اۆتونوميالى رايوندىق ساياسي كەڭەس مۇشەلەرى تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتى جونىندەگى باياندامانى گرۋپپالارعا ٴبولىنىپ قارادى
انار بۇلت \ شينجياڭ گازەتىنىڭ تىلشىلەرى
1 ـ ايدىڭ 18 ـ كۇنى تۇستەن كەيىن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ماجىلىسىنە قاتىناسقان مۇشەلەر وزدەرى تۇرعان گرۋپپادا اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى مۇقيات قارادى، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ۇيرەنۋدى، دايەكتىلەندىرۋدى ارقاۋ ەتىپ، اۆتونوميالى رايوندىق ساياسي كەڭەستىڭ 2025 ـ جىلعى كەڭەس جوسپارىمەن ۇشتاستىرا وتىرىپ ساياسي كەڭەس قىزمەتىن تالقىلادى.
قاراۋ بارىسىندا مۇشەلەر اقتارىلا سويلەپ، اركىم ٴوز كوزقاراسىن ايتىپ، الاڭ دۋماندى رايعا بولەندى. كوپشىلىك ٴبىر اۋىزدان بىلاي دەپ قارادى: اۆتونوميالى رايوندىق ساياسي كەڭەس تۇراقتى كوميتەتىنىڭ قىزمەت بايانداماسىنىڭ تۇتاس بارىسىنا شي جينپيڭ جاڭا ٴداۋىر جۇڭگوشا سوتسياليزم يدەياسى سىڭىرىلگەن، دەڭگەيى جوعارى، تاقىرىبى ٴدال، مازمۇنى ناقتى بولىپ، وتكەن ٴبىر جىلدان بەرگى اۆتونوميالى رايوندىق ساياسي كەڭەستىڭ ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسىپ، ۇكىمەت ىسىنە اقىل ـ كەڭەس بەرۋ سياقتى جاقتارداعى تىڭعىلىقتى قىزمەتىن جاپپاي قورىتىندىلاپ، 2025 ـ جىلعى ساياسي كەڭەس قىزمەتىن ويداعىداي ىستەۋ جونىندە ايقىن تالاپ قويىپ، ناقتى ورنالاستىرۋ جاسادى، تۋى ايقىن، شىندىقتى ٴىس جۇزىنەن ىزدەگەن، ىنتىماقتاستىرىپ قايراتتى تاسقىنداتاتىن جاقسى بايانداما بولدى. ٴبىر نيەتپەن ىنتىماقتاسىپ، ەرلىكپەن العا ىلگەرىلەپ، مىندەت اتقارۋ قابىلەتىن جانە ورەسىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا كورىكتى شينجياڭدى اناعۇرلىم ويداعىداي كوركەيتۋ جولىندا قاجىماي ـ تالماي كۇرەس جۇرگىزىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الامىز.
”تۇراقتى كوميتەتتىڭ قىزمەت بايانداماسىن تىڭداعاننان كەيىن، جىگەرلەنىپ، ايرىقشا شابىت الدىم“. مۇشە جياڭ حايجۇن مىنانى ٴبىلدىردى: بايانداما ٴارى ستراتەگيالىق بيىك دەڭگەيگە يە، ٴارى ٴىس جۇزىندىككە جاقىن بولىپ، ٴبىزدىڭ كەزەكتەگى جانە بۇدان بىلايعى قىزمەتتەردى ويداعىداي ىستەۋىمىز ٴۇشىن العا باسۋ بەتالىسىن ايقىن كورسەتتى. وقۋ ـ اعارتۋ سالاسىنداعى مۇشە رەتىندە، ساياسي تۇجىرىمداۋ قابىلەتىمدى، ساياسي ٴتۇسىنۋ قابىلەتىمدى جانە ساياسي اتقارۋ قابىلەتىمدى ۇزدىكسىز جوعارىلاتىپ، مىندەت اتقارۋ قابىلەتىمدى ۇزدىكسىز جوعارىلاتىپ، جۇڭحۋا ۇلتى ورتاق تۇلعا تانىمىن بەكەمدەۋ، جوعارى، ورتا، باستاۋىش مەكتەپتەردىڭ يدەيا ـ ساياسي ساباعىن ٴبىر تۇلعالاندىرۋ قۇرىلىسىن ىشكەرىلەي ىلگەرىلەتۋ، ەرەكشەلىككە يە ٴپان جەتىلدىرۋ سياقتى جاقتاردى ارقاۋ ەتىپ، اناعۇرلىم كوپ ناقتى ۇسىنىس قويامىن.
مۇشە دىڭ شۋانبين بىلاي دەپ قارادى: تۇراقتى كوميتەت قىزمەت بايانداماسىنىڭ ساياسي دەڭگەيى جوعارى بولىپ، ساياسي كەڭەستىڭ ساياسي سيپاتىن جانە جاۋاپكەرشىلىگىن تولىق بەينەلەدى؛ مىندەت اتقارۋ ونىمدىلىگى ناقتى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسىپ، ۇكىمەت ىسىنە اقىل ـ كەڭەس بەرۋ جاقتارىندا ماڭىزدى رول اتقاردى؛ قىزمەتتە جاڭالىق اشۋى كوپ بولىپ، ەرەكشەلىككە يە مىندەت اتقارۋ ماركاسىن تۇلعالاپ، قىزمەت مەحانيزمىن كەمەلدەندىردى؛ قىزمەت وتەۋ تانىمى كۇشتى بولىپ، مۇشەلەر، بۇقارا، ەكونوميكانىڭ، قوعامنىڭ دامۋى ٴۇشىن قىزمەت وتەدى؛ ىنتىماق، دەموكراتيا رايى كۇشتى بولىپ، ورتاق تانىم ۇيىستىرىپ، كۇش ـ قۋات توپتادى. ول مىنالاردى ٴبىلدىردى: مادەنيەت ـ كوركەمونەر سالاسىنداعى مۇشە رەتىندە، نازاردى ادەبيەت ـ كوركەمونەر ىستەرىنىڭ دامۋى ماسەلەسىنە شوعىرلاندىرىپ، ىشكەرىلەي تەكسەرۋ ـ زەرتتەۋ جۇرگىزىپ، بەلسەنە ۇكىمەت ٴىسىن كەڭەسەمىن؛ مادەنيەت پەن ساياحاتتى توعىستىرۋ، بەيزاتتىق مادەنيەت مۇرالارىن كادەگە جاراتۋ، جۇڭحۋا ۇلتى ورتاق تۇلعا تانىمىن بەكەمدەۋ سياقتى نەگىزگى تاقىرىپتار توڭىرەگىندە بەلسەنە ۇسىنىس قويىپ، كەڭەس بەرەمىن.
” 2024 ـ جىلى اۆتونوميالى رايوندىق ساياسي كەڭەس باستان ـ اياق وزەكتى ارقاۋ ەتىپ، كەلەلى جاعدايعا قىزمەت وتەپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، اۆتونوميالى رايوندىق پارتكومنىڭ وزەكتى قىزمەتتەرىمەن تىعىز بايلانىستىرىپ، جالت قاراتار جاۋاپناما تاپسىردى“. مۇشە لي ليڭحۇي بىلاي دەدى: جاڭا ٴبىر جىلدا بەلسەنە مىندەت اتقارىپ، ىشكەرىلەي تەكسەرۋ ـ زەرتتەۋ جۇرگىزىپ، ٴار ۇلت ايەلدەرىنىڭ قاجەتىن ۇعىسىپ، ايەلدەر قاۋىمىنىڭ جۇرەك ٴۇنىن اناعۇرلىم ويداعىداي جەتكىزىپ، ٴار ۇلت ايەلدەردىڭ جاقسى جان اشىرى بولامىن.
”بايانداما مازمۇنى شىمىر دا شىنايى، جەتىستىكتەر كورنەكتى بولىپ، سەنىمدى كۇشەيتتى“. مۇشە ۋاڭ مان بىلاي دەدى: بىلتىر شينجياڭنىڭ حالىقتىق اۆياتسيا كاسىبى تاماشا ناتيجە جاراتتى، جۇك تاسىمال مولشەرى، جولاۋشىلاردىڭ وتىرۋ مولشەرى تۇگەلدەي زور دارەجەدە ارتتى. جۇڭگو (شينجياڭ) ەركىن ساۋدا سىناق رايونى قۇرىلىسىنىڭ ارقاسىندا، سالىقتان اۋاشا ۇشاق جانار مايىن قۇيۋ، سالىقتان اۋاشا ۇشاق جوندەۋ سياقتى جاقتاردا دا تىڭ سەرپىلىسكە قول جەتكىزدى. بۇدان بىلاي تۇراقتى كوميتەت قىزمەت بايانداماسىنىڭ تالابى بويىنشا، نازاردى جىبەك جولى ەكونوميكالىق بەلدەۋىنىڭ وزەكتى رايونى، شينجياڭ ەركىن ساۋدا سىناق رايونى قۇرىلىسى سياقتىلارعا شوعىرلاندىرىپ، مۇقيات مىندەت اتقارىپ، شينجياڭ ەكونوميكاسىنىڭ جوعارى ساپالى دامۋىنا ۇسىنىس قويىپ، كەڭەس بەرەمىن.
مۇشە يۇي مەي مىنانى ٴبىلدىردى: تۇراقتى كوميتەت قىزمەت بايانداماسىنىڭ مازمۇنى شىنايى، ساپاسى، ونىمدىلىگى جاقسى بولىپ، ساياسي كەڭەس مۇشەلەرىنىڭ جاۋاپكەرشىلىك سەزىمىن، بورىشتىلىق سەزىمىن ونان ارى قاۋلاتتى. شيپاگەرلىك ـ دارىگەرلىك، دەنساۋلىق ساقتاۋ سالاسىنداعى مۇشە رەتىندە، ٴوز قىزمەتىمدى تياناق ەتىپ، مىندەتىمدى اتقارىپ، جاۋاپكەرشىلىگىمدى ادا ەتىپ، پسيحيكالىق دەنساۋلىق ساقتاۋ ماماندىعى باسىمدىعىمدى ساۋلەلەندىرىپ، الەۋمەتتىك اۋماق پسيحولوگياسى مەن الەۋمەتتىك اۋماقتى باسقارۋدىڭ تەرەڭدەي توعىسۋىن بەلسەنە ىلگەرىلەتىپ، نەگىزگى ساتىنى باسقارۋ دەڭگەيىن جوعارىلاتامىن.
مۇشە گاۋ حۇيليڭ تولى اۋدانى تولى قالاشىعى زاڭدىق قىزمەت وتەۋ ورنىنىڭ مەڭگەرۋشىسى. ول مىنانى ٴبىلدىردى: وزىندىك ساپامدى جانە قابىلەتىمدى ۇزدىكسىز جوعارىلاتىپ، تەكسەرۋ ـ زەرتتەۋدى كۇشەيتىپ، امالياتقا ىشكەرىلەي ارالاسىپ، بۇقاراعا ىشكەرىلەي ارالاسىپ، العاشقى ماتەريالدارعا يە بولىپ، مىندەت اتقارۋعا پارمەندى تىرەك ازىرلەيمىن. سونىمەن قاتار وزىندىك زاڭدىق قىزمەت وتەۋ باسىمدىعىمدى ساۋلەلەندىرىپ، شامامنىڭ كەلىسىنشە بۇقاراعا ناقتى ٴىس ىستەپ، قيىن ماسەلەلەردى شەشەمىن.
مۇشە ريزۋانگۇل تۇرسۇن حالىق ساقشىسى. ول مىنانى ٴبىلدىردى: تۇراقتى كوميتەت قىزمەت بايانداماسىنىڭ تالابى بويىنشا، جاڭا داۋىردەگى ”فىڭچياۋ تاجىريبەسىن“ بەلسەنە امالياتتا ايگىلەپ، ٴوز جۇمىس ورنىمدى تياناق ەتىپ، ساياساتتى ۇگىتتەپ، قايشىلىقتاردى شەشىپ، قاراستى اۋماق تۇرعىندارىنىڭ جان اشىرى، مەيىرگە بولەۋشىسى بولامىن.
(ٴتىلشى جاڭ يۇنمەي، قاتىناسقان تىلشىلەر جاۋ شييا، رىن جياڭ، سى لۋلۋ، چىن چياڭۋي، ۋاڭ نا، سۇي يۇنيان، پراكتيكانت ليۋ دان)
