جۇگەرى ٴوندىرىسى ”توننالىق استىق داۋىرىنە“ قادام تاستادى

سانجى وبلىسى

جۇگەرى ٴوندىرىسى ”توننالىق استىق داۋىرىنە“ قادام تاستادى

انار بۇلت \ شينجياڭ گازەتىنىڭ ٴتىلشىسى گى يوۋجۇن، ەرىكتى ٴتىلشى ليۋ چيان

　　”2023 ـ جىلى سانجى وبلىسىندا جۇگەرىنىڭ مۋ باسىندىق ٴونىمى 915 كيلوگرام بولسا، 2024 ـ جىلى جۇگەرىنىڭ مۋ باسىندىق ٴونىمى 1018 كيلوگرامعا ارتىپ، %11 جوعارىلاپ، جۇگەرى ٴوندىرىسى ’توننالىق استىق داۋىرىنە‘ قادام تاستادى. مۇنداي كولەمدى ارتۋدى جۇزەگە اسىرۋ _ جاڭا تەحنولوگيانىڭ جانە جاڭا ۇلگىنىڭ شوعىرلى قولدانىسقا ٴتۇسىپ، ماڭىزدى تىرەك ازىرلەگەندىگىنىڭ ارقاسى“، ـ دەدى سانجى حۇيزۋ اۆتونوميالى وبلىستىق پارتكومنىڭ ورىنباسار شۋجيى، جۇڭگو اۋىل شارۋاشىلىعى عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعىنىڭ مەڭگەرۋشىسى گاۋ لەي تاياۋدا.

　　2024 ـ جىلى سانجى وبلىسى اۋىل شارۋاشىلىعىندا قۋاتتى وبلىس قۇرۋ نىساناسىن كوزدەپ، استىقتىڭ بىرلىك ٴونىمىن جوعارىلاتۋ ينجەنەرياسىن ارقاۋ ەتە وتىرىپ، جۇگەرى ەگىلگەن ٴبىر ميلليون 500 مىڭ مۋ اتىزدىڭ 750 مىڭ مۋ اتىزىندا اۆتونوميالى رايوننىڭ ٴتۇيىندى زەرتتەۋ ـ اشۋ جوسپارىنىڭ ارناۋلى نىسانى ”جوعارى تەمپەراتۋرالى قۋاڭ وڭىردە جۇگەرىنى تىعىز ەگۋ بويىنشا دالمە ـ ٴدال رەتتەۋ ـ مەڭگەرۋ شەشۋشى تەحنولوگياسىن زەرتتەۋ جانە شوعىرلى ۇلگى كورسەتۋ“ نىسانىن اتقارىپ، جۇگەرىنى تىعىز ەگۋ بويىنشا دالمە ـ ٴدال رەتتەۋ ـ مەڭگەرۋ شەشۋشى تەحنولوگياسىن قولدانۋدى جالپىلاستىرىپ، كەڭ كولەمدە جۇگەرىنىڭ ٴونىمىن جوعارىلاتۋعا تەحنولوگيالىق تىرەك ازىرلەدى.

　　جۇگەرىنى تىعىز ەگۋ بويىنشا دالمە ـ ٴدال رەتتەۋ ـ مەڭگەرۋ شەشۋشى تەحنولوگياسىن جۇڭگو اۋىل شارۋاشىلىعى عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعى استىق داقىلدارىنىڭ ٴونىمىن ارتتىرۋ شەشۋشى تەحنولوگياسى جاڭالىق اشۋ ۇجىمىنىڭ باس مامانى لي شاۋكۇن ۇجىمدى باستاپ كوپ جىل جاڭالىق اشىپ زەرتتەگەن. اتالعان تەحنولوگيا تىعىزدىقتى ارتتىرىپ ەگۋدى ٴونىمدى ارتتىرۋدىڭ نەگىزى ەتىپ، جەردى دالمە ـ ٴدال تەگىستەۋ، تۇقىمدى دالمە ـ ٴدال وراۋ، جول نۇسقاۋ ارقىلى تال ـ تالى بويىنشا دالمە ـ ٴدال تۇقىم ٴسىڭىرۋ، سۋ مەن تىڭايتقىشتى ٴبىر تۇلعالاندىرۋ، ماشينامەن دالمە ـ ٴدال جيناۋ سياقتى ”التى دالمە ـ ٴدال“ رەتتەۋ ـ مەڭگەرۋ تەحنولوگياسىن جۇيەلى شوعىرلاندىرىپ، كەشەندى شارا قولدانۋ ارقىلى، جۇگەرىنى تىعىز ەتۋدە وڭاي تۋىلاتىن جاپىرىلۋ، ماساقسىز ساباق، ەرتە سولۋ، توزىمدىلىك قۋاتى السىرەۋ سياقتى كورنەكتى ماسەلەلەردى ٴونىمدى شەشىپ، جۇگەرىنىڭ بىرلىك ٴونىمىن جوعارىلاتۋدا ٴونىمدى، مول ٴونىم الۋ جولىن اشتى. اتالعان تەحنولوگيا ىلگەرىندى ـ كەيىندى مەملەكەتتىك اۋىل شارۋاشىلىعىندا كەلەلى جەتەكشىلىك سيپاتتى تەحنولوگيا جانە مەملەكەتتىك اۋىل شارۋاشىلىعىندا باستى جالپىلاستىرىلاتىن تەحنولوگيا بولىپ تاڭدالدى، سونداي ـ اق 2023 ـ جىلى اۋىل شارۋاشىلىعى، اۋىل ـ قىستاق مينيسترلىگى جاعىنان مەملەكەتتىك جۇگەرىنىڭ بىرلىك ٴونىمىن جوعارىلاتۋ ينجەنەرياسىنداعى وزەكتى، ٴونىم ارتتىرۋ تەحنولوگياسى بولىپ باعالاندى.

　　سانجى وبلىسى _ جۇگەرىنى تىعىز ەگۋ بويىنشا دالمە ـ ٴدال رەتتەۋ ـ مەڭگەرۋ شەشۋشى تەحنولوگياسىنا ۇيلەسەتىن قولدانىس ٴوڭىرى. 2023 ـ جىلى سانجى وبلىسىنىڭ اۋىل شارۋاشىلىعى، اۋىل ـ قىستاق تاراۋلارى مەن جۇڭگو اۋىل شارۋاشىلىعى عىلىم اكادەمياسى سەلبەسىپ اتالعان تەحنولوگياعا سىناق جۇرگىزىپ، ەكى 100 مۋلىق، التى 1000 مۋلىق، ەكى 10 مىڭ مۋلىق سىناق جۇرگىزىپ ۇلگى كورسەتۋ اتىزىن قۇردى، وسىنىڭ ارقاسىندا ەڭ جوعارى بىرلىك ٴونىمى جەكە ـ جەكە 1450.6 كيلوگرامعا، 1364 كيلوگرامعا، 1278 كيلوگرامعا جەتتى. بۇل سانجى وبلىسىنىڭ 2024 ـ جىلى وسى جاڭا تەحنولوگيانى كەڭ كولەمدە جالپىلاستىرۋىنا بەرىك نەگىز قالادى.

　　استىق ساقتاۋدا تەحنولوگياعا سۇيەندى، اۋىل شارۋاشىلىعى ماشينالارى الدا جۇردى. 2024 ـ جىلى سانجى وبلىسى اۋىل شارۋاشىلىعى ماشينالارى بار وتباسىلارىن جاڭا اۋىل شارۋاشىلىعى ماشينالارىن ساتىپ الۋعا، جوعارى تىعىزدىقتاعى جۇگەرى تۇقىمىن سەبۋ ماشيناسىن جاڭالاۋعا بەلسەنە جەتەكشىلىك ىستەدى جانە شابىتتاندىردى. جوعارى تىعىزدىقتاعى جۇگەرى تۇقىمىن سەبۋ ماشيناسىن جاڭادان ساتىپ العان وتباسىلارى جونىنەن ٴاربىر ماشيناعا مەملەكەتتىڭ اۋىل شارۋاشىلىعى ماشينالارىنا بەرىلەتىن قوسىمشا قاراجات بەرۋ نەگىزىندە وبلىستىق قازىنا تاعى دا 3600 _ 2400 يۋان قوسىمشا قاراجات بەردى. بۇكىل وبلىس جوعارى تىعىزدىقتاعى جۇگەرى تۇقىمىن سەبۋ ماشيناسىنان جيىنى 600دەن استامىن جاڭادان ساتىپ الىپ جانە جاڭالاپ، جوعارى، جاڭا تەحنولوگيانىڭ ٴساتتى جالپىلاسۋىنا، قولدانىسقا تۇسۋىنە كەپىلدىك ەتتى.

　　”ٴبىز جوسپار بويىنشا 3 جىل ۋاقىت جۇمساپ، سانجى وبلىسىندا جۇگەرىنىڭ مۋ باسىندىق بىرلىك ٴونىمىن 300 _ 200 كيلوگرام ارتتىرۋعا، مۋ باسىندىق ٴونىمدى جالپى بەتتىك ٴبىر توننادان اسىرىپ، مۋ باسىندىق كىرىستى ورتا ەسەپپەن 400 _ 300 يۋان ارتتىرۋعا كۇش سالامىز“، ـ دەدى جۇڭگو اۋىل شارۋاشىلىعى عىلىم اكادەمياسى ەگىس داقىلدارى عىلىمىن زەرتتەۋ ورنىنىڭ اعا زەرتتەۋشىسى ۋاڭ كىرۋ.

　　گاۋ لەي مىنالاردى ٴبىلدىردى: جۇگەرىنى تىعىز ەگىپ جوعارى ٴونىم الۋ تۇتاس تىزبەكتى كاسىپ سالاسى ۇلگىسىن ورناتۋدى قاجەت ەتەدى، اسىرەسە، سورتتى تاڭداۋ ـ جەتىلدىرۋ، تەحنولوگيانى شوعىرلاندىرۋ سياقتى زەرتتەۋ ـ اشۋ بۋىنى تىپتەن كۇش سالۋدى قاجەت ەتەدى. جۇڭگو اۋىل شارۋاشىلىعى عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعى نازاردى نىسانعا قاتىستى زەرتتەۋ بەتالىسىنا ايرىقشا شوعىرلاندىرىپ، سانجى ەرەكشەلىگىنە يە دامۋ جەتىستىگى مەن ۇلگىسىن ورناتۋعا قۇلشىنىپ، سانجىنىڭ، اۋەلى، شينجياڭنىڭ استىق وندىرىسىنە پارمەندى عىلىم ـ تەحنولوگيالىق تىرەك ازىرلەۋدە.