جۇڭحۋا ۇلتى ورتاق تۇلعا تانىمى بارعان سايىن بەكەمدەلدى
انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر
”بۇل ۇسىنىس جوبا اۆتونوميالى رايوندىق پارتكومنىڭ ايرىقشا ٴمان بەرۋىنە جانە پارمەندى ىلگەرىلەتۋىنە يە بولدى، ٴبىز بۇدان ەرەكشە شابىت الدىق“، ـ دەدى 1 ـ ايدىڭ 10 ـ كۇنى اۆتونوميالى رايوندىق ساياسي كەڭەستىڭ تۇراقتى مۇشەسى، جۇڭگو شارۋا ـ جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي تەرەڭ اسەرمەن.
بىلتىر اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىندە جۇڭگو شارۋا ـ جۇمىسشى دەموكراتيالىق پارتياسى شينجياڭ رايوندىق كوميتەتى اۆتونوميالى رايوندىق ساياسي كەڭەستىڭ مۇشەسى سەرىك قابىكەنمەن، سۋ يۋليمەن بىرلەسىپ جۇڭحۋا ۇلتى ورتاق تۇلعا تانىمىن بەكەمدەۋ قىزمەتىن ىشكەرىلەي ىلگەرىلەتۋ جونىندە ۇسىنىس جوبا تاپسىردى. بۇل ۇسىنىس جوبا 2024 ـ جىلعى اۆتونوميالى رايوندىق ساياسي كەڭەستىڭ ٴتۇيىندى ۇسىنىس جوباسى بولىپ بەلگىلەنىپ، اۆتونوميالى رايوندىق پارتكومنىڭ، ۇكىمەتتىڭ نەگىزگى باسشىلارى بىتىرۋگە باستاماشىلدىقپەن قۋزاۋشىلىق ەتىپ، اۆتونوميالى رايوندىق پارتكومنىڭ بىرلىكساپ ٴبولىمى 20 نەشە ورىنمەن بىرلەسىپ ٴبىتىردى.
ۇسىنىس جوبالاردى بىتىرۋدەن ونىمدىلىك شىعارۋ ٴۇشىن، اۆتونوميالى رايوندىق ساياسي كەڭەس ٴتۇيىندى ۇسىنىس جوبالاردى بىتىرۋگە قۋزاۋ، ىلگەرىلەتۋ ٴماجىلىسىن اشىپ، بىتىرۋگە جاۋاپتى بولعان ورىنداردىڭ ٴتۇيىندى ۇسىنىس جوبالاردى جۇيەلى، ٴتارتىپتى تۇردە ٴبىتىرۋىن ىلگەرىلەتتى؛ اۆتونوميالى رايوندىق پارتكومنىڭ بىرلىكساپ ٴبولىمى ٴارقايسى ٴبىتىرۋشى ورىندارمەن قىزمەت شاعىن گرۋپپاسىن قۇرىپ، ۇسىنىس جوبالاردى ٴبىتىرۋ قىزمەت جوباسىن جاساپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىن ساپالىلاندىرىپ، كەمەلدەندىردى؛ اۆتونوميالى رايوندىق پارتكومنىڭ ۇگىت ٴبولىمى ”جۇڭحۋا ۇلتى ورتاق تۇلعا تانىمىن بەكەمدەپ، زەيىن ـ زەردەنى، كۇش ـ قۋاتتى ۇيىستىرىپ، جاڭا جورىقتا ۇدەرە العا تارتايىق“ اتىنداعى اۆتونوميالى رايوننىڭ نەگىزگى ساتى نازاريا ۇگىت لەكسيا جارىسىن وتكىزىپ، ”ٴبىزدىڭ مەرەكەمىز“ سياقتى بۇقارالىق مادەنيەت قيمىلدارىن كەڭىنەن ورىستەتتى؛ اۆتونوميالى رايوندىق وقۋ ـ اعارتۋ مەڭگەرمەسى ٴار ۇلت جاستارى جانە ورەندەرىنىڭ اۋىس ـ كۇيىس جاساۋ جوسپارىن ىشكەرىلەي ىلگەرىلەتىپ، جۇپ قۇراپ بىرگە قۇرۋ قيمىلىن ۇيىمداستىرىپ ورىستەتتى، بۇكىل رايون بويىنشا 4 ميلليون 546 مىڭ 400 ورتا، باستاۋىش مەكتەپ وقۋشىسى باسقا ولكە، اۆتونوميالى رايون، قالاداعى ورتا باستاۋش مەكتەپ وقۋشىلارىمەن قول ۇستاسىپ، جۇپ قۇراپ دوستاستى...
”بۇل ۇسىنىس جوبانىڭ ٴبىتىرىلۋ جاعدايىنا ٴدان ريزامىز“. اۆتونوميالى رايوندىق ساياسي كەڭەستىڭ مۇشەسى، شينجياڭ قازىنا ـ ەكونوميكا داشۋەسى ينفورماتسيا باسقارۋ شۋەيۋانىنىڭ ورىنباسار باستىعى سۋ يۋلي بىلاي دەدى: ٴبىر قىدىرۋ شارالار اۆتونوميالى رايوندىق پارتكومنىڭ بۇكىل رايوندا جوعارىدان تومەنگە دەيىن جەتەكشىلىك ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن ناقتى، اسەرلى، ٴونىمدى تۇردە بەكەمدەپ، قوعام ورنىقتىلىعى مەن باياندى تىنىشتىقتىڭ نەگىزىن ۇزدىكسىز بەكەمدەيتىن بەرىك بەكىمىن ايگىلەدى.
اۆتونوميالى رايوندىق پارتكوم ٴىس جۇزىندىك ارەكەت ارقىلى باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەكەمدەۋ جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى بۇلجىماي شينجياڭنىڭ ٴتۇرلى قىزمەتتەرىنىڭ نەگىزگى جەلىسى ەتىپ، شينجياڭنىڭ بارلىق قىزمەتىن وسىعان شوعىرلاندىرۋدى ىلگەرىلەتتى.
بىلتىر ورتالىق تەلەۆيزياسىنىڭ كوكتەم مەرەكەسىنە ارنالعان ساۋىق كەشىنىڭ قاشقار بولىمشە الاڭى شينجياڭنىڭ كوركىن اسىردى؛ ٴوتىمدى تەلە فيلم «التايىم» شينجياڭداعى ٴار ۇلت حالقىنىڭ ٴبىر ٴۇيلى جانداي ەتەنە بولىپ، ٴبىر ـ بىرىنە قارايلاسقان تۇرمىس كارتيناسىن جاندى بەينەلەدى؛ دۇنيە جۇزىلىك مەديا باسشىلار ماجىلىسىندە توڭىرەكتىڭ ٴتورت بۇرىشىنان كەلگەن قوناقتارمەن، دوستارمەن كەڭ كولەمدە دوستىق ورناتىلىپ، شينجياڭنىڭ تاماشا حيكايالارى شار تاراپقا تارالدى؛ ”حالىق قورعاۋشىسى“ بايەكە كەلدىبەكتىڭ وتان سۇيىسپەنشىلىگى سانسىز جۇڭگولىقتاردى اسەرلەندىردى... ارماندى ٴبىر نيەتپەن ورىنداۋدىڭ اسەرلى سيمفونياسى تيانشان الابىندا اسقاقتادى.
”شينجياڭدا جۇڭحۋا ۇلتى ورتاق تۇلعا تانىمى بارعان سايىن بەكەمدەلدى“. مىڭ چيڭساي بىلاي دەدى: نەگىزگى ساتىعا ىشكەرىلەي بارىپ تەكسەرۋ ـ زەرتتەۋ جۇرگىزگەندە، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋدىڭ ناتيجەسى كورنەكتى بولعاندىعىن، ٴتۇرلى كىتاپحانا، مادەنيەت سارايى، مۇراجاي سياقتى مادەنيەت قىزمەت وتەۋ ورىندارىنىڭ كۇن سايىن كەمەلدەنىپ، ٴار ۇلتتىڭ ٴداستۇرلى ادەبيەت ـ كوركەمونەر قيمىلدارىنىڭ دابىرالى ورىستەتىلىپ، ٴار ۇلت بۇقاراسى كەڭ كولەمدە ارالاسىپ، ىشتەسىپ، توعىسىپ، اناردىڭ دانىندەي تىعىز ۇيىسقانىن تەرەڭ سەزىندىم.
ۇلتتار ىنتىماعى، العاباسارلىعىنداعى وزات ورىن قۇرۋ _ جۇڭحۋا ۇلتى ورتاق تۇلعا تانىمىن بەكەمدەۋدىڭ ماڭىزدى تۇتقاسى جانە امالياتتىق دانەكەرى. قازىرگە دەيىن شينجياڭدا مەملەكەتتىك ۇلتتار ىنتىماعى، العاباسارلىعىنان ۇلگى كورسەتەتىن 101 ورىن، 14 مەملەكەتتىك ۇلتتار ىنتىماعى، العاباسارلىعى تاربيە بازاسى قۇرىلىپ، ۇلتتار ىنتىماعى گۇلى تيانشان الابىندا قۇلپىرا اشىلدى.
”جۇڭحۋا ۇلتى ورتاق تۇلعا تانىمىن بەكەمدەۋدىڭ تاريحي سوزسىزدىگىن، توتەنشە ماڭىزدىلىعىن جانە رەال باعىتتامالىلىعىن جەتە تانىپ، ٴوز ارتىقشىلىعىمدى ويداعىداي ساۋلەلەندىرىپ، ۇزدىكسىز ىشكەرىلەي تەكسەرۋ ـ زەرتتەۋ جۇرگىزىپ، سىندارلى پىكىر بەرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اقىل ـ پاراسات، كۇش ـ قۋاتىمدى ارنايمىن“، ـ دەدى سۋ يۋلي.
