اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ ٴتوراعالار القاسى 1 ـ جيىنىن وتكىزدى
ٴماجىلىستىڭ كۇن ٴتارتىبىن بەلگىلەدى، وسى رەتكى ٴماجىلىس 1 ـ ايدىڭ 19 ـ كۇنى اشىلادى، ٴماجىلىس ۋاقىتى 4 كۇن بولادى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 18 ـ كۇنى ۇرىمجىدەن حابارلايدى. اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ دايىندىق جيىنىندا سايلانعان ٴماجىلىس ٴتوراعالار القاسى 1 ـ ايدىڭ 18 ـ كۇنى تۇستەن كەيىن 1 ـ جيىنىن وتكىزدى. جيىنعا قاتىناسۋعا ٴتيىستى 53 ادام، ناقتى قاتىناسقانى 50 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىن الدىمەن ٴزۇمىرات وبۇل، حى جۇڭيوۋ، جاڭ جۋ، چىن ميڭگو، ۋاڭ لين، ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، جاۋ تيانجيەنى اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسى ٴتوراعالار القاسىنىڭ تۇراقتى ٴتوراعالىعىنا سايلادى.
سوڭىنان جيىن ٴتوراعالار القاسىنىڭ تۇراقتى ٴتوراعاسى ٴزۇمىرات وبۇلدىڭ باسقارۋىندا، اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ كۇن ٴتارتىبىن داۋىسقا سالىپ ماقۇلدادى. كۇن ٴتارتىپ بويىنشا، ٴماجىلىس 1 ـ ايدىڭ 19 ـ كۇنى تۇستەن بۇرىن اشىلىپ، 1 ـ ايدىڭ 22 ـ كۇنى تۇستەن كەيىن جابىلادى، ٴماجىلىس ۋاقىتى 4 كۇن.
جيىن داۋىسقا سالۋ ارقىلى ٴماجىلىستىڭ جالپى جيىندارىنىڭ اتقارۋشى ٴتوراعالارىن سايلادى، ٴماجىلىستىڭ ورىنباسار باس حاتشىلارىن ۇيعاردى.
جيىن داۋىسقا سالۋ ارقىلى اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ سايلاۋ ٴادىسى جوباسىن ماقۇلدادى، ۋاكىلدەر ۇيىرمەلەرىنىڭ قاراۋىنا تاپسىرۋدى ۇيعاردى.
جيىن ۋاكىلدەردىڭ كەڭەستىك جوبا ۇسىنۋ ۋاقىت شەگى 1 ـ ايدىڭ 20 ـ كۇنى ساعات 18گە دەيىن بولادى دەپ ۇيعاردى.
