ تاراۋ اتتاعان، ٴوڭىر اتتاعان كەلەلى قىزمەتتەردىڭ ورىستەتىلۋىن پارمەندى ىلگەرىلەتتى، ٴتۇيىندى نىسان قۇرىلىستارى، ەنەرگيا بايلىعىن اشۋ، پايدالانۋ سياقتى جاقتاردا جاڭا ناتيجە جاراتتى، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن ورىنداۋدا بەلسەنە ۇلەس قوستى.
ٴماجىلىس مىنالاردى باسا دارىپتەدى: 2025 ـ جىل _ شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، ”14 ـ بەسجىلدىق“ جوبا اياقتالاتىن جىل. جەر ـ جەر، تاراۋلار جانە دامۋ، رەفورما جۇيەسى پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارى بويىنشا ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، مەجەنى ورنىقتىرىپ، ومىرشەڭ كۇشتى تاسقىنداتىپ، ەكونوميكانىڭ ٴۇرتىس قايتا ورلەۋىن، جاقسارۋىن ىلگەرىلەتۋى كەرەك. ٴونىمدى سۇرانىستى جان ـ جاقتى كەڭەيتۋ جاعىندا تەبىندى ارتتىرۋ، رەفورمانى، ەسىك اشۋدى بۇلجىماي تەرەڭدەتۋ جاعىندا ٴتۇزىمدى كۇشەيتىپ ورناتۋ، شينجياڭ ەرەكشەلىگىنە يە جاڭاشا وندىرگىش كۇشتەردى جەدەل جەتىلدىرۋ جاعىندا قارقىندى ارتتىرۋ، ادامدى نەگىز ەتكەن جاڭاشا قالا ـ قالاشىقتاندىرۋدى قۇرۋ جاعىندا تەرەڭدىكتى ارتتىرۋ، حالىق تۇرمىسى قۇت ـ ىرىسىن جاقسارتۋ جاعىندا مەيىر جەتكىزۋدى مولايتۋ، اناعۇرلىم ويداعىداي مىندەت وتەپ جاۋاپكەرشىلىكتى ادا ەتۋ جاعىندا وزىندىك قۇندى ىسكە اسىرۋ كەرەك.
