شي جينپيڭ قازىنالىق باقىلاۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، رەفورما جاساۋدى، جاڭالىق اشۋدى تەرەڭدەتىپ، وزىندىك قۇرىلىستى كۇشەيتىپ، جوعارى ساپالى قازىنالىق باقىلاۋ ارقىلى ەكونوميكانىڭ، قوعامنىڭ جوعارى ساپالى دامۋىن قورعاۋ كەرەك
شينحۋا اگەنتتىگىنىڭ 1 ـ ايدىڭ 11 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا قازىنالىق باقىلاۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: قازىنالىق باقىلاۋ _ پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى. سوڭعى جىلداردان بەرى، قازىنالىق باقىلاۋ ورگاندارى پارتيا مەن مەملەكەت قىزمەتىنىڭ كەلەلى جاعدايىن ارقاۋ ەتىپ، ەكونوميكالىق باقىلاۋ ورنىن تياناق ەتىپ، ەكونوميكانىڭ اقاۋسىز دامۋىن جەبەۋ، مەملەكەتتىڭ ەكونوميكالىق حاۋىپسىزدىگىن قورعاۋ، حاۋىپ ـ قاتەردى، كومەسكى كىناراتتاردى اشىپ كورسەتۋ، شىرىكتەسۋگە قارسى تۇرىپ بىلىقپالىقتى وڭاۋدى ىلگەرىلەتۋ سياقتى جاقتاردا بەلسەندى رول اتقاردى.
شي جينپيڭ بىلاي دەپ باسا دارىپتەدى: جاڭا جورىقتا جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ قازىنالىق باقىلاۋ قىزمەتىنە ورتالىقتانعان ٴبىر تۇتاس باسشىلىعىنا تاباندى بولىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، رەفورما جاساۋدى، جاڭالىق اشۋدى تەرەڭدەتىپ، وزىندىك قۇرىلىستى كۇشەيتىپ، ورتالىقتانعان ٴبىر تۇتاس، جاپپاي قامتىعان، قۇزىرلى، جوعارى ٴونىمدى قازىنالىق باقىلاۋ جۇيەسىن كۇش سالا ورناتىپ، قازىنالىق باقىلاۋدىڭ ساپاسىن، ونىمدىلىگىن ۇزدىكسىز جوعارىلاتىپ، جوعارى ساپالى قازىنالىق باقىلاۋ ارقىلى ەكونوميكانىڭ، قوعامنىڭ جوعارى ساپالى دامۋىن قورعاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ ۇلەس قوسۋ كەرەك.
مەملەكەتتىك قازىنالىق باقىلاۋ قىزمەتى ٴماجىلىسى جانە مەملەكەتتىك قازىنالىق باقىلاۋ ورگاندارىنداعى وزات كوللەكتيۆتەر مەن وزات قىزمەتكەرلەردى ماداقتاۋ ـ سيلاۋ جينالىسى 1 ـ ايدىڭ 10 ـ كۇنىنەن 11 ـ كۇنىنە دەيىن بەيجيڭدە اشىلدى. ماجىلىستە مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ شي جينپيڭنىڭ ماڭىزدى نۇسقاۋىن جەتكىزدى، مەملەكەتتىك قازىنالىق باقىلاۋ ورگانىنداعى 80 وزات كوللەكتيۆ، 45 وزات قىزمەتكەر ماداقتالىپ ـ سيلاندى.
