شي جينپيڭ جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايىنا حات جولداپ بىلاي دەپ باسا دارىپتەدى
وزىندىك قۇرىلىستى ونان ارى كۇشەيتىپ، كوپىرلىك، دانەكەرلىك رولدى اناعۇرلىم ويداعىداي ساۋلەلەندىرىپ، زاڭ عىلىمى قوعامى ىستەرى دامۋىنىڭ جاڭا جاعدايىن قۇلشىنا اشۋ كەرەك
شي جينپيڭنىڭ جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايىنا جولداعان حاتى
جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايى اشىلۋ بايلانىسىمەن، مەن بۇكىل ەلدەگى قالىڭ زاڭ عىلىمى، زاڭ قىزمەتكەرلەرىنە سالەم جولدايمىن!
پارتيا 18 ـ قۇرىلتايىنان بەرى، ٴار دارەجەلى زاڭ عىلىمى قوعامى قالىڭ زاڭ عىلىمى، زاڭ قىزمەتكەرلەرىن ىنتىماقتاستىرىپ، باستاپ، قىرۋار قىزمەت ىستەپ، مەملەكەتتى جاپپاي زاڭمەن باسقارۋدى ىلگەرىلەتۋگە بەلسەندى ۇلەس قوستى.
جاڭا ٴداۋىردىڭ جاڭا جورىعىندا ٴار دارەجەلى زاڭ عىلىمى قوعامى جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن جاپپاي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ، جۇڭگوشا سوتسياليستىك زاڭمەن باسقارۋ جولىمەن جۇرۋگە تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋگە تاباندى بولىپ، وزىندىك قۇرىلىسىن ونان ارى كۇشەيتىپ، كوپىرلىك، دانەكەرلىك رولىن اناعۇرلىم ويداعىداي ساۋلەلەندىرىپ، زاڭ عىلىمىن زەرتتەۋدى كوركەيتۋ، زاڭمەن باسقارۋ امالياتىنا قىزمەت وتەۋ، زاڭمەن باسقارۋ ۇگىتىن كۇشەيتۋ، زاڭمەن باسقارۋ دارىندىلارىن باۋلۋ سياقتى قىزمەتتەردى تىڭعىلىقتى ويداعىداي ىستەپ، زاڭ عىلىمى قوعامى ىستەرى دامۋىنىڭ جاڭا جاعدايىن قۇلشىنا اشۋى كەرەك. قالىڭ زاڭ عىلىمى، زاڭ قىزمەتكەرلەرى زاڭمەن باسقارۋ سەنىمىن بەكەمدەپ، بورىش ارقالاۋدى كۇشەيتىپ، مەملەكەتتى جاپپاي زاڭمەن باسقارۋ ۇلى امالياتىنا بەلسەنە ات سالىسىپ، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ ۇلەس قوسۋى كەرەك. ٴار دارەجەلى پارتكومدار زاڭ عىلىمى قوعامىنا باسشىلىق ەتۋدى كۇشەيتىپ، زاڭ عىلىمى قوعامىنىڭ زاڭ بويىنشا، ەرەجە بويىنشا قىزمەت ورىستەتۋىنە پارمەندى قولداۋ كورسەتۋى كەرەك.
شي جينپيڭ
2025 ـ جىلى 1 ـ ايدىڭ 10 ـ كۇنى
(شينحۋا اگەنتتىگىنىڭ 1 ـ ايدىڭ 10 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 1 ـ ايدىڭ 10 ـ كۇنى بەيجيڭنەن بەرگەن حابارى. جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايى اشىلۋ بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇرىلتايعا حات جولداپ، بۇكىل ەلدەگى قالىڭ زاڭ عىلىمى، زاڭ قىزمەتكەرلەرىنە سالەم جولدادى ٴارى زاڭ عىلىمى قوعامى قىزمەتىن ويداعىداي ىستەۋ جونىندە ٴۇمىتىن العا قويدى.
شي جينپيڭ حاتىندا بىلاي دەپ اتاپ كورسەتتى: پارتيا 18 ـ قۇرىلتايىنان بەرى، ٴار دارەجەلى زاڭ عىلىمى قوعامى قالىڭ زاڭ عىلىمى، زاڭ قىزمەتكەرلەرىن ىنتىماقتاستىرىپ، باستاپ، قىرۋار قىزمەت ىستەپ، مەملەكەتتى جاپپاي زاڭمەن باسقارۋدى ىلگەرىلەتۋگە بەلسەندى ۇلەس قوستى.
شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا ٴار دارەجەلى زاڭ عىلىمى قوعامى جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن جاپپاي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ، جۇڭگوشا سوتسياليستىك زاڭمەن باسقارۋ جولىمەن جۇرۋگە تاباندى بولىپ، پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋگە تاباندى بولىپ، وزىندىك قۇرىلىسىن ونان ارى كۇشەيتىپ، كوپىرلىك، دانەكەرلىك رولىن اناعۇرلىم ويداعىداي ساۋلەلەندىرىپ، زاڭ عىلىمىن زەرتتەۋدى كوركەيتۋ، زاڭمەن باسقارۋ امالياتىنا قىزمەت وتەۋ، زاڭمەن باسقارۋ ۇگىتىن كۇشەيتۋ، زاڭمەن باسقارۋ دارىندىلارىن باۋلۋ سياقتى قىزمەتتەردى تىڭعىلىقتى ويداعىداي ىستەپ، زاڭ عىلىمى قوعامى ىستەرى دامۋىنىڭ جاڭا جاعدايىن قۇلشىنا اشۋى كەرەك. قالىڭ زاڭ عىلىمى، زاڭ قىزمەتكەرلەرى زاڭمەن باسقارۋ سەنىمىن بەكەمدەپ، بورىش ارقالاۋدى كۇشەيتىپ، مەملەكەتتى جاپپاي زاڭمەن باسقارۋ ۇلى امالياتىنا بەلسەنە ات سالىسىپ، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ ۇلەس قوسۋى كەرەك. ٴار دارەجەلى پارتكومدار زاڭ عىلىمى قوعامىنا باسشىلىق ەتۋدى كۇشەيتىپ، زاڭ عىلىمى قوعامىنىڭ زاڭ بويىنشا، ەرەجە بويىنشا قىزمەت ورىستەتۋىنە پارمەندى قولداۋ كورسەتۋى كەرەك.
جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايى 1 ـ ايدىڭ 10 ـ كۇنى تۇستەن بۇرىن بەيجيڭدە اشىلدى، ماجىلىستە شي جينپيڭنىڭ حاتى جەتكىزىلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ساياسي ـ زاڭ كوميتەتىنىڭ شۋجيى چىن ۋىنچيڭ اشىلۋ سالتىندا پارتيا ورتالىق كوميتەتى اتىنان ٴسوز سويلەدى. ول بىلاي دەدى: ٴار دارەجەلى زاڭ عىلىمى قوعامى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ، ساياسي جەتەكشىلىكتى كۇشەيتىپ، زاڭ بويىنشا مىندەت وتەپ، جاۋاپكەرشىلىگىن ادا ەتىپ، ٴتارتىپتى، ستيلدى قاتايتىپ، قاجىرلىلىقپەن رەفورما جاساپ، العا ىلگەرىلەپ، مەملەكەتتى جاپپاي زاڭمەن باسقارۋدى ىلگەرىلەتۋ، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋعا اقىل ـ پاراساتتارىن جانە كۇش ـ قۋاتتارىن ارناۋى كەرەك. قالىڭ زاڭ عىلىمى، زاڭ قىزمەتكەرلەرى شي جينپيڭ زاڭمەن باسقارۋ يدەياسىن جاپپاي ۇيرەنىپ، دايەكتىلەندىرىپ، ساياسي بەتالىستى مىقتاپ يگەرىپ، زاڭمەن باسقارۋ سەنىمىن بەكەمدەپ، كەلەلى جاعدايعا ىرىقتى قىزمەت وتەپ، حالىققا قىزمەت وتەپ، زاڭ عىلىمىن زەرتتەۋدى ىشكەرىلەي ورىستەتىپ، زاڭدى عىلمي شىعارۋدى، زاڭدى قاتاڭ اتقارۋدى، ٴادىليانى ٴادىل جۇرگىزۋدى، جالپى حالىق زاڭعا بويسۇنۋدى ارقاۋ ەتە وتىرىپ تىڭعىلىقتى قىزمەت ىستەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا ەسە قوسىپ، ەڭبەك ٴسىڭىرۋىن ٴۇمىت ەتەمىن.
ۋاڭ شياۋحۇڭ، جاڭ چيڭۋي، جاڭ جۇن، يىڭ يۇڭ، حى باۋشياڭ اشىلۋ سالتىنا قاتىناستى.
8 ـ كەزەكتى جۇڭگو زاڭ عىلىمى قوعامىنىڭ باستىعى ۋاڭ چىن ٴماجىلىستى باسقاردى ٴارى 8 ـ كەزەكتى القالار كەڭەسى اتىنان قىزمەت بايانداماسىن جاسادى.
ٴماجىلىس مەملەكەتتىك زاڭ عىلىمى قوعامى جۇيەسىندەگى وزات كوللەكتيۆتەر مەن وزات جەكەلەردى ماراپاتتادى. ورتالىق كوميتەت ساياسي ـ زاڭ كوميتەتىنىڭ مۇشەلەرى، جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايىنىڭ بارلىق ۋاكىلدەرى اشىلۋ سالتىنا قاتىناستى.
