جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتۋگە اقىل ـ پاراسات، كۇش ـ قۋات ۇيىستىرايىق
— اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
كوكتەم لەبى بىلىنە باستادى، جاڭا جىل باستالدى. بۇگىن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى سالتاناتپەن اشىلدى. بۇكىل رايوندا جوعارىدان تومەنگە دەيىن شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋ قارساڭىندا، بۇكىل رايونداعى ٴار ۇلت، ٴار سالا ساياسي كەڭەس مۇشەلەرى بورىش ارقالاپ، ٴبىر ارادا باس قوسىپ، بەلسەنە سىندارلى اقىل ـ كەڭەس بەرىپ، دامۋ ۇلى ٴىسىن بىرگە اقىلداسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتۋگە اقىل ـ پاراسات جانە كۇش ـ قۋات ۇيىستىردى. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!
2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل. اۆتونوميالى رايوندىق پارتكوم ٴار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، ەكونوميكانىڭ، قوعامنىڭ جوعارى ساپالى دامۋ ارىنى كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. ناتيجە وڭاي ـ وسپاق كەلگەن جوق، بۇل، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، اۆتونوميالى رايوندىق پارتكومنىڭ بۇكىل رايونداعى ٴار ۇلت كادر ـ بۇقاراسىن باستاپ، ىنتىماقتاسا كۇرەس جۇرگىزۋىنىڭ ارقاسى، سونداي ـ اق وعان ٴار ۇلت، ٴار سالا ساياسي كەڭەس مۇشەلەرىنىڭ اقىل ـ پاراساتى مەن ماڭداي تەرى سىڭگەن.
2024 ـ جىل، سونىمەن بىرگە جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعى. تاريحقا قايىرىلا قاراساق، جۇڭگو كوممۋنيستىك پارتياسىنىڭ باسشىلىعىندا، مەملەكەتتىك ساياسي كەڭەستىڭ جەتەكشىلىگىندە، اۆتونوميالى رايوندىق ساياسي كەڭەس جۇڭگو كوممۋنيستىك پارتياسىنىڭ ٴار مەزگىلدەگى ساياسي كەڭەس جانە بىرلىكساپ قىزمەتى جونىندەگى باعىت ـ ساياساتتارىن مۇقيات دايەكتىلەندىرىپ، قاتىناستى سايكەستىرۋ، كۇش ـ قۋات توپتاۋ، سىندارلى اقىل ـ كەڭەس بەرۋ، كەلەلى جاعدايعا قىزمەت ەتۋ فۋنكتسيالىق رولىن تولىق ساۋلەلەندىردى. اسىرەسە، جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، اۆتونوميالى رايونداعى ٴار دارەجەلى ساياسي كەڭەستەر جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى وسى نەگىزگى جەلىنى مىقتاپ يگەرىپ، ۇلى ىنتىماق پەن ۇلى بىرلىككە تاباندى بولىپ، دەموكراتيانى ساۋلەلەندىرۋ مەن ىنتىماقتى كۇشەيتۋدىڭ ٴوزارا ساباقتاسۋىنا، ۇكىمەت ىسىنە اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، بارلىق بەلسەندى فاكتورلاردى قۇلشىنا جۇمىلدىرىپ، ىنتىماقتاسۋعا بولاتىن بارلىق كۇشتى ىنتىماقتاستىرىپ، شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوستى.
وتكەن ٴبىر جىلدا اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق ساياسي كەڭەس اۆتونوميالى رايوننىڭ رەفورما، دامۋ، ورنىقتىلىق كەلەلى جاعدايىن مىقتاپ ارقاۋ ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ فۋنكتسياسىن جاپپاي اتقاردى. دۇرىس ساياسي بەتالىسقا باستان ـ اياق تاباندى بولىپ، نازاريامەن قارۋلانۋدى كۇشەيتىپ، ىنتىماقتاسا كۇرەس جۇرگىزۋدىڭ يدەيالىق ـ ساياسي نەگىزىن بەكەمدەدى؛ ارناۋلى كەڭەس قۇرىلىمى قۇرىلىسىن ۇزدىكسىز تەرەڭدەتىپ، رەفورما جاساۋ، جاڭالىق اشۋ بارىسىندا مىندەت اتقارۋ قابىلەتىن جوعارىلاتىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىنا قىزمەت وتەۋگە شوعىرلاندىرىپ، مىندەت اتقارىپ، جاۋاپكەرشىلىكتى ادا ەتتى؛ اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، جوعارى ساپالى دامۋدى ىلگەرىلەتۋگە اقىل ـ پاراسات، كۇش ـ قۋات توپتاپ، ”حالىق ساياسي كەڭەسى حالىق ٴۇشىن“ سىندى قۇن تالپىنىسىن امالياتتا ايگىلەپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇردى.
ٴىس بەرەكەمەن بىتەدى، كۇش ىنتىماقتان تۋادى. 2025 ـ جىل _ ”14 ـ بەسجىلدىق“ جوبانىڭ اياقتالاتىن جىلى ٴارى شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. تۇتاس جىلدىق قىزمەتتى ويداعىداي ىستەۋدىڭ ماڭىزى زور، شىنايى ىنتىماق ارقىلى ەكپىندەي ىلگەرىلەۋ كۇشىن تاسقىنداتۋدى شۇعىل قاجەت ەتەدى. بۇكىل رايونداعى ٴار دارەجەلى ساياسي كەڭەستەر ساياسي جاۋاپكەرشىلىكتى ەستە بەرىك ساقتاپ، تاڭداۋلى ٴداستۇردى ساۋلەلەندىرىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، دارىندىلار توپتاسۋ، اقىل ـ پاراسات شوعىرلانۋ باسىمدىعىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا كەڭ كولەمدە جۇرت تىلەگىن ۇيىستىرۋى، ورتاق تانىمدى ۇيىستىرۋى، اقىل ـ پاراساتتى ۇيىستىرۋى، كۇش ـ قۋات ۇيىستىرۋى كەرەك.
ارمان الىس بولسا دا، تالپىنساق جەتە الامىز؛ ارمان ساپارى جاپالى بولسا دا، تاباندى بولساق ورىندالادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگونىڭ جاڭاشا ساياسي پارتيا تۇزىمىنە ويداعىداي تاباندى بولىپ، ونى ويداعىداي دامىتىپ، ويداعىداي كەمەلدەندىرىپ، ونىڭ ابزالدىلىعىن تولىق ساۋلەلەندىرىپ، ۇدەرە العا تارتۋدىڭ ەڭ ۇلكەن سەنترلەس شەڭبەرىن سىزىپ، ٴار ۇلت پەرزەنتتەرىنىڭ ىنتىماقتاسا كۇرەس جۇرگىزۋى قۋاتتى بىرىككەن كۇشىن ۇيىستىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇزەگە اسىرۋعا شينجياڭنىڭ اناعۇرلىم كوپ ۇلەسىن قوسايىق.
ٴماجىلىستىڭ تولىق تابىستى بولۋىن تىلەيمىز!
