اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى حاتىنىڭ رۋحىن ۇيرەندى، دايەكتىلەندىردى، ورتالىقتىڭ ساياسي ـ زاڭ قىزمەتى ٴماجىلىسىنىڭ ورنالاستىرۋلارىن، تالاپتارىن تياناقتاندىردى
پارتيا مۇشەلەرىن تاربيەلەۋ ـ باۋلۋدى، پارتيا قۇرىلىسى قىزمەتىن جانە 2025 ـ جىلعى حالىق تۇرمىسىنا قاتىستى 10 ناقتى ٴىستى ىلگەرىلەتۋدى اقىلداستى، اۆتونوميالى رايوندىق ەكى ٴماجىلىستىڭ ٴتۇرلى باياندامالارىن دايىنداۋ، جازۋ جاعدايىنان بەرىلگەن مالىمەتتى تىڭدادى
ما شيڭرۇي ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 15 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 1 ـ ايدىڭ 15 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ جۇڭگو زاڭ عىلىمى قوعامىنىڭ 9 ـ رەتكى مەملەكەتتىك مۇشەلەر قۇرىلتايىنا جولداعان ماڭىزدى حاتىنىڭ رۋحىن ۇيرەندى، دايەكتىلەندىردى، ورتالىقتىڭ ساياسي ـ زاڭ قىزمەتى ٴماجىلىسىنىڭ رۋحىن جانە ورتالىقتىڭ قورا ـ جاي كاسىبىنىڭ جوعارى ساپالى دامۋىن ىلگەرىلەتۋ، مەملەكەت بويىنشا پارتيا مۇشەلەرىن تاربيەلەۋ ـ باۋلۋ قىزمەتى جونىندەگى ورنالاستىرۋلارىن، تالاپتارىن دايەكتىلەندىردى، تياناقتاندىردى، اۆتونوميالى رايوننىڭ پارتيا قۇرىلىسىن، 2025 ـ جىلعى حالىق تۇرمىسىنا قاتىستى 10 ناقتى ٴىستى، اۆتونوميالى رايوندىق ەكى ٴماجىلىستىڭ قاتىستى قىزمەتتەرىن ىلگەرىلەتۋدى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.
ٴماجىلىس مىنالاردى باسا دارىپتەدى: شي جينپيڭ زاڭمەن باسقارۋ يدەياسىن جانە باس شۋجي شي جينپيڭنىڭ ماڭىزدى حاتىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ زاڭ عىلىمى قوعامىنا جالپى بەتتىك باسشىلىعىنا تاباندى بولىپ، زاڭ عىلىمى قوعامىنىڭ كوپىرلىك، دانەكەرلىك رولىن تولىق ساۋلەلەندىرۋىن ىلگەرىلەتۋگە جەتەكشىلىك ەتىپ، وزەكتى ارقاۋ ەتىپ، كەلەلى جاعدايعا قىزمەت وتەپ، شينجياڭدى جاپپاي زاڭمەن باسقارۋمەن تىعىز بايلانىستىرىپ، زاڭ عىلىمىن زەرتتەۋدى، زاڭمەن باسقارۋ امالياتىن، زاڭمەن باسقارۋ ۇگىتىن جانە زاڭ دارىندىلارىن باۋلۋدى ىشكەرىلەي ىلگەرىلەتىپ، زاڭمەن باسقارۋ رۋحىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتىپ، شەتەلگە ساياتىن زاڭمەن باسقارۋ قۇرىلىسىن كۇشەيتىپ، شينجياڭعا ساياتىن سىرتقا قاراتىلعان كۇرەس كەلەلى جاعدايىنا قىزمەت وتەپ، اناعۇرلىم جوعارى دەڭگەيدەگى زاڭمەن باسقارىلاتىن شينجياڭ قۇرۋعا تىڭ ۇلەس قوسۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، جاڭا جورىقتاعى شينجياڭنىڭ ساياسي ـ زاڭ قىزمەتىنىڭ بورىشىن، مىندەتىن مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، مەملەكەتتىڭ ساياسي حاۋىپسىزدىگىن تاباندىلىقپەن قورعاۋ، شينجياڭنىڭ قوعامدىق كەلەلى جاعدايىنىڭ ورنىقتىلىعىن بار كۇشپەن قورعاۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋ، ۇدايىلاندىرۋ شارالارىن قاز ـ قالپىندا تياناقتاندىرىپ، نازاردى ماسەلەلەرگە، ولقىلىقتارعا جانە حاۋىپ ـ قاتەرلەرگە، كومەسكى كىناراتتارعا شوعىرلاندىرىپ، قاينارىنان ساقتانۋ جانە وڭاۋ دەڭگەيىن جوعارىلاتۋ كەرەك. ساياسي ـ زاڭ سالاسىنداعى زاڭ ەرەجە شىعارۋ، زاڭ اتقارۋ، ٴادىليا، زاڭعا بويسۇنۋ قىزمەتىن كۇشەيتىپ، زاڭعا قايشى ٴتۇرلى قىلمىستىق ارەكەتتەردى زاڭ بويىنشا قاتاڭ جازالاپ، اناعۇرلىم جوعارى دەڭگەيدەگى تىنىش شينجياڭ قۇرۋعا قۇلشىنۋ كەرەك. پارتيا ساياسي ـ زاڭ قىزمەتىن باسقارۋ ٴتۇزىمىن تياناقتاندىرىپ جانە كەمەلدەندىرىپ، ادال، كىرشىكسىز، جاۋاپكەرشىلىك ارقالايتىن جاڭا داۋىردەگى ساياسي ـ زاڭ قۇرىش قوسىنىن تۇلعالاپ، ٴار دارەجەلى ساياسي ـ زاڭ باسشى كادرلارىن ماسەلەنى شىنايى تۇردە تولىق زەرتتەۋگە، قىزمەتتى ەگجەي ـ تەگجەيلى يگەرۋگە، ناقتى يگەرۋگە جەتەكتەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتۋ كەرەك.
ٴماجىلىس مىنالاردى باسا دارىپتەدى: قورا ـ جاي كاسىبىنىڭ جوعارى ساپالى دامۋىن ىلگەرىلەتۋدىڭ ماڭىزدى ٴمانىن جەتە تانىپ، شينجياڭنىڭ جاڭاشا قالا ـ قالاشىقتاندىرۋ قۇرىلىسى سياقتى ٴىس جۇزىندىك جاعدايلارمەن تىعىز ۇشتاستىرىپ، جاي ـ جاپسارىن انىقتاپ، زاڭدىلىعىن يگەرىپ، جەرگىلىكتى جاعدايعا قاراي ىستەپ، تۇرلەر بويىنشا شارا قولدانىپ، قورا ـ جاي كاسىبى دامۋىنىڭ جاڭا ۇلگىسىن بەلسەنە قالىپتاستىرۋ كەرەك. جەر ـ جەردەگى نەگىزگى جاۋاپتى جولداستار ٴوزى يگەرىپ، ٴوزى باسقارىپ، تۇرعىن ۇيمەن قامداۋ جۇيەسىن كەمەلدەندىرۋدى ىلگەرىلەتىپ، جوعارى ساپالى قامتاماسىز ەتۋ دەڭگەيىن جوعارىلاتىپ، قورا ـ جاي كاسىبى بازارىنىڭ حاۋىپ ـ قاتەرىنەن ٴونىمدى ساقتانىپ جانە ونى جويىپ، شينجياڭنىڭ قورا ـ جاي كاسىبى قىزمەتىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋى كەرەك.
ٴماجىلىس مىنالاردى باسا دارىپتەدى: جاڭا داۋىردە شينجياڭنىڭ پارتيا مۇشەلەرىن تاربيەلەۋ ـ باۋلۋ قىزمەتىن ويداعىداي ىستەۋ جاۋاپكەرشىلىك سەزىمىن، بورىشتىلىق سەزىمىن شىن مانىندە كۇشەيتىپ، نازاردى پارتيالىلىقتى كۇشەيتۋگە، ساپانى جوعارىلاتۋعا، رولدى ساۋلەلەندىرۋگە شوعىرلاندىرىپ، اۋداندىق، قالالىق پارتكوم مەن ۇكىمەتتەگى نەگىزگى جاۋاپتى جولداستاردى ٴتۇيىن ەتىپ، شينجياڭنىڭ ٴار سالاسىنداعى پارتيا مۇشەلەرىن جۇيەلى، عىلمي، دارەجەگە، تۇرگە ايىرىپ باۋلۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتە ۇيرەنۋدى، جەتە يگەرۋدى، شىنايى تياناقتاندىرۋدى ماڭداي الدى ساياسي مىندەت ەتىپ، مۇرات ـ سەنىم تاربيەسىن ٴۇرتىس كۇشەيتۋ، اسىرەسە، جاڭا داۋىردەگى پارتيانىڭ شينجياڭدى باسقارۋ جالپى جوباسى، شينجياڭنىڭ ” 5 ۇلكەن ستراتەگيالىق ورنى“ سياقتى كەلەلى ماسەلەلەردى ارقاۋ ەتە وتىرىپ باۋلۋ سەرپىنىن ارتتىرىپ، باسشى كادرلاردىڭ كاسىپتىك ٴبىلىمى مەن مىندەت اتقارۋ قابىلەتى تاربيەسىن جوعارىلاتۋدى كورنەكتى تۇردە مىقتى يگەرۋ كەرەك. قىزمەت مەحانيزمىن كەمەلدەندىرىپ، ادىستە، دانەكەردە جاڭالىق اشىپ، نىسانالى تۇردە تاربيەلەۋ ساپاسى مەن ونىمدىلىگىن جوعارىلاتىپ، شينجياڭدى ورنىقتىرىپ، شينجياڭدى كوركەيتەتىن قۋاتتى پارتيا مۇشەلەرى قوسىنىن تۇلعالاۋ كەرەك.
ٴماجىلىس 2024 ـ جىلعى اۆتونوميالى رايوننىڭ پارتيا قۇرىلىسى قىزمەتى جاعدايى جونىندەگى مالىمەتتى تىڭدادى. ٴماجىلىس مىنالاردى اتاپ كورسەتتى: باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، پارتيانىڭ ساياسي قۇرىلىسىن ٴبىر تۇتاس باسشىلىققا الۋعا تاباندى بولىپ، ”ەكىنى قورعاۋدى“ ەڭ جوعارى ساياسي پرينسيپ ەتىپ، پارتيانىڭ جاسامپاز نازارياسىمەن تالىقپاي زەيىن ـ زەردەنى ۇيىستىرىپ، رۋحتى سومداپ، پارتيانىڭ ساياسي تارتىبىنە جانە ساياسي قاعيداسىنا قاتاڭ بويسۇنۋ كەرەك. كادرلار قوسىنى قۇرىلىسىن ويداعىداي يگەرىپ، ٴار دارەجەلى باسشىلىق القالارىنا ۇزدىكتەردى تاڭداپ، مىقتىلاردى ورنالاستىرىپ، ۇيىمدىق جۇيە مەن قىزمەت كۇشتەرىنىڭ نەگىزگى ساتىعا توتە بارۋىن ىلگەرىلەتىپ، كادرلاردىڭ مىندەت وتەۋ قابىلەتىن جاپپاي جوعارىلاتۋ كەرەك. پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى تەرەڭدەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن وڭاۋدى ٴۇرتىس تەرەڭدەتىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتۋ كەرەك.
ٴماجىلىس اۆتونوميالى رايوننىڭ 2025 ـ جىلعى حالىق تۇرمىسىنا قاتىستى 10 ناقتى ٴىسىن اقىلداسىپ تالقىلادى. ٴماجىلىس مىنالاردى باسا دارىپتەدى: حالىق تۇرمىسىنا قاتىستى 10 ناقتى ٴىس _ شينجياڭداعى ٴار ۇلت بۇقاراسى جاپپاي كوڭىل ٴبولىپ وتىرعان ٴىرى ٴىس. جەر ـ جەر، تاراۋلار حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، نازاردى ٴار ۇلت بۇقاراسنىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، ىشكەرىلەي زەرتتەپ جوبالاپ، عىلمي ورنالاستىرۋ جاساپ ىلگەرىلەتىپ، ٴبىر ـ بىردەن تياناقتاندىرۋدى يگەرىپ، ناقتى ىستەردى تىندىرۋعا، ويداعىداي تىندىرۋعا، بۇقارانىڭ سەزىپ بىلە الۋىنا شىنايى كەپىلدىك ەتىپ، حالىق تۇرمىسىنا قاتىستى ناقتى ىستەردى حالىق تىلەگى ينجەنەرياسى، ٴمورال ينجەنەرياسى ەتىپ شىن مانىندە تۇلعالاۋى كەرەك.
ٴماجىلىس اۆتونوميالى رايوندىق ەكى ٴماجىلىستىڭ ٴتۇرلى باياندامالارىن دايىنداۋ، جازۋ جاعدايىنان بەرىلگەن مالىمەتتى تىڭدادى. ٴماجىلىس مىنالاردى باسا دارىپتەدى: بيىلعى اۆتونوميالى رايوندىق ەكى ٴماجىلىس ”14 ـ بەسجىلدىق“ اياقتالاتىن، ”15 ـ بەسجىلدىق“ جوبالاناتىن شەشۋشى جىلدا اشىلعان ماڭىزدى ٴماجىلىس. پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن، سونداي ـ اق ورتالىقتىڭ ەكونوميكالىق قىزمەت ٴماجىلىسى، ورتالىقتىڭ اۋىل ـ قىستاق قىزمەتى ٴماجىلىسى سياقتىلاردىڭ ورنالاستىرۋلارىن، تالاپتارىن جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ماجىلىسىندەگى ٴتۇيىندى مىندەتتەردى تياناقتاندىرىپ، قايراتتانا ىسكەرلىك كورسەتىپ، رەفورما، دامۋ، ورنىقتىلىق قىزمەتتەرىن جوسپارلاپ ىلگەرىلەتىپ، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋ كەرەك. دەن قويا دايىندىق جاساپ، قاتىستى باياندامالاردى مۇقيات كەمەلدەندىرىپ، مۇقيات ۇيىمداستىرىپ اتقارىپ، قىزمەت وتەۋمەن قامتاماسىز ەتۋ قىزمەتىن ويداعىداي ىستەۋ كەرەك.
