2024 ـ جىلى بۇكىل شينجياڭداعى اۋەجايلاردىڭ جولاۋشى قابىلداۋ ـ جونەلتۋ مولشەرى 48 ميلليون ادامنان (رەت) استى
سايكەس مەزگىلدەگىدەن %18.4 ارتتى
انار بۇلت \ شينجياڭ گازەتىنىڭ ٴتىلشىسى ما ينيڭ 1 ـ ايدىڭ 12 ـ كۇنى ۇرىمجىدەن حابارلايدى. 2024 ـ جىلى بۇكىل شينجياڭدا قاتىنايتىن مەرزىمدى اۋە جەلىسى جيىنى 547گە جەتتى، مۇنىڭ ىشىندە حالىقارالىق جانە وڭىرلىك جولاۋشى تاسىمال اۋە جەلىسى 28. العاشقى ەسەپتەۋگە قاراعاندا، بۇكىل شينجياڭداعى 27 تاسىمال اۋەجايى 48 ميلليون 485 مىڭ ادام (رەت) قابىلداعان ـ جونەلتكەن، 302 مىڭ توننا جۇك ـ پوچتا جولدامالارىن قابىلداعان ـ جونەلتكەن، 563 مىڭ كەزەك ۇشاق ۇشىپ ـ قونعان، بۇل سايكەس مەزگىلدەگىدەن جەكە ـ جەكە %18.4، %47.5، %14.7 ارتقان، كۇندىك جانە تۇتاس جىلدىق تاسىمال مولشەرى تۇگەلدەي تاريحتاعى جاڭا دەڭگەيگە جەتكەن.
2024 ـ جىلى ٴۇرىمجى حالىقارالىق اۋەجايى 27 ميلليون 765 مىڭ 700 جولاۋشى (رەت) قابىلدادى ـ جونەلتتى، 235 مىڭ 900 توننا جۇك ـ پوچتا جولدامالارىن قابىلدادى ـ جونەلتتى، 188 مىڭ 700 كەزەك ۇشاقتىڭ ۇشىپ ـ قونۋىنا كەپىلدىك ەتتى، بۇل سايكەس مەزگىلدەگىدەن جەكە ـ جەكە %10.7، %52.1، %6.8 ارتتى. بىلتىر جىل باسىنان بەرى ٴۇرىمجى حالىقارالىق اۋەجايى اۋە جەلىسى تورى ورنالاسىمىن ٴۇرتىس ساپالىلاندىرىپ، قاتىنايتىن مەرزىمدى جولاۋشى، جۇك تاسىمال اۋە جەلىسى 240قا جەتتى. مۇنىڭ ىشىندە، قاتىنايتىن حالىقارالىق مەرزىمدى جولاۋشى تاسىمال اۋە جەلىسى 26عا جەتىپ، ورتا ازيا، باتىس ازيا، ەۆروپا قاتارلى جەرلەردەگى كوپتەگەن ەلدەرگە جانە رايوندارعا قاتىنادى؛ قاتىنايتىن ەل ىشىندەگى مەرزىمدى جولاۋشى تاسىمال اۋە جەلىسى 207 بولىپ، بۇكىل ەلدەگى ٴارقايسى ۇلكەن قالالاردى قامتىدى. مۇنان سىرت، جۇك تاسىمال اۋە جەلىسىن بەلسەنە كەڭەيتتى، قاتىنايتىن ەل ٴىشى ـ سىرتىنداعى مەرزىمدى جۇك تاسىمال جەلىسى 7گە جەتىپ، شينجياڭنىڭ سىرتقى ساۋداسى مەن ەكونوميكالىق دامۋىنا پارمەندى تىرەك ازىرلەدى.
2024 ـ جىلى جيىنى شينجياڭ سىرتىنداعى 71 قالا جانە شينجياڭ ىشىندەگى 21 قالا ۇرىمجىمەن اۋە قاتىناسى بايلانىسىن ورناتتى، قابىلداعان ـ جونەلتكەن جولاۋشىلار قۇرىلىمىنان قاراعاندا، بەيجيڭ، چىڭدۋ، شاڭحاي، شي ـ ان، جىڭجوۋ، قاشقار، حوتان، قۇلجا، اقسۋ، كۇشار قاتارلى جەرلەردەگى جولاۋشىلار اعىنى الدىڭعى ورىندا بولىپ، قابىلداعان ـ جونەلتكەن جولاۋشى مولشەرىنىڭ %46.8ىن يەلەدى. حالىقارالىق جاقتا، ۇرىمجىمەن اۋە قاتىناسى بايلانىسىن ورناتقان قالا 22گە جەتىپ، ورتا ازيا، باتىس ازيا قاتارلى جەرلەردەگى جولاۋشىلار نەگىزگى سالىستىرمانى يەلەدى.
قابىلداعان ـ جونەلتكەن جولاۋشى مولشەرى ٴۇرتىس ارتۋمەن بىرگە، ٴۇرىمجى حالىقارالىق اۋەجايىنىڭ قابىلداعان ـ جونەلتكەن جۇك ـ پوچتا جولدامالارى دا بارىنشا ارتىپ، 235 مىڭ 900 توننا جۇك ـ پوچتا جولدامالارىن قابىلدادى ـ جونەلتتى. مۇنىڭ ىشىندە، 195 مىڭ 700 توننا ەل ٴىشى جۇك ـ پوچتا جولدامالارىن قابىلدادى ـ جونەلتتى، 40 مىڭ 200 توننا حالىقارالىق جۇك ـ پوچتا جولدامالارىن قابىلدادى ـ جونەلتتى، بۇل سايكەس مەزگىلدەگىدەن جەكە ـ جەكە %32، %486.8 ارتتى.
