شين شىجيان
شينجياڭنىڭ وڭىرلىك ٴوندىرىس جالپى ٴونىم قۇنى 2 تريلليون يۋاندىق ۇلكەن وتكەلدەن ٴوتتى!
بۇل شينجياڭنىڭ جوعارى ساپالى دامۋدى ىلگەرىلەتۋ بارىسىنداعى ماڭىزدى بەلەس. وسى كورنەكتى ناتيجە ٴبىزدىڭ جوعارى ساپالى دامۋدى ىلگەرىلەتۋ سەنىمىمىز بەن جىگەرىمىزدى بەكەمدەپ قانا قويماي، جاڭا جورىقتا اسۋلاردان اسىپ قامال الۋ بەكىمىمىز بەن باتىلدىعىمىزدى دا ونان ارى بەكەمدەدى.
2 تريلليون يۋان كورنەكتى ورلەۋدەگى ناتيجەنى بەينەلەيتىن سان عانا ەمەس، ونان دا ماڭىزدىسى، ورگە قاراي ٴوسىپ ـ جەتىلۋ بولىپ تابىلادى. بۇعان ٴبىز تالاي رەتكى كاسىپ سالاسىنىڭ تيبىن جاڭالاپ، دارەجەسىن جوعارىلاتۋدا قول جەتكىزدىك، تالاي رەتكى ”تۇڭعىش“، ”تۇڭعىش جاسامپازدىق“ بارىسىندا قول جەتكىزدىك، تالاي رەتكى كەرەمەتتەردى جازۋ، جاڭا رەكورد جاراتۋ بارىسىندا قول جەتكىزدىك!
2 تريلليون يۋان قاجىرلىلىقپەن ەڭبەكتەنۋدىڭ جاڭا تابىسى عانا ەمەس، ونان دا ماڭىزدىسى، بولاشاققا قادام تاستاۋدىڭ جاڭا باستاماسى. ول ساننىڭ توپتالۋىنان ساپانىڭ كۇرت جوعارىلاۋىنا ٴوتۋ بارىسىنداعى شەشۋشى قادام، شينجياڭ ەكونوميكاسىندا ساپانى جوعارىلاتىپ، ونىمدىلىكتى ارتتىرۋداعى، قيىندىقتى جەڭىپ تۇلەجىپ دامۋداعى شەشۋشى قادام، ونان دا ماڭىزدىسى، شينجياڭنىڭ باياندى دامۋىندا جاڭا ساتىعا كوتەرىلۋدەگى شەشۋشى قادام!
قول جەتۋ وڭايعا تۇسپەگەن ناتيجەلەردە باس شۋجي شي جينپيڭنىڭ شينجياڭ جونىندەگى ”وزگەشە“ كوڭىل ٴبولۋى مەن قامقورلىعى قامتىلعان، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ امالياتتىق ۇلى كۇشى ۇيىسقان، اۆتونوميالى رايوندىق پارتكومنىڭ، ۇكىمەتتىڭ بۇكىل شينجياڭداعى ٴار ۇلت حالقىن باستاپ، ىنتىماقتاسا كۇرەس جۇرگىزگەن، ۇدەرە العا تارتقان اقىل ـ پاراساتى مەن ماڭداي تەرى سىڭگەن.
GDPدىڭ 2 تريلليون يۋاننان اسۋى رەفورمادان شىعار جول تابۋدىڭ، ونىمدىلىككە قول جەتكىزۋدىڭ شينجياڭ ەكونوميكاسىنىڭ ”ۇدەي“ دامۋىنداعى ٴتۇبىرلى قوزعاۋشى كۇش ەكەندىگىن تولىق ٴتۇسىندىردى. مەيلى پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە العا قويىلعان رەفورما مىندەتىن دايەكتىلەندىرۋ، تياناقتاندىرۋ بولسىن، الدە ٴىس جۇزىندىكتى تياناق ەتىپ، العاشقى جاسامپازدىق، العاشقى جاساۋ، الدىمەن اتقارىپ، الدىمەن سىناق ەتۋ جاعىندا بولسىن، رەفورما شارالارىنىڭ شىعارىلۋى، تياناقتانۋى كوزقاراسقا بۇرىلىس جاساپ، جاڭالىق اشۋدان قامال الۋ، سونداي ـ اق ٴورىستى كەڭەيتىپ، جارىس جولىن ٴدال تاۋىپ، شينجياڭدا جوعارىدان تومەنگە دەيىن جاسامپازدىق قۋاتتى تاسقىنداتىپ، سايكەسۋ قۋاتىن ۇيىستىرىپ، ٴىس تىندىرىپ ناتيجە شىعارۋداعى ”بايتاق ٴورىستى“ كەڭەيتىپ، ەكونوميكالىق قۇرىلىستا ”جۇيرىككە قامشى باسىپ“، رەفورمانىڭ ”جاڭا“ قوزعالىس قۋاتىن ۇزدىكسىز ىسكە قوسىپ، رەفورمانىڭ ”ناقتى“ ونىمدىلىگىن ارتتىرۋ بولىپ تابىلادى.
GDPدىڭ 2 تريلليون يۋاننان اسۋى كاسىپ سالاسى دامۋىنىڭ شينجياڭ ەكونوميكاسىنىڭ ورنىقتىلىق بارىسىندا ىلگەرىلەۋىندەگى شەشۋشى قوزعالتقىش ەكەندىگىن تولىق ٴتۇسىندىردى. وزگەشە 2024 ـ جىلعا قايىرىلا قاراساق، شينجياڭنىڭ باستى ەكونوميكالىق كورسەتكىشتەرىنىڭ ارتۋ قارقىنى بۇكىل ەل بويىنشا الدىڭعى قاتاردا تۇردى، ٴبىر توپ كەلەلى نەگىزدىك قۇرىلعىلار سالىندى، ٴبىر توپ كەلەلى ەنەرگيا بايلىعى نىساندارىنىڭ قۇرىلىسى باستالدى، ٴبىر توپ حالىق تۇرمىسى نىساندارى تياناقتاندى، مۇنى كاسىپ سالاسىنىڭ ”كۇشتى“ تىرەگىنەن بولە قاراۋعا بولمايدى. شينجياڭ ”ون ٴىرى كاسىپ سالاسى شوعىرىن“ قۇنتتاپ باپتاپ، بايلىق باسىمدىعىن تياناق ەتىپ، كاسىپ سالاسىنىڭ ەرەكشەلىگىن توعىستىرىپ، جاڭا كاسىپ سالاسىنىڭ قوزعالىس قۋاتىن جاڭارتىپ، تۇتىنۋدىڭ ومىرشەڭ كۇشىن قاۋلاتىپ، كاسىپ سالاسىنىڭ تىڭنان تۋىنداۋىن، بيىككە ۇمتىلۋىن، جاسىلدانۋعا قاراي ٴجۇرۋىن جەبەدى. شينجياڭ كاسىپ سالاسىن شوعىرلاندىرا دامىتۋدىڭ عىلمي جولىن ٴداپ باسىپ تاۋىپ، ەكونوميكالىق اينالىم اناعۇرلىم تاماشا اينالىمعا ٴتۇستى.
GDPدىڭ 2 تريلليون يۋاننان اسۋى سىرتقا ەسىك اشۋدىڭ شينجياڭ ەكونوميكاسىنىڭ دامۋىنا سارقىلماس قوزعالىس قۋاتىن قوسىپ، شىت جاڭا جاعداي اشقاندىعىن تولىق ٴتۇسىندىردى. 2023 ـ جىلى شينجياڭنىڭ سىرتقى ساۋدا كولەمى 200 ميلليارد يۋاننان 300 ميلليارد يۋانعا ٴوتىپ، بۇعان ٴبىر جىل ۋاقىت جۇمسالدى، ارتۋ قارقىنى بۇكىل ەل بويىنشا 2 ـ ورىندى يەلەدى. 2024 ـ جىلى شينجياڭ مىعىم قايراتقا كەلىپ، كۇش ۇستىنە كۇش قوسىپ، سىرتقى ساۋدا يمپورت ـ ەكسپورت جالپى قۇنىن تاعى دا تاريحتاعى ەڭ جوعارى دەڭگەيگە جەتكىزدى، ارتۋ قارقىنى بۇكىل ەل بويىنشا الدىڭعى ورىندى يەلەدى. ”ٴبىر بەلدەۋ، ٴبىر جولدىڭ“ وزەكتى رايونىنان تەبىندەپ، ەركىن ساۋدا سىناق رايونىنىڭ جول باستاۋىنا دەيىن، شينجياڭنىڭ سىرتقا اشىلعان قاقپاسى ونان ارى ايقارا اشىلدى، ەسىك اشۋ سەلبەستىگىنىڭ مازمۇنى بارعان سايىن بايىدى، سەلبەستىك ساپاسى، ونىمدىلىگى ۇزدىكسىز جوعارىلادى، شينجياڭ ەسىك اشۋدىڭ، سەلبەستىكتىڭ كوكتەم لەبىن قارسى الدى.
2 تريلليون يۋان ەڭ سوڭعى مارە ەمەس، قايتا شىت جاڭا باستاما. شينجياڭنىڭ بايلىق باسىمدىعى، وڭىرلىك ورىن باسىمدىعى جانە ساياسات باسىمدىعى وزگەشە، ەكونوميكالىق دامۋدىڭ ارتۋ جاعدايىنىڭ باياندى بولۋىنا مۇمكىندىك جاساۋ ٴۇشىن، ٴسوز جوق، ىستەۋدى ماڭداي الدى ورىنعا قويىپ، ناقتى ىستەپ، رەفورمانىڭ ونىمدىلىگىن زورايتىپ، جاڭالىق اشۋ اسەرىن كۇشەيتىپ، جوعارى ساپالى دامۋعا ۇزدىكسىز زاتتىق نەگىز قالاپ، شينجياڭنىڭ ەكونوميكالىق ناقتى قۋاتى مەن بازار باسەكەلىك قۋاتىنىڭ ونان ارى جوعارىلاۋىن ىلگەرىلەتۋ كەرەك.
2 تريلليون يۋان ەڭ سوڭعى مارە ەمەس، ول ٴتىپتى كوپ وي ٴورىسىن اكەلەدى. 2 تريلليون يۋان جاڭا ناتيجە عانا اكەلگەن جوق، ونان دا ماڭىزدىسى، جاڭا نىسانا، جاڭا ارمان اكەلەدى. تەز قيمىلداپ، كۇرەستەن قايتپاي، ۇزاق بولاشاققا قاتىستى ”شارانى“ اناعۇرلىم تەرەڭدەتىپ، قۇلشىنا كۇرەس جۇرگىزەتىن ”قايراتتى“ اناعۇرلىم تاسقىنداتىپ، زەيىن ـ زەردەنى، كۇش ـ قۋاتتى شوعىرلاندىراتىن ”ٴىستى“ اناعۇرلىم جاقسى ىستەسەك، ەكونوميكانىڭ ٴۇرتىس جاقسارۋىن، ٴسوز جوق، جەبەپ، قالىڭ حالىق بۇقاراسىنىڭ رەفورمانىڭ، دامۋدىڭ جەتىستىكتەرىنەن اناعۇرلىم جاقسى يگىلىكتەنۋىنە مۇمكىندىك جاساي الامىز.
2 تريلليون يۋاننان كەيىن، ٴبىز ۇتىمدى ساتتەن پايدالانىپ العا ۇمتىلىپ، ٴتىپتى دە بيىكتەرگە، ٴتىپتى دە الىستارعا اتتانامىز!
