ٴداۋىر بورىشىن باتىلدىقپەن ارقالاپ، ماڭىزدى تاپسىرمانى، تىلەكتى اقتادى
— اۆتونوميالى رايوندىق حالىق قۇرىلتايى تۇراقتى كوميتەتىنىڭ 2024 ـ جىلعى قىزمەتىنە جالپى شولۋ
انار بۇلت \ شينجياڭ گازەتىنىڭ ٴتىلشىسى جاڭ لەي
2024 ـ جىل — مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى. وتكەن ٴبىر جىلعا قايىرىلا قاراساق، اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، وزەكتى، كەلەلى جاعدايدى تىعىز ارقاۋ ەتىپ، جەرگىلىكتى ورىننىڭ زاڭ ەرەجە شىعارۋ ەرەكشەلىگىن كورنەكتىلەندىردى، باقىلاۋ قىزمەتى دالمە ـ ٴدال، پارمەندى بولىپ، ۋاكىلدەردىڭ مىندەت اتقارۋى جوعارى ٴونىمدى دە تىندىرىمدى بولدى، حالىق قۇرىلتايىنىڭ ٴتۇزىم ارتىقشىلىعىن تولىق ساۋلەلەندىرىپ، شينجياڭنىڭ رەفورما، دامۋ، ورنىقتىلىق ىستەرى ٴۇشىن تيەسىلى ۇلەس قوستى.
جوعارى ساپالى زاڭ ەرەجە شىعارۋ جوعارى ساپالى دامۋدى قورعادى
”ماقۇلداندى!“ 2024 ـ جىلى 3 ـ ايدىڭ 31 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 9 ـ ٴماجىلىسى «شينجياڭ ۇيعۇر اۆتونوميالى رايونىنىڭ قاشقار بايىرعى قالاسىن قورعاۋ ەرەجەسىن» قاراپ ماقۇلداپ، مىڭ جىلدىق بايىرعى قالانىڭ ”تىرشىلىك تىنىسىن“ تۇزىمدىك دەڭگەيدە قورعاپ، شينجياڭ مادەنيەت ـ ساياحات كاسىپ سالاسىنىڭ جوعارى ساپالى دامۋىنىڭ ساپاسىن جوعارىلاتىپ، قارقىنىن جەدەلدەتىپ، ”ٴبىر كاسىپ گۇلدەنسە، 100 كاسىپ وركەندەۋ“ سىندى جەتەكتەۋ رولىن ونان ارى ساۋلەلەندىردى.
ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى پارتكوم باسشىلىق ەتەتىن، حالىق قۇرىلتايى باستاماشى بولاتىن، ۇكىمەت سۇيەنىش بولاتىن، قوعام ات سالىساتىن زاڭ ەرەجە شىعارۋ قىزمەتى ارناسىنا تاباندى بولىپ جانە ونى كەمەلدەندىرىپ، زاڭ ەرەجە شىعارۋدى، وزگەرىس ەنگىزۋدى، كۇشىنەن قالدىرۋدى، ٴتۇسىندىرۋدى ٴبىر تۇتاس جوسپارلاپ، عىلمي زاڭ ەرەجە شىعارۋدى، دەموكراتيالى زاڭ ەرەجە شىعارۋدى، زاڭ بويىنشا زاڭ ەرەجە شىعارۋدى ىشكەرىلەي ىلگەرىلەتىپ، ٴتۇيىندى سالالاردا، جاڭادان گۇلدەنگەن سالالاردا زاڭ ەرەجە شىعارۋدى كۇشەيتتى. 2024 ـ جىلى اۆتونوميالى رايوننىڭ 16 زاڭ ەرەجەسى، 9 زاڭ ەرەجەلىك قاۋلى ـ قارارى قاراپ ماقۇلداندى، بەكىتۋگە جولدانعان 39 زاڭ ەرەجە قاراپ بەكىتىلدى.
مەملەكەتتىك ەنەرگيا بايلىعى جاعىنداعى ستراتەگيالىق قامتاماسىزدىق بازاسىن تۇلعالاۋ سىندى ماڭىزدى ورىندى كوزدەپ، اۆتونوميالى رايوندىق حالىق قۇرىلتايى تۇراقتى كوميتەتى «شينجياڭ ۇيعۇر اۆتونوميالى رايونىنىڭ كەن بايلىعىن بارلاۋ ـ تەكسەرۋ ۇسىنىلىمىن باقىلاۋ ـ باسقارۋ بەلگىلەمەسىن» ماقۇلداپ، كەن بايلىعىن اشۋ ٴتارتىبىن ارناعا ٴتۇسىرىپ، ”قورشاپ الىپ بارلاماۋ“ سياقتى كورنەكتى ماسەلەلەردىڭ شەشىلۋىن ىلگەرىلەتتى.
2024 ـ جىلى 11 ـ ايدىڭ 28 ـ كۇنى تاكلاماكان ٴشول جيەگى توسقاۋىل شايقاسىنداعى بوس جەر تورلاپ تۇتاستىرىلدى. سول كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 16 ـ ٴماجىلىسى جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ قۇمايتتانۋدان ساقتانۋ، قۇمدى تىزگىندەۋ زاڭىن> اتقارۋ ٴادىسىن» قاراپ ماقۇلداپ، ”قۇمدى تىزگىندەۋ“ مەن ”بايىتۋعا“ قاتار ٴمان بەرۋگە تاباندى بولىپ، ”ساقتانۋدى، تىزگىندەۋدى، پايدالانۋدى، باسقارۋدى“ ٴبىر تۇلعالى ىلگەرىلەتىپ، ەكولوگيالىق حاۋىپسىزدىكتى پارمەندى قورعادى.
مۇنان تىس، قوعام ورنىقتىلىعىن قورعاۋدى ارقاۋ ەتىپ، حالىقتىق جارىلعىش بۇيىمدار حاۋىپسىزدىگىن باسقارۋ ەرەجەسىن، ەسىرتكىگە تيىم سالۋ ەرەجەسىن جاسادى؛ رەفورمانى، دامۋدى ىلگەرىلەتۋدى ارقاۋ ەتىپ، قوعامدىق سەنىمدىلىك ەرەجەسىن، ساپانى جەبەۋ ەرەجەسىن جاسادى، اۆتونوميالى رايوننىڭ بايلىق سالىعىنىڭ ناقتى قولدانىلاتىن سالىق مولشەرى، ەسەپتەپ الۋ ٴادىسى جانە سالىقتى ازايتۋ، كەشىرىم ەتۋ ٴادىسى جونىندەگى قاۋلىنى تۇزەتتى؛ حالىقتىڭ قۇت ـ ىرىسىن نىعايتۋدى ارقاۋ ەتىپ، جۇمىستاندىرۋدى جەبەۋ زاڭىن اتقارۋ ادىسىنە وزگەرىس ەنگىزدى، اۋىل ـ قىستاق تاس جولى ەرەجەسىن جاسادى... جەرگىلىكتى سيپاتتى زاڭ ەرەجەلەردىڭ ىركەس ـ تىركەس جاسالۋىندا جانە بۇلارعا وزگەرىس ەنگىزىلۋدە ٴارى كەشەندى ”ىرىلەر“ دە ٴارى ٴدال دە جارامدى ”شاعىن، تەز، يكەمدىلەر“ دە بار بولىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ تۇزىمدىك ارتىقشىلىقتى تولىق ساۋلەلەندىرۋىنىڭ، جوعارى ساپالى زاڭ ەرەجە شىعارۋ ارقىلى جوعارى ساپالى دامۋدى قورعاۋىنىڭ شىنايى كارتيناسىنا اينالدى.
وتكەن ٴبىر جىلدا شينجياڭنىڭ جەرگىلىكتى زاڭ ەرەجە شىعارۋىنىڭ دەموكراتيالانۋ دەڭگەيى بارعان سايىن جوعارىلاپ، بۇكىل رايونداعى 2 مەملەكەت دارەجەلى جانە 23 اۆتونوميالى رايون دارەجەلى نەگىزگى ساتىداعى زاڭ ەرەجە شىعارۋ بويىنشا بايلانىس جاساۋ ٴتۇيىنى 20 نەشە زاڭ، زاڭ ەرەجەنىڭ جوبا نۇسقاسى جونىندە 1700دەن استام پىكىر ـ ۇسىنىس جينادى، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ زاڭ ەرەجە شىعارۋ بويىنشا كەڭەس بەرۋ ماماندار قويماسىن قۇرىپ، 60 زاڭ ەرەجە شىعارۋ بويىنشا كەڭەس بەرۋ مامانىن تاڭداپ قابىلداپ، تۇڭعىش رەت 4 زاڭ ەرەجە شىعارۋ بويىنشا كەڭەس بەرۋ بازاسىن قۇرىپ، تۇرلىشە ٴوڭىردىڭ، تۇرلىشە بۇقارانىڭ ٴۇنىن ۇزدىكسىز جيناپ، زاڭ ەرەجە شىعارۋ ”توتە كولىگىنىڭ“ جوعارىدا ”انتەنناعا“ جالعانىپ، تومەندە حالىققا جاناسۋىنا مۇمكىندىك جاساپ، قاز ـ قالپىنداعى بۇقارا ٴۇنىنىڭ زاڭ ەرەجە شىعارۋ ورگاندارىنا تىكە جەتۋىنە مۇمكىندىك جاسادى.
باقىلاۋ قىزمەتىنىڭ باعىتتامالىلىعىن، ناقتى ونىمدىلىگىن كۇشەيتتى
زاڭ اتقارۋدى تەكسەرۋدە شىنداپ كىرىسىپ، قيىن تۇيىندەرگە سايىس جاريالاپ، زاڭداردىڭ، زاڭ ەرەجەلەردىڭ تياناقتانىپ تامىر تارتۋىن ىلگەرىلەتتى؛ قىزمەتتى باقىلاۋ قولامتالى تۇيىندەرگە بەتپە ـ بەت كەلىپ، ەكونوميكانىڭ، قوعامنىڭ اقاۋسىز دامۋىنا دەم بەردى؛ ارناۋلى تاقىرىپتا جاۋاپ الۋ قيىن تۇيىندەردەن جالتارماي، قاداعالاۋدا، قۋزاپ بىتىرۋدە ۇزدىكسىز كۇش سالىپ، اناعۇرلىم تەجەمدى جانە ناقتى ٴونىمدى بولدى...
ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرىپ، 17 ارناۋلى تاقىرىپتىق باياندامانى تىڭداپ، قاراپ، زاڭنىڭ اتقارىلۋى جونىندە 9 رەت تەكسەرۋ ۇيىمداستىرىپ جۇرگىزىپ، 4 رەت شوعىرلى كوزدەن كەشىرىپ، 13 ارناۋلى تاقىرىپتا تەكسەرۋ ـ زەرتتەۋ جۇرگىزىپ، 3 رەت ارناۋلى تاقىرىپتا جاۋاپ الىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتىپ، اۆتونوميالى رايوننىڭ ٴارقايسى مەملەكەت ورگاندارىنىڭ ۇقىعىن زاڭ بويىنشا جۇرگىزۋىنە شىنايى كەپىلدىك ەتتى، ٴار ۇلت بۇقاراسىنىڭ زاڭدى ۇقىق ـ مۇددەسىنىڭ ٴونىمدى قورعالۋىنا شىنايى كەپىلدىك ەتتى.
زاڭنىڭ اتقارىلۋىن تەكسەرۋ _ زاڭ ەرەجەلەردىڭ جاپپاي، ٴونىمدى اتقارىلۋىنا كەپىلدىك ەتەتىن ”وتكىر سەمسەر“. اۆتونوميالى رايوندىق حالىق قۇرىلتايى تۇراقتى كوميتەتى ”تيانشان قورشاعان ورتانى قورعاۋ ساپارى“ بويىنشا زاڭنىڭ اتقارىلۋىن تەكسەرۋدى ۇزدىكسىز ورىستەتىپ، قۇمايتتانۋدان ساقتانۋ، قۇمدى تىزگىندەۋ قىزمەتى احۋالى جونىندە ارناۋلى تاقىرىپتىق تەكسەرۋ ـ زەرتتەۋ جۇرگىزدى ٴارى ارناۋلى باياندامانى قارادى، بىرلەسكەن باقىلاۋ ارقىلى شولەيتتەنگەن جانە قۇمايتتانعان جەر اۋدانىنىڭ بىردەي ازايۋىنىڭ جەتىستىكتەرىن بەكەمدەدى. ”مەملەكەتتىك ەكولوگيا كۇنى“ بويىنشا زاڭنىڭ اتقارىلۋىن تەكسەرۋدى جۇرگىزىپ، قورشاعان ورتا جاعدايى جانە قورشاعان ورتانى قورعاۋ نىساناسىنىڭ ورىندالۋ احۋالى جونىندەگى باياندامانى تىڭداپ، قاراپ، ”ٴۇرىمجى _ سانجى _ شىحىزى“ ٴوڭىرى اتموسفەراسىنىڭ لاستانۋىنان ساقتانۋ ـ جونگە سالۋ قىزمەتىنە تەكسەرۋ ـ زەرتتەۋ جۇرگىزىپ، زاڭمەن باسقارۋدىڭ كۇشى ارقىلى كورىكتى مەكەندى قورعادى.
ەكونوميكالىق قىزمەتتى باقىلاۋدى كۇشەيتۋ _ حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا باقىلاۋ قىزمەت ۇقىعىن جۇرگىزۋىنىڭ ماڭىزدى بەينەسى. ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ەكونوميكالىق قىزمەتتى باقىلاۋىنىڭ كەڭدىگى مەن تەرەڭدىگى ۇزدىكسىز ارتىپ، جوسپاردىڭ جانە مەجە ەسەپتىڭ اتقارىلۋ احۋالى، سوڭعى ەسەپ، قازىنالىق باقىلاۋ جانە قازىنالىق باقىلاۋدا انىقتالعان ماسەلەلەردى رەتتەۋ ـ تۇزەتۋ احۋالى سياقتى باياندامالاردى تىڭداپ، قاراپ، مەجە ەسەپتى رەتتەۋ جوباسىن تەكسەرىپ بەكىتىپ، ۇكىمەتتىڭ ٴبىر قىدىرۋ تىڭنان قوسىلعان ساياساتتاردى جاپپاي تياناقتاندىرۋىن قولداپ، باقىلاۋ قىزمەتى اناعۇرلىم ەگجەي ـ تەگجەيلىلەندىرىلدى، ۇدايىلاندىرىلدى؛ ماكرولىق ەكونوميكانىڭ اينالىم احۋالىن باقىلاۋدان نازاردى مەملەكەت مەنشىگىندەگى مال ـ مۇلىكتى باسقارۋ، ۇكىمەتتىڭ قارىزىن باسقارۋ سياقتى ٴتۇيىندى قىزمەتتەرگە شوعىرلاندىرۋعا دەيىن باقىلاۋ وبيەكتىسى اناعۇرلىم ناقتىلاندى، دالمە ـ ٴدال بولدى.
حالىق بۇقاراسىنىڭ ويلاعانى، اڭساعانى، تىلەگەنى _ باقىلاۋ قىزمەتىنىڭ ماڭىزدى كۇش سالۋ ٴتۇيىنى. اۆتونوميالى رايوندىق حالىق قۇرىلتايى تۇراقتى كوميتەتى كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل ـ قىستاقتىڭ گۇلدەنۋىن ىلگەرىلەتۋ قىزمەتىن باقىلاۋدى ۇزدىكسىز ورىستەتىپ، اۋىل ـ قىستاقتىڭ گۇلدەنۋىن جەبەۋ زاڭىنىڭ جانە اۆتونوميالى رايوننىڭ اۋىل ـ قىستاقتىڭ گۇلدەنۋىن جەبەۋ ەرەجەسىنىڭ تياناقتانۋ احۋالىن قاداعالاپ، تەكسەرىپ، جوعارى وقۋ ـ اعارتۋ زاڭىنىڭ اتقارىلۋىنا تەكسەرۋ ورىستەتىپ، تۇڭعىش رەت بۇكىل رايونىمىزداعى جالپى تۇلعالىق وقۋ ـ اعارتۋ قىزمەتى جونىندە ارناۋلى تاقىرىپتا جاۋاپ الىپ، جۇمىسشى ۇيىمى زاڭىنىڭ جانە اۆتونوميالى رايوننىڭ جۇمىسشى ۇيىمى زاڭىن اتقارۋ ٴادىسىنىڭ اتقارىلۋىن تەكسەرۋدى ولكە دارەجەلى دەڭگەيدە ەڭ الدىمەن ورىستەتىپ، ەڭبەكشىلەردىڭ ۇقىق ـ مۇددەسىن زاڭ بويىنشا قامتاماسىز ەتىپ، باقىلاۋ قىزمەتىن ۇزدىكسىز بۇقارانىڭ كوڭىلىنە جەتكىزە ورىندادى.
ەستەلىككە الۋ، تەكسەرۋ _ نەگىزگى زاڭنىڭ، زاڭداردىڭ اتقارىلۋىن قامتاماسىز ەتۋدەگى، مەملەكەتتىڭ زاڭمەن باسقارۋ تۇتاستىعىن قورعاۋداعى ماڭىزدى ٴتۇزىم. ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى ولشەمدىك حۇجاتتاردى ەستەلىككە الۋ، تەكسەرۋ ەرەجەسىنە وزگەرىس ەنگىزىپ، ٴوز دارەجەسىندەگى 43 ولشەمدىك حۇجاتتى تەكسەرىپ، 4 حۇجاتتى قۋزاپ تەكسەرىپ، تۇزەتىپ، ”حۇجات، ٴسوزسىز، ەستەلىككە الىناتىن، ەستەلىككە الىنعاندارى، ٴسوزسىز، تەكسەرىلەتىن، قاتەلىكتەر، ٴسوزسىز، تۇزەتىلەتىن“ ەستەلىككە الۋ، تەكسەرۋ ارناسىن قالىپتاستىردى ٴارى ورنىقتى جۇمىسقا ٴتۇسىردى.
جالپى بارىستىق حالىق دەموكراتياسىن بەلسەنە امالياتتا ايگىلەدى جانە دامىتتى
ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ مىندەت اتقارۋىن كەلەلى جاعدايعا قىزمەت وتەۋمەن ۇشتاستىرۋعا تاباندى بولىپ، جوعارى ساپالى مىندەت اتقارۋ ارقىلى ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى. نازاردى ورنىقتىلىقتى قورعاۋ، ۇلتتار ىنتىماعى، ”ون ٴىرى كاسىپ سالاسى شوعىرى“ قۇرىلىسى، اۋىل ـ قىستاقتى جاپپاي گۇلدەندىرۋ، بيڭتۋان مەن جەرگىلىكتى ورىننىڭ توعىسپالى دامۋى سياقتى ٴتۇيىندى قىزمەتتەرگە شوعىرلاندىرىپ، مەملەكەتتىك حالىق قۇرىلتايى ۋاكىلدەرىن شوعىرلى تەكسەرۋ ورىستەتۋگە ۇيىمداستىرىپ، ٴىشىنارا ايماق، وبلىس، قالالاردىڭ اۆتونوميالى رايوندىق حالىق قۇرىلتايى ۋاكىلدەرىن شينجياڭ ىشىندە ٴوڭىر اتتاپ تەكسەرۋ ـ زەرتتەۋ جۇرگىزۋگە ۇيىمداستىرۋىنا بايلانىس جاسادى، جەتەكشىلىك ەتتى. ”جۇڭحۋا ۇلتى ورتاق تۇلعا تانىمىن بەكەمدەۋ · 10 مىڭ ۋاكىلدىڭ 10 مىڭ وتباسىنا بارۋى“ نەگىزگى تاقىرىپتىق قيمىلىن ورىستەتتى، ٴار دارەجەلى حالىق قۇرىلتايى ۋاكىلدەرى 60 مىڭنان استام (رەت) ۇگىت، ۇگىت لەكسيا جاساپ، 490 مىڭنان استام (رەت) بۇقارامەن بايلانىس جاساپ، قابىلداپ، اڭىس ەتىلگەن 65 مىڭنان استام ۇسىنىس ـ پىكىردى تىڭداپ، 50 مىڭنان استام ماسەلەنىڭ شەشىلۋىن ىلگەرىلەتتى.
”مەكتەپ اۆتوكولىگى بولعاننان باستاپ، ٴبىز ٴار كۇنى شاعىن اۋماقتىڭ قاقپاسىندا اۆتوكولىككە شىعىپ، مەكتەپتىڭ قاقپاسىنىڭ الدىندا تۇسەتىن بولدىق، وتە قولايلى، اكە ـ شەشەمىز دە الاڭسىز بولدى“، ـ دەدى ماناس اۋدانى تاسىرقاي اۋىلدىق مەكتەبىنىڭ وقۋشىسى ۇلجان ارعىن قۋانا. 2024 ـ جىلى ماناس اۋدانى حالىق قۇرىلتايى ۋاكىلدەرىنىڭ حالىق تۇرمىسىنا قاتىستى 10 ناقتى ٴىستى داۋىسقا سالۋى ارقىلى ”وتباسى ـ مەكتەپ“ تاپسىرىستىق الەۋمەتتىك اۆتوبۋزىن جۇرگىزۋدى تۇراقتاندىرىپ، وقۋشىلاردىڭ ٴجۇرىس ـ تۇرىسىنا قولايلىلىق جاسادى. بۇل جەر ـ جەردەگى حالىق قۇرىلتايى ۋاكىلدەرىنىڭ ”شاعىن ناقتى ٴىس“ نىسانىن تۇراقتاندىرۋ، ٴبىتىرۋ ٴتۇزىمى، ٴمالى ۇكىمەت ٴىسىن كەڭەسۋ ۋاكىلدەر ٴماجىلىسى، ۋاكىلدەردىڭ الەۋمەتتىك ىستەرگە قاتىناسۋ ٴماجىلىسى سياقتىلاردى جاڭالىق اشا ورىستەتىپ، جالپى بارىستىق حالىق دەموكراتياسىنىڭ نەگىزگى ساتى امالياتىن ۇزدىكسىز بايىتۋىنىڭ ىقشام كورىنىسى.
ٴبىر جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ حالىق تۇرمىسىنا قاتىستى ناقتى ىستەردى حالىق قۇرىلتايى ۋاكىلدەرىنىڭ داۋىسقا سالىپ شەشىم جاساۋ تۇزىمىنە جەتەكشىلىك ەتۋى 56 اۋدان ـ قالادا، 549 اۋىل ـ قالاشىقتا جالپىلاستىرىلىپ، 3409 ٴىس جينالىپ، 2925ى داۋىسقا سالىنىپ ٴارى اتقارىلىپ، حالىق تۇرمىسىنا قاتىستى ناقتى ىستەردىڭ ”حالىق ٴۇشىن يە بولۋدان“ ”حالىق يە بولۋعا“ دەيىنگى وزگەرىسىن ىلگەرىلەتتى.
”مەن العا قويعان ۇسىنىسقا قاتىستى ورىندار ايرىقشا ٴمان بەردى، اسىرەسە، اۆتونوميالى رايوندىق پارتكومداعى نەگىزگى باسشى بىتىرۋگە باستاماشىلدىقپەن قۋزاۋشىلىق ەتىپ، شينجياڭنىڭ شارۋاشىلىق ـ ساۋدا ورتاسىن ساپالىلاندىرۋداعى سەنىمى مەن سەرپىنىن كورسەتىپ، سەنىمىمدى ەسەلەپ ارتتىردى“، ـ دەدى اۆتونوميالى رايوننىڭ قاتىستى تاراۋلارىنىڭ ٴوزى قويعان ۇسىنىستى ٴبىتىرۋ احۋالىن تىلگە تيەك ەتكەندە اۆتونوميالى رايوندىق حالىق قۇرىلتايىنىڭ ۋاكىلى عالىپجان ابليميت.
2024 ـ جىلى اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ٴماجىلىسى كەزىندە ۋاكىلدەر العا قويعان 28 كەڭەستىك جوبا تۇگەلدەي قارالىپ بولدى، مۇنىڭ ىشىندە 14ى زاڭ ەرەجە شىعارۋ جوباسىنا جانە جوسپارىنا ەندى؛ ٴماجىلىس كەزىندە العا قويىلعان 536 ۇسىنىس، ٴماجىلىس جابىلعان مەزگىلدە العا قويىلعان 20 ۇسىنىس مىندەتىنە العان ورىنداردىڭ بىتىرۋىنە ٴارى جاۋاپ بەرۋىنە تاپسىرىلدى. اۆتونوميالى رايوندىق پارتكومداعى نەگىزگى باسشى بىتىرۋگە باستاماشىلدىقپەن قۋزاۋشىلىق ەتكەن ۋاكىلدەر ۇسىنىسىنىڭ ٴبىتىرىلۋ احۋالىنان جاسالعان مالىمەتتى ارنايى تىڭدادى، اۆتونوميالى رايوننىڭ پارتيا، ۇكىمەت باسشى كادرلارى بىتىرۋگە باستاماشىلدىقپەن قۋزاۋشىلىق ەتكەن 18 ۇسىنىستىڭ، تۇراقتى كوميتەتتىڭ مەڭگەرۋشىلەر ٴماجىلىسىنىڭ مۇشەلەرى ٴتۇيىندى تۇردە بىتىرۋگە قۋزاۋشىلىق ەتكەن 14 ۇسىنىستىڭ جوعارى ساپالى ٴبىتىرىلىپ اياقتالۋىنا ۇلگى كورسەتىپ، جەتەكتەپ، ۋاكىلدەردىڭ رازى بولۋ دەڭگەيى ۇزدىكسىز جوعارىلادى.
ۇزدىكىسز كۇرەس جۇرگىزىپ، قايراتتانا العا ىلگەرىلەيمىز. جاڭا تاريحي باستامادا اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى حالىق قۇرىلتايى قىزمەتىن اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ جوسپارلاپ جانە ىلگەرىلەتىپ، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، جۇرگىزىپ، زاڭ بويىنشا مىندەت اتقارىپ، جاۋاپكەرشىلىك ارقالاپ ىسكەرلىك كورسەتىپ، كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايىنىڭ ۇلەسىن قوسادى.
