شي جينپيڭ جاۋاپ حات قايتارىپ، مەملەكەتتىك جيڭجۇي تەاترىنداعى جاس كوركەمونەر قىزمەتكەرلەرىن جىگەرلەندىردى
ٴمورالدى قاستەرلەپ، ونەردى ۇشتاۋعا، تۋراشىلدىقتان اينىماي جاڭالىق اشۋعا تاباندى بولىپ، جيڭجۇي كوركەمونەرىنە ۇزدىكسىز ٴداۋىر شۇعىلاسىن شاشتىرىڭىزدار
جاۋاپ حات
مەملەكەتتىك جيڭجۇي تەاترىنداعى جاس كوركەمونەر قىزمەتكەرلەرىنە:
حاتتارىڭىزدى تاپسىرىپ الدىم. مەملەكەتتىك جيڭجۇي تەاترى قۇرىلعاندىعىنىڭ 70 جىلدىعى قارساڭىندا سىزدەردى جانە بارلىق ارتيستەر مەن قىزمەتكەرلەردى قۇتتىقتايمىن جانە سالەم جولدايمىن.
مەملەكەتتىك جيڭجۇي تەاترى قۇرىلعاننان بەرى، پارتيانىڭ ادەبيەت ـ كوركەمونەر باعىت ـ ساياساتىن دايەكتىلەندىرىپ، كوپتەگەن كلاسسيكالىق تەاترلاردى جاساپ، دايىنداپ، كوپتەگەن تاڭداۋلى كوركەمونەر دارىندىلارىن شىعارىپ، جۇڭحۋا شيچۇي گۇلباعىنا اسەم كورىك قوستى. جاڭا باستامادا سىزدەردىڭ اعا بۋىن ايگىلى شەبەرلەردىڭ تاڭداۋلى ٴداستۇرىن جالعاستىرىپ، كوركەمونەردىڭ حالىق ٴۇشىن بولۋىن امالياتتا ايگىلەپ، ٴمورالدى قاستەرلەپ، ونەردى ۇشتاۋعا، تۋراشىلدىقتان اينىماي جاڭالىق اشۋعا تاباندى بولىپ، جيڭجۇي كوركەمونەرىنە ۇزدىكسىز ٴداۋىر شۇعىلاسىن شاشتىرىپ، ادەبيەت ـ كوركەمونەر ىستەرىن گۇلدەندىرۋگە، مادەنيەتتە قۋاتتى ەل قۇرۋعا كۇش قوسۋلارىڭىزدى ٴۇمىت ەتەمىن.
شي جينپيڭ
2025 ـ جىلى 1 ـ ايدىڭ 9 ـ كۇنى
(شينحۋا اگەنتتىگىنىڭ 1 ـ ايدىڭ 10 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 1 ـ ايدىڭ 10 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ مەملەكەتتىك جيڭجۇي تەاترىنداعى جاس كوركەمونەر قىزمەتكەرلەرىنە جاۋاپ حات قايتارىپ، مەملەكەتتىك جيڭجۇي تەاترى قۇرىلعاندىعىنىڭ 70 جىلدىعى قارساڭىندا بارلىق ارتيستەر مەن قىزمەتكەرلەردى قۇتتىقتادى جانە سالەم جولدادى.
شي جينپيڭ جاۋاپ حاتىندا بىلاي دەدى: مەملەكەتتىك جيڭجۇي تەاترى قۇرىلعاننان بەرى، پارتيانىڭ ادەبيەت ـ كوركەمونەر باعىت ـ ساياساتىن دايەكتىلەندىرىپ، كوپتەگەن كلاسسيكالىق تەاترلاردى جاساپ، دايىنداپ، كوپتەگەن تاڭداۋلى كوركەمونەر دارىندىلارىن شىعارىپ، جۇڭحۋا شيچۇي گۇلباعىنا اسەم كورىك قوستى. جاڭا باستامادا سىزدەردىڭ اعا بۋىن ايگىلى شەبەرلەردىڭ تاڭداۋلى ٴداستۇرىن جالعاستىرىپ، كوركەمونەردىڭ حالىق ٴۇشىن بولۋىن امالياتتا ايگىلەپ، ٴمورالدى قاستەرلەپ، ونەردى ۇشتاۋعا، تۋراشىلدىقتان اينىماي جاڭالىق اشۋعا تاباندى بولىپ، جيڭجۇي كوركەمونەرىنە ۇزدىكسىز ٴداۋىر شۇعىلاسىن شاشتىرىپ، ادەبيەت ـ كوركەمونەر ىستەرىن گۇلدەندىرۋگە، مادەنيەتتە قۋاتتى ەل قۇرۋعا كۇش قوسۋلارىڭىزدى ٴۇمىت ەتەمىن.
مەملەكەتتىك جيڭجۇي تەاترى _ مادەنيەت جانە ساياحات مينيسترلىگىنە توتە قارايتىن مەملەكەتتىك كوركەمونەر تەاتر ۇيىرمەسى، توركىنى 1955 ـ جىلى 1 ـ ايدا قۇرىلعان جۇڭگو جيڭجۇي تەاترى، مەي لانفاڭ تۇڭعىش رەتكى باستىعى بولعان، 2007 ـ جىلى مەملەكەتتىك جيڭجۇي تەاترى بولىپ وزگەرتىلگەن. تاياۋدا مەملەكەتتىك جيڭجۇي تەاترىنداعى بارلىق جاس كوركەمونەر قىزمەتكەرلەرى باس شۋجي شي جينپيڭگە حات جازىپ، جيڭجۇي كوركەمونەرىن جالعاستىرۋعا قاتىستى احۋالدارىنان مالىمەت بەرىپ، جيڭجۇي ىستەرىن گۇلدەندىرۋ، دامىتۋ، جۇڭحۋانىڭ تاڭداۋلى ٴداستۇرلى مادەنيەتىن اسقاقتاتۋ جولىندا كۇرەس جاساۋ بەكىمدەرىن بىلدىرگەن بولاتىن.
