انار بۇلت \ شينجياڭ گازەتىنىڭ ٴتىلشىسى سۋ لۋپيڭ 1 ـ ايدىڭ 15 ـ كۇنى ۇرىمجىدەن حابارلايدى. 2025 ـ جىلعى اۆتونوميالى رايوندىق دەنساۋلىق ساقتاۋ، سالاماتتىق قىزمەتى ماجىلىسىنەن ۇعىسۋىمىزشا، بيىل رايونىمىز اۋدان كولەمىندەگى ەمدەۋ ورتاق تۇلعاسى بايلىعىنان بىرگە يگىلىكتەنۋ بويىنشا 5 ۇلكەن ورتالىق (كەسكىن ارقىلى دياگنوز قويۋ ورتالىعى، ەلەكتروكارديوگرامما ارقىلى دياگنوز قويۋ ورتالىعى، مەديتسينالىق تەكسەرۋ ورتالىعى، پاتولوگيالىق دياگنوز قويۋ ورتالىعى، دەزينفەكسيالاۋ ـ قامداۋ ورتالىعى) قۇرىلىسىن ىلگەرىلەتەدى ەكەن. اۋىل ـ قالاشىق شيپاحانالارىنىڭ، الەۋمەتتىك اۋماق دەنساۋلىق ساقتاۋ قىزمەت وتەۋى ورتالىقتارىنىڭ كەسكىن، ەلەكتروكارديوگرامما، تەكسەرۋ سياقتى جاقتارداعى دەڭگەيى جوعارى بولماۋ جاعدايىن ٴونىمدى شەشىپ، نەگىزگى ساتىداعى ناۋقاستاردىڭ جاقىن ماڭدا ٴتىپتى دە ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسايدى.
2024 ـ جىلى رايونىمىز سالاماتتى شينجياڭ ستراتەگياسىن ىشكەرىلەي اتقارىپ، نەگىزگى ساتىداعى بۇقارانىڭ سالاماتتىق قاجەتىن بار كۇشپەن قامتاماسىز ەتتى. قازىرگە دەيىن 21 ەمدەۋ توبى، 54 ارناۋلى ٴبولىم بىرلەستىگى، اۋدان كولەمىندەگى 103 ەمدەۋ ورتاق تۇلعاسى، قاشىقتىقتان ەمدەۋ بويىنشا 74 سەلبەسۋ تورى قۇرىلدى؛ بۇكىل رايونىمىزداعى %89.84 اۋىل ـ قالاشىق شيپاحانالارى مەن الەۋمەتتىك اۋماق دەنساۋلىق ساقتاۋ قىزمەت وتەۋى ورتالىقتارى قىزمەت وتەۋ قابىلەتىنىڭ نەگىزگى جانە ودان جوعارى ولشەمىنە جەتتى؛ سوزىلمالى اۋرۋلاردى ەمدەۋدى ٴبىر تۇلعالاندىرعان 373 امبولاتوريا قۇرىپ، سوزىلمالى اۋرۋلاردى ەمدەۋ مەن الدىن الۋدى توعىستىرۋدى ونان ارى كەمەلدەندىردى. ەمدەۋ ورتاق تۇلعاسىنىڭ باستاماشى بولۋىندا شيپاحانانىڭ ارناۋلى ٴبولىم شيپاگەرلەرى” 1+ N“ ٴتاسىلىن قولدانىپ، 12 مىڭ وتباسى شيپاگەرىنىڭ كەلىسىمدى قىزمەت وتەۋ ۇجىمىمەن توعىسىپ، كەلىسىم جاساسقان تۇرعىنداردى تولىق پەريودتى، تولىق ارنايىلانۋدى ۇشتاستىرعان سالاماتتىق قىزمەت وتەۋىمەن قامدادى.
بيىل رايونىمىز جۇيە قۇرىلىسىن كۇشەيتىپ، مەملەكەت دارەجەلى وڭىرلىك ەمدەۋ ورتالىعى، اۆتونوميالى رايون دارەجەلى وڭىرلىك ەمدەۋ ورتالىعى قۇرىلىسىن جەدەلدەتىپ، كلينيكالىق ٴتۇيىندى ارناۋلى ٴبولىم قابىلەتى قۇرىلىسىن كۇشەيتىپ، اۋدان كولەمىندەگى تىعىز ەمدەۋ ورتاق تۇلعاسىنىڭ، ارناۋلى ٴبولىم بىرلەستىگىنىڭ، ەمدەۋ بىرىككەن تۇلعاسىنىڭ رولىن ساۋلەلەندىرىپ، 3 دارەجەلى شيپاحانالاردىڭ باعىتتامالى كومەكتەسۋ ـ سۇيەمەلدەۋىن، ”مىڭ اۋدان ينجەنەرياسى“ اۋداندىق شيپاحانالاردىڭ ەمدەۋ قىزمەت وتەۋ قابىلەتى قۇرىلىسىن كۇشەيتىپ، دارەجەگە ٴبولىپ دياگنوز قويۋ ـ ەمدەۋ ٴتۇزىمىن ونان ارى تياناقتاندىرادى. سونىمەن بىرگە اۋدان كولەمىندەگى ەمدەۋ ورتاق تۇلعاسى بايلىعىنان ورتاق يگىلىكتەنۋ سىندى 5 ۇلكەن ورتالىق قۇرىلىسىن ىلگەرىلەتۋ ارقىلى اۋدان كولەمىندەگى ەمدەۋ بايلىعىن ورنالاستىرۋ مەن پايدالانۋ ونىمدىلىگىن جوعارىلاتىپ، نەگىزگى ساتىدا تۇڭعىش رەت دياگنوز قويۋ، قوس باعىتتا اۋىستىرىپ دياگنوز قويۋ سىندى ەمدەلۋدىڭ جاڭا جاعدايىن شىن مانىندە جۇزەگە اسىرادى. ”سالماقتى اۋرۋلاردى اۆتونوميالى رايوننان شىعارماي ـ اق ەمدەۋ، ادەتتەگى اۋرۋلاردى ايماق، اۋدانداردا ەمدەۋ، كۇندەلىكتى اۋرۋلاردى نەگىزگى ساتىدا ەمدەۋ“ نىساناسى بويىنشا، قالالارداعى ەمدەۋ بايلىعىنىڭ اۋدان، قالا دارەجەلى ورىندارعا قاراي كەڭەيۋىن، اۋدان، قالالاردىڭ ەمدەۋ بايلىعىنىڭ نەگىزگى ساتىعا قاراي كەڭەيۋىن ىلگەرىلەتەدى.
