اۆتونوميالى رايوندىق حالىق ۇكىمەتى پارتيا باسشىلىق گرۋپپاسى القاسى 2024 ـ جىلعى دەموكراتيالىق تۇرمىس جيىنىن ويداعىداي اشۋ جونىندە توپتىق ۇيرەنۋ، زەرتتەۋ ـ تالقى وتكىزدى
دەموكراتيالىق تۇرمىس جيىنىن جوعارى ساپامەن ويداعىداي اشۋعا كەپىلدىك ەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى پارتيا باسشىلىق گرۋپپاسى القاسىنىڭ 2024 ـ جىلعى دەموكراتيالىق تۇرمىس جيىنىن تىڭعىلىقتى، ويداعىداي اشۋ ٴۇشىن، اۆتونوميالى رايوندىق حالىق ۇكىمەتى پارتيا باسشىلىق گرۋپپاسى 1 ـ ايدىڭ 15 ـ كۇنى ارناۋلى توپتىق ۇيرەنۋ، زەرتتەۋ ـ تالقى وتكىزىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن جانە پارتيانىڭ ٴتارتىپ قۇرىلىسىن جاپپاي كۇشەيتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ٴتۇسىنىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىندا سويلەگەن ماڭىزدى ٴسوزىنىڭ رۋحىن ۇيرەنىپ، دايەكتىلەندىرىپ، نازاردى دەموكراتيالىق تۇرمىس جيىنىنىڭ نەگىزگى تاقىرىبىنا شوعىرلاندىرىپ، ۇيرەنۋ اسەرلەرىن ٴبولىسىپ، دەموكراتيالىق تۇرمىس جيىنىن ويداعىداي اشۋعا بەرىك يدەيالىق نەگىز قالادى. اۆتونوميالى رايوننىڭ ٴتوراعاسى، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ شۋجيى ەركىن تۇنياز ٴماجىلىستى باسقاردى ٴارى ٴسوز سويلەدى.
ماجىلىستە اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى چىن ۋيجۇن، ٴيۇسۇپجان مامەت، مۇقيات جارمۇقامەت، ۋاڭ گاڭ پىكىر اۋىستىرىپ، ٴسوز سويلەدى. ٴسوز سويلەگەن جولداستار مىنالاردى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ٴتارتىپتى، قاعيدانى اناعۇرلىم قاتايتىپ جانە ايقىنداپ، ٴتارتىپ تاربيەسىن اناعۇرلىم قاتاڭ يگەرىپ، ٴتارتىپ اتقارۋدى اناعۇرلىم قاتايتىپ، ٴىس جۇزىندىك ارەكەت ارقىلى ”ەكىنى تۇراقتاندىرۋدى“ ادالدىقپەن قورعاپ، ”ەكىنى قورعاۋدى“ باتىلدىقپەن ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ كەرەك.
ەركىن تۇنياز سوزىندە بىلاي دەپ باسا دارىپتەدى: پارتيانىڭ ٴتارتىپ قۇرىلىسىن جاپپاي كۇشەيتۋدىڭ توتەنشە ماڭىزدىلىعىن تەرەڭ تانىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن، باتىلدىقپەن تياناقتاندىرىپ، اۆتونوميالى رايوندىق پارتكومنىڭ قىزمەت تالابى بويىنشا، پارتيانى جاپپاي قاتاڭ باسقارۋدى ماڭگى جالعاستىراتىن قايسارلىقتى، تاباندىلىقتى قاي ـ قاشان دا ساقتاپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ كەرەك.
ەركىن تۇنياز بىلاي دەپ باسا دارىپتەدى: ساياسي قۇرىلىستى بۇلجىماي ماڭداي الدى ورىنعا قويىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن بارلىق قىزمەتتى ولشەيتىن ”سىزعىش“ ەتىپ، ٴارقاشان، بارلىق ىستە، بارلىق جەردە ولشەمگە، تالاپقا تۋرالانىپ، شينجياڭنىڭ ٴتۇرلى ىستەرىنىڭ جاڭا جاعدايىن قايراتتانا اشۋ كەرەك. ٴتارتىپتى، قاعيدانى بۇلجىماي الدا قويىپ، سانالىلىقپەن قاعيداعا، تارتىپكە بويسۇنىپ، تۇرمىستا تالعاۋسىزدىق ىستەمەي، قىزمەتتە ەركىنسىمەي، باستان ـ اياق ٴتارتىپ بويىنشا، بەلگىلەمە، ٴتۇزىم بويىنشا ٴىس ٴبىتىرۋ كەرەك. دۇرىس ناتيجە كوزقاراسىن بۇلجىماي بەرىك ورناتىپ جانە امالياتتا ايگىلەپ، تەكسەرۋ ـ زەرتتەۋگە ٴمان بەرىپ، نەگىز قالايتىن، ٴتۇبىردى بەكەمدەيتىن، بولاشاققا ٴتيىمدى قىزمەتتەردى كوپتەپ ىستەپ، فورماشىلدىققا، تورەشىلدىككە باتىل قارسى تۇرىپ، وي مەن كۇش ـ جىگەردى دامۋدى جەبەۋگە، حالىقتى باقىتقا كەنەلتۋگە جۇمساۋ كەرەك.
ەركىن تۇنياز بىلاي دەپ باسا دارىپتەدى: پارتيا ٴتارتىبىن ۇيرەنۋ تاربيەسىنىڭ جەتىستىكتەرىن قولدانۋدى ۇزدىكسىز تەرەڭدەتىپ، كۇندەلىكتى تۇرمىسپەن توعىستىرىپ، اناعۇرلىم ناقتى ىستەرمەن اينالىساتىن جوعارى ٴونىمدى پاك ۇكىمەت تۇلعالاۋ كەرەك. ۇكىمەتتىڭ ٴار دارەجەلى پارتيا باسشىلىق گرۋپپاسىنىڭ مۇشەلەرى نازاردى ماڭىزدى تۇيىنگە شوعىرلاندىرىپ، ٴتۇيىندى سالالار مەن شەشۋشى بۋىنداردى جۇيەلى، ۇزاق ٴونىمدى باسقارۋدى شىنايى تەرەڭدەتىپ، ۇكىمەت قىزمەتىنىڭ زاڭمەن باسقارىلۋىن، ارناعا ٴتۇسۋىن، عىلميلانۋ دەڭگەيىن جاپپاي جوعارىلاتۋى كەرەك. پارتيا ستيلى، پاكتىك قۇرىلىسىن تەرەڭدەتىپ، پارتيا ستيلى، پاكتىك قۇرىلىسىندا ٴبىرىنشى جاۋاپتى ادامنىڭ جاۋاپكەرشىلىگى مەن ”ٴبىر قىزمەت ورنىندا قوس جاۋاپكەرشىلىك ارقالاۋ“ تالابىن مۇقيات تياناقتاندىرىپ، ستيلى پاك، سالتى دۇرىس ساياسي ەكولوگيا جانە ٴىس تىندىرىپ ناتيجە شىعاراتىن قويۋ راي قالىپتاستىرۋدى ىلگەرىلەتۋ كەرەك.
ەركىن تۇنياز بىلاي دەپ باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىن ولشەم ەتىپ، نازاريالىق ۇيرەنۋدى ۇزدىكسىز تەرەڭدەتىپ، كورنەكتى ماسەلەلەردى مۇقيات تەكسەرىپ، كەڭىنەن ۇسىنىس ـ پىكىر قابىلداپ، سىرلاسۋدى، سويلەسۋدى تىڭعىلىقتى ورىستەتىپ، سىن جانە ٴوز ـ وزىنە سىندى قاتاڭ ورىستەتىپ، تۇزەتىپ تياناقتاندىرۋدى ناقتى، جوعارى ٴونىمدى ويداعىداي يگەرىپ، دەموكراتيالىق تۇرمىس جيىنىن جوعارى ساپامەن، جاڭا بەينەمەن اشۋعا شىنايى كەپىلدىك ەتۋ كەرەك.
قايسار ابدۇكەرىم، جۋ ليفان، پان شي ۇيرەنۋگە، زەرتتەۋ ـ تالقىعا قاتىناستى.
