انار بۇلت \ شينجياڭ گازەتىنىڭ ٴتىلشىسى شى شين 1 ـ ايدىڭ 12 ـ كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، بيىل شينجياڭ دامۋ، رەفورما سالاسىنداعى 12 ٴتۇرلى ٴتۇيىندى مىندەتتى ىلگەرىلەتۋدى ارقاۋ ەتىپ، جوعارى ساپالى دامۋدىڭ ٴىس جۇزىندىك ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتەدى ەكەن.
12 ٴتۇرلى ٴتۇيىندى مىندەت مىنالار: ٴتۇسىنىپ يگەرۋدى جانە كادەگە جاراتىپ پايدالانۋدى ٴبىر تۇتاس جوسپارلاپ، ٴتۇرلى ساياساتتىڭ قاباتتاسىپ ونىمدىلىكتى ارتتىرۋىن، ناقتاپ تياناقتانۋىن جەبەۋ؛ الداعى كەزدى جانە ۇزاق بولاشاقتى ٴبىر تۇتاس جوسپارلاپ، جوسپارداعى نىسانانى، ەكونوميكالىق كورسەتكىشتى جىلدىق جوبا جاساۋمەن ۇشتاستىرىپ، ”14 ـ بەسجىلدىق“ جوبانى ويداعىداي اياقتاتىپ، ”15 ـ بەسجىلدىق“ جوبانى ويداعىداي جۇيەلى جوسپارلاۋ؛ تۇتىنۋ مەن قارجى قوسۋدى ٴبىر تۇتاس جوسپارلاپ، قالانى جاڭالاۋ، ونەركاسىپتى دامىتۋ، مادەنيەت ساياحاتى، ”قارتتار مەن بالالار“، زات اينالىمى نەگىزدىك قۇرىلعىلارى سياقتى قارجى قوسۋدى ۇلعايتاتىن ٴارى تۇتىنۋدى جەبەيتىن، ودان دا ماڭىزدىسى، مەجەنى ورنىقتىراتىن ۇشتاسۋ تۇيىندەرىن ىشكى سۇرانىستى ۇلعايتۋدىڭ ماڭىزدى ٴتۇيىنى ەتىپ، قامداۋ مەن قاجەتسىنۋ سىندى ەكى جاققا سايكەسە كۇش سالىپ، ٴبىرىن ـ ٴبىرى جەبەيتىن ۇنامدى اينالىم قالىپتاستىرۋ؛ وزىندىك دامۋ مەن مەملەكەتتىڭ جالپى جاعدايىن ٴبىر تۇتاس جوسپارلاپ، باتىس بولىك وڭىرلەردىڭ ىنتالاندىرۋ تۇرىندەگى جاڭا نۇسقاداعى كاسىپ سالا تىزىمدىگىن مۇقيات زەرتتەپ، تياناقتاندىرىپ، ٴوز ارتىقشىلىعىمەن ۇشتاستىرىپ، ”ون ٴىرى كاسىپ سالاسى شوعىرىن“ جەدەل قۇرىپ، سۋتەگى ەنەرگياسى، زەردەلى ەسەپتەۋ، تومەن كەڭىستىك ەكونوميكاسى سياقتى بولاشاق كاسىپ سالالارىن تارتىپپەن دامىتىپ، مەملەكەتتىڭ ساياساتىنا سايكەسۋ بارىسىندا ەرەكشەلىككە يە، باسىمدىققا يە كاسىپ سالالارىن جەتىلدىرۋ، زورايتۋ؛ ىشتە پايدالانۋ مەن سىرتقا جەتكىزۋدى ٴبىر تۇتاس جوسپارلاپ، ٴتۇرلى كاسىپورىنداردىڭ ٴبىر تۇلعالى دامۋىن نەگىزگى تۇتقا ەتە وتىرىپ، ەنەرگيا سىندى بۇيدانى جان ـ جاقتى مىقتاپ يگەرىپ، كومىردەن تازا، جوعارى ٴونىمدى پايدالانۋدى، مۇنايدىڭ، گازدىڭ قورىن مولايتىپ، ٴونىمىن جوعارىلاتۋدى، جاڭا تيپتەگى ەلەكتر كۇشى جۇيەسى قۇرىلىسىن زور كۇشپەن ىلگەرىلەتىپ، شينجياڭنىڭ ەنەرگيا سەنىمىن نىعايتۋ؛ كولەم مەن ونىمدىلىكتى ٴبىر تۇتاس جوسپارلاپ، ٴوندىرىس قۋاتىنىڭ ٴونىم مولشەرىنەن ماڭىزدى ەكەندىگىنە، ساپانىڭ كولەمنەن ۇستەم تۇراتىندىعىنا، ەرەكشەلىكتىڭ قاراپايىمدىلىقتان ابزال ەكەندىگىنە باسا ٴمان بەرىپ، استىق شارۋاشىلىعىنىڭ ”ەگۋ، باعۋ، ساقتاۋ، تاسىمالداۋ، ساتۋ، وڭدەۋ“ جالپى بارىسىنىڭ دامۋىن ىلگەرىلەتىپ، اۋىل شارۋاشىلىق ونىمدەرىن جىنتىكتەي وڭدەۋدى قارقىندى دامىتىپ، استىق حاۋىپسىزدىگىنىڭ نەگىزىن جالپى بەتتىك بەكەمدەۋ؛ تۋراشىلدىقتان اينىماۋ مەن جاڭالىق اشۋدى ٴبىر تۇتاس جوسپارلاپ، كەلەلى رەفورما شارالارىن ويداعىداي تياناقتاندىرىپ، بۇكىل ەلدىڭ ٴبىر تۇتاس ۇلكەن بازارىنا قىزمەت وتەپ جانە توعىسىپ، شارۋاشىلىق ـ ساۋدا ورتاسىن ساپالىلاندىرۋ ارقىلى كاسىپورىنداردى باۋراپ، ساۋداگەر شاقىرىپ، رەفورمانى تەرەڭدەتۋدى قىزمەتتى جاقسارتۋدىڭ، تۇزىمدىك قۇرىلىستى ىلگەرىلەتۋدىڭ ناقتى امالياتىنا شىن مانىندە اينالدىرۋ؛ ەسىك اشۋ مەن حاۋىپسىزدىكتى ٴبىر تۇتاس جوسپارلاپ، 4 ـ رەتكى ”ٴبىر بەلدەۋ، ٴبىر جول“ قۇرىلىسى قىزمەتى اڭگىمە ٴماجىلىسىنىڭ رۋحىن مۇقيات دايەكتىلەندىرىپ، جىبەك جولى ەكونوميكالىق بەلدەۋى وزەكتى رايونىن جوعارى ساپالى قۇرىپ، ٴتۇيىندى ەسىك اشۋ تۇعىرلارى اينالىمىنىڭ ساپاسىن، ونىمدىلىگىن جوعارىلاتىپ، ”شاقىرىپ اكەلۋدى“، ”سىرتقا شىعارۋدى“ ٴبىر تۇتاس ويداعىداي جوسپارلاپ، ەسىك اشۋ ارقىلى رەفورمانى، دامۋدى جەبەپ، توسقاۋىلداردى بۇزىپ، دامۋدىڭ جاڭا باسىمدىعىن سومداۋ؛ ولقىلىقتاردى تولىقتاۋ مەن باسىمدىقتى ساۋلەلەندىرۋدى ٴبىر تۇتاس جوسپارلاپ، تارىمدى اينالعان ەكونوميكالىق بەلدەۋدىڭ دامۋىن جەتەكشى ەتىپ، وڭتۇستىك شينجياڭدا 10 ميلليارد يۋان دارەجەلى كەلەلى كاسىپ سالاسى نىسانىن ىشكەرىلەي اتقارىپ، وڭتۇستىك شينجياڭنىڭ جوعارى وقۋ ـ اعارتۋىنىڭ دامۋىن قولداپ، قالا ـ قالاشىقتانۋ دەڭگەيىن جوعارىلاتىپ، وڭتۇستىك شينجياڭنىڭ دامۋىنىڭ جاڭا ارتۋ ۇيەگىن كۇش سالا جەتىلدىرۋ؛ جوعارى ساپالى دامۋ مەن جوعارى دەڭگەيدە قورعاۋدى ٴبىر تۇتاس جوسپارلاپ، كومىر قىشقىل گازىن شىعارۋدى جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، ەنەرگيا ۇنەمدەۋ قىزمەتىن ۇزدىكسىز ويداعىداي ىستەپ، ەكولوگيانى قورعاۋ، قالپىنا كەلتىرۋ كەلەلى ينجەنەريالىق قۇرىلىستارىن جەدەلدەتىپ، اينالمالى ەكونوميكانى زور كۇشپەن دامىتىپ، كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتۋ؛ دامۋ مەن حالىق تۇرمىسىن ٴبىر تۇتاس جوسپارلاپ، جۇمىستاندىرۋدى الدىڭعى ورىنعا قويۋعا تاباندى بولىپ، الەۋمەتتىك قىزمەت وتەۋ دەڭگەيىن ۇزدىكسىز جوعارىلاتىپ، ٴتۇيىندى حالىق تۇرمىسى ينجەنەريالارىن جەدەل سالىپ، ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋدى، باعاسىن ورنىقتىرۋدى ويداعىداي ىستەپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ؛ ساقتانۋ مەن ٴبىر جاقتى ەتۋدى ٴبىر تۇتاس جوسپارلاپ، ەكونوميكانىڭ حاۋىپسىزدىك قورعانىس شەبىن بەكەمدەۋدى جەدەلدەتىپ، ەنەرگيامەن قامداۋدى قامتاماسىز ەتۋ جانە ٴوندىرىس حاۋىپسىزدىگى قابىلەتىن جوعارىلاتىپ، كومەسكى حاۋىپ ـ قاتەرلەردى عىلمي تۇجىرىمداپ، ەرتە باستان، بولماشى ىستەردەن باستاپ يگەرىپ، الدىن الا ساقتانىپ، جۇيەلىك سيپاتتى حاۋىپ ـ قاتەر تۋىلماۋ تومەنگى شەگىن مىقتى ساقتاۋ كەرەك.
