ما شيڭرۇي، سىمايىل تىلەۋالدى قاتىناستى
ەركىن تۇنياز ۇكىمەت قىزمەتىنەن بايانداما جاسادى، ٴزۇمىرات وبۇل باسقاردى
نۇرلان ٴابىلماجىن، شاۋكەت يمىن، اسحات كەرىمباي، حى جۇڭيوۋ، جاڭ جۋ، چىن ميڭگو ٴتوراعالار مىنبەسىنەن ورىن الدى
1 ـ ايدىڭ 19 ـ كۇنى شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى شينجياڭ حالىق سارايىندا اشىلدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى 1 ـ ايدىڭ 19 ـ كۇنى تۇستەن بۇرىن شينجياڭ حالىق سارايىندا اشىلدى. بۇكىل شينجياڭنىڭ جەر ـ جەرىنەن، ٴارقايسى شەبىنەن كەلگەن اۆتونوميالى رايوندىق حالىق قۇرىلتايى ۋاكىلدەرى ٴار ۇلت حالقىنىڭ ماڭىزدى تاپسىرماسىن ارقالاپ، نەگىزگى زاڭ جانە زاڭ جۇكتەگەن قىزمەت جاۋاپكەرشىلىكتەرىن مۇقيات ادا ەتەدى.
شينجياڭ حالىق سارايى سالتاناتتى دا قىزۋ مەرەيگە شومدى، مەملەكەت گەربى ٴتوراعالار مىنبەسىندەگى شىمىلدىقتىڭ ٴدال ورتاسىنا ٴىلىنىپ، نارت قىزىل تۋدىڭ نۇرلاندىرۋىندا جارقىراپ تۇر.
ما شيڭرۇي، سىمايىل تىلەۋالدى، ەركىن تۇنياز، نۇرلان ٴابىلماجىن، شاۋكەت يمىن، اسحات كەرىمباي، ياڭ چىڭ، تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
اتقارۋشى ٴتوراعا بولعان ٴماجىلىس ٴتوراعالار القاسىنىڭ تۇراقتى ٴتوراعالارى ٴزۇمىرات وبۇل، حى جۇڭيوۋ، جاڭ جۋ، چىن ميڭگو، ۋاڭ لين، ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، جاۋ تيانجيە ٴتوراعالار مىنبەسىنىڭ الدىڭعى قاتارىنان ورىن الدى. اشىلۋ ٴماجىلىسىن ٴزۇمىرات وبۇل باسقاردى.
ماجىلىسكە قاتىناسۋعا ٴتيىستى ۋاكىل 544 ادام، قاتىناسقان ۋاكىل 513 ادام، بۇل زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 10دا ٴماجىلىس اشىلدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى.
ٴماجىلىستىڭ كەڭەستىك ٴتارتىبى بويىنشا، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.
ەركىن تۇنياز الدىمەن 2024 ـ جىلعى قىزمەتتەردى قورىتىندىلادى. ول بىلاي دەدى: وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل شينجياڭداعى ٴار ۇلت حالقىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا جاڭا نىق قادام تاستادى. بۇكىل شينجياڭنىڭ وڭىرلىك ٴوندىرىس جالپى ٴونىم قۇنى سايكەس مەزگىلدەگىدەن %6.1 ارتىپ، 2 تريلليون يۋاندىق ۇلكەن وتكەلدەن ٴوتتى، كولەمنەن جوعارى ونەركاسىپتىڭ ارتقان قۇنى %8 ارتتى، تۇراقتى مۇلىككە قوسىلعان قارجى %6.9 ارتتى، يمپورت ـ ەكسپورت ساۋدا جالپى سوماسى %21.8 ارتتى، قالا مەن اۋىل تۇرعىندارىنىڭ جان باسىندىق ورتاشا قولداعى تابىسى جەكە ـ جەكە %5.5، %8.2 ارتتى، باستى ەكونوميكالىق كورسەتكىشتەردىڭ ارتۋ قارقىنى بۇكىل ەل بويىنشا الدىڭعى قاتاردا بولىپ، تۇتاس جىلداعى نىسانا ـ مىندەتتەر ٴبىرشاما ويداعىداي ورىندالدى.
ەركىن تۇنياز بىلاي دەدى: بيىل شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى، ۇكىمەت قىزمەتىن ويداعىداي ىستەۋدە، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن باتىل تياناقتاندىرىپ، جاڭا دامۋ ۇستانىمىنا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ون ەكىنشى، ون ٴۇشىنشى جالپى ٴماجىلىسىنىڭ ورنالاستىرۋلارىن ىشكەرىلەي تياناقتاندىرىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جوعارى ساپالى دامۋدى تىڭعىلىقتى ىلگەرىلەتىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، ٴتۇيىندى سالالارداعى حاۋىپ ـ قاتەرلەردەن جانە سىرتقى سوققىدان ساقتانىپ جانە ونى جويىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمادان قامال الۋدى تەرەڭدەتىپ، جوعارى دەڭگەيدەگى ىشكە، سىرتقا ەسىك اشۋدى كەڭەيتىپ، ”ون ٴىرى كاسىپ سالاسى شوعىرى“ قۇرىلىسىنىڭ ساپاسىنىڭ جوعارىلاپ، ونىمدىلىگىنىڭ ارتۋىن ىلگەرىلەتىپ، ٴار ۇلت بۇقاراسىنىڭ تۇرمىس دەڭگەيىن ۇزدىكسىز جوعارىلاتىپ، ”14 ـ بەسجىلدىق“ جوبانىڭ نىسانا ـ مىندەتتەرىن ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋ كەرەك.
ەركىن تۇنياز مىنالاردى ورتاعا قويدى: بيىلعى ەكونوميكالىق، قوعامدىق دامۋداعى باستى مەجەلى نىسانالار: وڭىرلىك ٴوندىرىس جالپى ٴونىم قۇنىن %6 شاماسىندا ارتتىرۋ، كولەمنەن جوعارى ونەركاسىپتىڭ ارتقان قۇنىن %8 شاماسىندا ارتتىرۋ، تۇراقتى مۇلىككە قوسىلاتىن قارجىنى %10 شاماسىندا ارتتىرۋ، يمپورت ـ ەكسپورت ساۋدا جالپى سوماسىن %12 شاماسىندا ارتتىرۋ، قالا مەن اۋىل تۇرعىندارىنىڭ جان باسىندىق ورتاشا قولداعى تابىسىن جەكە ـ جەكە %6 شاماسىندا، %7 شاماسىندا ارتتىرۋ، ت. ب. ول بىلاي دەپ اتاپ كورسەتتى: اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە تاباندى بولىپ، تۋراشىلدىقتان اينىماي جاڭالىق اشىپ، الدىمەن ورناتىپ سوڭىنان كۇشىنەن قالدىرىپ، جۇيەلى شوعىرلاندىرىپ، سايكەستى سەلبەسىپ، تومەندەگى قىزمەتتەردى ٴتۇيىندى ويداعىداي يگەرۋ كەرەك: ٴتۇيىندى سالالار مەن شەشۋشى بۋىندارداعى رەفورمانى جەدەلدەتىپ، ەكونوميكالىق دامۋدىڭ ىشكى قوزعاۋشى كۇشى مەن ومىرشەڭ كۇشىن ۇزدىكسىز قاۋلاتۋ؛ ”ون ٴىرى كاسىپ سالاسى شوعىرى“ قۇرىلىسىن جەدەلدەتىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن قۇرۋ؛ ٴونىمدى قارجى قوسۋدى جەدەلدەتىپ، تۇتىنۋدى زور كۇشپەن سەرپىلتىپ، ٴتۇرلى ٴادىس ـ امالدارمەن ىشكى سۇرانىستى ۇلعايتۋ؛ جوعارى دەڭگەيدە ەسىك اشۋدى جەدەلدەتىپ، ازيا ـ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن بەلسەنە تۇلعالاۋ؛ جاڭالىق اشۋ فاكتورلارىن شوعىرلاندىرۋدى جەدەلدەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ؛ وڭتۇستىك شينجياڭنىڭ جاڭا ارتۋ ۇيەگىن جەدەل جەتىلدىرىپ، قالا مەن اۋىلدىڭ توعىسا جانە وڭىرلەردىڭ سايكەستى دامۋىن جەبەۋ؛ ەكولوگيالىق ورتانى وڭاۋدى جەدەلدەتىپ، كورىكتى شينجياڭ قۇرىلىسىن ىشكەرىلەي ىلگەرىلەتۋ؛ جۇڭحۋا ۇلتى ورتاق تۇلعا قۇرىلىسىن جەدەل ىلگەرىلەتىپ، ۇلتتاردىڭ ورتاق رۋحاني مەكەنىن قۇرۋ؛ حالىق تۇرمىسىن جاقسارتۋ قادامىن جەدەلدەتىپ، حالىق بۇقاراسىنىڭ تۇرمىس ساپاسىن ۇزدىكسىز جوعارىلاتۋ؛ حاۋىپسىزدىك قالتقىسىن بەكەمدەۋدى جەدەلدەتىپ، تىنىش، جاراسىمدى قوعامدىق ورتانى بار كۇشپەن قالىپتاستىرۋ.
ەركىن تۇنياز تاعى ۇكىمەتتىڭ وزىندىك قۇرىلىسىن جاپپاي كۇشەيتۋ جانە بيڭتۋاننىڭ رەفورمانى تەرەڭدەتىپ، دامىپ زورايۋىن بار كۇشپەن قولداۋ، شينجياڭعا باعىتتامالى كومەكتەسۋ قىزمەتىن اناعۇرلىم جوعارى ساپامەن ورىستەتۋ، مەملەكەت قورعانىسى مەن ارميانى وسىزامانداندىرۋ قۇرىلىسىن قولداۋ جونىندە بايانداۋ جاسادى.
ٴماجىلىستىڭ كەڭەستىك ٴتارتىبى بويىنشا، ٴماجىلىس اۆتونوميالى رايوننىڭ 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى، اۆتونوميالى رايوننىڭ 2024 ـ جىلعى مەجە ەسەبىنىڭ اتقارىلۋ احۋالى جانە اۆتونوميالى رايوننىڭ 2025 ـ جىلعى مەجە ەسەپ جوباسى جونىندەگى باياندامانى تەكسەردى.
اۆتونوميالى رايوندىق ۇكىمەتتەگى، ساياسي كەڭەستەگى، بيڭتۋانداعى باسشى جولداستار، شينجياڭ اسكەري رايونى مەن قارۋلى ساقشى شينجياڭ باس اترەتىندەگى قاتىستى باسشىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، مەملەكەتتىك حالىق قۇرىلتايىندا، مەملەكەتتىك ساياسي كەڭەستە مىندەت وتەپ جاتقان باسشى جولداستار، قازىرگى مىندەتىنەن شەگىنگەن ٴبىر ٴبولىم ولكە دارەجەلى باسشىلار قاتارلىلار دا ٴتوراعالار مىنبەسىنەن ورىن الدى.
اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.
قاتىستى ەلدەردىڭ جۇڭگودا تۇراتىن ەلشىلەرى، حالىقارالىق ۇيىمداردىڭ ۋاكىلدەرى، قاتىستى ەلدەردىڭ بەيجيڭدە تۇراتىن مەديالارىنىڭ، شياڭگاڭنىڭ، اۋمىننىڭ مەديا تىلشىلەرىنىڭ ۋاكىلدەرى ۇسىنىس بويىنشا ٴماجىلىستى سىرتتاي تىڭدادى.
