جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ بارىسىندا جاڭا جاۋاپكەرشىلىك ارقالاۋدى، تىڭ ىسكەرلىك كورسەتۋدى ايگىلەيىك
— اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
جاڭا جىل باستالىپ، سالتاناتتى ٴماجىلىس تىڭ پاراق اشتى. ٴار ۇلت كادرلارى مەن بۇقاراسى كوز تىككەن اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى بۇگىن سالتاناتپەن اشىلدى. بۇكىل رايونىمىزدىڭ ٴارقايسى شەبىنەن كەلگەن حالىق قۇرىلتايى ۋاكىلدەرى حالىقتىڭ ماڭىزدى تاپسىرماسىن ارقالاپ، ٴبىر ارادا باس قوسىپ، رەفورما، دامۋ، ورنىقتىلىق ۇلى جوسپارىن بىرگە اقىلداسىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بىرگە جازادى. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!
2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل، رەفورمانى جاپپاي تەرەڭدەتۋدەگى تاعى ٴبىر ماڭىزدى جىل. اۆتونوميالى رايوندىق پارتكوم ٴار ۇلت كادرلارى مەن بۇقاراسىن ىنتىماقتاستىرىپ، باستاپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، ەكونوميكانىڭ، قوعامنىڭ جوعارى ساپالى دامۋ ارىنى كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى.
بۇل ناتيجەگە قول جەتكىزىلۋى _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ جەمىسى، اۆتونوميالى رايوندىق پارتكومنىڭ بۇكىل رايوندا جوعارىدان تومەنگە دەيىنگىلەردى باستاپ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قيىندىقتاردان قامال الىپ، ىنتىماقتاسا كۇرەس جۇرگىزۋىنىڭ جەمىسى، سونداي ـ اق وعان تۇتاس رايونىمىزداعى ٴار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرىنىڭ جانە حالىق قۇرىلتايى ۋاكىلدەرىنىڭ اقىل ـ پاراساتى مەن جۇرەك قانى سىڭگەن.
2024 ـ جىل سونداي ـ اق مەملەكەتتىك حالىق قۇرىلتايى قۇرىلعاندىعىنىڭ 70 جىلدىعى. 70 جىلدان بەرى، بۇكىل شينجياڭداعى ٴار دارەجەلى حالىق قۇرىلتايلارى نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، پارتيانىڭ ٴاربىر تاريحي كەزەڭدەگى وزەكتى مىندەتىن ارقاۋ ەتىپ، شينجياڭنىڭ دەموكراتيا، زاڭمەن باسقارۋ قۇرىلىسىنا جانە رەفورما، دامۋ، ورنىقتىلىق ىستەرىنە ماڭىزدى ۇلەس قوستى. اسىرەسە، پارتيا 18 ـ قۇرىلتايىنان بەرى، ٴار دارەجەلى حالىق قۇرىلتايى جانە ولاردىڭ تۇراقتى كوميتەتتەرى حالىق قۇرىلتايىنىڭ قىزمەت جاۋاپكەرشىلىگىمەن تىعىز بايلانىستىرىپ زاڭ بويىنشا مىندەت اتقارىپ، زاڭ ەرەجە شىعارۋ، باقىلاۋ، ۋاكىلدەر قىزمەتىن تىڭعىلىقتى، ويداعىداي ىستەپ، شينجياڭنىڭ ەكونوميكالىق، قوعامدىق دامۋىنا جانە رەفورمادان قامال الۋىنا دەم بەرۋدە ورنىن وگەيسىتۋگە بولمايتىن رول اتقاردى.
وتكەن ٴبىر جىلدا اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق 14 ـ كەزەكتى حالىق قۇرىلتايى مەن ونىڭ تۇراقتى كوميتەتى نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، اۆتونوميالى رايوندىق پارتكومنىڭ وزەكتى قىزمەتىن تياناق ەتىپ، جەرگىلىكتى ورىننىڭ زاڭ ەرەجە شىعارۋ ەرەكشەلىگىن كورنەكتىلەندىردى، باقىلاۋ قىزمەتى دالمە ـ ٴدال، پارمەندى بولىپ، قاۋلى، قارارلار دەر كەزىندە ٴونىمدى بولىپ، جۇڭگونىڭ ٴتۇبىرلى ساياسي ٴتۇزىمىنىڭ قۋاتتى ومىرشەڭ كۇشى مەن كورنەكتى ارتىقشىلىعىن ايگىلەدى. جارقىراعان ىزدەر، ەكپىندى قادامدار ”حالىق قۇرىلتايىنىڭ جاۋاپكەرشىلىگى“ مەن ”حالىق قۇرىلتايىنىڭ ىسكەرلىگىن“ ارقالاپ، حالىق قۇرىلتايى ٴتۇزىمىنىڭ شينجياڭداعى جاندى امالياتىنا كۋا بولدى.
كۇرەس ماڭگى جالعاسادى، ەمتيحانعا اتتانۋدىڭ شەگى بولمايدى. بيىل _ ” 14 ـ بەسجىلدىق“ جوبا اياقتالاتىن جىل جانە ” 15 ـ بەسجىلدىق“ جوبا ورنالاستىرىلاتىن جىل، سونداي ـ اق شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. جاڭا جىل باستالىسىمەن اشىلعان اۆتونوميالى رايوندىق 10 ـ كەزەكتى پارتكومنىڭ ون ٴۇشىنشى جالپى ٴماجىلىسى 2025 ـ جىلعى رەفورما، دامۋ، ورنىقتىلىق ٴتۇيىندى مىندەتتەرىن ورنالاستىردى. العا باسۋ جولىندا بۇكىل رايونداعى ٴار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرى سانالى تۇردە داڭقتى بورىشتى ارقالاپ، حالىقتان كەلۋ، حالىققا تامىر تارتۋ سىندى ارتىقشىلىعىن تولىق ساۋلەلەندىرىپ، حالىق اراسىنداعى شەكسىز اقىل ـ پاراسات پەن كۇش ـ قۋاتتى توپتاپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا زەيىن ـ زەردەنى، كۇش ـ قۋاتتى ۇيىستىرۋى كەرەك.
جالپى بارىستىق حالىق دەموكراتياسى _ سوتسياليستىك دەموكراتيالىق ساياسيدىڭ ماندىك قاسيەتى، ەڭ كەڭ، ەڭ شىنايى، ەڭ جارامدى دەموكراتيا، حالىق قۇرىلتايى ٴتۇزىمى _ ەلىمىزدىڭ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى. جالپى بارىستىق حالىق دەموكراتياسىن بەلسەنە امالياتتا ايگىلەپ، پارتيا، ۇكىمەت ورىندارىنداعى باسشىلاردىڭ حالىق قۇرىلتايى ۋاكىلدەرىنىڭ ۇسىنىستارىن بىتىرۋگە باستاماشىلدىقپەن قۋزاۋشىلىق ەتۋ ٴتۇزىمىن ۇزدىكسىز كەمەلدەندىرىپ، حالىق قۇرىلتايى ۋاكىلدەرىنىڭ ۇسىنىستارىن ٴبىتىرۋ قىزمەتىن اناعۇرلىم كۇشەيتىپ جانە جاقسارتىپ، ٴبىتىرۋ ونىمدىلىگىن ۇزدىكسىز جوعارىلاتىپ، حالىق قۇرىلتايى ٴتۇزىمى ارتىقشىلىعىن باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.
نىق قاداممەن جاڭا جورىققا اتتانىپ، جاۋاپكەرشىلىك ارقالاپ، ناقتى ٴىس ىستەپ تاعى دا ساپارعا اتتاندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ناقتى ىستەۋدى ماڭداي الدى ورىنعا قويۋعا تاباندى بولىپ، قايراتتانا ىسكەرلىك كورسەتىپ، قامال الىپ قيىندىقتى جەڭىپ، ٴبىر وڭىرگە داڭق اپەرۋمەن قاتار، جالپى جاعدايدى ارلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋ بارىسىندا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەپ، ۇزدىكسىز تىڭ جەتىستىكتەرگە، تىڭ ناتيجەلەرگە قول جەتكىزەيىك.
ٴماجىلىستىڭ تولىق تابىستى بولۋىن تىلەيمىز!
