شينجياڭ ساياسي ـ زاڭ قىزمەتى ٴماجىلىسى اشىلدى
جۇڭگو ۇلگىسىندەگى وسىزامانداندىرۋعا قىزمەت وتەۋ جانە ونى قامتاماسىز ەتۋ ساياسي بورىشىن مىقتاپ يگەرىپ، اناعۇرلىم جوعارى دەڭگەيدەگى تىنىش شينجياڭدى، زاڭمەن باسقارىلاتىن شينجياڭدى قۇلشىنا قۇرۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 17 ـ كۇنى ۇرىمجىدەن حابارلايدى. شينجياڭ ساياسي ـ زاڭ قىزمەتى ٴماجىلىسى 1 ـ ايدىڭ 17 ـ كۇنى اشىلدى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ ساياسي ـ زاڭ قىزمەتى جونىندەگى ماڭىزدى نۇسقاۋىنىڭ جانە ورتالىقتىڭ ساياسي ـ زاڭ قىزمەتى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتىڭ ساياسي حاۋىپسىزدىگىن جانە شينجياڭنىڭ قوعام ورنىقتىلىعىن قورعاۋ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، قايراتتانا العا ۇمتىلىپ، شىنايى يگەرىپ، ناقتى ىستەپ، اناعۇرلىم جوعارى دەڭگەيدەگى تىنىش شينجياڭدى، زاڭمەن باسقارىلاتىن شينجياڭدى قۇلشىنا قۇرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى اناعۇرلىم پارمەندى قامتاماسىز ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو، بيڭتۋان پارتكومىنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى جۋ شۋەبيڭ جەكە ـ جەكە اۆتونوميالى رايوننىڭ جانە بيڭتۋاننىڭ ساياسي ـ زاڭ قىزمەتىنەن بايانداما جاسادى.
ما شيڭرۇي بىلاي دەپ اتاپ كورسەتتى: باس شۋجي شي جينپيڭ ساياسي ـ زاڭ قىزمەتى جونىندە ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، جاڭا داۋىردەگى ساياسي ـ زاڭ قىزمەتىنىڭ جوعارى ساپالى دامۋىنا عىلمي جەتەكشىلىك ەتىپ، ساياسي ـ زاڭ ىستەرىندە تاريحي سيپاتتى وزگەرىس تۋىلۋىن، تاريحي سيپاتتى تابىسقا قول جەتكىزۋدى ىلگەرىلەتتى. ٴبىز باس شۋجي شي جينپيڭنىڭ ساياسي ـ زاڭ قىزمەتى جونىندەگى ماڭىزدى نۇسقاۋىنىڭ رۋحىن جانە ورتالىقتىڭ ساياسي ـ زاڭ قىزمەتى ٴماجىلىسىنىڭ ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، ساياسي ـ زاڭ ورگاندارىنىڭ جۇڭگو ۇلگىسىندەگى وسىزامانداندىرۋعا قىزمەت وتەۋ جانە ونى قامتاماسىز ەتۋ ساياسي بورىشىن مىقتاپ يگەرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ ساياسي حاۋىپسىزدىگىن قورعاۋ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ، قوعامنىڭ ادىلدىگىن، تۋراشىلدىعىن جەبەۋ، حالىقتىڭ تىنىش ٴومىر، شات ـ شادىمان تۇرمىس كەشىرۋىن قامتاماسىز ەتۋ ماڭىزدى جاۋاپكەرشىلىگىن شىنايى ارقالاۋىمىز كەرەك.
ما شيڭرۇي بىلاي دەپ اتاپ كورسەتتى: 2024 ـ جىل تۇتاس رايونداعى ساياسي ـ زاڭ جۇيەسى شي جينپيڭ زاڭمەن باسقارۋ يدەياسىن جانە جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، قىسىمعا توتەپ بەرىپ، قيىندىققا قارسى اتتانىپ، ادالدىقپەن مىندەت اتقارىپ، جاۋاپكەرشىلىك ارقالاپ ىسكەرلىك كورسەتىپ، قوعامدىق كەلەلى جاعدايدىڭ ورنىقتىلىعىن پارمەندى قورعادى، ناتيجەگە قول جەتكىزۋ وڭايعا تۇسپەدى، تولىق تۇراقتاندىرۋعا تاتيدى. ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان شينجياڭداعى قالىڭ ساياسي ـ زاڭ كادر ـ ساقشىلارىنا، شينجياڭدا تۇراتىن اسكەري بولىمگە، بيڭتۋاننىڭ ورنىقتىلىقتى قورعاۋ كۇشتەرىنە جانە تۇتاس شينجياڭداعى زاڭمەن باسقارۋ قىزمەتكەرلەرىنە وسكەلەڭ قۇرمەت ٴبىلدىردى جانە ولاردان شىنايى حال سۇرادى.
ما شيڭرۇي بىلاي دەپ اتاپ كورسەتتى: 2025 ـ جىلعى ساياسي ـ زاڭ قىزمەتىن ويداعىداي ىستەۋدە ”ورنىقتىلىقتى ماڭداي الدى ورىنعا قويۋعا“ تاباندى بولىپ، تومەنگى شەكتە ويلاۋدى، ەڭ جوعارى شەكتە ويلاۋدى بەرىك ورناتىپ، شينجياڭنىڭ ورنىقتىلىقتى قورعاۋدا ٴدوپ كەلىپ وتىرعان جاعدايىن، مىندەتىن جانە ىشكى ـ سىرتقى ەكى جاقتاعى حاۋىپ ـ قاتەرلەردى، سىن ـ سايىستاردى سەرگەكتىكپەن تانىپ، بار كۇشپەن حاۋىپ ـ قاتەرلەردەن ساقتانۋ، حاۋىپسىزدىككە كەپىلدىك ەتۋ، ورنىقتىلىقتى قورعاۋ، دامۋدى جەبەۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن بۇلجىماي ىلگەرىلەتىپ، ”ٴۇش ٴتۇرلى كۇشكە“ قاتاڭ سوققى بەرىپ، ونان قاتاڭ ساقتانىپ، جەرگىلىكتى جاعدايعا قاراي ورنىقتىلىقتى قورعاۋ شارالارىن ساپالىلاندىرىپ، كەمەلدەندىرىپ، سىرتتان كىرۋ سيپاتىنداعى لاڭكەستىك شابۋىل قاتەرىنەن قاتاڭ ساقتانىپ، قوعامدىق جاقتا جالپى تۇلعالىق ساقتانۋ ـ تىزگىندەۋ دەڭگەيىن جوعارىلاتىپ، حاۋىپسىزدىك، ورنىقتىلىق تومەنگى شەگىن باتىل ساقتاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، مەملەكەتتىڭ ساياسي حاۋىپسىزدىگىن قورعاۋ ارناۋلى جۇيەسى، كۇشى، قابىلەتى قۇرىلىسىن كۇشەيتىپ، ەلەۋلى حاۋىپ ـ قاتەرلەردەن ساقتانۋ جانە ونى جويۋ مەحانيزمىن كەمەلدەندىرىپ، ٴتۇيىندى سالالارداعى حاۋىپ ـ قاتەرلەر مەن كومەسكى كىناراتتاردان ٴبىر تۇتاس ساقتانىپ جانە ونى جويىپ، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن ىشكەرىلەي ورىستەتىپ، شەتەلگە ساياتىن حاۋىپسىزدىك حاۋىپ ـ قاتەرىنەن بار كۇشپەن ساقتانۋ كەرەك. قوعام اماندىعىن باسقارۋ جاعىنداعى جالپى تۇلعالىق ساقتانۋ ـ تىزگىندەۋ قابىلەتىن كۇش سالا جوعارىلاتىپ، جازالاۋ مەن ساقتانۋدى قاتار اتقارۋعا، ۇستىنەن وڭاۋ مەن تۇبىرىنەن وڭاۋعا بىردەي ٴمان بەرۋگە تاباندى بولىپ، كورنەكتى زاڭعا قايشى قىلمىستارعا زاڭ بويىنشا سوققى بەرىپ، ورتالىقتىڭ قۋزاۋ ـ جەتەكشىلىك ەتۋى بويىنشا اڭىس ەتىلگەن ماسەلەلەردى رەتتەۋ ـ تۇزەتۋدى ۇزدىكسىز ىلگەرىلەتىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتۋ كەرەك. قوعامدىق قايشىلىقتاردى، داۋ ـ شارلاردى ٴبىر ـ بىردەن تەكسەرۋدى، شەشۋدى تەرەڭدەتىپ، ارىز ـ ارمان قىزمەتىنىڭ زاڭمەن باسقارىلۋىن جاپپاي ىلگەرىلەتىپ، قوعام اماندىعىن باسقارۋ بويىنشا قايتالاي ٴبىر ـ بىردەن تەكسەرۋدى، وڭاۋدى ۇدايىلاندىرا ورىستەتىپ، ٴتۇرلى ۇشقارى دەلولاردىڭ، ۋاقيعالاردىڭ تۋىلۋىنان باتىل ساقتانۋ كەرەك. ساياسي ـ زاڭ سالاسى رەفورماسىن تەرەڭدەتىپ، شينجياڭدى زاڭمەن باسقارۋ ٴتۇزىلىس ـ مەحانيزمىن كەمەلدەندىرىپ، زاڭ ەرەجە شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ بۋىندارىنداعى رەفورمالاردى سايكەستى ىلگەرىلەتىپ، ٴتۇيىندى سالالارداعى زاڭ ەرەجە شىعارۋدى كۇشەيتىپ، زاڭ ەرەجە شىعارۋ قىزمەت ارناسىن كەمەلدەندىرۋ كەرەك. زاڭمەن باسقارىلاتىن ۇكىمەت قۇرىلىسىن جەدەلدەتىپ، زاڭ بويىنشا اكىمشىلىك جۇرگىزۋدى، ٴادىليانى ٴادىل جۇرگىزۋدى قاتايتىپ، زاڭ اتقارۋدىڭ، ٴادىليانىڭ الەۋمەتتىك سەنىمدىلىگىن ۇزدىكسىز جوعارىلاتۋ كەرەك. شەتەلگە ساياتىن زاڭمەن باسقارۋ قۇرىلىسىن كۇشەيتۋ كەرەك. جوعارى ساپالى دامۋعا قىزمەت وتەپ جانە ونى قامتاماسىز ەتىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، نازاردى ”ون ٴىرى كاسىپ سالاسى شوعىرى“ قۇرىلىسى سياقتى ٴتۇيىندى قىزمەت قاجەتىنە شوعىرلاندىرىپ، بازار شارۋاشىلىعى ٴتارتىبىن زاڭ بويىنشا قورعاپ، زاڭمەن باسقارىلاتىن شارۋاشىلىق ـ ساۋدا ورتاسىن بار كۇشپەن قالىپتاستىرىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ ساياسي ـ زاڭ قىزمەتىنە شارتسىز باسشىلىعىنا تاباندى بولىپ، پارتكومداردىڭ (پارتيا باسشىلىق گرۋپپالارىنىڭ) مەملەكەت حاۋىپسىزدىگى جاۋاپكەرشىلىك ٴتۇزىمىن، قوعام ورنىقتىلىعىن قورعاۋ جاۋاپكەرشىلىك ٴتۇزىمىن تياناقتاندىرۋدى تۇتقا ەتىپ، ساياسي ـ زاڭ قىزمەتىنە پارتيا باسشىلىق ەتۋ جالپى تۇلعالىق ارناسىن جانە اينالىم جۇيەسىن كۇش سالا قالىپتاستىرىپ، ”پىشاق سابىنىڭ“ پارتيا مەن حالىقتىڭ قولىندا بولۋىنا شىنايى كەپىلدىك ەتۋ كەرەك. مامانداندىرۋ قۇرىلىسى بەتالىسىنا تاباندى بولىپ، شىڭدالعان قابىلەتتى كۇش سالا جەتىلدىرۋ كەرەك. نەگىزگى ساتىنى باسقارۋ قىزمەت مەحانيزمىن كەمەلدەندىرىپ، ساياسي ـ زاڭ كۇشتەرىن تومەنگە ٴتۇسىرۋدى ۇزدىكسىز ىلگەرىلەتىپ، ساياسي مامىلەنى قامتاماسىز ەتۋ مەحانيزمىن اقاۋسىزداندىرۋ كەرەك. پارتيانى قاتاڭ باسقارۋدى، ساقشى قوسىنىن قاتاڭ جونگە سالۋدى جاپپاي ىلگەرىلەتىپ، ۇزدىكسىز تۇردە ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، قاتاڭ باسقارۋ مەن ەرەكشە قامقورلىق جاساۋدى ۇشتاستىرۋعا تاباندى بولىپ، ساقشىلارعا مەيىر جەتكىزۋ، ساقشىلاردى قادىرلەۋ شاراسىن كەمەلدەندىرۋ كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: ساياسي جاۋاپكەرشىلىكتى شىنايى ارقالاپ، ساياسي ـ زاڭ قىزمەتىن شينجياڭنىڭ رەفورما، دامۋ، ورنىقتىلىق جالپى جاعدايىنا قويا وتىرىپ جوسپارلاپ، ىلگەرىلەتىپ، نازاردى تۇتاس جىلدىق نىسانا ـ مىندەتتەرگە جانە ٴتۇيىندى شارالارعا شوعىرلاندىرىپ، ەگجەي ـ تەگجەيلى شارالاردى زەرتتەپ جاساپ، ٴتۇر بويىنشا مىندەتتەردى اشالاپ، جاۋاپكەرشىلىكتى تياناقتاندىرىپ، ٴتۇرلى قىزمەت تالاپتارىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. قابىلەت ـ ونەردى شىنايى جوعارىلاتىپ، ساياسي حاۋىپسىزدىككە ساياتىن، لاڭكەستىككە ساياتىن، ورنىقتىلىققا ساياتىن ٴتۇيىندى سالالاردى ٴجىتى قاداعالاپ، زاڭمەن باسقارۋ ويىنان پايدالانىپ قاينارىنان باستاپ وڭاۋدى تەرەڭدەتۋ كەرەك. دۇرىس ناتيجە كوزقاراسىن بەرىك ورناتىپ، شىندىققا جۇگىنىپ ناقتى ٴىس ىستەپ، شىنايى يگەرىپ، ناقتى ىستەپ، فورماشىلدىقتان، تورەشىلدىكتەن قاتاڭ ساقتانىپ، شينجياڭنىڭ قوعامدىق كەلەلى جاعدايىنىڭ ورنىقتىلىعىن بار كۇشپەن قورعاۋ كەرەك.
تيان شياڭلي، ەلزات احمەتجان، قادەن كابەن، اۆتونوميالى رايوندىق ۇكىمەتتەگى جانە شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى قاتىستى باسشى جولداستار، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايوننىڭ ساياسي ـ زاڭ ورىندارىنىڭ باسشىلىق القا مۇشەلەرى، اۆتونوميالى رايونعا (ورتالىققا) توتە قاراستى ورىندارداعى جاۋاپتى جولداستار، ٴارقايسى ايماق، وبلىس، قالاداعى نەگىزگى جاۋاپتى جولداستار، قاتىستى جاۋاپتى جولداستار جانە ٴىشىنارا اۋدان، قالا، رايوننىڭ جاۋاپتى جولداستارى نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا جانە بيڭتۋان ورگانىندا، شى، قالالارىندا، تۋان ـ الاڭدارىندا بولىمشە ٴماجىلىس الاڭى ورنالاستىرىلدى.
