ما شيڭرۇي قاشقار ايماعىندا جانە قىزىلسۋ قىرعىز اۆتونوميالى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
شينجياڭ قىزمەتى باس نىساناسىن مىقتاپ يگەرىپ، ورنىقتىلىقتى قورعاۋ، كاسىپ سالاسىن گۇلدەندىرۋ، حالىق تۇرمىسىنا تيىمدىلىك جاساۋعا قاتىستى ٴتۇرلى قىزمەتتەردى تىڭعىلىقتى ىلگەرىلەتۋ كەرەك
1 - ايدىڭ 11 - كۇنىنەن 12 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي قاشقار ايماعىندا جانە قىزىلسۋ قىرعىز اۆتونوميالى وبلىسىندا تەكسەرۋ - زەرتتەۋ جۇرگىزدى. سۋرەتتە: 1 - ايدىڭ 11 - كۇنى ما شيڭرۇي قاشقار ايماعى يىڭسار اۋدانى سيتلا اۋىلى پارشا جاڭا جەر قىستاعىنا كەلىپ، اۆتونوميالى رايوندىق پارتكوم كەڭسەسىنىڭ قىستاقتا تۇراتىن قىزمەت اترەتىندەگى كادرلارمەن ىقىلاسپەن اڭگىمەلەستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 12 ـ كۇنى يىڭساردان \ ۇلۇقشاتتان حابارلايدى. 1 ـ ايدىڭ 11 ـ كۇنىنەن 12 ـ كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي قاشقار ايماعىندا جانە قىزىلسۋ قىرعىز اۆتونوميالى وبلىسىندا تەكسەرۋ ـ زەرتتەۋ جۇرگىزىپ، ىلگەرىندى ـ كەيىندى يىڭسار اۋدانىنا، ۇلۇقشات اۋدانىنا بارىپ، نەگىزگى ساتىنى باسقارۋ، اۋدان ٴوڭىرىن دامىتۋ، حالىق تۇرمىسىن جاقسارتۋ سياقتى قىزمەتتەرگە ىشكەرىلەي تەكسەرۋ جۇرگىزدى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ جانە ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، ناقتى ىستەۋدى الدىڭعى ورىنعا قويىپ، ٴىستى ٴساتتى باستاپ تابىستى اياقتاتىپ، ورنىقتىلىقتى قورعاۋ، كاسىپ سالاسىن گۇلدەندىرۋ، حالىق تۇرمىسىنا تيىمدىلىك جاساۋ قىزمەتتەرىن تىڭعىلىقتى ويداعىداي ىستەپ، جوعارى دەڭگەيدەگى حاۋىپسىزدىك جانە جوعارى ساپالى دامۋ جاڭا ونىمدىلىگى ارقىلى وڭتۇستىك شينجياڭنىڭ باياندى تىنىشتىققا ۇزدىكسىز قادام باسۋىن ىلگەرىلەتۋ كەرەك.
ما شيڭرۇي يىڭسار اۋدانى يىڭسار قالاشىعى چۋاڭيە الەۋمەتتىك اۋماعىنا بارىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ قىزمەتى جونىندەگى تانىستىرۋدى تىڭداپ، نەگىزگى ساتى كادرلارىنان، ساقشى ىستەرى قىزمەتكەرلەرىنەن الەۋمەتتىك اۋماقتى باسقارۋ، قىزمەت وتەۋ جاعدايىن سۇراستىردى. ول بىلاي دەپ باسا دارىپتەدى: نەگىزگى ساتى الەۋمەتتىك اۋماعى باستان ـ اياق پارتيا قۇرىلىسىن كورنەكتى ورىنعا قويىپ، پارتيا ۇيىمىنىڭ ساياسي يقۋاتىن جانە ۇيىمدىق يقۋاتىن كۇشەيتىپ، باسقارۋ مەن قىزمەت وتەۋدى ٴاربىر وتباسىنا دەيىن ەگجەي ـ تەگجەيلىلەندىرىپ، ٴاربىر ادامعا دەيىن تياناقتاندىرىپ، حالىق تۇرمىسىنا يگىلىك اكەلۋ، جۇرت جۇرەگىن جىلىتۋ، جۇرت تىلەگىنە ۇيلەسۋ قىزمەتتەرىن بۇقارانىڭ كوڭىلىنە ۇيالاتۋى كەرەك.
ما شيڭرۇي قاشقار لانبيانتيان زەردەلى توقۋ شەكتى سەرىكتەستىگىنە كەلىپ، كيىم ـ كەشەك ٴوندىرۋ سەحتارىنىڭ اينالىم جاعدايىن تەكسەرىپ كورىپ، كاسىپورىننىڭ قارجى قوسۋ كولەمىن كەڭەيتىپ، شينجياڭنىڭ ەسىك اشۋ باسىمدىعىنان ويداعىداي پايدالانىپ، ورتا ازياعا، وڭتۇستىك ازياعا باعىتتالعان اناعۇرلىم ۇلكەن بازاردى كەڭەيتىپ، كاسىپورىننىڭ دامۋى ارقىلى بۇقارانى كىرىستەرىن ۇزدىكسىز ارتتىرۋعا باستاۋىن ٴۇمىت ەتتى. ما شيڭرۇي بىلاي دەپ باسا دارىپتەدى: جۇمىستانۋ ورنىقتى بولسا، وتباسى ورنىقتى بولادى، ادام كوڭىلى دە ورنىقتى بولادى. ساياساتتىق قولداۋدى، ىنتالاندىرۋدى كۇشەيتىپ، جۇمىستاندىرۋ قابىلەتى كۇشتى كاسىپ سالالارىن جانە كاسىپورىنداردى ىرگە تەبۋگە، دامۋعا زور كۇشپەن باۋراپ، قابىلداپ، جوعارى ساپالى دامۋ بارىسىن جۇمىستاندىرۋدىڭ ساپاسىن جوعارىلاتىپ، كولەمىن كەڭەيتەتىن بارىسقا اينالدىرۋ كەرەك.
ورنىقتىلىق _ باستان ـ اياق شينجياڭ قىزمەتىندەگى ماڭىزدىنىڭ ماڭىزدىسى. ما شيڭرۇي يىڭسار اۋداندىق قوعام حاۋىپسىزدىگى مەكەمەسى قالاشىق ساقشى بولىمشەسىنە كەلىپ، نەگىزگى ساتى قوعامىن باسقارۋ، اسىرەسە، حاۋىپ ـ قاتەردەن ساقتانۋ جانە ونى جويۋ قىزمەتىن تەكسەردى. ول بىلاي دەپ باسا دارىپتەدى: قالالىق، اۋداندىق قوعام حاۋىپسىزدىگى ورگاندارىنىڭ ساقشى كۇشتەرىن ساقشى بولىمشەلەرىنە دەيىن ٴتۇسىرۋىن، ساقشى بولىمشەسى ساقشى كۇشتەرىن الەۋمەتتىك اۋماققا جانە قىستاققا الدىن الا ورنالاستىرۋىن ۇزدىكسىز جەبەپ، ورنىقتىلىققا ساياتىن حاۋىپ ـ قاتەرلەردى باقىلاۋ ـ تەكسەرۋ، تۇجىرىمداۋ، ٴبىر جاقتى ەتۋ سياقتى قىزمەتتەردى ناقتىلاندىرىپ، ەگجەي ـ تەگجەيلىلەندىرىپ، ورنىقتىلىقتى قورعاۋدىڭ ٴبىرىنشى قورعانىس شەبىن شىنايى بەكەمدەۋ كەرەك. نەگىزگى ساتى قوعام حاۋىپسىزدىگى حالىق ساقشىلارىنىڭ قىزمەت دارەجەسىن جانە مامىلەسىن قامتاماسىزداندىرۋدى كۇشەيتىپ، ۇزاق ٴونىمدى مەحانيزم ورناتۋ كەرەك.
يىڭسار اۋدانى سيتلا اۋىلى پارشا جاڭاجەر قىستاعىنا كەلگەندە، ما شيڭرۇي قىستاق تۇرعىندار كوميتەتىنە كىرىپ، قىستاق تاريحى سارايىن تەكسەرىپ كورىپ، اۆتونوميالى رايوندىق پارتكوم كەڭسەسىنىڭ قىستاقتا تۇراتىن قىزمەت اترەتىندەگى كادرلارمەن ىقىلاسپەن اڭگىمەلەستى. ورنىقتىلىق نەگىزى بەكەم بە، جوق پا؟ بۇقارانىڭ كىرىسى قانداي؟ ما شيڭرۇي ٴتۇرلى جاعدايلاردى ەگجەي ـ تەگجەيلى سۇراپ، كوپشىلىكتى كەڭسە قىزمەتى باسىمدىعىن ساۋلەلەندىرىپ، باسقارۋ، قىزمەت وتەۋ جاعىندا كۇش سالىپ، كاسىپ سالاسىن دامىتۋ، شارۋالاردىڭ كىرىستەرىن ارتتىرۋىنا كومەكتەسۋ جاعىندا كوپ ٴادىس ويلاستىرىپ، جاراسىمدى، تىنىش، حالقى بايىعان، شارۋاشىلىعى گۇلدەنگەن كورىكتى اۋىل ـ قىستاق قۇرۋعا جىگەرلەندىردى. ول بىلاي دەدى: نەگىزگى ساتى قىزمەتىنىڭ تەتىگى ناقتى بولۋىندا. مەيلى ورنىقتىلىقتى قورعاۋ، جۇمىستاندىرىپ كىرىستى ارتتىرۋ، الدە ىنتىماقتى كۇشەيتۋ بولسىن، تۇگەلدەي تۇتقانى دالمە ـ ٴدال تاۋىپ، جەرگىلىكتى جاعدايعا قاراي ٴتۇرلى قىزمەتتەردى ىشكەرىلەي، ناقتى ىستەپ، تاباندىلىقپەن يگەرىپ ناتيجە شىعارۋ كەرەك. ما شيڭرۇي شارۋا وتباسىلارىنا بارىپ، باعىمشىلىق ارقىلى كىرىستى ارتتىرۋ ونىمدىلىگىن تەكسەرىپ كورىپ، وتباسى تۇرمىسى، پەرزەنتتەردىڭ تاربيەلەنۋ جاعدايلارىن مۇقيات ۇعىستى. ول بىلاي دەدى: باس شۋجي شي جينپيڭ شينجياڭنىڭ دامۋىنا ايرىقشا كوڭىل بولەدى، ٴار ۇلت بۇقاراسىن ەسىنەن شىعارمايدى، ٴبىز ىقىلاستى تاپسىرمانى ەستە بەرىك ساقتاپ، تۇرمىسىمىزدى جاقسارتىپ، بالالاردى جاقسى تاربيەلەپ، كۇرەس جاساۋ ارقىلى اناعۇرلىم تاماشا تۇرمىس وتكىزۋىمىز كەرەك.
يىڭسار اۋدانى ماڭشين قالاشىعى شاقىرقۇي قىستاعى _ الىس ـ جاقىنعا اتى ايگىلى ”قىش بۇيىمدار قىستاعى“. ما شيڭرۇي قىستاققا كەلىپ، قىش بۇيىمدارىن ورتەپ جاساۋ شەبەرلىگى بەيزاتتىق مادەنيەت مۇرالارىن جالعاستىرۋشىلاردىڭ سول جەردىڭ وزىندە جاساۋى بارىسىن جانە ونىمدەر كورمەسىن تەكسەرىپ كورىپ، ولاردى باعالى شەبەرلىكتەرىن جالعاستىرىپ، اسقاقتاتا تۇسۋگە جىگەرلەندىرىپ، قاتىستى جولداستارعا مادەنيەت پەن ساياحاتتى توعىستىرۋدى ىشكەرىلەي ىلگەرىلەتىپ، قىش بۇيىمدارى، يىڭسار باكىسى سياقتى ەرەكشە بەيزاتتىق مادەنيەت مۇرالارىن اناعۇرلىم كورنەكتى ەتىپ تۇلعالاپ، اۋىل ـ قىستاقتى گۇلدەندىرۋگە اناعۇرلىم ويداعىداي قۋات ۇستەۋدى تاپسىردى.
ۇلۇقشات اۋدانىندا ما شيڭرۇي ۇلۇقشات شەكارا ساقشى بولىمشەسىنە ارنايى بارىپ، شەكارا قورعاۋ حالىق ساقشىلارىنا امانداسىپ، قورعانىس ورنالاسىمى، شارلاۋ، ورنالاستىرۋ، قولباسشىلىق ەتۋ سياقتى قىزمەتتەردى تەكسەرىپ، ادام كۇشى، زات كۇشى، تەحنولوگيالىق كۇش ارقىلى ساقتانۋدى ۇشتاستىرىپ، سىرتتان كىرەتىن حاۋىپ ـ قاتەرلەردەن قاتاڭ ساقتانىپ، شەكارا قورعاۋشىلارى قوسىنىن كۇشەيتىپ قۇرىپ جانە ودان ويداعىداي پايدالانىپ، شەكارا وتكەلىنىڭ ورنىقتىلىعىن، بۇقارانىڭ اماندىعىن شىن مانىندە ويداعىداي قورعاۋدى باسا دارىپتەدى.
سوڭىنان ما شيڭرۇي تەڭىز دەڭگەيىنەن بيىكتىگى 3000 مەتردەن اساتىن تاۋلى رايونعا كەلىپ، ساۋياردى التىن كەنىن اشۋ قىزمەتىنە تەكسەرۋ ـ زەرتتەۋ جۇرگىزدى. ول قىزمەت تانىستىرۋىن مۇقيات تىڭدادى ٴارى ىلگەرىندى ـ كەيىندى شينجياڭ زىجين سەرىكتەستىگىنىڭ كەن اشۋ، كەن تاڭداۋ، قورىتۋ ٴتۇرلى جۇمىس كەزەڭدەرىنىڭ جاعدايىن تەكسەرىپ، كاسىپورىننىڭ كولەمدى كەڭەيتىپ، ونىمدىلىكتى جوعارىلاتىپ، مەملەكەت ستراتەگياسىنا اناعۇرلىم ويداعىداي قىزمەت وتەۋىن، ٴوڭىردىڭ دامۋىنا قولداۋ كورسەتۋىن ٴۇمىت ەتتى. ما شيڭرۇي بىلاي دەپ باسا دارىپتەدى: جەر ـ جەردىڭ ٴتۇرلى بايلىق ارتىقشىلىعىنا تىعىز سۇيەنىپ، وڭتۇستىك شينجياڭنىڭ ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، ٴوڭىردىڭ دامۋىنا تىرەك بولۋ كۇشىن، جەتەكتەۋ كۇشىن ۇزدىكسىز جوعارىلاتۋ كەرەك.
ما شيڭرۇي تەكسەرۋ ـ زەرتتەۋ جۇرگىزۋ بارىسىندا بىلاي دەپ باسا دارىپتەدى: دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، حاۋىپ ـ قاتەردەن ساقتانۋ، نەگىز قالاۋ، حالىق تۇرمىسىنا تيىمدىلىك جاساۋ، ۇزاق بولاشاققا پايدا جەتكىزۋ قىزمەتتەرىن تاباندىلىقپەن ويداعىداي يگەرۋ كەرەك. تيتتەي دە بوساڭسىماي قوعام ورنىقتىلىعىن قورعاۋدى ماڭداي الدى ورىنعا قويىپ، قىزمەت كۇشتەرىنىڭ ٴبىرىنشى شەپكە ٴتۇسۋىن ۇزدىكسىز ىلگەرىلەتىپ، پارتيا ۇيىمى باسشىلىعىنداعى نەگىزگى ساتىنى باسقارۋ جۇيەسىن اقاۋسىزداندىرىپ، حاۋىپ ـ قاتەردى قاينارىنان جونگە سالۋدى كۇشەيتىپ، قوعام جاراسىمدى، ورنىقتى، بۇقارا تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى بەكەمدەۋ كەرەك. ۇزدىكسىز كاسىپ سالاسىن كۇشەيتىپ، جۇمىستاندىرۋدى جەبەپ، ساياسات، بايلىق سياقتىلاردىڭ كاسىپ سالاسى نەگىزى ٴالسىز اۋداندارعا، قالالارعا ويىسۋىن جەبەپ، ٴتۇرلى ەرەكشەلىككە يە اۋدان ٴوڭىرى ەكونوميكاسىن زور كۇشپەن دامىتىپ، اۋىل شارۋاشىلىعىندا قۋاتتى اۋدانداردى، ونەركاسىپتە ٴىرى اۋدانداردى، ساياحاتتا ايگىلى اۋدانداردى كۇش سالا جەتىلدىرىپ، جەرگىلىكتى جاعدايعا قاراي اۋىل ـ قىستاقتاردا حالىقتى بايىتۋ كاسىپ سالالارىن دامىتىپ، شارۋالاردىڭ كىرىستەرىن ارتتىرۋ ارناسىن كەڭەيتىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، اۋىل ـ قىستاقتىڭ جاپپاي گۇلدەنۋىن جەبەۋ كەرەك. ناقتى ىستەۋدى ماڭداي الدى ورىنعا قويۋعا، قايراتتانا ٴىس تىندىرۋعا تاباندى بولىپ، باسشى كادرلاردىڭ جوعارى ساپالى دامۋدى ىلگەرىلەتۋ، بۇقاراعا قىزمەت وتەۋ، حاۋىپ ـ قاتەرلەردەن ساقتانۋ جانە ونى جويۋ قابىلەتىن ۇزدىكسىز نىعايتىپ، شىندىققا جۇگىنىپ ناقتى ٴىس ىستەپ، شىنايى يگەرىپ ناقتى ىستەپ، شەگە قاعۋ رۋحىمەن ٴتۇيىندى مىندەتتەردىڭ تياناقتانىپ ونىمدىلىك كورسەتۋىن جەبەۋ كەرەك.
ما شيڭرۇي بىلاي دەپ باسا دارىپتەدى: كونە جىلدىڭ سوڭى مەن جاڭا جىلدىڭ باسىنداعى قىزمەتتەردى تىڭعىلىقتى، ويداعىداي ىستەۋ كەرەك، ٴار دارەجەلى باسشى كادرلار نەگىزگى ساتىعا، بۇقارا اراسىنا ىشكەرىلەي بارىپ، شىن مانىندە بۇقاراعا ناقتى ٴىس ىستەپ، قيىن ىستەردى شەشىپ، حالىق تۇرمىسىن قامتاماسىزداندىرۋ قىزمەتىن ەگجەي ـ تەگجەيلى، تىڭعىلىقتى ىستەۋى كەرەك. ٴتۇرلى سالالارداعى ەلەۋلى حاۋىپ ـ قاتەرلەردەن، كومەسكى كىناراتتاردان ساقتانۋدى جانە ونى ويداعىداي جويۋدى ٴبىر تۇتاس جوسپارلاپ، ٴوندىرىس حاۋىپسىزدىگىن كورنەكتىلەندىرە مىقتى يگەرىپ، ٴتۇرلى جاراتىلىستىق اپاتتاردى باقىلاۋ، ولشەۋ، ساقتانۋ جانە شۇعىل جاعدايعا توتەپ بەرۋ، ٴبىر جاقتى ەتۋ دايىندىقتارىن ويداعىداي ىستەۋ كەرەك. ”14 ـ بەسجىلدىق“ جوبانىڭ ٴتۇرلى نىسانا ـ مىندەتتەرىن تىڭعىلىقتى ىلگەرىلەتىپ، ”15 ـ بەسجىلدىق“ جوبانىڭ الدىڭعى مەزگىلىندەگى زەرتتەۋ، جوسپارلاۋ قىزمەتتەرىن ويداعىداي ىستەپ، اناعۇرلىم كوتەرىڭكى رۋحاني كۇيمەن جانە ەكپىندەي ىلگەرىلەگەن بەينەمەن شينجياڭنىڭ ٴتۇرلى ىستەرىنىڭ جاڭا جاعدايىن اشۋ كەرەك.
