انار بۇلت \ شينجياڭ گازەتىنىڭ ٴتىلشىسى جاڭ يۇنمەي 1 ـ ايدىڭ 16 ـ كۇنى ۇرىمجىدەن حابارلايدى. شينجياڭ دارىندىلاردى دامىتۋ توبى شەكتى جاۋاپكەرشىلىك سەرىكتەستىگىنەن ۇعىسۋىمىزشا، 1 ـ ايدىڭ 16 ـ كۇنى ”شينجياڭ 1000 دوكتور دارىندى ەنگىزۋ جوسپارى“ شىنجىندا باستالىپتى، تۇڭعىش كەزەكتە دۇنيە جۇزىنەن، از دەگەندە، 1000 دوكتور دارىندى قابىلدانادى ەكەن. بۇل شينجياڭنىڭ بىلىمدىلەردى قاستەرلەيتىندىگىنىڭ تاعى دا ٴبىر كۇشتى سيگنالى.
بۇل جوسپاردى شىنجىن قالاسى شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى، شينجياڭ دارىندىلاردى دامىتۋ توبى شەكتى جاۋاپكەرشىلىك سەرىكتەستىگى، شىنجىن قالالىق دارىندىلار توبى شەكتى سەرىكتەستىگى بىرگە اتقاردى. باستالۋ جينالىسى شىنجىن داشۋەسى، نانفاڭ عىلىم ـ تەحنولوگيا داشۋەسى، شياڭگاڭ جۇڭگو ٴتىلى داشۋەسى (شىنجىن)، چيڭحۋا داشۋەسى شىنجىن حالىقارالىق اسپيرانتتار شۋەيۋانى، بەيجيڭ داشۋەسى شىنجىن اسپيرانتتار شۋەيۋانى سياقتى ەل ىشىندەگى ايگىلى ٴتۇيىندى جوعارى مەكتەپتەن كەلگەن وقۋشىلار قىزمەت ٴبولىمىنىڭ قىزمەتكەرلەرى مەن 100گە جۋىق دوكتورانتتى قاتىناسۋعا باۋرادى.
تانىستىرۋعا قاراعاندا، وسى رەتكى قابىلداۋ نازاردى شينجياڭنىڭ مۇناي ـ تابيعي گاز، كومىر، كەن ونىمدەرى، ٴىرى اۋىل شارۋاشىلىعى سياقتى وزەكتى كاسىپ سالاسى شوعىرىنا شوعىرلاندىرىپ، كاسىپ سالاسى دارەجەسىنىڭ جوعارىلاۋىنىڭ جوعارى دەڭگەيلى جاڭاشىل دارىندىلار جونىندەگى كوكەي تەستى قاجەتىمەن دالمە ـ ٴدال ۇشتاستىرىپ، ٴتۇرلى دارىندىلاردىڭ تامىر تارتىپ جەتىلۋىنە ۇيلەسىمدى توپىراق بولۋىنا مۇمكىندىك جاسايدى. سونىمەن بىرگە حالىق تۇرمىسىن قامتاماسىز ەتۋدى تياناق ەتىپ، دارىندىلار ەنگىزىلىپ، دارىندىلار باۋلىنىپ، وقۋ ـ اعارتۋ، ەمدەۋ سالاسىنا دوكتور دارىندىلار ٴتۇيىندى تۇردە ەنگىزىلەدى ەكەن.
قابىلداۋ بارىسىندا شينجياڭ دارىندىلاردى دامىتۋ توبى، شىنجىن دارىندىلار توبى ٴوز باسىمدىقتارىن ساۋلەلەندىرىپ، شينجياڭنىڭ كاسىپ سالاسىنىڭ دامۋ ٴىس جۇزىندىك جاعدايىنا نەگىزدەلىپ، قىزمەت ورىن قاجەتى جوسپارى مەن حابارلاندىرۋىن ۇزدىكسىز جاريالايدى، دوكتور دارىندىلار وزدەرى تىزىمدەلۋ، باعىتتامالى كورسەتۋ، جوعارى مەكتەپتەردىڭ ۇسىنىس ەتۋ ٴماجىلىسى، كەڭەس، قوس تاڭداۋ ٴماجىلىسى سياقتى تاسىلدەر ارقىلى تىزىمدەلۋىنە بولادى.
”شينجياڭ 1000 دوكتور دارىندى ەنگىزۋ جوسپارى“ دارىندىلاردا قۋاتتى رايون ستراتەگياسىن ىشكەرىلەي اتقارۋدىڭ پارمەندى شاراسى رەتىندە، شينجياڭنىڭ جوعارى دەڭگەيلى دارىندىلار قوسىنى قۇرىلىمىن ۇزدىكسىز ساپالىلاندىرىپ، بىلىمدە جاڭالىق اشۋ مەن تەحنولوگيانى كادەگە جاراتۋدى جەبەپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن ىلگەرىلەتىپ، شينجياڭنىڭ وقۋ ـ اعارتۋ، عىلىم ـ تەحنولوگيا، ەمدەۋ جانە ”ون ٴىرى كاسىپ سالاسى شوعىرىنىڭ“ دامۋىندا تىڭ ىلگەرىلەۋشىلىككە قول جەتكىزۋىنە دەم بەرەدى.
