انار بۇلت \ شينجياڭ گازەتىنىڭ ٴتىلشىسى سو رۇڭجى 1 ـ ايدىڭ 12 ـ كۇنى ۇرىمجىدەن حابارلايدى. تاياۋدا كاسىپورىنداردىڭ كوشۋدى تىزىمگە الدىرۋ ”ٴبىر ٴىسى“ رايونىمىزدا تياناقتانىپ ىسكە قوسىلدى. كاسىپورىنداردىڭ كوشۋدى تىزىمگە الدىرۋىنا قاتىستى ىستەرىنىڭ جالپى بارىسىن توراپتا ٴبىتىرۋ جۇزەگە استى. وتكەندەگىمەن سالىستىرعاندا، ٴبىتىرۋ ۋاقىتى 19 قىزمەت كۇنىنەن 15 قىزمەت كۇنىنە قىسقارىپ، ٴبىتىرۋ كەزەڭى التىدان بىرگە قىسقارىپ، شاپقىلاۋ رەت سانى التى رەتتەن ٴبىر رەتكە ازايىپ، تاپسىرىلاتىن ماتەريال 16 پارشادان 12 پارشاعا ازايدى.
بۇرىن كاسىپورىنداردىڭ كوشۋى كوپتەگەن قيىن ماسەلەلەرگە ٴدوپ كەلەتىن، مىسالى، ”كوپ ٴبولىمنىڭ باس ـ باسىنا بىتىرۋىنەن“ تۋىنداعان كوشۋ ٴتارتىبى كۇردەلى بولۋ، ”ٴداستۇرلى ينتەرنەت جەلىسىنەن تىسقارى ٴبىتىرۋ ۇلگىسى“ اكەلگەن كوشۋ اقىرىن بولۋ سياقتى ماسەلەلەر. كوشۋدى تىزىمگە الدىرۋدى بىتىرۋدە كاسىپورىن كوشىپ باراتىن جەر مەن كوشىپ شىعاتىن جەر اراسىندا ارى ـ بەرى شاپقىلاپ، كوشۋ ارحيۆىن الۋدى ٴوتىنىش ەتۋ، ارحيۆتى پوچتامەن جولداۋ، كوشىپ كىرۋدى تىزىمگە الدىرۋ سياقتى كوپتەگەن جۇمىستاردى بىتىرەتىن.
كاسىپورىنداردىڭ كوشۋدى تىزىمگە الدىرۋداعى ”ارلى ـ بەرلى شاپقىلاۋ“ ماسەلەسىن شەشۋ ٴۇشىن، 2024 ـ جىلعى 1 ـ توپتاعى 13 ٴتۇيىندى ٴىس نەگىزىندە، 2024 ـ جىلى 7 ـ ايدا مەملەكەتتىك كەڭەس كەڭسەسى «”ٴبىر ٴىستى جوعارى ونىمدىلىكپەن ٴبىتىرۋ “ 2024 ـ جىلعى جاڭا ٴبىر توپ ٴتۇيىندى ىستەر ٴتىزىمىن» باسىپ تاراتتى، بۇعان جاڭادان 8 ٴتۇيىندى ٴىس قوسىلدى، مۇندا كاسىپورىنداردىڭ كوشۋدى تىزىمگە الدىرۋ ”ٴبىر ٴىسى“ دە قامتىلعان.
2024 ـ جىلى 11 ـ ايدىڭ 8 ـ كۇنى اۆتونوميالى رايوندىق بازاردى باقىلاۋ ـ باسقارۋ مەكەمەسى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىمەن، تۇرعىن ٴۇي جانە قالا، اۋىل قۇرىلىسى مەڭگەرمەسىمەن، سيفرلاندىرا دامىتۋ مەكەمەسىمەن، سالىق ىستەرى مەكەمەسىمەن بىرلەسىپ «اۆتونوميالى رايوننىڭ كاسىپورىنداردىڭ كوشۋىن تىزىمگە الدىرۋ ”ٴبىر ٴىسى“ كاسىبىن جوعارى ٴونىمدى ٴبىتىرۋ قىزمەت جوباسىن» باسىپ تاراتىپ، كاسىپورىننىڭ كوشىپ كىرۋدى ٴوتىنىش ەتۋ، كاسىپورىنداردىڭ ينفورماتسيانى وزگەرتىپ تىزىمگە الدىرۋى، سالىق ىستەرىن باسقاراتىن ورگاندار، سونداي ـ اق ٴبولىم ـ بولىمشەلەردى ورنالاستىرۋ، جەكە ەسەپ ٴنومىرىن پەشەتتەۋ، ىسكە قوسۋ، مەكەمە ـ ورىندى ساقتاۋدى تىزىمگە الدىرۋ، كاسىپورىننىڭ قوعامدىق قامسىزداندىرۋىن تىزىمگە الدىرۋدى كوشىرۋدى ٴوتىنىش ەتۋ سىندى بايلانىس سيپاتى كۇشتى، ٴبىتىرۋ مولشەرى زور، ٴبىتىرۋ ۋاقىتى ٴبىرشاما شوعىرلى بىرلەسىپ بىتىرىلەتىن التى ٴىس جوعارى ونىمدىلىكپەن بىرىكتىرىلىپ، شوعىرلى بىتىرىلەدى.
قازىر كاسىپورىنداردىڭ كوشۋىن جوعارى ونىمدىلىكپەن ٴبىتىرۋ ارناۋلى اۋماعى شينجياڭ ۇكىمەتتىك قىزمەت وتەۋ سايتىندا جەلىگە قوسىلدى، كاسىپورىندار شينجياڭ ىشىندە كوشۋدى تىزىمگە الدىرعاندا كوشىپ باراتىن جەرىنىڭ ورگانىنا بارىپ تىكەلەي بىتىرەدى، كوشىپ كىرۋ ارحيۆىن الدىرۋ حاتىن اشتىرۋىنىڭ جانە كوشىپ شىعاتىن جەرگە بارىپ كاسىپورىن ارحيۆىن الۋىنىڭ قاجەتى جوق، بۇل كاسىپورىنداردىڭ بۇرىنعى كەزدەردەگى كوشكەندە ”ەكى جاققا شاپقىلاۋ“ ماسەلەسىن شىن مانىندە شەشىپ، كوشۋدى تىزىمگە الدىرۋدىڭ تۇزىمدىك وزىندىك قۇنىن ازايتتى.
اۆتونوميالى رايوندىق بازار باقىلاۋ، باسقارۋ مەكەمەسىنىڭ قاتىستى جاۋاپتىسى بىلاي دەپ تانىستىردى: رايونىمىز نازاردى ۇزدىكسىز ”ٴبىر ٴىستى جوعارى ونىمدىلىكپەن ٴبىتىرۋ“ رەفورما نىساناسىنا شوعىرلاندىرىپ، ٴارقايسى تاراۋلاردى سايكەستى، بىرلەسىپ قيمىلداۋ رولىن ساۋلەلەندىرۋگە بەلسەنە ۇيىمداستىرىپ، ”ٴبىر ٴىستى“ ٴبىتىرۋ بۋىندارىن، ٴتارتىبىن جانە ماتەريالىن ونان ارى كەمەلدەندىرەدى، ساپالىلاندىرادى. سونىمەن بىرگە، قولدانۋ جاعدايىن ۇزدىكسىز كەڭەيتىپ، ۇگىتتەۋدى، جالپىلاستىرۋدى كۇشەيتىپ، اناعۇرلىم كوپ كاسىپورىنعا، بۇقاراعا ”ٴبىر ٴىس“ رەفورماسى اكەلگەن قولايلىلىقتى جانە جوعارى ٴونىمدى سەزىندىرەدى.
