2025 ـ جىلعى اۆتونوميالى رايوندىق ەكى ٴماجىلىس 2 ـ رەتكى اقپار جاريالاۋ ٴماجىلىسىن وتكىزدى
نەگىزگى ساتىنىڭ ٴبىرىنشى شەبىنەن كەلگەن 6 حالىق قۇرىلتايى ۋاكىلى ارناعا شىعىپ مىندەت وتەۋ حيكايالارىن باياندايدى
انار بۇلت \ شينجياڭ گازەتىنىڭ ٴتىلشىسى فان چيۇڭيان 1 ـ ايدىڭ 18 ـ كۇنى ۇرىمجىدەن حابارلايدى. 1 ـ ايدىڭ 18 ـ كۇنى تۇستەن كەيىن 2025 ـ جىلعى اۆتونوميالى رايوندىق ەكى ٴماجىلىس 2 ـ رەتكى اقپار جاريالاۋ ٴماجىلىسىن وتكىزدى، نەگىزگى تاقىرىبى: ”جوعارى دەڭگەيدە مىندەت وتەۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا دەم بەرۋ“، اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسىنىڭ اقپارات مالىمدەمەشىسى جاۋ ۋىنچۋان قاتىستى جاعدايلاردى تانىستىردى ٴارى تىلشىلەردىڭ سۇراۋىنا جاۋاپ بەردى.
اۆتونوميالى رايوندىق 14 ـ كەزەكتى حالىق قۇرىلتايى 3 ـ ٴماجىلىسى 1 ـ ايدىڭ 19 ـ كۇنىنەن 1 ـ ايدىڭ 22 ـ كۇنىنە دەيىن اشىلادى، ٴماجىلىس ۋاقىتى 4 كۇن بولادى. ٴماجىلىس كەزىندە 3 رەت جالپى جيىن، 5 رەت ٴتوراعالار القاسى ٴماجىلىسى اشىلادى. مۇندا 3 رەتكى جالپى جيىننىڭ جالپى بارىسى تىكە تاراتىلادى. جاۋ ۋىنچۋان بىلاي دەپ تانىستىردى: ٴماجىلىس تۇڭعىش رەت ”ۋاكىلدەر ارناسى“ كوللەكتيۆ تىلشىلىك قيمىلىن ورنالاستىرادى، نەگىزگى ساتىنىڭ ٴبىرىنشى شەبىنەن كەلگەن 6 حالىق قۇرىلتايى ۋاكىلى ٴوز قىزمەتتەرىمەن جانە وزدەرى تۇرعان سالالارمەن بىرلەستىرىپ مىندەت وتەۋ حيكايالارىن باياندايدى. شەتەلدىك قوناقتار ٴماجىلىستىڭ اشىلۋ سالتىن سىرتتاي تىڭداۋعا ۇزدىكسىز ۇسىنىس ەتىلدى، شەتەلدىك، سونداي ـ اق شياڭگاڭ، اۋمىن مەديا تىلشىلەرى ٴماجىلىس سالتاناتىن حابارلاپ، حالىق قۇرىلتايى ۋاكىلدەرىنە تىلشىلىك جاسايدى.
2024 ـ جىلعى اۆتونوميالى رايوننىڭ زاڭ ەرەجە شىعارۋ قىزمەتى جالپى جاعدايىنا جانە باستى ەرەكشەلىگىنە توقتالعاندا، جاۋ ۋىنچۋان بىلاي دەدى: تۇتاس جىلدا جالپى اۆتونوميالى رايوننىڭ 16 جەرگىلىكتى زاڭ ەرەجەسى، زاڭ ەرەجە سيپاتىنداعى 9 قارار، قاۋلى قاراپ ماقۇلداندى، 39 زاڭ ەرەجە تەكسەرىلىپ بەكىتىلدى، زاڭ ەرەجە شىعارۋ مولشەرى كوپ، كولەمى كەڭ، ريتىمى تەز بولىپ، جەرگىلىكتى ورىننىڭ زاڭ ەرەجە شىعارۋىنىڭ جۇيەلىلىك سيپاتى، تۇلعالىق سيپاتى، سايكەستىلىك سيپاتى، ۋاقىت ونىمدىلىگى سيپاتى كورنەكتى كۇشەيدى.
ٴار دارەجەلى حالىق قۇرىلتايى ۋاكىلدەرى 5366 ۋاكىلدەرمەن بايلانىس جاساۋ پۋنكتىندە تۇرىپ جاقىن ماڭدا، سول جەردە قيمىلعا قاتىناستى؛ ٴار دارەجەلى حالىق قۇرىلتايى ۋاكىلدەرى بۇقارانىڭ 65 مىڭنان استام پىكىر ـ ۇسىنىسىن تىڭداپ، اڭىس ەتىپ، 50 مىڭنان استام ماسەلەنى زاڭ بويىنشا تاپسىرىپ بەرىپ شەشىلۋىن ىلگەرىلەتتى؛ ”جۇڭحۋا ۇلتى ورتاق تۇلعا تانىمىن بەكەمدەۋ. 10 مىڭ ۋاكىل 10 مىڭ وتباسىنا بارۋ“ ۇگىت لەكسيا نەگىزگى تاقىرىپتىق قيمىلىن كۇشتى شوعىرلاندىرا وتكىزىپ، 60 مىڭ (رەتتەن) استام نەگىزگى تاقىرىپتىق ۇگىت لەكسيا ورىستەتتى، 490 مىڭنان استام بۇقارامەن (رەت) بايلانىس جاساۋ، قابىلداۋ قيمىلىن وتكىزدى... اقپار جاريالاۋ ماجىلىسىندە جاۋ ۋىنچۋان اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتىنىڭ ۋاكىلدەردىڭ زاڭ بويىنشا مىندەت وتەۋىنە قىزمەت وتەۋ جانە ونى قامتاماسىزداندىرۋ، ۋاكىلدەردىڭ رولىن تولىق ساۋلەلەندىرۋ جاعىنداعى شارالارىن ٴبىر ـ بىردەن ٴتۇسىندىردى.
