ەركىن تۇنياز ىلە قازاق اۆتونوميالى وبلىسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
دامۋ سەنىمىن بەكەمدەپ، ىرىقتىلىقپەن جاۋاپكەرشىلىك ارقالاپ ىسكەرلىك كورسەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 19 ـ كۇنى ۇرىمجىدەن حابارلايدى. 1 ـ ايدىڭ 19 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴوزى تۇرعان اۆتونوميالى رايوندىق 14 ـ كەزەكتى حالىق قۇرىلتايى 3 ـ ماجىلىسىندەگى ىلە قازاق اۆتونوميالى وبلىسى ۋاكىلدەر ۇيىرمەسىنە كەلىپ، ۋاكىلدەرمەن بىرگە ۇكىمەت قىزمەتىنەن باياندامانى قارادى.
ۋاكىلدەردىڭ ٴسوزىن مۇقيات تىڭداعاننان كەيىن، ەركىن تۇنياز بىلاي دەدى: 2024 ـ جىلى اۆتونوميالى رايوندىق پارتكوم تۇتاس رايوندا جوعارىدان تومەنگە دەيىن جەتەكشىلىك ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”بەس ۇلكەن ستراتەگيالىق ورىندى“ كوزدەپ، ىرىقتىلىقپەن شينجياڭ قىزمەتىن مەملەكەتتىڭ كەلەلى جاعدايىنا قويىپ جوسپارلاپ ىلگەرىلەتتى، تۇتاس رايونداعى باستى ەكونوميكالىق كورسەتكىشتەردىڭ ارتۋ قارقىنى ۇزدىكسىز بۇكىل مەملەكەت بويىنشا الدىڭعى قاتاردا تۇرىپ، بيىلعى قىزمەتتەردى ويداعىداي ىستەۋگە تاماشا نەگىز قالاندى. ”ەكىنى تۇراقتاندىرۋدى“ ادالدىقپەن قورعاۋ، ”ەكىنى قورعاۋدى“ باتىل ورىنداۋ ساياسي بيىگىنەن بيىلعى ەكونوميكالىق، قوعامدىق دامۋ قىزمەتتەرىن ويداعىداي يگەرۋ كەرەك.
ەركىن تۇنياز بىلاي دەپ باسا دارىپتەدى: پارتيانىڭ باسشىلىعىن بيىلعى ەكونوميكالىق قىزمەتتىڭ جالپى بارىسىمەن ساباقتاستىرىپ، ٴتۇرلى قاتىناستاردى كۇش سالا ويداعىداي ٴبىر جاقتى ەتۋ كەرەك. تۇتىنۋ مەن ارتۋدىڭ قاتىناسىن ويداعىداي يگەرىپ، ٴبىر توپ ۇتىمدى شارالاردى العا قويىپ، تۇتىنۋدىڭ ەكونوميكانى جەبەۋ رولىن اناعۇرلىم ويداعىداي ساۋلەلەندىرۋ كەرەك. جالپى مولشەر مەن ساپا قاتىناسىن ويداعىداي يگەرىپ، قازىر بار نىسانا ـ مىندەتتەر نەگىزىندە جاڭا ارتۋ ٴتۇيىنىن جانە قامال الۋ ٴتۇيىنىن تاۋىپ، مۇمكىندىگىنشە كوبىرەك ىستەۋ كەرەك. جاڭا، كونە قوزعالىس قۋاتتار قاتىناسىن ويداعىداي يگەرىپ، ٴداستۇرلى كاسىپ سالاسى كولەمىن كۇشەيتىپ، جاقسارتىپ، زورايتىپ، ەسەپتەۋ قۋاتى، بيولوگيالىق جاساۋ، تومەن كەڭىستىك ەكونوميكاسى سياقتى جاقتارداعى باسىمدىقتاردى جانە ورىن تۇراقتاندىرۋدى دالمە ـ ٴدال تاۋىپ، جەرگىلىكتى جاعدايعا قاراي اناعۇرلىم كوپ جاڭادان گۇلدەنگەن كاسىپ سالالارىن، بولاشاق كاسىپ سالالارىن جايعاستىرۋ، جەتىلدىرۋ كەرەك. ۇكىمەت پەن بازار قاتىناسىن ويداعىداي يگەرىپ، اكىمشىلىك ونىمدىلىكتى جوعارىلاتۋدى شارۋاشىلىق ـ ساۋدا ورتاسىن ساپالىلاندىرۋداعى ماڭىزدى تۇتقا ەتىپ، حالىق رازى بولاتىن ۇكىمەتتى جەدەل تۇلعالاۋ كەرەك.
ەركىن تۇنياز بىلاي دەپ اتاپ كورسەتتى: ىلە وبلىسى ەكونوميكاداعى ٴىرى وبلىس جاۋاپكەرشىلىگىن ىرىقتىلىقپەن ارقالاپ، ٴتۇيىندى نىسانا ـ مىندەتتەردى ارقاۋ ەتىپ، ارتۋ ٴتۇيىنىن، سەرپىلىس ٴتۇيىنىن، تىرەك ٴتۇيىنىن، حاۋىپ ـ قاتەر ٴتۇيىنىن ٴدال تاۋىپ، سەنىمدى ونان ارى بەكەمدەپ، ۇزدىكسىز يدەيانى ازات ەتىپ، كوزقاراستا بۇرىلىس جاساپ، كۇتىپ وتىرماي، يەك سۇيەمەي، ەرلىكپەن العا ۇمتىلىپ، ٴبىرىنشى ماۋسىمدا ٴساتتى باستاما باستاۋدى قۇلشىنا جۇزەگە اسىرۋى كەرەك. ماركانى ونان ارى جارقىراتىپ، اناعۇرلىم كوپ سارا ساياحات نىساندارىن العا قويىپ، بۇكىل ەلدە، اۋەلى، بۇكىل دۇنيە جۇزىندە بىرەگەي ساياحات نىسانالى جەرىن تۇلعالاۋ قاجەت؛ ٴبيداي ەگىمشىلىگى، جۇگەرىنىڭ ساپالى تۇقىمىن جەتىلدىرۋ، بيولوگيالىق ٴدارى جاساۋ سياقتى جاقتاردا ۇزدىكسىز كۇش قوسىپ، ەرەكشە باسىمدىققا يە كاسىپ سالاسىنىڭ ولشەمدەنگەن، كولەمدەنگەن باياندى دامۋ جولىمەن ٴجۇرۋىن ىلگەرىلەتۋ كەرەك؛ دەنە تاربيەدە ٴىرى وبلىس باسىمدىعىن ساۋلەلەندىرىپ، فۋتبولدىڭ كاسىپ سالالانا دامۋىن قاداعالاپ، ىلە وبلىسىن الىس ـ جاقىنعا اتى ايگىلى فۋتبول دارىندىلار بەسىگى جانە بازاسى ەتىپ تۇلعالاۋعا قۇلشىنۋ كەرەك. كاسىپ سالاسى كولەمىن ونان ارى زورايتىپ، كۇشەيتىپ، ٴتۇيىندى كاسىپ سالاسى تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى ارقاۋ ەتىپ، كولەمنەن جوعارى كاسىپورىنداردى جەتىلدىرۋ سەرپىنىن كۇشەيتۋ كەرەك؛ ٴتۇيىندى نىسان قۇرىلىسىن جەدەلدەتىپ، فاكتور قامتاماسىزدىعىن كۇشەيتىپ، مىقتى يگەرىپ، جەدەل ىستەپ، ەرتەرەك ىسكە قوسىلىپ، ونىمدىلىك كورسەتۋىنە شىنايى كەپىلدىك ەتۋ كەرەك. ەسىك اشۋدى ونان ارى كەڭەيتىپ، ٴتۇرلى ەسىك اشۋ تۇعىرلارىنىڭ جالپىلىق ونىمدىلىگىن جەدەل ارتتىرىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، اناعۇرلىم كوپ كاسىپورىندى كەلىپ قارجى قوسۋعا، كاسىپ سالاسىن دامىتۋعا باۋراپ، شەكارا وتكەلىنىڭ ”وتكەل ەكونوميكاسىنان“ وڭدەۋ، ساۋدا سياقتى ”كاسىپ سالاسى ەكونوميكاسىنا“ قاراي تيپ جاڭالاۋىن ىلگەرىلەتۋ كەرەك. حاۋىپ ـ قاتەردەن ساقتانۋ قابىلەتىن ونان ارى جوعارىلاتىپ، قوعام ورنىقتىلىعىن شىنايى قورعاپ، فينانس، ٴوندىرىس حاۋىپسىزدىگى سياقتى ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانىپ جانە ونى جويىپ، تيانشاننىڭ سولتۇستىك بوكتەرىندەگى قالا شوعىرىنىڭ اتموسفەرا ورتاسىن وڭاۋدى ويداعىداي يگەرىپ، كورىكتى ەكولوگيالىق ورتانى ويداعىداي قورعاۋ كەرەك.
ياڭ شيۋلي باياندامانى قاراۋعا قاتىناستى.
