اۆتونوميالى رايوننىڭ 2025 ـ جىلعى وقۋ ـ اعارتۋ قىزمەتى ٴماجىلىسى اشىلدى
وقۋ ـ اعارتۋدا قۋاتتى رايون قۇرىلىسى مىندەتىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ يانفاڭ 1 ـ ايدىڭ 14 ـ كۇنى ۇرىمجىدەن حابارلايدى. 1 ـ ايدىڭ 14 ـ كۇنى اۆتونوميالى رايوننىڭ 2025 ـ جىلعى وقۋ ـ اعارتۋ قىزمەتى ٴماجىلىسى اشىلدى، ٴماجىلىس باس شۋجي شي جينپيڭنىڭ وقۋ ـ اعارتۋ جونىندەگى ماڭىزدى بايىمداۋىن ىشكەرىلەي ۇيرەندى، دايەكتىلەندىردى، مەملەكەتتىك وقۋ ـ اعارتۋ قىزمەتى ٴماجىلىسىنىڭ رۋحىن دايەكتىلەندىردى، تياناقتاندىردى، شينجياڭ وقۋ ـ اعارتۋ جينالىسىنداعى ورنالاستىرۋلارعا، تالاپتارعا ساي، قىزمەتتەردى قورىتىندىلاپ، جاعدايعا تالداۋ جاساپ، 2025 ـ جىلعى بۇكىل رايوننىڭ وقۋ ـ اعارتۋ قىزمەتى جونىندە ورنالاستىرۋ جاسادى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى، وقۋ ـ اعارتۋ قىزمەت كوميتەتىنىڭ شۋجيى ۋاڭ جيانشين ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: 2024 ـ جىلى بۇكىل رايوننىڭ وقۋ ـ اعارتۋ جۇيەسى وقۋ ـ اعارتۋدا قۋاتتى رايون قۇرىلىسىن جوسپارلاۋدى جەتەكشى ەتىپ، رۋح سومداپ، ادام تاربيەلەۋدى كۇشەيتىپ، ٴادىل، ساپالى بولۋدى كۇشەيتىپ، تىرەك بولۋدى، جەتەكشىلىك ەتۋدى كۇشەيتىپ، وڭتۇستىك شينجياڭدى الدىمەن ويلاسۋدى كۇشەيتىپ، تۋراشىلدىقتان اينىماي جاڭالىق اشىپ، ىرىقتىلىقپەن ىسكەرلىك كورسەتىپ، ٴتۇرلى قىزمەتتە جاڭا ونىمدىلىكتەرگە قول جەتكىزدى.
ٴماجىلىس مىنالاردى باسا دارىپتەدى: 2025 ـ جىل _ ”14 ـ بەسجىلدىق“ جوبا اياقتالاتىن جىل، وقۋ ـ اعارتۋدا قۋاتتى ەل قۇرىلىسى جوبا باعدارناماسىن تياناقتاندىراتىن شەشۋشى جىل. بۇكىل رايوننىڭ وقۋ ـ اعارتۋ جۇيەسى ٴتۇرلى قىزمەت ورنالاستىرۋلارىن جاپپاي ويداعىداي تياناقتاندىرىپ، نازاردى ٴتۇيىندى سالالاردا، شەشۋشى بۋىنداردا كۇش سالۋعا، سەرپىلىس جاساۋعا ۇمتىلۋعا شوعىرلاندىرىپ، وقۋ ـ اعارتۋدىڭ جوعارى ساپالى دامۋ جۇيەسىن قۇلشىنا تۇلعالاپ، وقۋ ـ اعارتۋدى حالىق رازى بولاتىنداي جاقسى باسقارۋى كەرەك. پارتيانىڭ وقۋ ـ اعارتۋ ىستەرىنە جالپى بەتتىك باسشىلىعىن كۇشەيتىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەت نەگىزگى جەلىسى ەتىپ، ٴمورال ارقىلى تاربيەلەۋ ٴتۇبىرلى مىندەتىن تياناقتاندىرىپ، جاستار مەن ورەندەردىڭ ”نەگىز قالاۋ“ ينجەنەرياسىن ٴۇرتىس ىشكەرىلەي ىلگەرىلەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىنىڭ، وقىتۋىنىڭ ساپاسىن بەكەمدەۋ، جوعارىلاتۋ كەرەك. حالىق تۇرمىسىنداعى ٴجىتى قاداعالاپ وتىرعان ماسەلەلەرگە اناعۇرلىم زور تەبىنمەن جاۋاپ قايتارىپ، نەگىزدىك وقۋ ـ اعارتۋ نەگىزگى ٴتۇيىنىن بەكەمدەپ، نازاردى جوعارى ساپالى دامۋعا قىزمەت وتەۋگە شوعىرلاندىرىپ، جوعارى وقۋ ـ اعارتۋدا تىڭ سەرپىلىستى جۇزەگە اسىرۋدى ىلگەرىلەتۋ كەرەك. جوعارى ساپالى، ماماندانعان وقىتۋشىلار قوسىنىن جەدەل باۋلىپ، وقۋ ـ اعارتۋدىڭ كەشەندى رەفورماسىن ٴۇرتىس تەرەڭدەتىپ، جوعارى دەڭگەيلى وقۋ ـ اعارتۋ سەلبەستىگىن، اۋىس ـ كۇيىسىن ىلگەرىلەتىپ، وقۋ ـ اعارتۋدى جوعارى ساپالى دامىتۋدىڭ، وقۋ ـ اعارتۋدا قۋاتتى رايون قۇرۋدىڭ ٴتۇرلى قىزمەت مىندەتتەرىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە وقۋ ـ اعارتۋدىڭ كۇش ـ قۋاتىن ارناۋ كەرەك.
قايسار ابدۇكەرىم ٴماجىلىستى باسقاردى.
