بورىش ارقالاپ، شەبەرلىكپەن ىسكەرلىك كورسەتىپ، ٴبىر نيەتپەن سەلبەسىپ جاڭا تاراۋ جازدى
—— اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنەن بەرگى قىزمەتتەرگە جالپى شولۋ
انار بۇلت \ شينجياڭ گازەتىنىڭ ٴتىلشىسى جاڭ يانفاڭ
زەيىن ـ زەردەنى، كۇش ـ قۋاتتى شوعىرلاندىرا قاجىرلىلىقپەن ىسكەرلىك كورسەتتى، كوكتەمدە گۇلدەپ، كۇزدە ماۋەلەگەن تاعى ٴبىر جىل بولدى.
2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، سونداي ـ اق جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعى. اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق ساياسي كەڭەس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، ”بەس ۇلكەن ستراتەگيالىق ورىندى“ كوزدەپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسىپ، ۇكىمەت ىسىنە اقىل ـ كەڭەس بەرۋ فۋنكتسياسىن جاپپاي اتقارىپ، حالىق دەموكراتياسىنىڭ شىنايى ٴمانىن امالياتتا ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا نىق تا پارمەندى مىندەت اتقارۋ ىزدەرىن قالدىردى.
ىشكەرىلەي ۇيرەنۋ بارىسىندا يدەيالىق نەگىزدى بەكەمدەدى
تۋ بەتالىستى نۇسقايدى، نازاريا امالياتقا جەتەكشىلىك ەتەدى.
وتكەن ٴبىر جىلدا اۆتونوميالى رايوندىق ساياسي كەڭەس تۋى ايقىن تۇردە ساياسيدى دارىپتەپ، پارتيانىڭ جاسامپاز نازارياسىمەن اۋەلگى ماقساتتى نارلەندىرۋگە تاباندى بولىپ، سانالى تۇردە پارتيانىڭ باسشىلىعىن ساياسي كەڭەستىڭ بارلىق قىزمەتىنە ٴسىڭىرىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ٴبىر اۋىزدىلىقتى ساقتادى.
2024 ـ جىلى پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جەڭىسپەن اشىلىپ، رەفورمانى ونان ارى جاپپاي تەرەڭدەتۋدىڭ دابىلىن قاقتى.
ٴماجىلىس اياقتاسىمەن اۆتونوميالى رايوندىق ساياسي كەڭەس بۇكىل رايونداعى ٴار دارەجەلى ساياسي كەڭەستەردى، ساياسي كەڭەستەگى ٴارقايسى قاتىناسۋشى ورىنداردى، ٴار ۇلت، ٴار سالا مۇشەلەرىن جانە قالىڭ ساياسي كەڭەس ورگان كادرلارىن جەدەل ارەكەتتەنىپ، جەتە ۇيرەنىپ، جەتە ٴتۇسىنىپ، شىنايى اتقارۋعا، رەفورما جاساۋ ورتاق تانىمىن ۇيىستىرۋعا ۇندەپ، جالپى ٴماجىلىس رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ورلەۋىن ۇزدىكسىز كوتەردى.
ۇيرەنۋگە ٴمان بەرۋ، ۇيرەنۋدى ارداقتاۋ _ حالىق ساياسي كەڭەسىنىڭ تاڭداۋلى ٴداستۇرى.
وسى ٴبىر جىلدا اۆتونوميالى رايوندىق ساياسي كەڭەس پارتيانىڭ جاسامپاز نازارياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومدادى. ”ٴبىرىنشى كەڭەس تاقىرىبى“ ٴتۇزىمىن مۇقيات تياناقتاندىرىپ، ”شينجياڭ ساياسي كەڭەسى. يۇيلۋ مىنبەرى“ سياقتى ۇيرەنۋ تۇعىرلارىنان ويداعىداي پايدالانىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ اڭگىمە ٴماجىلىسى تۇزىمىنە تاباندى بولىپ، ”ٴتورت ٴبىر تۇلعالانعان“ ۇيرەنۋ ٴتۇزىمى جۇيەسىن قالىپتاستىرىپ، پارتيانىڭ جاسامپاز نازارياسىنىڭ جۇرەككە ۇيالاپ، ارەكەتتە ايگىلەنۋىنە مۇمكىندىك جاسادى.
وسى ٴبىر جىلدا اۆتونوميالى رايوندىق ساياسي كەڭەس پارتيا ٴتارتىبىن ۇيرەنۋ تاربيەسىن تىڭعىلىقتى ورىستەتتى. ارناۋلى تاقىرىپتىق كىتاپ وقۋ كلاسىن وتكىزۋ، مامانداردى تۇسىندىرۋگە، پىسىقتاۋعا ۇيىمداستىرۋ سياقتىلار ارقىلى پارتيا مۇشەلەرىن، كادرلاردى ٴتارتىپتى، قاعيدانى جۇرەككە ۇيالاتۋعا، ارەكەتتە ايگىلەۋگە جەتەكتەپ، قايراتتانا ٴىس تىندىرۋ، ٴىس ىستەپ ناتيجە شىعارۋ جىگەر ـ قايراتىن سەرپىلتتى.
ۇيرەنۋدى، وي جۇگىرتۋدى، قولدانۋدى ساباقتاستىردى، ٴبىلۋدى، سەنۋدى، ارەكەتتى بىرلىككە كەلتىردى. اۆتونوميالى رايوندىق ساياسي كەڭەس باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جەتە ۇيرەنىپ، جەتە ٴتۇسىنىپ، شىنايى تياناقتاندىرىپ، ىنتىماقتاسا كۇرەس جۇرگىزۋ ورتاق يدەيا ـ ساياسي نەگىزىن اناعۇرلىم بەكەمدەدى؛ ساياسي كەڭەس پارتيا باسشىلىق گرۋپپاسىنىڭ بەتالىستى يگەرۋ، كەلەلى جاعدايدى مەڭگەرۋ، تياناقتاندىرۋعا كەپىلدىك ەتۋ جاعىنداعى باسشىلىق رولىن تولىق ساۋلەلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ۇيرەنۋدى، دايەكتىلەندىرۋدى، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تەرەڭدەۋىن، ناقتىلانۋىن ىلگەرىلەتتى.
ۇكىمەت ٴىسىن كەڭەسۋ بارىسىندا اقىل ـ پاراسات، كۇش ـ قۋات توپتادى
پارتيانىڭ وزەكتى قىزمەتى قاي جەرگە دەيىن ىلگەرىلەتىلسە، ٴار ۇلت بۇقاراسىنىڭ مۇددەسى قاي جەرگە قاتىستى بولسا، ساياسي كەڭەستىڭ كۇشى سول جەرگە شوعىرلاندىرىلادى، ساياسي كەڭەستىڭ رولى سول جەردە ساۋلەلەندىرىلەدى.
شينجياڭ ٴبىر شاحمات تاقتاسى دەسەك، وڭتۇستىك شينجياڭ ”شاحمات كوزى“. ” قاشقار، حوتان سياقتى جەرلەردە كوپتەگەن ٴوزى كولىك جۇرگىزىپ ساياحاتتاۋ بويىنشا شوعىرلاندىرۋ ـ اتتاندىرۋ ورنىن، اۆتوكولىك كلۋبىن سالىپ، تومەن كەڭىستىك ەكونوميكاسى كاسىپ سالالارىنىڭ دامۋىن ىلگەرىلەتۋدى ۇسىنىس ەتەمىن“، ”ساياساتتى اتقارۋدى باقىلاۋ مەحانيزمىن قۇرۋ، اقاۋسىزداندىرۋ كەرەك“ ...
بىلتىر 10 ـ ايدا اۆتونوميالى رايون ينتەرنەت جەلىسىندە جانە جەلىدەن تىس جۇرگىزۋدى ٴوزارا ۇشتاستىرۋ فورماسىن قولدانىپ، شينجياڭ كاسىپورىندارى. ٴتوراعالار بەتپە ـ بەت كەڭەسۋ اڭگىمە ٴماجىلىسىن اشتى، 9 بولىمشە الاڭدا 550دەن استام كاسىپورىن، 1000عا تاياۋ ادام قاتىناسىپ، ”كاسىپورىنداردىڭ ومىرشەڭدىك كۇشىن تاسقىنداتۋ، وڭتۇستىك شينجياڭنىڭ دامۋىن جەبەۋ“ نەگىزگى تاقىرىبىن ارقاۋ ەتىپ، ۇكىمەت پەن كاسىپورىنداردىڭ تىكەلەي تىلدەسۋىن جۇرگىزدى. جينالعان 1200دەن استام پىكىر ـ ۇسىنىس سالالانىپ، جيناقتالىپ، اۆتونوميالى رايوندىق پارتكومداعى نەگىزگى باسشىلاردىڭ بەكىتۋىنەن وتكەننەن كەيىن، قاتىستى تاراۋلار جاعىنان مۇقيات رەتتەلىپ، تياناقتاندىرىلدى.
جوعارى ساپالى دامۋ كەلەلى جاعدايىن كوزدەۋدەن نازاردى حالىق تۇرمىسىنىڭ قۇت ـ ىرىسىنا شوعىرلاندىرۋعا دەيىن اۆتونوميالى رايوندىق ساياسي كەڭەس ورىستەتكەن ٴار رەتكى تەكسەرۋ ـ زەرتتەۋدەن، ٴار رەتكى ۇكىمەت ٴىسىن كەڭەسۋدەن، العا قويعان ٴاربىر اقىل ـ شارادان وزەكتى ارقاۋ ەتىپ، كەلەلى جاعدايعا قىزمەت وتەۋ سىندى جاۋاپكەرشىلىك تانىمىن بەينەلەمەگەنى جوق، ٴبارى ٴبىر نيەتپەن سەلبەسىپ، نىق قاداممەن العا باسۋ سىندى بورىش ارقالاۋدى ايگىلەۋدە _
نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋگە شوعىرلاندىرىپ، مىندەت اتقارىپ، جاۋاپكەرشىلىكتى ادا ەتتى.
جۇڭگو (شينجياڭ) ەركىن ساۋدا سىناق رايونى ٴتۇيىندى رەفورما مىندەتتەرىن قاداعالاپ، حاينانعا، يۇننانعا، گۋاڭشيگە بارىپ ۇيرەنۋدە، تەكسەرۋدە بولىپ، ارناۋلى تاقىرىپتىق ۇكىمەت ىسىنە اقىل ـ كەڭەس بەرۋ سيپاتىنداعى تۇراقتى كوميتەت ٴماجىلىسىن اشىپ، ”وڭىرلىك باسىمدىقتى ساۋلەلەندىرىپ، جوعارى دەڭگەيدە سىرتقا ەسىك اشۋدى كەڭەيتىپ، جۇڭگو (شينجياڭ) ەركىن ساۋدا سىناق رايونى قۇرىلىسىن ىلگەرىلەتۋ“ كەڭەستىك تاقىرىبىن ارقاۋ ەتىپ، ۇكىمەت ٴىسىن كەڭەستى، ماجىلىستە العا قويىلعان كوپتەگەن ۇسىنىستى قاتىستى تاراۋلار قابىلدادى.
”شينجياڭنىڭ ٴىشى ـ سىرتىنداعى ۇلتتاردىڭ ارالاسۋىن، ىشتەسۋىن، توعىسۋىن كەڭەيتۋدە جاڭالىق اشىپ، جۇڭحۋا ۇلتى ورتاق تۇلعا قۇرىلىسىن جەبەۋدى“ ارقاۋ ەتىپ، ارناۋلى تاقىرىپتىق ۇكىمەت ىسىنە اقىل ـ كەڭەس بەرۋ سيپاتىنداعى تۇراقتى كوميتەت ٴماجىلىسىن وتكىزىپ، نازاردى ”رايونىمىزدىڭ بەيزاتتىق مادەنيەت مۇرالارىن جاسامپازدىقپەن كادەگە جاراتۋدى، جاڭالىق اشىپ دامىتۋدى ىلگەرىلەتۋ“ سياقتى نەگىزگى تاقىرىپتارعا شوعىرلاندىرىپ ايلىق كەڭەس اڭگىمە ٴماجىلىسىن وتكىزىپ، كوپ پاراساتىن ساۋلەلەندىرىپ، بىرگە تاماشا ٴادىس قاراستىرىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ اناعۇرلىم ناقتى، جاندى، ٴونىمدى بولۋىن ىلگەرىلەتتى. سونىمەن قاتار، مادەنيەت ـ كوركەمونەر سالاسى مەن اقپارات ـ باسپا ٴسوز سالاسى سالالىق كەڭەس رولىن تولىق ساۋلەلەندىرىپ، تيانشان ادەبيەت سيلىعىنىڭ تاعايىندالۋىن ورىنداپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋگە دەم بەردى.
جوعارى ساپالى دامۋدى ىلگەرىلەتۋ ٴۇشىن پاراسات شوعىرلاندىرىپ، كۇش قوستى
شينجياڭ كاسىپورىندارى. توراعالارمەن بەتپە ـ بەت كەڭەسۋ اڭگىمە ماجىلىسىندە بەرىلگەن ۇسىنىس جەتىستىكتەرىن كادەگە جاراتۋدى ۇزدىكسىز قاداعالاپ، ٴىس جۇزىندىك ارەكەت ارقىلى ”ون ٴىرى كاسىپ سالاسى شوعىرى“ قۇرىلىسىنا دەم بەردى. بيڭتۋان مەن جەرگىلىكتى ورىننىڭ بىرلەسىپ ارەكەتتەنۋى مەحانيزمىن ورناتىپ، ”استىق، ماقتا، جەمىس، مال“ كاسىپ سالالارىن دامىتۋ ماماندار قويماسىن قۇرىپ، استىق كاسىپ سالاسىنىڭ تۇرلەنۋ ونىمدىلىگىن جوعارىلاتۋ سياقتى نەگىزگى تاقىرىپتاردى ارقاۋ ەتىپ، ارناۋلى تاقىرىپتىق تەكسەرۋ ـ زەرتتەۋ، ارناۋلى تاقىرىپتىق كەڭەس وتكىزىپ، مەملەكەتتىڭ استىق حاۋىپسىزدىگىن قامتاماسىز ەتۋ ٴۇشىن ناقتى شارا شىعارىپ، تاماشا ٴتاسىل قاراستىردى. ماكرولىق ەكونوميكا جاعدايىنا تالداۋ جاساۋ اڭگىمە ٴماجىلىسىن 2 رەت اشىپ، رايونىمىزدىڭ تۇراقتى مۇلىككە قارجى قوسۋىنىڭ ورنىقتى ارتۋىن ىلگەرىلەتۋدى، قورا ـ جاي حاۋىپ ـ قاتەرىن ٴونىمدى جويۋدى ارقاۋ ەتىپ، 17 ٴتۇرلى سىندارلى شارا ـ ۇسىنىس العا قويدى.
كەڭەس بارىسىندا ”حالىق ساياسي كەڭەسى حالىق ٴۇشىن“ سىندى قۇن تالپىنىسىن ايگىلەدى.
تاماشا ەكولوگيالىق ورتا _ ەڭ ٴادىل الەۋمەتتىك ٴونىم، ەڭ جالپىعا ٴتيىمدى حالىق تۇرمىسى قۇت ـ ىرىسى. اۆتونوميالى رايوندىق ساياسي كەڭەس ”شولەيتتەنۋدەن جالپىلاي ساقتانۋ ـ جونگە سالۋدى كۇشەيتىپ، تاكلاماكان ٴشول جيەگى توسقاۋىل شايقاسىن بار كۇشپەن ويداعىداي جۇرگىزۋ“ نەگىزگى تاقىرىبىن ارقاۋ ەتىپ، ىشكەرىلەي كەڭەس وتكىزىپ، 8 ٴتۇرلى 31 تارماق ۇسىنىس قالىپتاستىرىپ، اۆتونوميالى رايوننىڭ «شينجياڭنىڭ تاكلاماكان ٴشول جيەگى توسقاۋىل شايقاسى جالپى تۇلعالىق جوباسىن» جاساۋعا ماڭىزدى دايەك ازىرلەدى؛ مۇگەدەكتەردىڭ جۇمىستانۋى، شارۋاشىلىق قۇرۋى سياقتى كەڭەستىك تاقىرىپتارمەن تىعىز بايلانىستىرىپ، تەكسەرۋ ـ زەرتتەۋ ورىستەتىپ، ”نەگىزدىك زەينەتكەرلىك قىزمەت وتەۋى جۇيەسى قۇرىلىسىن ىلگەرىلەتۋ“ توڭىرەگىندە ىشكەرىلەي كەڭەسىپ، بۇقارانىڭ تىلەگىن ساياسي كەڭەس نازار اۋداراتىن ىسكە اينالدىردى.
ارناۋلى تاقىرىپتىق ۇكىمەت ىسىنە اقىل ـ كەڭەس بەرۋ سيپاتىنداعى تۇراقتى كوميتەت ماجىلىسىنەن، ايلىق كەڭەس اڭگىمە ماجىلىسىنەن ارناۋلى تاقىرىپتىق كەڭەس ماجىلىسىنە، سالالىق كەڭەس اڭگىمە ماجىلىسىنە، ماماندار كەڭەس اڭگىمە ماجىلىسىنە دەيىن اۆتونوميالى رايوندىق ساياسي كەڭەستىڭ ۇكىمەت ٴىسىن كەڭەسۋ جۇيەسى ۇزدىكسىز كەمەلدەندىرىلىپ، كەڭەس مازمۇنى اناعۇرلىم بايىپ، كەڭەس فورماسى اناعۇرلىم الۋان تۇرلىلەنىپ، كەڭەس ارناسى اناعۇرلىم كەڭەيىپ، كورىكتى شينجياڭ قۇرۋعا اقىل ـ پاراسات جانە كۇش ـ قۋات توپتادى.
رەفورما جاساۋ، جاڭالىق اشۋ بارىسىندا مىندەت اتقارۋ قابىلەتىن جوعارىلاتتى
پارتكوم مەن ۇكىمەتتەگى نەگىزگى باسشىلاردىڭ ٴتۇيىندى ۇسىنىس جوبالاردىڭ بىتىرىلۋىنە باستاماشىلدىقپەن قۋزاۋشىلىق ەتۋى _ جاڭالىق اشۋ سيپاتتى تۇزىمدىك ورنالاستىرۋ. 2024 ـ جىل _ وسى ٴتۇزىم اتقارىلعان 3 ـ جىل، پارتكوم مەن ۇكىمەتتەگى باسشىلار اناعۇرلىم باسا ٴمان بەرىپ، ٴبىتىرۋ جوباسىن جاساۋ، ٴبىتىرۋ شاراسىن اقىلداسۋ سياقتى جاقتاردا بار جۇمىستى وزدەرى تىندىرىپ، ۇلگى كورسەتىپ، جەتەكشىلىك ەتتى.
2024 ـ جىلى 12 ـ ايدىڭ 20 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي بىتىرىلۋىنە ٴوزى باستاماشىلدىقپەن قۋزاۋشىلىق ەتكەن ”جۇڭحۋا ۇلتى ورتاق تۇلعا تانىمىن بەكەمدەۋدى ىشكەرىلەي ىلگەرىلەتۋ“ جونىندەگى ساياسي كەڭەس ۇسىنىس جوباسىنىڭ ٴبىتىرىلۋ احۋالىنان جاسالعان مالىمەتتى تىڭداپ، ۇسىنىس جوبانى ٴبىتىرۋ قىزمەتىن جوعارى ساپالى ىلگەرىلەتۋدى قاتىستى ورىندارمەن بىرگە اقىلداستى.
اۆتونوميالى رايوندىق ساياسي كەڭەس ٴتۇيىندى ۇسىنىس جوبالاردىڭ تاقىرىبىن تاڭداۋ كەڭەس ٴماجىلىسىن تۇڭعىش رەت اشۋ، قىزمەت باعدارناماسىن جازۋ سياقتى شارالار ارقىلى ٴتۇيىندى ۇسىنىس جوبالاردى ٴبىتىرۋ قىزمەتىنىڭ تۇزىمدەنۋىن، ارناعا ٴتۇسۋىن، تارتىپكە ٴتۇسۋىن ۇزدىكسىز ىلگەرىلەتىپ، ”پارتكوم مەن ۇكىمەتتەگى نەگىزگى باسشىلاردىڭ ٴتۇيىندى ۇسىنىس جوبالاردىڭ بىتىرىلۋىنە باستاماشىلدىقپەن قۋزاۋشىلىق ەتۋى“ سىندى مىندەت اتقارۋ ماركاسىن جارقىراتا ٴتۇستى. 2024 ـ جىلى 9 ـ ايدىڭ سوڭىنا دەيىن اۆتونوميالى رايوندىق ساياسي كەڭەستىڭ 13 ٴتۇيىندى ۇسىنىس جوباسى جوعارى ساپالى ٴبىتىرىلىپ اياقتاپ، ”بىرەۋىن ويداعىداي ٴبىتىرىپ، ٴبىر اۋماقتىڭ ٴىسىن شەشۋ“ ونىمىنە جەتتى.
اۆتونوميالى رايونداعى نەگىزگى باسشىلاردىڭ ۇلگى كورسەتىپ، جەتەكشىلىك ەتۋىندە، بۇكىل شينجياڭداعى 14 ايماق، وبلىس، قالا مەن ٴارقايسى اۋدان، قالا، رايوندارداعى پارتكوم مەن ۇكىمەتتەگى نەگىزگى جاۋاپتى جولداستار ساياسي كەڭەستىڭ ٴتۇيىندى ۇسىنىس جوبالارىنىڭ بىتىرىلۋىنە باستاماشىلدىقپەن قۋزاۋشىلىق ەتۋ قىزمەتىمەن جاپپاي قامتۋى جۇزەگە اسىرىلدى.
باتىلدىقپەن بورىش ارقالاپ، امالياتقا بەلسەنە ىزدەنىس جاسادى. ٴبىر جىلدان بەرى، اۆتونوميالى رايوندىق ساياسي كەڭەس مىندەت اتقارۋ قابىلەتى قۇرىلىسىن رەفورما جاساۋ، جاڭالىق اشۋ رۋحىمەن ىلگەرىلەتىپ، ساياسي كەڭەس قىزمەتىنىڭ جاڭا جاعدايىن اشتى _
ارناۋلى كوميتەتتىڭ نەگىزدىك رولىن ساۋلەلەندىرىپ، اۆتونوميالى رايوندىق ساياسي كەڭەس اقپارات ـ باسپا ٴسوز، شيپاگەرلىك ـ دارىگەرلىك جانە دەنساۋلىق ساقتاۋ سياقتى 6 سالالىق كوميتەت قىزمەت كەڭسەسى قۇرىلدى. بۇكىل رايونداعى نەگىزگى ساتى ساياسي كەڭەس قىزمەتىن جۇمىس باسىندا ىلگەرىلەتۋ ٴماجىلىسىن اشىپ، ٴار دارەجەلى ساياسي كەڭەستىڭ پايدالى ىزدەنىس جانە اماليات ورىستەتۋىن ىلگەرىلەتىپ، ”ٴۇرىمجى. بىرگە اقىلداسۋ“ سياقتى بۇقارانىڭ ۇيلەرىنىڭ جانىندا قۇرىلعان كەڭەستىك دەموكراتيا بويىنشا مىندەت اتقارۋ تۇعىرلارى ”كوپتىڭ ٴىسىن كوپ بولىپ اقىلداسۋدىڭ“ اناعۇرلىم جۇرت جۇرەگىنە ۇيالاۋىنا مۇمكىندىك جاسادى؛
بىرلەسىپ تەكسەرۋ ـ زەرتتەۋ ورىستەتىپ، كەڭەس قيمىلىن بىرلەسىپ وتكىزىپ، پارتيا سىرتىنداعى زيالىلاردىڭ، جالپىلىق مەنشىككە جاتپايتىن ەكونوميكا قايراتكەرلەرىنىڭ، جاڭا قوعامدىق جىك قايراتكەرلەرىنىڭ پىكىر ـ تالاپتارىن ٴبىلدىرۋ ارناسىن ىركىلىسسىزدەندىرىپ، ٴارقايسى دەموكراتيالىق پارتيا ـ توپتاردىڭ، ساۋدا ـ ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ساياسي كەڭەستە اناعۇرلىم ويداعىداي مىندەت اتقارۋىنا شارت ـ جاعداي ازىرلەدى؛
جاڭالىق اشا قۇرىلعان شينجياڭ ساياسي كەڭەسىنىڭ شياڭگاڭ وسىزامانداندىرۋدى جەبەۋ كاسىپتىك قايراتكەرلەرى بىرلەستىگىمەن پىكىر اۋىستىرۋ، سەلبەستىك جاساسۋ مەحانيزمى تاعى تىڭ جەتىستىكتەرگە قول جەتكىزدى. بىلتىر وتكىزىلگەن شياڭگاڭ حالىقارالىق ايتۋلى اراق كورمەسىندە شينجياڭنىڭ ٴجۇزىم شارابى جارق ەتىپ كوزگە ٴتۇسىپ، دۇنيەنىڭ جەر ـ جەرىندەگى ٴجۇزىم شارابى ساۋداگەرلەرىن 100گە جۋىق نيەتتىك توقتامعا قول قويۋعا باۋرادى؛
”ٴۇش ولكە (رايون) ٴبىر قالا“ ساياسي كەڭەسىنىڭ شياڭگاڭدىق، اۋمىندىق، تايۋاندىق چياۋميندەر جانە سىرتقى ىستەر قىزمەتى اۋىس ـ كۇيىس سەلبەستىگىن ۇزدىكسىز تەرەڭدەتىپ، ”سىرتتان ەنگىزۋ“، ”سىرتقا شىعارۋ“ سەرپىنىن ارتتىردى. شەتەلدەگى چياۋمين باۋىرلاستاردىڭ شينجياڭعا كەلىپ تەكسەرۋ جۇرگىزۋىن قابىلداپ، جۇڭگو شينجياڭ دوستىق سەلبەستىك اۋىس ـ كۇيىس ۇيىرمەسى جاپونيادا، كورەيادا ساپاردا بولىپ، مىڭ بوياۋلى شينجياڭدى زور كۇشپەن ۇگىتتەپ، شينجياڭنىڭ اشىق، سەنىمدى جاڭا كەلبەتىن، جاڭا بەينەسىن ايگىلەدى؛
”ساياسي كەڭەستى ٴتۇسىنۋ، كەڭەسۋدى ٴبىلۋ، ۇكىمەت ٴىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، ٴمورالعا ٴمان بەرۋ“ سىندى ماڭىزدى تالاپتى ”ەكى قوسىن“ قۇرىلىسىنىڭ جالپى بارىسىنا ٴسىڭىرىپ، مۇشەلەردىڭ نەگىزگى ساتىنى ارالاۋى، مۇشەلەردىڭ مىندەت اتقارىپ ”حالىققا قىزمەت وتەۋى“ سياقتى قيمىلداردى 1000 رەتتەن ارتىق ۇيىمداستىرىپ وتكىزدى.
جاڭا جورىققا قادام تاستاعان اۆتونوميالى رايوندىق ساياسي كەڭەس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدى ٴوزارا ساباقتاستىرۋ، ۇكىمەت ىسىنە اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، تۋراشىلدىقتان اينىماي جاڭالىق اشىپ، شىنايى تياناقتاندىرىپ ناقتى ىستەپ، جۇرت تىلەگىن، ورتاق تانىمدى، اقىل ـ پاراساتتى، كۇش ـ قۋاتتى كەڭ كولەمدە ۇيىستىرىپ، ەڭ ۇلكەن سەنترلەس شەڭبەردى ويداعىداي سىزىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا ساياسي كەڭەستىڭ كۇش ـ قۋاتىن قوسادى.
