2025 ـ جىلعى اۆتونوميالى رايوندىق ەكى ٴماجىلىس تۇڭعىش اقپار جاريالاۋ ٴماجىلىسىن وتكىزدى
ەسىكتى اشىپ ٴماجىلىس وتكىزىلىپ، شەتەلدىك قوناقتار سىرتتاي تىڭداۋعا تاعى دا ۇسىنىس ەتىلدى
انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر 1 ـ ايدىڭ 17 ـ كۇنى ۇرىمجىدەن حابارلايدى. 1 ـ ايدىڭ 17 ـ كۇنى تۇستەن بۇرىن 2025 ـ جىلعى اۆتونوميالى رايوندىق ەكى ٴماجىلىستىڭ 1 ـ رەتكى اقپار جاريالاۋ ٴماجىلىسى اۆتونوميالى رايوندىق ەكى ٴماجىلىس اقپارات ورتالىعىندا وتكىزىلدى، نەگىزگى تاقىرىبى ”جوعارى ساپالى كەڭەسۋ، ۇكىمەت ىستەرىن اقىلداسۋ ارقىلى شينجياڭنىڭ ەكونوميكالىق، قوعامدىق دامۋىنا دەم بەرۋ“، اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اقپارات مالىمدەمەشىسى جاڭ شۇي مەديالارعا وسى رەتكى ساياسي كەڭەس ٴماجىلىسىنىڭ قاتىستى جاعدايلارىن تانىستىردى ٴارى تىلشىلەردىڭ سۇراۋىنا جاۋاپ بەردى.
ماجىلىستە بىلاي دەپ تانىستىرىلدى: اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسى 1 ـ ايدىڭ 18 ـ كۇنى اشىلادى، ٴماجىلىس ۋاقىتى 3 جارىم كۇن بولادى. ٴماجىلىستىڭ نەگىزگى كەڭەستىك ٴتارتىبى: اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى تىڭداۋ جانە قاراۋ؛ اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ جانە تالقىلاۋ؛ اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ساياسي قارارى سياقتى قارارلاردى جانە باياندامالاردى قاراپ ماقۇلداۋ؛ اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ ۇسىنىس جوبالارىن قاراپ تەكسەرۋ جاعدايى جونىندەگى باياندامانى قاراپ ماقۇلداۋ؛ قاتىستى كادرلار ىستەرىن قاراپ ماقۇلداۋ.
ٴماجىلىس كەزىندە 2 رەت جالپى جيىن ورنالاستىرىلادى، جەكە ـ جەكە اشىلۋ جيىنى، جابىلۋ جيىنى، اشىلۋ جيىنىندا ٴماجىلىس ٴسوزى سويلەنەدى. اۆتونوميالى رايوندىق پارتكومنىڭ تۇراقتى مۇشەلەرى، اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، شينجياڭ ٴوندىرىس ـ قۇرىلىس بيڭتۋانىنداعى باسشى جولداستار اشىلۋ جيىنىنا جانە جابىلۋ جيىنىنا قاتىناسادى. اۆتونوميالى رايوندىق پارتكومداعى، ۇكىمەتتەگى باسشى جولداستار جانە قاتىستى مەڭگەرمەنىڭ، مەكەمەنىڭ جاۋاپتى جولداستارى گرۋپپالار جيىنىنا جانە بىرلەسكەن گرۋپپا جيىنىنا قاتىناسىپ، مۇشەلەردىڭ پىكىرلەرى مەن ۇسىنىستارىن كەڭىنەن تىڭداپ، مۇشەلەرمەن بەتپە ـ بەت كەڭەسەدى.
جاڭ شۇي بىلاي دەپ تانىستىردى: اشىلۋ جيىنى تاعى شەتەلدىڭ جۇڭگودا تۇراتىن ەلشىلەرىن، حالىقارالىق ۇيىمداردىڭ ۋاكىلدەرىن، شەتەلدىڭ جانە شياڭگاڭنىڭ، اۋمىننىڭ مەديا ۋاكىلدەرىن سىرتتاي تىڭداۋعا ۇسىنىس ەتتى. ٴماجىلىس تاعى 7 شەتەلدە تۇراتىن چياۋباۋدى جانە شياڭگاڭدىق، اۋمىندىق قايراتكەردى ماجىلىسكە سىرتتاي قاتىناسۋعا ۇسىنىس ەتتى. ەندى عانا جابىلعان اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ 9 ـ ٴماجىلىسى شياڭگاڭ، اۋمىن وڭىرىنەن 3 مۇشە كوبەيتىپ تولىقتادى، ولار ٴماجىلىستىڭ جالپى بارىسىنا قاتىناسىپ، مۇشەلىك مىندەتىن مۇقيات وتەيدى.
جاڭ شۇي تاعى اۆتونوميالى رايوندىق پارتكومنىڭ، ۇكىمەتتىڭ نەگىزگى باسشىلارى باسشىلىق ەتىپ قۋزاپ بىتىرگەن ”جۇڭحۋا ۇلتى ورتاق تۇلعا تانىمىن بەكەمدەۋدى ىشكەرىلەي ىلگەرىلەتۋ“ جونىندەگى ۇسىنىس جوبانىڭ ورىندالۋ جاعدايى، ”شينجياڭ كاسىپورىندارى · ٴتوراعالار بەتپە ـ بەت كەڭەسۋ“ ەرەكشەلىگىندەگى مىندەت وتەۋ ماركاسى قۇرىلىسىن ىلگەرىلەتۋ جاعدايى، مۇشە ليۋ لياڭچىڭنىڭ تاڭداۋلى تۋىندىلاردى سيلاۋ تەبىنىن كۇشەيتۋ ۇسىنىسىن العا قويىپ، شينجياڭ ادەبيەت سالاسىنىڭ ەڭ جوعارى سيلىعى تيانشان ادەبيەت سيلىعىنىڭ تۇڭعىش رەت تاراتىلۋىن ىلگەرىلەتۋى سياقتىلاردى تانىستىردى.
”بىلتىر اۆتونوميالى رايوندىق ساياسي كەڭەس ىركەس ـ تىركەس 6 مۇشەلەر قىزمەت كەڭسەسىن قۇردى“. جاڭ شۇي بىلاي دەدى: تيانشان الابىندا ٴار دارەجەلى ساياسي كەڭەس ۇيىمدارىنىڭ مىندەت وتەۋ مەحانيزمى قۇرىلىسى جاندى دا جالىندى بولدى، اق شاي كەڭەسى، اتتىلار قىزمەت پۋنكتى سياقتى ٴۇي قاسىندا قۇرىلعان تۇعىرلار بۇقارا مەن ساياسي كەڭەس مۇشەلەرىنىڭ ”سىرلاسۋىنا“ مۇمكىندىك جاسادى. قازىرگە دەيىن اۆتونوميالى رايوندىق ساياسي كەڭەس جانە ٴارقايسى ايماقتىق، وبلىستىق، قالالىق، اۋداندىق، قالالىق، رايوندىق ساياسي كەڭەستەردىڭ قۇرعان مۇشەلەر قىزمەت پۋنكتى 2000عا تايادى.
جاڭ شۇي مىنالاردى ٴبىلدىردى: جاڭا جىلدا اۆتونوميالى رايوندىق ساياسي كەڭەس باس شۋجي شي جينپيڭنىڭ حالىقتىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، ارناۋلى كەڭەستىك قۇرىلىم قۇرىلىسىن تىڭعىلىقتى ىلگەرىلەتىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بىرلەستىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ٴىسىن اقىلداسۋ، ورتاق تانىم ۇيىستىرۋ قىزمەتتەرىن مۇقيات ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قىزمەت وتەۋدە جاڭا ىسكەرلىك كورسەتىپ، جاڭا ۇلەس قوسادى.
