انار بۇلت \ شينجياڭ گازەتىنىڭ ٴتىلشىسى جاڭ تيڭ 1 ـ ايدىڭ 13 ـ كۇنى ۇرىمجىدەن حابارلايدى. ”ٴتورت قابىلەتتى“ شىڭداپ، امالياتتا ايگىلەپ، شينجياڭ حيكاياسىن ويداعىداي باياندايىق. ورتالىق كوميتەت ۇگىت ٴبولىمىنىڭ ٴبىر تۇتاس ورنالاستىرۋى بويىنشا، 1 ـ ايدىڭ 14 ـ كۇنى شينجياڭ گازەتى مەكەمەسى (توبى) ”كوكتەم مەرەكەسىندە نەگىزگى ساتىنى ارالاۋ“ اتىنداعى جالپىلىق مەديالاردىڭ كولەمدى حابارلاۋ قيمىلىن باستادى، قيمىل 2 ـ ايدىڭ 12 ـ كۇنىنە دەيىن جالعاسادى.
2025 ـ جىل _ ”14 ـ بەسجىلدىق“ جوبا اياقتالاتىن جىل ٴارى اۆتونوميالى رايون قۇرىلعاندىعىنىڭ 70 جىلدىعى. شينجياڭ گازەتى مەكەمەسى (توبى) سەنىمدى كۇشەيتۋ، جۇرت تىلەگىن ۇيىستىرۋ، جۇرت جۇرەگىن جىلىتۋدى ارقاۋ ەتىپ، ”كوكتەم مەرەكەسىندە نەگىزگى ساتىنى ارالاۋ“ قيمىلىن ورىستەتۋدى دەن قويا ۇيىمداستىردى. بۇگىننەن باستاپ شينجياڭ گازەتى مەكەمەسى (توبى) جالپىلىق مەدياسىنداعى 100 ٴتىلشى جانە رەداكتور جوعارى، جاڭا تەحنولوگيا، جابدىق جاساۋ، مەملەكەت دارەجەلى جاڭالىق اشۋ تۇعىرى قاتارلى ٴتۇيىندى كاسىپتەرگە، ٴتۇيىندى سالالارعا ىشكەرىلەي بارىپ تەكسەرۋ ـ زەرتتەۋ جۇرگىزىپ، تىلشىلىك ىستەپ، جاڭاشا وندىرگىش كۇشتىڭ جوعارى ساپالى دامۋعا تاسقىنداعان قوزعالىس قۋات ۇستەگەن جاندى حيكايالارىن باياندايدى؛ شينجياڭ ەلەكترىن چۇڭچيڭگە جەتكىزۋ، تيانشان جەڭىس تۋنەلى سياقتى كەلەلى ينجەنەريا قۇرىلىس ورىندارىنا ىشكەرىلەي بارىپ، كوكتەم مەرەكەسى كەزىندەگى قۇرىلىس ورنىنداعى دۋماندى حيكايالاردى باياندايدى؛ وڭتۇستىك، سولتۇستىك شينجياڭداعى شەكارا وڭىرلەرگە، اۋىل ـ قىستاقتى گۇلدەندىرۋدە ٴتۇيىندى سۇيەمەلدەنەتىن، كومەك بەرىلەتىن اۋدان سياقتى جەرلەرگە ىشكەرىلەي بارىپ ساپار ۇلگىسىندە حابارلاپ، اۋىل ـ قىستاقتى گۇلدەندىرۋدىڭ جاندى حيكايالارىن باياندايدى؛ قاتىناس ـ تاسىمال سالاسىنداعى قىزمەتكەرلەر، ەمدەۋ قىزمەتكەرلەرى، شەكارا قورعانىس قاراۋىلحاناسى وفيتسەر ـ اسكەرلەرى، جاڭادان جۇمىستانعان قاۋىم سياقتىلار جونىندە ىشكەرىلەي تىلشىلىك ىستەپ، ولاردىڭ وتان ٴۇشىن وتباسىن قيعان ٴوزىن ارناۋ حيكايالارىن باياندايدى؛ جەر ـ جەردەگى پارتكوم مەن ۇكىمەتتىڭ حالىقتى ۋايىمنان ارىلتىپ، قيىنشىلىعىن شەشۋى جونىندە ىشكەرىلەي تىلشىلىك ىستەپ، حالىققا تيىمدىلىك جاساۋداعى ٴتۇرلى ساياساتتاردى ٴار ۇلت بۇقاراسىنىڭ كوكەيىنە ۇيالاتقان شۋاقتى حيكايالاردى باياندايدى؛ تەمىر جول، تاس جول، حالىقتىق اۆياتسيانى ىشكەرىلەي بارىپ سەزىنۋ ۇلگىسىندە حابارلاپ، جىلجىمالى جۇڭگونىڭ جالىندى بەينەگە تولى حيكايالارىن باياندايدى؛ جەر ـ جەردىڭ كوكتەم مەرەكەسى كەزىندەگى باي مازمۇندى، سان الۋان ٴداستۇرلى حالىقتىق سالت ـ سانا، جاڭا جىل سالت ـ سانا قيمىلدارىنا ىشكەرىلەي تىلشىلىك جاساپ، قىزىققا تولى جاڭا سالتتى بەينەلەيتىن جەر ـ جەردىڭ مادەنيەت تۇرمىس حيكايالارىن باياندايدى.
شينجياڭ گازەتى مەكەمەسى (توبى) گازەت ـ جۋرنال، سايت، كليەنت، ۋيشين سىندى جالپىلىق مەديالار تاراتۋ شەبى باسىمدىعىن تولىق ساۋلەلەندىرىپ، جاڭا قوزعالىس قۋاتىنا كۋا بولۋ، جاڭا ينجەنەريالاردى ارالاۋ، تاۋلى اۋىلدىڭ جاڭا كورىنىسى، كۇرەسكەرلەرگە قۇرمەت، سان مىڭداعان وتباسىن مەيىرگە بولەۋ، سۇيىسپەنشىلىككە تولى كوكتەمگى تاسىمال جولى، مادەنيەت جۇڭگو جىلى سىندى 7 جەلىلەس حاباردى ٴتۇيىندى ويداعىداي ىستەيدى. شينجياڭ گازەتى، انار بۇلت كليەنتى، تيانشان تورى، ۇيرەنۋدە قۋاتتى ەل شينجياڭ ۇيرەنۋ تۇعىرى سياقتىلاردىڭ ماڭىزدى بەتتەرىندە، كليەنتتەردىڭ باس ەكرانىندا، سايتتىڭ باس بەتىندە ”كوكتەم مەرەكەسىندە نەگىزگى ساتىنى ارالاۋ“ ارناۋلى ستونى ٴبىر تۇتاس اشىلىپ، ٴۇشىنشى جاق تۇعىرىندا ”كوكتەم مەرەكەسىندە نەگىزگى ساتىنى ارالاۋ“ تاقىرىبى اشىلادى، نازار سالعايسىزدار.
