شينجياڭ تەمىر جول تاراۋلارى:
كوكتەم مەرەكەسى كەزىندەگى تاسىمالدا مەجەمەن 5 ميلليون 660 مىڭ جولاۋشى (رەت) جونەلتىلەدى
انار بۇلت \ شينجياڭ گازەتىنىڭ ٴتىلشىسى لۋ فىڭباۋ 1 ـ ايدىڭ 14 ـ كۇنى ۇرىمجىدەن حابارلايدى. جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 1 ـ ايدىڭ 14 ـ كۇنى 40 كۇنگە جالعاساتىن 2025 ـ جىلعى كوكتەم مەرەكەسى كەزىندەگى تاسىمال شىمىلدىعىن اشقان، شينجياڭنىڭ تەمىر جول تاراۋلارىنىڭ 5 ميلليون 660 مىڭ جولاۋشى (رەت) جونەلتىپ، سايكەس مەزگىلدەگىدەن %3.2 ارتاتىندىعى مەجەلەنگەن.
تانىستىرۋعا قاراعاندا، شينجياڭ تەمىر جول تاراۋلارى كوكتەم مەرەكەسىنەن بۇرىن كۇنىنە 182 مولشەرىندە جولاۋشى پويەزىن جونەلتكەن، كوكتەم مەرەكەسىنەن كەيىن كۇنىنە 190 مولشەرىندە جولاۋشى پويەزىن جونەلتىپ، تاسىمال قۋاتى 2024 ـ جىلعى كوكتەم مەرەكەسى كەزىندەگىدەن %12 مولشەرىندە ارتىپ، جولاۋشىلاردىڭ ٴجۇرىس ـ تۇرىس قاجەتىن بار كۇشپەن قاناعاتتاندىرادى ەكەن. شينجياڭنىڭ سىرتىندا نەگىزىنەن شاڭحاي، چىڭدۋ، چۇڭچيڭ، ۋچاڭ، لانجوۋ سياقتى باعىتتاردا قاتىنايدى، شينجياڭ ىشىندە نەگىزىنەن قاشقار، كورلا، قۇلجا، بۇراتالا، قارامايلى سياقتى باعىتتاردا قاتىنايدى.
سول كۇنى شينجياڭ تەمىر جول تاراۋلارى تۇڭعىش رەت ”تيانشان قارعالداعى“ جولاۋشى تاسىمالى قىزمەت وتەۋ ماركاسىن شىعارىپ، كوكتەم مەرەكەسى كەزىندەگى تاسىمال جانە تۇتاس جىلدىق تاسىمال قىزمەتىندە، تاسىمال قۋاتىن عىلمي ىسكە قوسىپ، بەلەت ساتۋعا قىزمەت وتەۋدى ويداعىداي ىستەپ، پويەز كۇتۋ ورتاسىن جاقسارتىپ، نەگىزدىك قۇرىلعىلاردى تولىقتاپ جانە كۇشەيتىپ، قىزمەت وتەۋ تۇرلەرىن كەڭەيتىپ، قىزمەت وتەۋ دەڭگەيىن جوعارىلاتتى، تەمىر جول جولاۋشى تاسىمالى قىزمەت وتەۋ ساپاسىن جاپپاي جوعارىلاتىپ، ٴار ۇلت بۇقاراسىنىڭ اناعۇرلىم جايلى، اناعۇرلىم كوڭىلدەگىدەي، اناعۇرلىم مەيىرلى ساپارلاۋىنا مۇمكىندىك جاسايدى.
”ايگىلى ماركالى قىزمەت وتەۋ شارالارىن بار كۇشپەن تياناقتاندىرىپ، تاسىمال قۋاتىن ورنالاستىرۋدى اناعۇرلىم ساپالىلاندىرىپ، جولاۋشىلار شوعىرلانعان وڭىرلەردە جانە باعىتتا، جولاۋشىلار اعىنىنىڭ قاۋىرت مەزگىلىندە تاسىمال قۋاتىن ارتتىرىپ، جولاۋشىلاردىڭ ٴجۇرىس ـ تۇرىس قاجەتىن مۇمكىندىكتىڭ بارىنشا قاناعاتتاندىرامىز“، ـ دەدى جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگى جولاۋشى تاسىمال ٴبولىمىنىڭ ورىنباسار مەڭگەرۋشىسى چۋ ميڭميڭ.
كوكتەم مەرەكەسىندەگى تاسىمال كەزىندە شينجياڭ تەمىر جول تاراۋلارى ساندى مالىمەتكە تالداۋ جاساۋدى كۇشەيتىپ، ٴجۇرىس ـ تۇرىس قاجەتىن ٴدال يگەرىپ، اۆتوكولىك، جەلى، قىزمەتكەر سياقتى بايلىق كومەسكى كۇشىن تولىق اشىپ، تاسىمالدى قامتاماسىز ەتۋ جوباسىن دەن قويا جاساپ، جولاۋشىلار پويەزىن اراسىندا قىسقا ارالىققا جۇرگىزۋ، موتورلى ۆاگون قۇراماسىن قايتالاي بىرىكتىرۋ، پويەزدى كوبەيتۋ سياقتى تاسىلدەردى قولدانىپ، تاسىمال قۋاتىن ارتتىرىپ، تەمىر جول 12306 بەلەتتى تولىقتاپ ساتىپ الۋ، جەلىدە توسەك تاڭداۋ، ينفورماتسيانى الدىن الا تولتىرۋ، ساتىلا باستاعاندا ەسكەرتۋ جانە تەمىر جولدا ىركىلىسسىز ٴجۇرۋ سيفرى سياقتى يقۋاتتاردان پايدالانىپ، جولاۋشىلاردىڭ بەلەت ساتىپ الۋىنا جانە ٴجۇرىس ـ تۇرىسىنا قولايلىلىق جاسايدى. سونىمەن بىرگە، ينفورماتسيالانعان جابدىقتار، جولاۋشىلارعا قىزمەت وتەۋ جابدىقتارى، قاتىناۋ جابدىقتارى، چەمودان سۇيرەۋ جانە تيەۋ ـ ٴتۇسىرۋ جابدىقتارى سياقتىلارعا جاپپاي تەكسەرۋ جۇرگىزەدى؛ كىرىپ ـ شىعاتىن ۆوگزالدارداعى جولاۋشىلار اعىنى جەلىسىن ساپالىلاندىرىپ، نەگىزگى جولاۋشى تاسىمال بەكەتتەرىنىڭ جۇمىس جۇرگىزۋ ۋاقىتىن ۇيلەسىمدى ۇزارتىپ، جولاۋشىلاردىڭ ۆوگزالعا تەز كىرىپ ـ شىعۋ جانە پويەز كۇتۋ قاجەتىن قاناعاتتاندىرادى؛ پويەز كۇتۋ زالى، قىزمەت وتەۋ تۇعىرى سياقتى جولاۋشىلار شوعىرلى وڭىرلەردە قىزمەتكەرلەردى كوبەيتىپ جىبەرىپ، ٴجون سىلتەۋدى، ەسكەرتۋ بەرۋدى كۇشەيتىپ، جولاۋشىلاردىڭ ٴتارتىپتى ساپارىنا شىنايى كەپىلدىك ەتەدى؛ پويەزدىڭ تاماقپەن قامداۋىن ۇزدىكسىز ساپالىلاندىرىپ، جولاۋشىلاردىڭ جايلى تاماقتانۋىنا، الاڭسىز تاماقتانۋىنا مۇمكىندىك جاسايدى.
