ما شيڭرۇي 2024 ـ جىلعى اۆتونوميالى رايوننىڭ ارناۋلى تاقىرىپتاعى زاڭمەن باسقارۋدان ەسەپ بەرۋ قىزمەتى ماجىلىسىندە بىلاي دەپ باسا دارىپتەدى
زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسى دەڭگەيىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى زاڭمەن باسقارۋ قامتاماسىزدىعىن ازىرلەۋ كەرەك
ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 17 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 ـ ايدىڭ 17 ـ كۇنى 2024 ـ جىلعى اۆتونوميالى رايوننىڭ ارناۋلى تاقىرىپتاعى زاڭمەن باسقارۋدان ەسەپ بەرۋ قىزمەتى ٴماجىلىسىن باسقارىپ اشتى. ول بىلاي دەپ باسا دارىپتەدى: شي جينپيڭ زاڭمەن باسقارۋ يدەياسىن ۇزدىكسىز جەتە ۇيرەنىپ، جەتە يگەرىپ، شىنايى تياناقتاندىرىپ، ورتالىق كوميتەت مەملەكەتتى جاپپاي زاڭمەن باسقارۋ كوميتەتىنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، زاڭمەن باسقارۋ قۇرىلىسى جاۋاپكەرشىلىگىن تياناقتاندىرۋدى ۇزدىكسىز كۇشەيتىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسى دەڭگەيىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى زاڭمەن باسقارۋ قامتاماسىزدىعىن ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى. ورتالىق كوميتەت مەملەكەتتى جاپپاي زاڭمەن باسقارۋ كەڭسەسى قىزمەتكەر جىبەرىپ سىرتتاي قاتىناستى.
ماجىلىستە التاي، اقسۋ، قىزىلسۋ، قارامايلى، تۇرپان سىندى 5 ايماق، وبلىس، قالاداعى نەگىزگى جاۋاپتى جولداستار، اۆتونوميالى رايوندىق پارتكوم ۇگىت بولىمىندەگى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق قوعام حاۋىپسىزدىگى مەڭگەرمەسىندەگى، اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىندەگى قاتىستى جاۋاپتى جولداستار، جۇڭتاي توبىنداعى جاۋاپتى جولداس رەتىمەن زاڭمەن باسقارۋدان ەسەپ بەردى. اۆتونوميالى رايونداعى باسقا ايماق، وبلىس، قالالار مەن تاراۋلارداعى نەگىزگى جاۋاپتى جولداستار جازباشا فورمادا زاڭمەن باسقارۋدان ەسەپ بەردى.
زاڭمەن باسقارۋدان ەسەپ بەرۋدى مۇقيات تىڭداعاننان كەيىن، ما شيڭرۇي بىلاي دەپ اتاپ كورسەتتى: سوڭعى جىلدارى اۆتونوميالى رايوندىق پارتكوم شينجياڭدى زاڭمەن باسقارۋدى كورنەكتى، ماڭىزدى ورىنعا قويۋعا تاباندى بولىپ، شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى تەڭ ىلگەرىلەتۋگە تاباندى بولىپ، ٴار دارەجەلى پارتكوم، ۇكىمەت زاڭمەن باسقارۋعا، زاڭمەن باسقارۋدى قاتاڭ اتقارۋعا اناعۇرلىم باسا ٴمان بەرىپ، زاڭ ەرەجەنى عىلمي شىعارۋدى، زاڭدى قاتاڭ اتقارۋدى، ٴادىليانى ٴادىل جۇرگىزۋدى، جالپى حالىق زاڭعا بويسۇنۋدى ىلگەرىلەتۋدە جاڭا ونىمدىلىكتەرگە قول جەتكىزدى. سونىمەن بىرگە شينجياڭنىڭ زاڭمەن باسقارۋ قۇرىلىسىنداعى ولقىلىقتار ٴالى دە كورنەكتى، ماسەلەگە دۇرىس قاراپ، جاڭا جىلدا كۇش سالا وزگەرتۋىمىز كەرەك.
ما شيڭرۇي بىلاي دەپ باسا دارىپتەدى: شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، شينجياڭدى جاپپاي زاڭمەن باسقارۋدى رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ ٴارقايسى جاعىندا، جالپى بارىسىندا تياناقتاندىرىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ٴبىر تۇلعالى قۇرۋدا ۇزدىكسىز قايراتتانا كۇش سالىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا پايدالى بولۋ سىندى قامتاماسىزدىق رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋ كەرەك. زاڭمەن باسقارۋ وي جەلىسىن بەرىك ورناتىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتۋ كەرەك. قوعام ورنىقتىلىعىن زاڭ بويىنشا قورعاۋ ٴتۇزىلىس ـ مەحانيزمىن اقاۋسىزداندىرىپ، شەكارانى ورنىقتىرۋ، شەكارانى بەكەمدەۋ مەحانيزمىن اقاۋسىزداندىرىپ، ورنىقتىلىقتى قورعاۋ كۇشتەرىن نەگىزگى ساتىعا جىبەرۋ قىزمەت مەحانيزمىن كەمەلدەندىرىپ، شەتەلگە ساياتىن زاڭمەن باسقارۋ قۇرىلىسىن كۇشەيتۋ كەرەك. ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋگە، كەشەندى شارا قولدانۋعا، قاينارىنان جونگە سالۋعا تاباندى بولىپ، ٴتۇرلى قوعامدىق قايشىلىقتاردان ٴونىمدى ساقتانىپ جانە ونى جويىپ، ۇشقارى دەلولاردىڭ، ۋاقيعالاردىڭ تۋىلۋىنان باتىل ساقتانۋ كەرەك. زاڭمەن باسقارۋ نەگىزىن نىعايتىپ، جۇڭحۋا ۇلتى ورتاق تۇلعا قۇرىلىسىن تەرەڭدەتۋ، ناقتىلاندىرۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ ٴوزارا كىرىكپەلى دامۋىن جەرگىلىكتى ورىننىڭ زاڭ ەرەجە شىعارۋ قىزمەتىنە ەنگىزۋدى ىلگەرىلەتىپ، ۇلتتاردىڭ كەڭىنەن ارالاسۋىن، ىشتەسۋىن، توعىسۋىن جەبەپ، ٴدىن ىستەرىن باسقارۋدى زاڭمەن باسقارۋ مەحانيزمىن اقاۋسىزداندىرىپ، يدەولوگيا قىزمەتى جاۋاپكەرشىلىك ٴتۇزىمىن تياناقتاندىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ٴار ۇلت بۇقاراسىنىڭ ”بەستى شىنايى مويىنداۋىن“ كۇشەيتۋ كەرەك. زاڭمەن باسقارۋ قامتاماسىزدىعىن كۇشەيتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك. جەرگىلىكتى زاڭ ەرەجە شىعارۋ سالاسىنداعى رەفورمانى تەرەڭدەتىپ، ”ون ٴىرى كاسىپ سالاسى شوعىرى“، شينجياڭ ەركىن ساۋدا سىناق رايونى قۇرىلىسى سياقتىلاردى ارقاۋ ەتىپ، ٴتۇيىندى سالالار مەن جاڭادان گۇلدەنگەن سالالاردا زاڭ ەرەجە شىعارۋدى كۇشەيتۋ كەرەك. زاڭ بويىنشا اكىمشىلىك جۇرگىزۋ ٴتۇزىم ـ مەحانيزمىن اقاۋسىزداندىرىپ، ٴادىليا جاۋاپكەرشىلىك ٴتۇزىمىنىڭ كەشەندى، سايكەستى رەفورماسىن تەرەڭدەتۋ كەرەك. زاڭ بويىنشا ساپالى قىزمەت وتەۋدىڭ وڭتۇستىك شينجياڭ وڭىرىنە، شەت ـ شالعاي وڭىرلەرگە بەيىمدەلۋىن ىلگەرىلەتىپ، تۇتاس قوعامنىڭ زاڭمەن باسقارۋ تاربيەسى دەڭگەيىن جوعارىلاتۋ كەرەك. زاڭمەن باسقارۋ بويىنشا قىزمەت وتەۋدى ساپالىلاندىرىپ، زاڭمەن باسقارىلاتىن ۇكىمەت قۇرىلىسىن جاپپاي ىلگەرىلەتۋ كەرەك. كەلەلى اكىمشىلىك شەشىم جاساۋ تارتىپتەرىن، بەلگىلەمەلەرىن قاتاڭ تياناقتاندىرىپ، شەشىم جاساۋدىڭ عىلميلانۋ، جۇيەلىلەنۋ دەڭگەيىن جوعارىلاتۋ كەرەك. اكىمشىلىك قاراپ بەكىتۋ ٴتۇزىمى رەفورماسىن تەرەڭدەتىپ، ٴىس ٴبىتىرۋ ونىمدىلىگىن جوعارىلاتۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قالىپتاستىرىپ، شارۋاشىلىق نەگىزگى تۇلعالارىنىڭ زاڭدى ۇقىق ـ مۇددەسىنە زيان جەتكىزۋ سياقتى ماسەلەلەردى زاڭ بويىنشا وڭاپ، زاڭ بويىنشا اكىمشىلىك جۇرگىزۋ دەڭگەيىن ۇزدىكسىز جوعارىلاتۋ كەرەك.
ما شيڭرۇي بىلاي دەپ باسا دارىپتەدى: ٴار دارەجەلى پارتكومدار زاڭمەن باسقارۋ قۇرىلىسى نەگىزگى تۇلعالىق جاۋاپكەرشىلىگىن مۇقيات تياناقتاندىرىپ، زاڭمەن باسقارۋ قۇرىلىسى قىزمەتىن جۇيەلى جوسپارلاپ ىلگەرىلەتۋى كەرەك، اسىرەسە، پارتكوم مەن ۇكىمەتتەگى نەگىزگى جاۋاپتى جولداستار ٴبىرىنشى جاۋاپتى ادام بولۋ قىزمەت جاۋاپكەرشىلىگىن تىڭعىلىقتى اتقارىپ، زاڭمەن باسقارۋ قۇرىلىسىنا تۇساۋ بولىپ وتىرعان كورنەكتى ماسەلەلەردى ىشكەرىلەي زەرتتەپ شەشىپ، ٴار جاق زاڭ بويىنشا مىندەت اتقاراتىن، تەڭ يگەرىپ، بىرگە باسقاراتىن قىزمەت ارناسىن قالىپتاستىرۋدى ىلگەرىلەتۋى كەرەك. زاڭمەن باسقارۋ ارناۋلى قوسىنىنىڭ توڭكەرىستەنۋىن، جۇيەلىلەنۋىن، ماماندانۋىن، كاسىبيلەنۋىن ۇزدىكسىز ىلگەرىلەتىپ، زاڭ ەرەجە شىعارۋ، زاڭ اتقارۋ، ٴادىليا ٴۇش قوسىنىن ويداعىداي قۇرىپ، زاڭ بويىنشا قىزمەت وتەيتىن قوسىندى دامىتىپ، زورايتىپ، شەتەلگە ساياتىن زاڭمەن باسقارۋ دارىندىلار قوسىنىن كۇشەيتۋ كەرەك. جەر ـ جەردەگى، تاراۋلارداعى جاۋاپتى جولداستار وسى رەتكى زاڭمەن باسقارۋدان ەسەپ بەرۋدى وراي ەتۋگە تاباندى بولىپ، زاڭمەن باسقارۋ قۇرىلىسى جاۋاپكەرشىلىگىن ساتى ـ ساتى بويىنشا ناقتىلاندىرىپ، زاڭمەن باسقارۋ وي جەلىسىنەن جانە زاڭمەن باسقارۋ ادىسىنەن پايدالانىپ رەفورمانى تەرەڭدەتۋ، دامۋدى ىلگەرىلەتۋ، قايشىلىقتاردى شەشۋ، ورنىقتىلىقتى قورعاۋ، حاۋىپ ـ قاتەرلەرگە توتەپ بەرۋ قابىلەتىن جوعارىلاتىپ، شينجياڭدى جاپپاي زاڭمەن باسقارۋ قىزمەتىنىڭ جاڭا جاعدايىن اشۋى كەرەك.
ماجىلىستە زاڭمەن باسقارۋدان ەسەپ بەرگەن جولداستارعا دەموكراتيالىق باعالاۋ جۇرگىزىلدى.
تيان شياڭلي، چىن ۋيجۇن، ٴيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، ساياسي كەڭەستەگى جانە اسكەري رايونداعى، بيڭتۋانداعى قاتىستى باسشى جولداستار، اۆتونوميالى رايوندىق سوت مەكەمەسىندەگى، پروكۋراتۋراداعى قاتىستى جاۋاپتى جولداستار، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مۇشەلەرى، اۆتونوميالى رايونداعى قاتىستى ورىندارداعى، كاسىپورىندارداعى نەگىزگى جاۋاپتى جولداستار، ٴىشىنارا اۆتونوميالى رايوندىق حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى جانە ادۆوكاتتار، اقپارات قىزمەتكەرلەرى، حالىقتىق كاسىپورىنداردىڭ ۋاكىلدەرى قاتارلىلار نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا بولىمشە ٴماجىلىس الاڭى ورنالاستىرىلدى.
