انار بۇلت \ شينجياڭ گازەتىنىڭ ٴتىلشىسى جاڭ يانفاڭ 1 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ 9 ـ ماجىلىسىنەن ۇعىسۋىمىزشا، اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنەن بەرى اۆتونوميالى رايوندىق حالىق ۇكىمەتىنىڭ بىتىرۋىنە تاپسىرىلعان 487 ۇسىنىس جوبا تۇگەلدەي بىتىرىلگەن جانە جاۋاپ قايتارىلعان.
بىتىرۋگە العان 487 ۇسىنىس جوبانىڭ 256سى ەكونوميكالىق قۇرىلىس تۇرىنە، 135ى قوعامدىق قۇرىلىس تۇرىنە، 54ى مادەنيەت قۇرىلىس تۇرىنە، 36سى ەكولوگيالىق وركەنيەت قۇرىلىس تۇرىنە، التاۋى ساياسي قۇرىلىس تۇرىنە سايادى. 487 ۇسىنىس جوبانى ٴبىتىرۋ مىندەتىن جەكە ـ جەكە 34 تاراۋ (ورىن) جانە 8 ايماق، وبلىس، قالا ناقتى مىندەتىنە الدى، كەڭەسۋ مولشەرى، ٴبىتىرىلۋ مولشەرى، رازىلىق دارەجەسى تۇگەلدەي %100 بولىپ، ٴبىتىرىلۋ مولشەرى %91.79كە جەتتى.
ۇسىنىس جوبالاردى ٴبىتىرۋ ناتيجەسىندە شەشىلگەن نەمەسە قابىلدانعانى 311 بولىپ، بىتىرۋگە تاپسىرىلعان جالپى ساننىڭ %63.86ىن يەلەگەن؛ ىلگەرىلەتۋ جوسپارىنا ەنگىزىلىپ شەشىلمەكشى بولعانى 136 بولىپ، %27.93تى يەلەگەن؛ ورتاعا قويىلعان ۇسىنىستىڭ ۋاقىتشا شەشىلمەي، بۇدان بىلايعى شەشىم جاساۋدا پايدالانۋعا قالدىرىلعانى 40 بولىپ، %8.21تى يەلەگەن.
اۆتونوميالى رايوندىق حالىق ۇكىمەتى ۇسىنىس جوبالاردى ٴبىتىرۋ قىزمەتىنە ايرىقشا ٴمان بەرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋمەن، كەڭەيتۋمەن جانە پارتيا ٴتارتىبىن ۇيرەنۋ تاربيەسىن ورىستەتۋمەن تىعىز ۇشتاستىرىپ، ۇسىنىس جوبالاردى ٴبىتىرۋ قىزمەتىن اۆتونوميالى رايوندىق حالىق ۇكىمەتىنىڭ جالپى تۇلعالىق قىزمەتىنە ەنگىزىپ، بىرگە ورنالاستىرىپ، بىرگە ىلگەرىلەتىپ، بىرگە تياناقتاندىرىپ، ٴبىتىرۋدى مىندەتىنە العان تاراۋلاردىڭ (ورىنداردىڭ) ۇسىنىس جوبالاردى ٴبىتىرۋ قىزمەتىن مۇقيات ويداعىداي ىستەۋىن پارمەندى ىلگەرىلەتتى. اۆتونوميالى رايوندىق ۇكىمەتتەگى باسشى جولداستار 3 ٴتۇيىندى ۇسىنىس جوبانى باستاماشىلدىقپەن قۋزاپ ٴبىتىرىپ، ٴبىتىرۋ جونىندە تەكسەرۋ ـ زەرتتەۋ جۇرگىزۋگە، ٴبىتىرۋ جوباسىنا تۇجىرىم جاساۋعا، ارناۋلى تاقىرىپتىق ٴماجىلىس اشۋعا، ٴبىتىرۋ قىزمەتىن سايكەستىرۋگە، ۇيىمداستىرۋعا، جاۋاپ قايتارۋ پىكىرىن تەكسەرىپ بەكىتۋگە باستاماشىلدىقپەن ات سالىسۋعا تاباندى بولدى، ۇسىنىس جوبانىڭ ٴبىتىرىلۋ مولشەرى %100كە جەتتى. جەر ـ جەر، تاراۋلار پارتيا مەن ۇكىمەتتىڭ نەگىزگى جاۋاپتىلارىنىڭ ”ٴبىرىنشى جاۋاپتى ادام“ بولۋ تالابىن قاتاڭ تياناقتاندىرىپ، مۇقيات تالداۋ جاساپ، تەكسەرۋ ـ زەرتتەۋ جۇرگىزىپ، ٴبىتىرۋ جوباسىن عىلمي جاساپ، ٴبىتىرۋ قىزمەت جاۋاپكەرشىلىگىن ناقتىلاندىرىپ، ٴبىر دارەجە ٴبىر دارەجەنى يگەرەتىن، ساتىلار بويىنشا تياناقتاندىرۋدى يگەرەتىن جاۋاپكەرشىلىك جۇيەسىن قالىپتاستىرىپ، ٴاربىر ۇسىنىس جوبانىڭ دەر كەزىندە، جوعارى ساپالى بىتىرىلۋىنە شىنايى كەپىلدىك ەتىپ، ”ٴبىر ـ بىردەن جاۋاپ قايتارۋ، ٴاربىر ٴىستى تياناقتاندىرۋدى“ ورىندادى.
كەلەسى قادامدا اۆتونوميالى رايوندىق حالىق ۇكىمەتى مۇشەلەردىڭ قىزمەت جاۋاپكەرشىلىگىن اناعۇرلىم ويداعىداي اتقارۋىن ۇزدىكسىز قولداپ، ۇسىنىس جوبالارعا جاۋاپ قايتارۋدى، تياناقتاندىرۋدى ۇزدىكسىز مىقتى يگەرىپ، ناقتى يگەرىپ، ۇسىنىس جوبالاردىڭ تياناقتانىپ تامىر تارتۋىن ۇزدىكسىز ىلگەرىلەتىپ، حالىق بۇقاراسىن اناعۇرلىم كوپ تيىمدىلىككە كەنەلتىپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرەدى.
