شۇي مين:
ٴار ۇلت بۇقاراسىن بىرگە بايۋعا باستايمىن
انار بۇلت \ شينجياڭ گازەتىنىڭ ٴتىلشىسى جاڭ لەي
وسى مەزگىلدە شۇي مين ادەتتەگىدەن دە قاربالاس بولدى. ول قايتا ـ قايتا قىستاقتارعا بارىپ، وتباسىلارىن ارالاپ، باقتاشىلاردىڭ جاعدايى مەن قيىنشىلىعىن ۇعىسىپ، اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىندە تاپسىرىلاتىن ۇسىنىستاردى ۇزدىكسىز كەمەلدەندىردى. بيىل ول شينجياڭنىڭ قوي باعىمشىلىعى كاسىپ سالاسىنىڭ جوعارى ساپالى دامۋىن ىلگەرىلەتۋ سياقتى ۇسىنىستاردى دايىندادى.
شۇي مين اۆتونوميالى رايوندىق 14 ـ كەزەكتى حالىق قۇرىلتايىنىڭ ۋاكىلى، شينجياڭ چيشيڭ چياڭدۋ توبى ەگىن، مال شارۋاشىلىق شەكتى سەرىكتەستىگىنىڭ القا باستىعى. 1 ـ ايدىڭ 10 ـ كۇنى تىلشىگە مىندەت وتەۋ حيكاياسىن بايانداعان كەزدە، ول بىلاي دەدى: ”ٴار ۇلت بۇقاراسىن بىرگە بايۋعا باستاۋ _ كاسىپورىننىڭ جاۋاپكەرشىلىگى، ونان دا ماڭىزدىسى، حالىق قۇرىلتايى ۋاكىلدەرىنىڭ جاۋاپكەرشىلىگى“.
چارقىلىق اۋدانى ۋاششەرى قالاشىعى تاسساي قىستاعى قونىس جاڭالاعان قىستاق، قايتكەندە قىستاق تۇرعىندارىنىڭ ”ەتەككە تۇسۋىنە، وتىرىقتانۋىنا، بايۋىنا“ مۇمكىندىك جاساۋ _ ٴبىر مەزەت شۇعىل شەشۋگە ٴتيىستى قيىن ماسەلەگە اينالعان ـ دى.
شۇي مين بۇل جاعدايدى بىلگەننەن كەيىن، تاسساي قىستاعىنىڭ باعىتتامالى كومەكتەسۋ ـ سۇيەمەلدەۋ قىزمەتىن ىرىقتىلىقپەن ارقالايدى. چيشيڭ چياڭدۋ توبى ”كاسىپورىن + شارۋا وتباسى + بازا“ سىندى مۇددە بايلانىسى ٴتاسىلى ارقىلى قىستاق تۇرعىندارىمەن جەردى اينالىمعا سالۋ، جالعا بەرۋ كەلىسىمىنە قول قويىپ، 4800 مۋ قاعىر جەردى، جارتىلاي قاعىر جەردى بىرىكتىرىپ اينالىمعا سالدى ٴارى قارجى قوسىپ، توپىراقتى قۇنارلاندىرىپ، سۋمەن قامداۋ قۇرىلعىلارىن جاڭادان سالىپ نەمەسە جاڭالاپ، كاسىپتىك اۋىل شارۋاشىلىق تەحنيكتەرىن جەردى ٴبىر تۇتاس ەگىپ، باسقارۋعا ۇسىنىس ەتتى. ٴار جىلى جالعا الۋ اقىسىن تولەۋدەن سىرت، سەرىكتەستىك تاعى قىستاق تۇرعىندارىن شىلان اعاشىن باپتاۋ، استىق داقىلدارىن ەگۋ جانە جۇڭي ٴشوپ ٴدارى اتىزدارىن باسقارۋ سياقتى قىزمەتتەرمەن شۇعىلدانۋعا باۋرادى.
”جەردى اينالىمعا سالعاننان كەيىن، جەردى اينالىمعا بەرۋ اقىسىن الۋمەن بىرگە، تاعى سەرىكتەستىكتىڭ ەگىمشىلىك بازاسىندا جۇمىس ىستەيمىز“. تاسساي قىستاعىنىڭ تۇرعىنى ٴانۋار ناسىر ٴوزىنىڭ ٴبىر جاعىنان، قىزمەت ىستەپ، ٴبىر جاعىنان، ەگىمشىلىك باسقارۋ تەحنيكاسىن ۇيرەنىپ، باقتاشىدان ەگىمشىلىك شەبەرىنە اينالعاندىعىن، قازىر جاڭا ٴۇي، جاڭا اۆتوكولىك ساتىپ الىپ، تۇرمىسى بارعان سايىن جاقسارعاندىعىن ايتتى.
”كوپشىلىك بىرگە قۇلشىنىپ، ٴبىر نيەتپەن قول ۇستاسا ىلگەرىلەسە، تۇرمىسىمىز، ٴسوز جوق، بارعان سايىن جاقسارادى“. شۇي مين قىستاق تۇرعىندارىن جۇمىستاندىرىپ، كىرىستى ارتتىرۋعا باستاۋ ٴار ۇلتتىڭ بىرگە بايۋىن جۇزەگە اسىرۋدىڭ، ۇلتتار ىنتىماعىن جەبەۋدىڭ ماڭىزدى جولى دەپ قارايدى.
ٴار ۇلت قىزمەتكەرلەرىنىڭ ارالاسۋىن، ىشتەسۋىن، توعىسۋىن جەبەۋ ٴۇشىن، شۇي مين ۇنەمى ”ۇلتتار ىنتىماعى بەرەكەلى شاڭىراعى“ سياقتى ٴتۇرلى بىرلەسكەن دوستىق قيمىلدارىن ۇيىمداستىرىپ ورىستەتتى، ٴار جولعى جۇڭچيۋ مەرەكەسى، قۇربان ايت مەرەكەسى سياقتى مەرەكەلەردە ٴار ۇلت قىزمەتكەرلەرى ٴبىر اراعا باس قوسىپ، ٴان ايتىپ، ٴبي بيلەيدى. ”بۇل ارادا قىزمەت ىستەگەن وتە جايلى، ۇلكەندى ـ كىشىلى مەرەكە ـ مەيرامداردا سەرىكتەستىك ٴتۇرلى قيمىلدار وتكىزەدى“. سەرىكتەستىكتىڭ قىزمەتكەرى روزى ٴنامتۇل: كوپشىلىك بىرگە ەڭبەك ىستەپ، بىرگە ۇيرەنىپ، بىرگە العا باسىپ، ٴبىر ٴۇيلى جانداي بولىپ كەتتىك، ـ دەدى.
شۇي مين بىلاي دەدى: ”مەن ٴار ۇلت بۇقاراسىنىڭ ىنتىماقتاسىپ بىرگە بايۋىن جەبەۋدى ٴوز مىندەتىم ەتىپ، بار ىنتا ـ پەيىلىممەن دامۋعا تالپىنىپ، ٴۇمىت اتىزىندا اۋىل شارۋاشىلىعىن گۇلدەندىرۋدىڭ، شارۋالاردى بايىتۋدىڭ جاڭا تاراۋىن جازامىن“.
