اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى اشىلدى
ما شيڭرۇي، سىمايىل تىلەۋالدى، ەركىن تۇنياز، ٴزۇمىرات وبۇل، شاۋكەت يمىن، اسحات كەرىمباي، حى جۇڭيوۋ، جاڭ جۋ، چىن ميڭگو ماجىلىسكە قاتىناسىپ قۇتتىقتادى
نۇرلان ٴابىلماجىن اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى
جاروللا يسامدين باسقاردى، ازەز مۇسا ۇسىنىس جوبا قىزمەتى جاعدايىنان بايانداما جاسادى
1 - ايدىڭ 18 - كۇنى جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13 - كەزەكتى كوميتەتىنىڭ 3 - ءماجىلىسى شينجياڭ حالىق سارايىندا اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى لي ياڭ، جاڭ يانفاڭ 1 ـ ايدىڭ 18 ـ كۇنى ۇرىمجىدەن حابارلايدى. 1 ـ ايدىڭ 18 ـ كۇنى تۇستەن بۇرىن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى شينجياڭ حالىق سارايىندا اشىلدى.
ٴماجىلىس زالى دۋماندى، سالتاناتتى بەينەگە شومىپ، ٴتوراعالار مىنبەسىنىڭ تورىنە ىلىنگەن جۇڭگو حالىق ساياسي ٴماسليحات كەڭەسى گەربى كوز تارتىپ تۇردى، ونىڭ ەكى جاعىنا بەستەن نارت قىزىل تۋ قويىلعان ەدى.
ما شيڭرۇي، سىمايىل تىلەۋالدى، ەركىن تۇنياز، ٴزۇمىرات وبۇل، شاۋكەت يمىن، اسحات كەرىمباي، حى جۇڭيوۋ، جاڭ جۋ، چىن ميڭگو، ياڭ چىڭ، تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن ٴتوراعالار مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى.
اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، ورىنباسار ٴتوراعالارى جاروللا يسامدين، كۇڭ شيڭلۇڭ، ياڭ يۇڭ، ابدۇرىقىپ ٴتومۇرنياز، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، شۇي شيان ـ ي، اسەنجان احمەت، جين جىجىن، باتۋ، باس حاتشى گاۋ جياڭحۋاي ٴتوراعالار مىنبەسىنىڭ الدىڭعى قاتارىنان ورىن الدى.
اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ماجىلىسىنە قاتىناسۋعا ٴتيىستى مۇشە 523 ادام، ناق قاتىناسقانى 500 ادام، بۇل بەلگىلەمەدەگى ادام سانىنا ۇيلەسەدى.
ساعات 10دا جاروللا يسامدين ٴماجىلىستىڭ اشىلعاندىعىن جاريالادى، بارلىق ادام ورىندارىنان تۇرىپ، مەملەكەت ٴانىن شىرقادى.
ٴماجىلىس الدىمەن اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ كەڭەستىك ٴتارتىبىن قاراپ ماقۇلدادى.
نۇرلان ٴابىلماجىن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.
نۇرلان ٴابىلماجىن بىلاي دەدى: 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، سونداي ـ اق حالىق ساياسي كەڭەسى قۇرىلعاندىعىنىڭ 75 جىلدىعى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، ەكونوميكانىڭ جىلدام دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى ۇزدىكسىز جازىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستادى. اۆتونوميالى رايوندىق پارتكوم باستان ـ اياق تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، قوعام ورنىقتىلىعىنىڭ نەگىزى ٴتىپتى دە بەكەمدەلىپ، جوعارى ساپالى دامۋدىڭ ارىنى ٴتىپتى دە كۇشتى بولىپ، باستى ەكونوميكالىق كورسەتكىشتەردىڭ ارتۋ قارقىنى بۇكىل ەل بويىنشا الدىڭعى ورىنعا شىعىپ، ٴبىر توپ كەلەلى نەگىزدىك قۇرىلعىلار سالىنىپ، ٴبىر توپ كەلەلى بايلىق، ەنەرگيا نىساندارى جۇمىس باستاپ، ٴبىر توپ حالىق تۇرمىسى نىساندارى تياناقتانىپ، تيانشان الابىندا جاڭا وزگەرىس، جاڭا راي، جاڭا بەينە جارىققا شىقتى.
نۇرلان ٴابىلماجىن بىلاي دەپ اتاپ كورسەتتى: 2024 ـ جىلى اۆتونوميالى رايوندىق پارتكومنىڭ دۇرىس باسشىلىعىندا جانە مەملەكەتتىك ساياسي كەڭەستىڭ پارمەندى جەتەكشىلىگىندە، اۆتونوميالى رايوندىق ساياسي كەڭەس جانە ونىڭ تۇراقتى كوميتەتى بۇلجىماس تاباندىلىقپەن شي جينپيڭ جاڭا ٴداۋىر جۇڭگوشا سوتسياليزم يدەياسىمەن ساياسي كەڭەس قىزمەتىن ٴبىر تۇتاس يگەرىپ، بۇلجىماس تاباندىلىقپەن جاڭا داۋىردەگى پارتيانىڭ شينجياڭدى باسقارۋ جالپى جوباسىمەن ساياسي كەڭەس قىزمەتىنە جەتەكشىلىك ەتىپ، ساياسي ادالدىقتى بەكەمدەپ، ”ەكىنى تۇراقتاندىرۋدى“ تاباندىلىقپەن قولداۋدىڭ، ”ەكىنى قورعاۋدى“ باتىل ورىنداۋدىڭ يدەيالىق نەگىزىن اناعۇرلىم بەكەمدەدى؛ وزەككە، كەلەلى جاعدايعا قىزمەت وتەپ، ارناۋلى كەڭەس قۇرىلىمىنىڭ ابزالدىلىعىن، رولىن اناعۇرلىم كورنەكتىلەندىردى؛ وزەكتى بۋىندى مىقتاپ يگەرىپ، زەيىن ـ زەردەنى، كۇش ـ قۋاتتى ۇيىستىرۋ قىزمەتىن اناعۇرلىم تەرەڭدەتتى؛ بىرلىكساپ يقۋاتىن كۇشەيتىپ، ىنتىماق، بىرلەسكەن دوستىق قيمىلىنىڭ كەڭدىگىن، تەرەڭدىگىن اناعۇرلىم كەڭەيتتى؛ تۋراشىلدىقتان اينىماي جاڭالىق اشۋعا تاباندى بولىپ، ساياسي كەڭەستىڭ وزىندىك قۇرىلىسىن اناعۇرلىم كۇشەيتتى. ناتيجەلەرگە قول جەتكىزۋ، تۇپتەپ كەلگەندە، باس شۋجي شي جينپيڭنىڭ رول ۇستاپ جول باستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، اۆتونوميالى رايوندىق پارتكومنىڭ دۇرىس باسشىلىعى مەن مەملەكەتتىك ساياسي كەڭەستىڭ كوڭىل ٴبولۋىنىڭ، جەتەكشىلىك ەتۋىنىڭ ناتيجەسى، ٴار جاقتىڭ پارمەندى قولداۋىنىڭ ناتيجەسى، وعان ٴار دارەجەلى ساياسي كەڭەستەردىڭ، ساياسي كەڭەسكە قاتىناسقان ورىنداردىڭ، ٴار ۇلت، ٴار سالا مۇشەلەرىنىڭ اقىل ـ پاراساتى، جۇرەك قانى جانە ماڭداي تەرى سىڭگەن.
نۇرلان ٴابىلماجىن بىلاي دەپ باسا دارىپتەدى: 2025 ـ جىل _ ”14 ـ بەسجىلدىق“ جوبا اياقتالاتىن جىل ٴارى اۆتونوميالى رايوننىڭ قۇرىلعاندىعىنىڭ 70 جىلدىعى. شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ٴماجىلىسىنىڭ، اسىرەسە، 13 ـ رەتكى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، شينجياڭ قىزمەتى باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ فۋنكتسياسىن جاپپاي اتقارىپ، ۇزاق بولاشاققا ساياتىن ”شارالاردى“ اناعۇرلىم تەرەڭ جوسپارلاپ، قايراتتانا قۇلشىناتىن ”كۇشتى“ اناعۇرلىم جەتكىلىكتى تولىقتاپ، زەيىن ـ زەردەنى، كۇش ـ قۋاتتى ۇيىستىراتىن ”ىستەردى“ اناعۇرلىم ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا كورىكتى شينجياڭدى اناعۇرلىم ويداعىداي قۇرۋ ٴۇشىن ىنتىماقتاسا كۇرەس جۇرگىزۋ كەرەك.
ازەز مۇسا اۆتونوميالى رايوندىق ساياسي كەڭەس 13 ـ كەزەكتى كوميتەتى تۇراقتى كوميتەتىنىڭ تاپسىرۋىمەن ماجىلىسكە اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. 2024 ـ جىلى جيىنى 997 ۇسىنىس جوبا تاپسىرىپ الىندى، 579 ۇسىنىس جوبا ەستەلىككە الىنىپ، تۇگەلدەي ۋاعىندا ٴبىتىرىلدى، جاۋاپ قايتارىلدى، مۇشەلەردىڭ رازىلىق دەڭگەيى كورنەكتى جوعارىلادى.
ماجىلىستە ساياسي كەڭەستىڭ 7 مۇشەسى ٴسوز سويلەدى.
اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، بيڭتۋانداعى باسشى جولداستار، شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى قاتىستى باسشىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، قازىرگى مىندەتىنەن شەگىنگەن ٴىشىنارا اۆتونوميالى رايون جانە بيڭتۋان باسشىلارى، 11 ـ توپتاعى ولكە، قالالاردىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ قولباسشىلارى اشىلۋ ماجىلىسىنە سىرتتاي قاتىناستى، شەتەلدىڭ جۇڭگودا تۇراتىن ەلشىلەرى جانە حالىقارالىق ۇيىمداردىڭ ۋاكىلدەرى، ٴىشىنارا شياڭگاڭ، اۋمىن قايراتكەرلەرى جانە شەتەلدەگى حۋاچياۋ ۋاكىلدەرى، بەيجيڭدە تۇراتىن شەتەل مەديالارىنىڭ جانە شياڭگاڭ، اۋمىن مەديالارىنىڭ تىلشىلەرى قاتارلىلار ۇسىنىس بويىنشا اشىلۋ ماجىلىسىنە قاتىناستى.
